u/Algstud

علاه الدولة تعنا تحب سياسة الترقيع

تحرقت بجاية و تيزيوزوا العام لي فاتوا ايا شراو طيارات زعما حلوم المشكلة

10 طيارات معندهم ما يفيدوا كي تندلع الحرائق في مناطق متفرقة. و الحل بذات نفسوا يعتمد على الحريق يعني لازم تنتشر النار باه تستعمل الطيارات

لازم تتوقف هذي السياسات الترقيعية

كان الاجدر تدير انظمة مراقبة وانذار كيما فالصين يستعملوا الدرونات تعتمد على نظام

Gps

باه يسقيو

حنا نقدروا نديروا درونات مهمتها تمشيط مساحة معينة و كي يكون حريق بدا يندلع تبعت انذار للحماية المدينة

الحل هذا ارخص و اكثر فعالية تقضي على المشكل قبل ان ينتشر

المؤسف نعرف اشخاص داروا مشروع هكا فالجامعة درون للتنبيه من الحرائق متلقاو الدعم ما والوا

Hi i am facing problem with my bot

https://www.reddit.com/user/MobileNewsBot

It stopped from posting since a month, when i did test i found out the problem was in the Api call

and it say it not registred app

sadly i dont have access to it i lost the password but i still have refresh token and client id and client secret

is there is way to reactivate it ?

Or i should make another account and register it ?

لاحظت لعوام لي فاتوا بزاف عرب و جزائريين و حتى ضباط فالجيش يشكيو من الذباب الالكتىونب و الدعاية الالكترونية

راني شافي كان حتى جنرال قال بالهاتف يقدر يهبطلك معنويات و عفسات هكا و حتى تبون مسنداك يشكي

و ف حرب غزة بزاف كانو يشكوا من الهازبارا و الوحدة 8200

و الذباب الالكتروني

و كان لي يشكيو من الامارات و المغرب و الحملات الالكترونية لي يديروها

راني نخمم ندير كورس مجاني و ادوات مجانية باه كامل يكونوا يعرفوا كيفاه تمشي الدعاية و الحرب الالكترونية

و يكونوا عندهم وسائل يديروا بروبغندا تاعهم ولا بروبغندا مضادة

زعما هادي رح تنقص شوية الشكاوي المتكررة

There is small problem with the bot, we will work to set it again

sorry for this

قامة مجموعة بعمل ارشيف لجرائم الاحتلال في قطاع غزة

الارشيف يحتوي على

64,537 مقطع فيديو

17,905 صورة

و امكانية التحميل

رابط التويت

https://x.com/xIsraelExposedx/status/2072719034475294966?s=20

تهدف المجموعة في المستقبل لجعله مفتوح المصدر

حايب نخدم وحد لبروجي راني نحوس ايلا كاين لي يديروا

3d impression

و شحال السومة و ايلا غاليين باه نشوف ايلا نشري

Impriment wla nkhdam m3ahom bark

كي تنشر خبر بلا متتاكد منبعد تشوف الخبر كان مغلوط

تنحي المنشور تاعك ولا تعاود تصحح و تنشر الخبر الحقيقي الصحيح و تعتدر ؟

معلاباليش الا هذا ترند بروباغاندا من الدولة ولا عيباد رام يديرهم منيتهم

شوية فعاليات و انشطة رديتوها "الجزائر تشفى"

باه نحطكم في الامر الواقع سوريا التي قصفت و دمرت بعد عام من الحرب الاهلية داروا الدفع الالكتروني

سوريا لي تدمرة لاكثر من عشر سنوات تبعتلنا بكباش نضحيو فيهم في عيد الاضحى و انت كجزائري تدير طابور و لوائح باه تشري كبش جاي من سوريا لي حتى لدكا مزلهم في حرب

السيارة ولات حلم المنزل لازم ندير عدل وتدعي و تستنا و تخاف يجوزوا بيك عوام و متديش

هجرة العقول و الادمغة بسبب عدم وجود العمل و الفرص و الدعم كي يكون واحد دار عفسة يجوزوه فلاتيلي منبعد يطفي و عليه الضو

درت مسابقة دكتورا جانفي لي فات جاو عباد مكامل ولايات ملقاوش خدمة طامعين الدكتورا تسلكهم

الافضل فيهم كان يخدم بيتزاريوا

حتى خدمة مافيها عيب بصح نحطلك اما الامر الواقع فالجزائر اليي راي تشفى

القتيلة و العصابات

اليوم برك مور صلاة العصر واحد سيا يسرق ساك تع طفلة بالموس مزية طاح معاهم خرجوا من الجامع حكموه هكاك و بدا يروش مزيا مقاس حتى واحد و جازت سلامات

المخدرات لي راي منتشرة حتى لحقنا لنوع جديد يسموه نفليكسي حيث ان شخص يتعاطى المخدرات يدير برا تشكة ينحي دم و يمدوا لصحبوا باه يزطل

