في شخص ghosted me قبل سنتين
لاحظوا سنتين والموضوع مازال شاغل بالي والان بلحظة احس انه مابتفرق معايا لو تجاوب او لا
وضفته قريب ليتربوكسد وسوا لي فولو باك واعتقد انه يعرف انه انا وسوا لايك لرفيو لفلم كتبت الرفيو عنه ويدري انه عنه
ايش رايكم
للرجال، كم تشوفون المصروف المعقول للزوجه اذا كانت مب موظفه؟
ما يحتاج تذكرون رواتبكم، وادري ان السالفه تختلف من شخص لشخص وعلى حسب المقدره، بس ودي اشوف وش منظوركم للموضوع بشكل عام
هل تفضل تعطيها مبلغ معين كل شهر يكون مصروفها؟ واذا ايه كم تشوف المعقول؟
ولا تفضل تعطيها البطاقه وتصرف منها على حاجتها بدون مبلغ محدد؟
قبل يومين نزلت بوست اني امر بضايقه ماديه، وكان الموضوع شايل همي ومضايقني مره
اليوم صليت الضحى ودعيت ربي ييسر لي هالامر ويفرجها علي، وعقبها بساعة فتحت حسابي عشان بدفع شي ضروري، والقى فيه مبلغ زايد مادري من وين جا
والله بدون مبالغه، قبل كم يوم فاتحه نفس الحساب وكان فيه مبلغ اقل، وما جتني اي رسالة تحويل ولا شي. حتى اخر رسالة سحب من البنك كان مكتوب فيها الرصيد المتبقي، وكان هو نفس المبلغ اللي اعرفه قبل تجيني هالزياده
قعدت اطالع بالحساب وانا مب مستوعبه من وين جا المبلغ 😭
من اغرب الاشياء اللي صارت لي بحياتي، خصوصًا اني قبلها بوقت قصير كنت اصلي وادعي ربي يفرجها علي
الحمدلله حمدًا كثيرًا، للحين مب مستوعبه اللي صار
صدق اذا تمرنت فل داي ثلاث مرات بالاسبوع وخليتها ورا بعض ماراح اشوف نتايج؟ لازم اوف بينهم؟
قمت من النوم اليوم وانا يجيني شعور اني بعيده عن ربي، ومدري ليه بس حسيت اني فعلًا محتاجه اتقرب له اكثر
من قد مر عليه شعور زي كذا؟ وش الاشياء اللي سويتوها وفرقت معكم فعلًا؟
ودي بشي اقدوم عليه ويصير لي عاده، مب حماس فتره واسويه كم يوم وعقب اتركه وارجع مثل قبل
انا لي كذا تجربه بهالصب، وبالبدايه كنت فاهمه سالفته غلط واحسب البلا بالناس
بس عقب كم تجربه قمت افكر وش فرقه عن الزواج التقليدي؟ واللي داخلين هنا وش يبون بالضبط دام السالفه بالنهايه بتمشي نفس ممشى التقليدي؟
اغلب اللي صار لي اننا نقعد نسأل بعض عن الاساسيات كأننا بأنترفيو وش تبي وش ما تبي وش شروطك وش حدودك الخ
بس ما فيه اخذ وعطا يخلينا نعرف طبع بعض صدق طيب هالامور اغلبها اقدر اعرفها من اهله وهو يعرفها من اهلي من اول دقه، واللي ما ينقال من اول اتصال ينقال بالشوفه الشرعيه وخلاص
واذا قلت خلونا ناخذ لنا مده قبل ندخل الاهل بالسالفه، على طول ينفهم اني ابي dating stage ونقعد بالشهور نسولف وانا مب هذا اللي ابيه من الاساس انا اقول شهر متواصل بالكثير، ناخذ ونعطي شوي نعرف طباع بعض نسولف مكالمه ولا ثنتين لان الكتابه لحالها والله ما تبين لك منهو اللي قدامك ولا وش طبعه وانا حالي حالكم، ما ابي علاقه ولا ابي سالفه مطوله مالها تالي واصلًا جايه هنا لاني ما ابي التقليدي بس بعد وش هالعجله؟ وش اللي طلعنا به اذا سألنا بعض كم سؤال وبعدها يالله ندخل الاهل، وحنا للحين ما نعرف عن بعض الا سوالف كان يمديني ادق على امه واعرفها منها… والاطرف اني يوم قلت خلاص خليني امشي على ممشاهم واذا الامور الاساسيه زينه نوصل للشوفه، قام يطلع التردد والانسحاب من الطرف الثاني 😂
فمدري والله وش يبون بالضبط لا هم اللي يبون ياخذون ويعطون شوي قبل ولا يوم تقول يالله نمشيها رسمي ينحاشون
اللي له تجربه بهالصب يفهمني، وش المفروض فرق هالطريقه عن التقليدي اجل؟
okay i need outside opinions bc this situation is lowkey insane
let’s call them Khalid and Sarah.
Khalid is muslim and VERY religious/conservative, like basically mutawa level. he refuses to accept Sarah not wearing niqab, doesn’t want her working in a mixed workplace, and hates her going out. they’ve literally broken up over this stuff before bc he won’t compromise on it.
but at the same time… he’s totally fine doing sexual stuff w her, asking for nudes, sending his own, etc. like somehow that part of the religion goes out the window 😭
and every time they break up, he comes back absolutely devastated. Sarah genuinely feels like he loves her w his whole heart despite all of this, which makes the situation even more confusing.
so wtf is Sarah dealing w here 😭
is this cognitive dissonance? hypocrisy? compartmentalization? bc how can u be THAT strict abt what she wears, where she works and where she goes, but suddenly have a completely different rulebook when it comes to stuff u personally want?
and can someone genuinely love u that much while still having this kind of double standard?
