u/Bubbles1832

هاي هطول عليكم شويه
من ٣ شهور اتقدملي عريس صالونات
عجب اهلي جدا جدا جدا
هو مش اول واحد يتقدم لكنه اول واحد يعجب اهلي
الولد مثالي
طبيب ازهري
بيشتغل في تدريس القران
وعلى خلق كريمه جدا
بس انا مش مقتنعه بالارتباط ده بنسبه ١٠٠٪؜
واهلي شايفين انه من الظلم اني ماديلوش فرصه للخطوبه
طيب انا ليه مش مقتنعه
انا بفكر بمنطق وواقع شويه
١- الولد صغير هو ٢٣ سنه
٢- لسه مشواره طويل جدا قدامه سنتين امتياز و زيهم تكليف و ٣ جيش
طيب ايه المشكله ؟ المشكله ان كل دي حاجات هتكون في القاهره بحكم جامعته
واحنا من قريه بعيده عن القاهره
فانا كده هعيش فيها لوحدي وهو يجي يومين تلاته كل اسبوع مثلا
الوضع ده هيستمر ٧ سنين تقريبا وده كتير جدا عليا لان انا رافضه تماما حاجتين
اول حاجه اني اعيش في قريه
تاني حاجه اني اكون في بلد وزوجي في بلد تانيه

الولد مثالي لكن ظروفه وحياته لسه مش مستقره خالص وانا حاسه اني مش مستعده ادخل التجربه دي لاني مش عارفه هستحمل ولا لا

انا مرفهه جدا في بيت اهلي
صحيح احنا من نفس القريه لكن في خلال ٦ شهور هننقل مدينه
وكمان احنا في القريه معانا عربيه فمابتنقلش مواصلات خالص
فمش حاسه اني هعرف استحمل ان الحاجات دي تتسحب مني
خصوصا ان انا طول عمري كنت بكره الارياف والحياه فيها وماعشتش فيها غير كام سنه
وماعرفتش اتاقلم خالص

انا مش حابه فكرة اني ادخل خطوبه اجرب فيها ان يمكن اه ويمكن لا
لان ده هيهدر جزء من مشاعري في حالة لو الخطوبه ماكملتش وبرأيي ان ده اللي غالبا هيحصل
وانا بجد طول عمري كنت بحافظ على كل فتفوته في مشاعري ومش عايزه اهدر اي جزء لاني عايزه اديها كلها لزوجي فقط

محتاجه اسمع اراء كتير وارجوكم ماحدش يقول اني ماديه او اني سطحيه
بتمنى حد يفهمني بجد انا مش مشكلتي فلوس انا مشكلتي مكان الحياه وطبيعه الحياه اللي هنعيشها لفتره مش قليله لان ٧ سنين جوزي بعيد عني بالايام هيكون معايا طفل اكيد فهي فتره طويله وصعبه

حد يفكر معايا بصوت عالي ويقولي ايه الصح ارفض تماما وماديش اي فرصه ولا اخد الريسك وادخل الخطوبه دي

( اسنان )

( اسنان )

( اسنان )

بكره نازله جيم اول مره في حياتي
ماعنديش حاجه عايزه اشتغل عليها ولا سبب اني نازله جيم غير وجع الضهر
ضهري بيوجعني جدا وبدأ يكون ماتب شويه
ف ايه النصايح والتمارين اللي اعملها