u/w_1428w

لو حد حول من جامعة و هو بيسحب الملف ادوه الملف علي طول ولا اتحققوا من شخصية ولي الامر اللي معاه ؟ عايز احول و في شبه بين عمي و ابويا و ابويا مسافر عايز اخد عمي و بطاقة ابويا و يعمل نفسه هو عشان مفيش حل غير كده

انا في القطر و عايز اتكلم مع حد بس يكون بيعرف يتكلم

عملت حركة غبية ، ابويا دخل لقيني بحلق دقني في الاوضة و حرفيا اول مرة اعمل حاجة زي كده و قعد يقولي انه لازم احلق في الحمام عشان الشعر ممكن يجي في الاكل لو اكلت في الاوضة و كلام بديهي فشخ و منظري كان حلتيتة رغم ان الكلام ده كله انا عارفه بس مش عارف انا تقريبا كل المواقف الغبية لازم تحصل في اجازة ابويا عشان ياخد عني فكرة خرا

انا واحد مسؤول عن مصروف البيت من و انا في تالتة اعدادي و انا اللي بقضي طالباتنا من الالف للياء عشان ابويا مسافر و انا كنت جاي من برة مش متعود على النظام هنا ف امي الله يباركلها علمتني ازاي افاصل و ميتضحكش عليا (من مكانها مكانتش بتنزل) المهم انا اتحولت من واحد متربي في الغربة لواحد بيعرف ياخد حقه و يتعامل مع ادنى فئات المجتمع و حتى لما انزل مع اصحابي يشتروا دايما انا اللي بتكلم و من غيري كانوا هيدفعوا اكتر و يبقوا مبسوطين ... الفكرة بقا اني بقيت بدور على الاوفر في اغلب الحاجات لو مش هيأثر على الجودة او الحاجة نفسها يعني ممكن اروح مشوار و اتعب نفسي عشان الطلبات فيها فرق عن اللي جمبنا و انا مش ملزم الفلوس كلها معايا كده كده و لما قعدت في سكن كنت باكل انا وواحد صاحبي ف لما كنت بعمل كده كنت بحسه بيتضايق او حاسس ان ملهاش لازمة و انا كنت بصرف اكتر منه و عمري ما خلصت فلوس و كنت مسلف السكن كله و اغلب اللي اعرفهم ...

السؤال بقا هل في الجواز كده اسمي بخيل او ممكن اللي معايا تضايق من حاجة زي كده و المفروض اني اعيش دور اللي مش فارق معاه ولا ايه الدنيا .

و اسف على الاطالة .