u/ABDOOUU99

هل انت كمصري شايف ان الثوره هي الحل لاصلاح البلد؟

كل واحد يقول وجهه نظره و رأيه في موضوع الثوره لاني شوفت ناس كتير اخر فتره كل شويه تقول الثوره هي الحل واسقاط النظام هو الحل لاصلاح حال البلد

مبدأيا مفيش ثوره بتكون مصاحب ليها نتيجه فوريه بمعني ان انا في دوله دلوقتي وعملت ثوره وشيلت الحاكم الظالم المستبد ده وجه مكانه حاكم تاني طب هل المعيشه هتتحسن؟ تعليم؟ صحه؟ كل الحاجات دي هتتحسن امتي

اكيد مش في يوم وليله الحاجات اللي زي دي بتحتاج اصلاحات تقعد سنين وعشرات السنين بالذات في دوله زي مصر هتقعد عشرات السنين فعلا ده غير ان الثوره بتخلي البلد هشه في حاله ضعف وعدم استقرار سياسي وامني حال البلد مُنفلت حرفيا مفيش نظام مفيش رقابه

واكيد كلنا شوفنا ناس كانت جعانه وبعد الثوره بقت اصحاب ملايين

البلد هتكون لعبه في ايد اللي رايح واللي جاي وكله بقا هنبقي زي سوريا كده

اسرائيل واخده حته وتركيا واخده حته وداعش واخده حته وكله عمال يقسم فيك ويحتحت فيك وانت موقفك سيئ اساسا لان انت ضعيف انت هتركز علي مين ولا مين؟ وضعك الداخلي الخربان والناس بتولع في بعض ولا وضعك الخارجي فا طبيعي مفيش دوله هتسمح بكده فا هتحاول تنظم ده و ده وبنسبه مش هقولك كبيرة .. هي هتفشل في كده والوضع هيزداد سوء

الموضوع ده حصل في ثوره الاخوان اسرائيل لما لقت ثوره والدنيا خربانه في مصر قامت محركه جيشها ناحيه الحدود وانتهكت معاهده السلام بشكل صريح جدا وتجاوزت المناطق المنزوعه السلاح فا الجيش ساعتها خد باله قام محرك كتايب وقوه كبيره من جميع الاسلحه لسيناء وحطهم علي الحدود وده يظهرلك ان كله بيكون شايفك ضعيف وعايز ياكل في فروتك وياخد منك اللي يقدر عليه

البلد هتكون عزبه وخرابه كله هيتدخل في شئونك سواء أمريكا هتفرض عليك اي ابن وسخه وكل ابن وسخه

طبعا مش هكلمك عن الخساير البشريه والارواح اللي هاتروح ممكن لقدر الله لقدر الله ممكن يكون حد من اهلك بعد الشر طبعا عليهم مش بفول علي حد بحاجه وحشه

بس فكر فيها اكيد هيحصل خساير بشريه اكيد الناس دي ليها اهل وهيزعلوا عليهم ما برضو الضنا غالي وفي حاجات كتير انا مقولتهاش عشان مطولش اكتر من كده

انت اشرحلي وجهه نظرك ولو انت شايف ان كل كلامي ده ملوش لازمه يلا بينا نروح قدام قصر الاتحاديه ونهتف ونقول ارحل يا سيسي

بورجوازي ذو شأن

Abu Simbel Temple

A picture of the sun shining directly on the face of King Ramses II in the Abu Simbel temple.

هل الثوره هي الحل؟

شكل علم مصر وتطوره علي مدار السنين

الوضع صعب

محتاجه كومنت كارما ياريت 🙏🏻

King Akhenaten, the leader of the religious revolution in ancient Egypt

هو عشان انا طخين ابقي مكروه؟

Statues of Egyptian army soldiers, the first regular army in history

A mummy head of a woman from ancient Egypt, covered in gold and dating back more than 2700 years.

اسكتي اسكتي ربنا سترك انتي مين عشان تفضحي نفسك 😞💗

اقل بنت ١٥ سنه في اسناب

المختصر المفيد

الميم السنوي وصل