جربتو تقطعو علاقتكم ويه شخص وبدون سبب مهم؟
لطالما چانت من أكبر المشاكل الي اواجهه انو اني مو صريحة ويه نفسي او ويه الناس لذلك حتلو شفت سوء من احد مچنت اگله لان ببساطة چنت جبانة ،لذلك ما ادري شلون بس هالسنة كسرت شي بداخلي او قيد اني چنت خالته لنفسي وتجرأت و واخيرا صرت صريحه ويه نفسي وويه المقابل لذلك هاي السنة گطعت علاقتي ويه شخص چان قريب مني فقط لأن ما حسيت بالراحه لموضوع معين رغم ادري هيه شگد تعزني وتحبني وانيهم كذلك بس بسبب ذاك الموضوع حسيت راح يجي يوم ويصير بيناتنه شي سيء او راح نحس بعدم راحه لذلك فضلت اقطع علاقتي وياها بهدوء وباحترام حتى مستقبلا ما ينتهي الي بيناتنه بشكل اسوء، وحتلو ماصار شي وحتلو هيه ما الها ذنب بس بسبب هذا الموضوع چنت راح اظل احس بعدم راحة وياها حتلو استمرينه بدون مشاكل
لذلك هسه جاي افكر انو الموضوع بهواي چان ابسط من الي تخيلته واني رغم سويت شي طول عمري چنت خايفة اسوي بس هسه كلش مرتاحه بفضل ذلك ،لو ممسويه هيج چان ضليت هواي أفكر واحس بعدم راحه، ما انكر هالشي، مرات يراودني شك هل الشي الي سويته صحيح؟ هل چان المفروض ما اسوي هيج؟،.... بس السؤال الأهم انو هل اني مرتاحه؟.. فأي صراحه كلش مرتاحه وريحني الي سويته، واحس هسه اني عندي مرونه ويه نفسي اكثر، اگدر اكون صريحه أكثر ويه نفسي وويه غيري واتمنى هالشي يستمر واذا هم مستقبلا ردت اقطع علاقة ويه شخص لمجرد ما ارتاح، فأسوي هالشي وبأحترام وبهدوء وبدون ما أكبر الموضوع واشوفه شي چبير، ومو هوه اصلا هذا الشي الي لازم يصير ؟؟