ما ادري ليش بس صار الي فترة ما الي خلگ افتح ريديت
و همين اشو هذا الصب بفترة قبل الأمتحانات جان حلو و بيه ناس هواي و كل شوية بوست جديد و هسة احسه مات
گوة يصير اكو اعضاء جديدين و احس اكو شوية "شوية" بدة يصير بيه ناس توكسك
فا نطالب بقانون Low effort لين هسة يلا عرفت قيمته
انوب هسة محتار اشو لا هية هرمونات و لا هية من شي ثاني
او ما ادري يمكن شي ثاني
ممكن من علاقتي وي عائلتي و يحزني انو مهما حاولت اصلحها ما تصلح
ما ادري الصراحة بس اكو شعور مزعج جدا
"السعادة؟"
"شنو السعادة؟"
"أنت محكوم عليك بالحزن"
"When you are the good person... only to be shocked to find out you are hated."
اشو رحت اتمشيت حرفيا كلهم متفقين يوزعون القيمة بالليل ʘ‿ʘ
(الحمدالله اليوم حصلنا قيمة من بيت صديقة اختي)
طبعا اليوم راح نحجي عن تبرير التحرش و شلون هذا الشي دمر اخلاق المجتمع العراقي و حتى العالم تقريبا
الناس الي گمنا نشوفهم اخر كم سنة من تبرير التحرش للنساء او حتى الاطفال
و يستخدمون حجج الشرف و الحجاب لتبرير هذا الشي و و يدمجون العادات و التقاليد مع الاحكام الدينية علمود ينتجون سيطرة قوية على عقول المجتمع و خاصة الجيل الجديد
اولا يا عزيزي الي يؤمن بهاي الشغلات و خاصة تبرير التحرش لين ما لابسة حجاب
راح اجي الك من الدين لين هوة الشي الي على اساس انتة تقتنع بي
الاسلام و القرآن ما خلى فقط المرأة تلبس حجاب بل ايضا الرجل يغض بصره
اي هاي الآلية آلية ثنائية الحماية و سببها هو حماية النفس
يعني اذا جان اكو رجال ما يغض بصره او ما مهذب غريزته اكو المرأة المحجبة الي راح ينفر منها لين يريد ضحية سهلة
و اذا جان اكو امرأة متبرجة انتة الي عليك و اذا جنت تعرف بالدين انو تغض بصرك علمود تحمي نفسك
يعني بالمختصر عسى ما البنية تجيك مثل ما خلقها ربي همين تغض بصرك
مو تبرر علمود تتحرش بيها
لين بكل بساطة المجرم هو من يتحاسب سواء كان رجل او امرأة (غالبا الرجل في حالة المجتمع العراقي)
مو تلوم الضحية الي لا يمك ولا عليك و انتة ما الك دخل بالمعتقد الشخصي مالتها
و انطيك بالثگيلة؟
اذا طلعت البنية مسيحية فا هنا شنو الحجة مالتك عزيزي؟
ثانيا راح نحجي عن الشرف
اولا كما قال الشاعر العراقي محمد مهدي الجواهري الله يرحمه:
(أَتَرَى الْعَفَافَ مَقَاسَ أَقْمِشَةٍ؟ ... ظَلَمْتَ إِذَاً عَفَافَا، هُوَ فِي الضَّمَائِرِ لَا تُخَاطُ ... وَلَا تُقَصُّ، وَلَا تُكَافَى، مَنْ لَمْ يَخَفْ عُقْبَى الضَّمِيرِ ... فَمِنْ سِوَاهُ لَنْ يَخَافَا)
يعني بالمختصر العفاف و الشرف يقاس بالأخلاق و الافعال الحسنة و الكرم ايضا
يعني ما الشرف ما يقاس بمقاس قماش ولا بجگارة
و على طاري الجگارة
اذا جانت الجگارة من وجهة نظرك تبيح لك الطعن بشرف المرأة
اذن اين شرفك كرجل و انتة مخلص باكيتين جگاير و على شرط AC نعناع ʘ‿ʘ
ملاحظة: اني مسلم
طبعا ورة ما تعمقت بالدين و شفت من الاثنين من السنة و الشيعة
اكتشفت انو همة يسوون نفس الغلط الي يتعاركون عليه ʘ‿ʘ
شلون؟ اني اگلك
السني راح يغلط و يكفر الشيعي لين هوة على حسب كلامه يسب الصحابة و يطعن بعرض الرسول
و بعدين يجي نفسه نفسه هذا السني و يگول انو ابو و ام النبي محمد و ابو طالب عم الرسول و ابو الامام علي كلهم كافرين بالله و راح يطبون للنار (الي يعتبرون ايضا من عرض الرسول)
فا يجي الشيعي و يكفر السني على هذا الاعتقاد و تنعاد نفس السالفة
اثنيناتهم يطعنون بعرض الرسول
و لسخرية القدر اثنيناتهم همين مخالفين للدين
المرجعية الي يتبتعها الشيعي تگول اله ممنوع سب الصحابة و امهات المؤمنين
و السني الي راح يروح للقرآن (او لصحيح البخاري بس غالبا للقرآن)
و القرآن يگول اله: ((وَمَا كُنَّا مُعَذِّبِينَ حَتَّىٰ نَبْعَثَ رَسُولًا)) (الإسراء/آية 15)
و من ورة هذا الشي گمت افسر القرآن وحدي بواسطة معاجم و على حسب فهمي
I'm solving my family issues
AND IT'S GREAT!