u/lekwoq

صحيت الساعه ١١ ومن يوم ماصحيت لين الحين الساعه ٤ وانا ماتحركت من الجوال على ريديت شغلت البي سي عشان العب ومالعبت الا دقيقتين ورجعت على ريديت حتى الانستا الانستا مافتحته وانا مدمنته، فجأه الحين بعد ماصليت استوعبت لأي مرحله وصلت تقريبا ذي المره الثانيه احمل فيها ريديت زمان كنت دايم انزل وحرفيا اكمل ١١ ساعه على ريديت بدون توقف وحذفت حسابي لني صحيت على نفسي والحين مرت سنه ورجعت له وشكلي قاعده ارجع لنفس الدائره.

بحاول اترك الجوال والعب لين اختم براقماتا فجلسه وقتها منجد بحس بانجاز وشكلي بروح ارسم بعد.

قاعده اشوف ارقام فلكيه فالكارما، كيف ومن وين تجيبون كارما بالالاف؟

دايم لما اقطع البصل واجي اقشره اروح اضحي بالطبقه الاولى كامله لأنه مالي خلق اقشره

انا دايم لما العب لعبه او اتابع انمي اكثر شي يخليني اتحمس جدا لما ما يكون عندي خلفيه عن احداث اللعبه او مو محروق علي النهايه واحداثها تصير التجربه كاامله حرفيا زي قبل شوي لعبت براقماتا ومرررره ممتعه اللعبه سواء قيمبلاي او تطور القصه ومنجد ابغى اكملها فيوم او يومين عشان اشوف النهايه وفجأه جا اخوي وقالي النهايه بدون مقدمات وكرهت ابو اللعبه وصرت استثقل القيمبلاي اللي كنت اشوفه افضل شي والقصه معد تهمني والحين لي يوم سحبت عليها وافكر اسحب خلاص، ممكن في استثناءات زي RDR2 من قبل ما اشتريها وانا اعرف النهايه لكن كونها ضخمه جدا ماحسيت حتى بقهر اني عرفت النهايه لني غرقت في عالم هاللعبه وفي مليون الف حاجه غير النهايه وحتى لما جات النهايه دموعي اربع اربع وانا محروق علي.

باختصار لاتحرق عالناس ياخي مو فله.

انا ان شاءالله بخش مدرسة موهبه جبت ١٥٧٨ الصدق انقهرت ليتني جبت ١٦٠٠ وقتها اضمن مقعدي كل المسابقات بس درجتي الحمدلله تدخلني اي شي وتكلمت مع مشرفين يقولون اكيد لك مقعد في مدارس موهبه بهالدرجه، ودي اعرف اذا مدارس موهبه المدارس مو الفصول هل يعطون مراجعات؟ كيف نظام المنهج وهل يساعدون؟ وراي تحصيلي وقدرات اذاكرها ما ابغى انضغط اكثر باختبارات ومافي مراجعات ومسابقات بعد، مدرسه لها مكانتها اكيد لكن اللي يهم الدرجه النهائيه هي اللي بتشوفها الجامعات مابيشوفون قد ايش ذاكرت وتعبت من اختبارات وتحصيلي وقدرات وضغوطات فا اذا منجد المدرسه راح تضغط علي مع القدرات والتحصيلي اخش مدرسه عاديه واشارك في مسابقات موهبه افضل لي وبعدها اخش اهليه او اي شي.

اذا في شخص قد خش مدارس موهبه يفيدني بتجربته.

ياخي كل مره يجيني شغف وارسم وارسم فجأه احس تنسد نفسي واسحب على ام ام الرسم وانا امس قلت خلاص بصير بيكاسو واسحب ايام وحتى فوق اسبوع اسبوعين بدون ما المس القلم وفجأه بدون مقدمات يجي شغف لانهائي ولما ارسم يطلع رسمي تطور اكثر واحسن من اخر مره بكثير، وش التفسير وهل في احد قد صارت له ولا الوضع قدرات خارقه؟

اليوم لعبت pragmata على شاشتي والتجميعه جديده مالها خمسه شهور والشاشه 24inch 240hz FHD ومررره اسطوريه فكل شي بس لما شغلت براقماتا حسيت في شي غلط شوي ودي لو تكون الشاشه اكبر وجتني فكرة اني اشتري شاشة 27inch وغير كذا لي فتره كل شوي اتحلطم ابغى مونتر ثاني عشان اتابع وانا الفل في لعبه او اجمع او اشوف قيمبلاي يشرح لغز وانا العب بدل ما اشوفه من جوالي بس المشكله الشاشه الحاليه غالبا بتكون هي الجانبيه لما اشتري 27inch 2k وماراح اشتريها بهرتز عالي ميزانيتي محدوده يعني ممكن 120hz او اقل فا لما احطهم جنب بعض في اختلاف فالحجم مايتناسق صح اقدر اخلي ال ٢٤ بالطول وتنحل المشكله بس مشكلتي اني احبها احس ماتستاهل تكون شاشه جانبيه حقت يوتيوب واشياء مو مهمه وهي ٢٤٠ هرتز احس حرام لنها تااريخيه لالعاب الشوتر لكنن ودي العب بشاشه اكبرر لالعاب التختيم الكبيرههه

مدري وش اسوي واحس انه مره بدري اشتري شاشه جديده بس والله يقهر موضوع اني ابي اشوف مقطع فشاشه جانبيه وبعد موضوع حجم الشاشه، افيدوني