مر علي النص المرفق ومن بعدها للحين الموضوع ببالي، معقولة اللي فيني هذا كله ممكن هذا سببه؟
فيه بوست طويل كنت أفضفض فيه عن حالتي، الحمدلله ربي يسر لي التخصص وتخرجت بعد صعوبة + توظفت مؤخرا بوظيفة مجملا ممتازة ومميزة.
كله بتيسير ربي وتوفيقه
بس أنا كاره الوضع اللي أنا فيه مرة، مع اني قبل كنت أتمناه.
وش رأيكم؟ و وش تجاربكم؟
*بأشارك المصدر للي حاب، جزاه الله خير صاحبه
ما اعرف لو هذا انسب مكان اسأل فيه، من زمان عن نينتندو عموما مب متابع السوق.
من وين نحصل الألعاب رخيصة؟ ستور معين/مستعمل/الخ..
نصايحكم للاكسسوارات:
كنترولرز
حماية للجهاز
ما اعرف لو هذا انسب مكان اسأل فيه، من زمان عن نينتندو عموما مب متابع السوق.
من وين نحصل الألعاب رخيصة؟ ستور دولة معين/متجر ممتاز/مستعمل/الخ..
نصايحكم للاكسسوارات:
كنترولرز
حماية للجهاز
*أنا بالرياض
السلام عليكم،
وأعذروني مقدما لكن ان شاء الله يوصل الكلام
شغوف في التقنية + ممتاز دراسيا (مجتهد لست ذكي) + طموح (اكون راسخ علميا واحقق اثر). دخلت علوم الحاسب.
أول سنة 2020:
متصفق من المواد التخصصية وغير التخصصية.. ما طلعت لا بفهم ولا بدرجات.
ثاني سنة:
تدهور الحال دراسيا أكثر، اعتذرت عن ترم لأني انتكست نفسيا (بكاء من غير سبب + شلل ذهني + قلق جدا عالي، ما خلاني اقدر أذاكر/احل كلمة بالاختبارات)
اهلي ما قصروا معي بالدعم النفسي، بس البلاء مني وفيني. احتقر نفسي واحطها بضغط فوق اللازم.
ثالث سنة:
استمريت على نفس الحال السيء.
اجتهد جدا بالمذاكرة .. لكن درجات مقبولة، بالمشاريع ادخل مع ناس مجتهدة لكن اصير الأغبى ومساهماتي ما تذكر. ماشي ببركة الإنترنت ثم chatGPT.
ايضاً قدرت ادخل أندية، حاولت أتفاعل (مع انها مجتمعات ممتازة). ما خرجت بالفائدة الملموسة (لا علاقات ولا غيره) لأن ما عرفت أساهم فيها كثير.
متدهور نفسيا وجسديا (شعري انعدم، انتفخت)، عديم حياة واهتمامات اغلبها راحت
رابع وخامس سنة:
رغم الحال المتدهورة لكن لا زال عندي طموح واطلاع واتحرك وافعل، باخر سنة قررت اتخذ من الـAI مسار أتخصص فيه.
خليت مشروع تخرجي فيه، أخذت مواد اختيارية، دورات من كاوست ودخلت معسكر بأكاديمية طويق.
آخر ترم كان دوامي بالجامعة وبالأكاديمية، نفس الحال السيء وبآخره انتكست ذهنيا ونفسيا.
من برا؟ أنا ناجح مجتهد
داخل نفسي؟ اعرف نفسي اني فاشل، إنجاز بالورق بس فهم فعلي غير موجود.
ماشي بالبركة، إذا شغل فردي احاول لكن بالأخير الجأ للنت/ai
شغل جماعي اخبص واصير الأقل مساهمة، لأني عارف اني بأخرب عليهم
بين آخر ترم والتدريب حاولت اخذ شهرين نقاهة، وقتها أنا بالقوة اسوي شي (مع اني مفروض ادور تدريب)
التدريب التعاوني (نهاية 2025):
دخلت في شركة تقنية قوية تبع الصندوق، في قسم الAI. نفس القلق واحتقار الذات اللي خلاني ما اشتغل كفاية. كنت اشتغل بدون ai رغم ان الباقين يبرمجون بالai
بالتالي راحت علي فرصة التوظيف.
بداية 2026
(تدريب) برنامج تطوير الخريجين:
كان بشركة عالمية لكن بقسم pre sales، فريقي كان مهملني لكن لا زال علي مسؤولية اني ادور الشغل. بس ما قدرت.. راحت ٤ شهور معهم على الفاضي.
اول وظيفة:
في ستارت آب طبيعة شغلها بحثي وبقطاع مميز، بدور data scientist. أنا الوحيد بالشركة ماسك هالشغلة.
حاليا لي ثلاث شهور معهم، بالعافية اشتغل. فترة التجربة ست شهور وخايف من الطرد بالوضع اللي أنا فيه.
مع انها بيئة ممتازة، زملاء ومدير كويسين، مرنة بالحضور.
مع ذلك قلق ومتوتر مرة، المشكلة مني وفيني مهما زانت الظروف
نعم ربي علي كثيرة ويسر لي أمور ما أتوقعها.
بس مجملا من 2020 احس ضاعت سنين عمري، لا أنا اللي اجتهدت ونلت، ولا أنا اللي انبسطت وارتحت نفسيا.
وآخر شهور وصلت مرحلة يأس من كل شي وتعب من كل شي، ودي ارتاح واوقف. أستعيد أنفاسي وبنفس الوقت اعرف وش ابي.
كل هالمراحل احس اني نصبت وغشيت فيها، والوظيفة الحين بتفضحني.
آخر شهور وصلت حالة نفسية سيئة، الوحيدين اللي أتواصل معهم اهلي. مهمل نفسي جسديا ونفسيا لأني أكرهها وامقتها
واتوقع ان البعض بيشوفني مدلع.
وش مفروض اسوي؟ هل استسلم؟
وهل وباقعد تعبان ومهموم للابد؟