u/DangerousRip5777

Isang malaking karangalan para sa Lalawigan ng Cavite ang pagkilala sa Cavite National Science High School (CNSHS) bilang Top 2 Best High School in the Philippines, ayon sa community ranking ng TheTopTens.com. Sa naturang listahan, nanguna ang The Sisters of Mary School, habang pumangalawa ang Cavite National Science High School, kasunod ang Philippine Science High School.

Sa kasalukuyan, ang dating Cavite National Science High School ay kilala na bilang Cavite Science Integrated School. Bagama't nagbago na ang pangalan nito, nananatili ang mataas na pamantayan ng edukasyon at ang mahusay na reputasyon ng paaralan sa paglikha ng mga mag-aaral na nagtatagumpay sa iba't ibang pambansa at pandaigdigang kompetisyon.

Ang pagkilalang ito ay hindi lamang tagumpay ng Cavite National Science High School kundi ng buong lalawigan ng Cavite, na patuloy na nagpapakita ng kahusayan sa larangan ng edukasyon.

Ibinahagi ni DILG Secretary Jonvic Remulla ang malaking pagbabagong naganap sa Cavite at sa lungsod ng General Trias sa kanyang pagdalo sa State of the City Address noong Hunyo 26.

Ayon kay Remulla, noon ay kinatatakutan ng marami ang Cavite dahil sa imahe nito na iniuugnay sa kaguluhan at kriminalidad.

“Dati-dati takot na takot ang mga tao pumunta dito sa Cavite. Dati-dati pag may manliligaw na taga-Cavite, ayaw na ayaw ng nililigawan. Dati-dati ang General Trias ay pugad ng mga loko, ang daming mga loko dito,” ani Remulla.

Gayunman, sinabi ng kalihim na malaki na ang ipinagbago ng lalawigan at ng General Trias dahil sa bagong liderato at patuloy na pag-unlad sa mga nakalipas na taon.

“Pero sa pagdating ng bagong liderato, pagdating ng bagong siglo, ang daming nagbago. Kung dati puro gulo, ngayong kapayapaan. Kung dati puro kahirapan, ngayong kaunlaran,” dagdag niya.

Ang pahayag ni Remulla ay bahagi ng kanyang mensahe sa isinagawang State of the City Address sa General Trias noong Hunyo 26.

Photo source: Jon-Jon Ferrer