الجامعات و المستوى الجامعي لي هابط لدرجة اننا مصنفين 1000+

الدينار لي راو ميسوا والوا قدام الاوروا

الانغلاق الدولي على العالم حيث مغربي او وتونسي عندوا في برامج تبادل الطلاب او العمل افضل من الجزائري

التهميش لاصحاب المشاريع حيث المؤسسات الناشئة و الدعم يكون حسب المحسوبية او سكون مقبول فقط في حالة المشروع لا يضر بمصالح بعض الاشخاص

الخضر و الفواكه لي اسعار تعها راي غير ترتفع

اذا هذوا كامل نسيتوهم ولا نحيتوهم و تقولي الجزائر تشفى على جال مهرجان داروه بصحتكم

ربي يكثر عليكم المهرجانات هذوا و يخرجنا من بلادكم هذي

السلام عليكم و مرحبا بيكم نشالله تكونوا بخير

النتائج تع الباك قربوا و دايمن مور النتائج كاين الناس لي كانوا عندهم خطة للجامعة و كاين لالا

انا كشخص متخرج من باب الزوار حبيت نشارك معاكم تخصص تاعي و وش قريت و وش فيه و تان وش تقدروا ديروا بيه تان نقدملكم شوية نصائح على الجامعة

التخصص لي خيرتوا كان

st

العام الاول تقراو جزع مشترك منبعد تتفرعوا الفروع لي كاين ف جامعة باب الزوار هما

electronic
تقراو فيها على الالكترونيك و الدوائر الدقيقة تخدموا بالتيارات المنخفضة
electrotechnique
تقراو على تحويل و نقل الطاقة الكهربائية

Gtr
هدا تخصص تع شعبة رياضيات و اعلام الي عموما يديروه لي ماجور لي مكلاسيين لولين

automatique
تقراو على الاتمتة كيفاه تبرمجوا الماشينات تع المصانع و تان كيفاه تتحكموا بالانظمة

genie civil
هندسة مدنية معمارية

genie mechanique
هندسة ميكانيكية

geni de procede
هندسة الطرائق تقراو على غالبا على تحضير المحاليل و التفاعلات الكيميائية

اي تخصص تخيروه راه تقراوه عامين كي تكملو
licence

التخصص يتفرع فالماستار

انا خيرت

automatique

فالماستار تتقسم تولي

API: Automate programmable industrial

التخصص يركز على الجانب التطبيقي في المصانع و كيفاه تتبرمج المتحكمات في الالات

Automatique Est System

هدا يركز اكثر على الجانب الرياضي يعني تخصص تع بحث تقراو فيه كيفاه تجيبوا النمودج الرياضي و الدالة التي تصف حال نظام معين منبعد تدرسوا كيفاه تتحكموا بالنظام

مثال دالة تشرح حركة طائرة بدون طيار او صاروخ منبعد تدرسو خوارزميات التحكم

كملنا مع شرح بسيط للتخصص دكا نمدلكم شوية نصائح و معلومات

- الفرنسية مشي مهمة كاين يشرحوا بالدارجة عادي و فيه تحويل للغة الانجليزية يعني مرحش تكون عندك عقبة اللغة

- الدراسة و المواد سهلة تدرس تدي نقطة كاين برك بعض مواد يكونوا فيهم اساتدة يصعبوا و يزيروا اتجنبوا تحطوا مجهود كبير ف هده المواد

- التخصصات في هده الشعبة عبارت عن رياضيات تطبيقية تسمى تكثر تمارين تسهالك

- الحضور فالجامعة عموما مشي الزامي ما عدا الحصص التطبيقية و حصص المخابر
- المعدل يهم فالسنة الاولى لان بعد التخصصات محدودة المقاعد

- الكتب مراحش تساعد بزاف ايلا عندك ضيق مالي اخطيك من الكتب
-كاين فيديوهات و كتب الكترونية تساعدك
-العلاقات و الصحبة لي ميقراوش اخطيك منهم هما لي يضيعوك .دير صحاب يقراو كاين مكتب اقراو كيكيف
- النوادي العلمية
كاين بزاف اخلوا فيهم تتعلموا بزاف خاصة

celec w micro club

- les stage/ intership
اغتنموا الصيف حوسوا عليهم يسهلولكم باه تلقاو خدمة كي تكملوا

- مشاريع التخرج مهمة سيوا اخدموا حاجة شابة و اخدموها منيح باه تزيدوها فال
cv

- اخر نصيحة القراية تع الجامعة وحدها متكفيش سيوا ديروا وقت اتعلموا زيادا طبقوا ولا ديروا كل متتعلم وحدك كلما تزيد لروحك تقرا غير فالجامعة تتخرج راسك فارغ

ايلا كانت عندكم اسئلت اكتبوا فالتعليقات

For those who work on tech jobs like programmers or developers what framework u working with