عندي تساؤل
لو شفت شي بشخص قريب لك وحسيت انك مب مرتاح له او فيه شي ما طمّنك بس صديقك/صديقتك جاي يسولف لك عنه وهو مستانس وفرحان، بتقول له اللي بخاطرك وتنبهه؟ ولا تقول مالي دخل وما ابي اخرب عليه فرحته؟
دايم اطيح بمواقف زي كذا واحتار، خصوصا اني انا شخصيا مرات يجيني ناس ينصحوني بشي وانا ما طلبت رايهم ولا نصيحتهم، ويضايقني الموضوع واحسه تدخل حتى لو نيتهم زينه
فصرت اتساءل النصيحه المفروض تنقال اذا شفت شي يستاهل حتى لو محد طلبها، ولا الاصل ان الواحد ما ينصح الا اذا انسأل؟
محتاره اروح النادي قبل الدوام ولا بعده
قاعده افكر اروح النادي الساعه ٦ الصباح قبل الدوام، احس ميزته ان النادي بيكون فاضي واقدر اخلص تمريني بسرعه وابدأ يومي وانا مخلصه منه، وبعد الدوام يصير باقي اليوم كله لي
بس اللي مخوفني كيف بقدر ارتب كل شي بالصباح يعني متى افطر ومتى اشرب قهوه وهل اكل شي قبل النادي او اروح على طول، وبعد التمرين كيف اخذ بروتيني والحق اتروش واتجهز للدوام بدون ما يكون صباحي كله ركض
الخيار الثاني اروح بعد الدوام تقريبا ٤ ونص، وميزته اني بكون فاضيه وما وراي شي ومستعده للتمرين اكثر، بس اخاف مع الوقت ارجع من الدوام تعبانه واسحب على النادي
فاللي يروحون النادي قبل الدوام من تجربتكم كيف ترتبون اموركم؟ متى تصحون وش تاكلون قبل وبعد النادي وكيف تلحقون تتجهزون للدوام؟ وهل حسيتوا ان نظام الصباح فعلا اسهل للاستمرار ولا بعد الدوام افضل؟
انا توني جديدة على سوق العمل وتو متخرجة وبيصير ينزل لي راتب قرابة ٨ الاف بالشهر
طول فترة الجامعة اللي كان يجيني مكافاه ومصروف ١٠٠٠ يعني حول الالفين بالشهر فما قد تعودت يكون بيدي مبلغ زي ٨ الاف بشكل شهري وصراحة القفزة شوي مخوفتني
مابي اتحمس بالبداية واصرف على اساس ان معي فلوس وبعد نص الشهر القى نفسي مزنوقة وبنفس الوقت مابي راتبي كله يروح مصاريف بدون ما اجمع او استثمر منه
خصوصا اني شايلة مصاريفي كلها بنفسي بنزين نت اكل ملابس طلعات واي احتياجات ثانية
فاللي مر بنفس المرحلة كيف بديتو تديرون راتبكم وكم تحطون للادخار والاستثمار وكم تخلون للصرف
وبرضو هل تنصحون ابدا استثمار من اول راتب ولا اول كم شهر اجمع مبلغ للطوارئ وافهم معدل صرفي بعدها ابدا استثمر
ابي اقدر استمتع براتبي واشتري اللي ابيه بدون ما انزنق بنص الشهر وبنفس الوقت مابي تمر كم سنة واكتشف اني ما استفدت من راتبي بشي
للعلم انا عايشه بالرياض واطلع مع اهلي وصاحباتي بشكل اسبوعي ف ممكن هذي تنحط بالحسبان ايضا
انا مدمنة على الرجال…
اعرف الكلام ممكن يطلعني بمنظر سيئ، بس صراحة مو فارق معايا لاني انا بنفسي عارفة قد ايش الموضوع عندي مو طبيعي، وهذا اصلا سبب اني قاعدة اكتب هنا.
انا اقدر اكون وفية لشخص واحد وما يكون عندي عين لغيره، بس بمجرد ما تنتهي العلاقة احس لازم ادور على شخص ثاني، كاني ما اقدر اقعد بدون وجود رجل بحياتي.
ممكن الموضوع له اسباب من زمان، زي غياب الاب واهمال الام، بس اللي مستغربته ان الموضوع ما وصل معايا للمرحلة دي الا اخر سنة، وما اعرف ايش اللي تغير فيني بالضبط.
انا طول عمري كنت انسانة عقلانية بشكل مو طبيعي، وفجاة صرت عاطفية مرا. صرت ابغى اي رجل بحياتي يحسسني بالامان والاهتمام، واحس الموضوع خرج من مجرد “ابغى علاقة” ووصل معايا لمرحلة كانه ادمان وتعلق بفكرة وجود رجل بحياتي.
وماني عارفة كيف اوقف الشي دا ولا من فين ابدا اصلا.
فبليز الله يرضى عليكم، اللي عنده نصيحة فعلية او مر بشي مشابه يفيدني، لاني فعلا ابغى افهم نفسي واخرج من الدوامة دي.
واي رجل بيجيني خاص عشان يستغل الكلام اللي كتبته، البلوك جاهز من دحين