u/Familiar-Horror-8235

جلست بطاولة فيها يمكن 7/8 اشخاص

سالوني اساله وبعدين قالوا لي سوال

"انت ليش ماتعرف شي عن وظيفة اخوانك وماتعرف شي عن وظيفة ولد عمك هم يعرفونهم لانهم معهم يشتغلون

فقلت لهم ببساطة عندنا لو عرفت خصوصيات احد مثل هذي المعلومات اي مصيبة تحصل يحطونها فيك وهذا حسود وحاسد ويحقدون عليك عشان كذا انا اجهل معلومات خاصة ولا اعرف اي شي عن وظيفة احد هذا اخر شي يهمني مريح راسي بعيد عن المشاكل تحصل مصيبة انا اخر واحد يفكرون فيه

هذا الشخص كل مايجي عندي يتكلم عن بنت يكلمها بالجوال بالحرام طفشني كل سوالفه عنها صرت لما يجيني اقول لاحد اخواني يطلع عشان يصرفه المهم غسلت يدي قطعت علاقتي معه الحين اللي يكلمون بنات كذا كل سوالفهم عند الرجال عن البنت اللي يكلمونها؟ مستعد اصاحب كل البشرية الا شخض يكلم بنت عشان علاقات محرمة ماتتخيلون شكثر عندي حساسية واتنجس من هذي النوعية من البشر يعني انت لو شفت اختك تكلم ولد سويت فيها جريمة وتروح تكلم بنات الناس ومسوي فيها علاقات وحب كيف كذا؟ على اخواته حرام بس عليه الدين ماينطبق وشهذي العقلية ابي اعرف!

انا شخص اجدادي مو عرب اكيد قد سمعتوا بالصليبيين او الصلب انتم السعوديين عندكم مفهوم غلط لكلمة صلب او صلبي المقصود فيها عندكم شخص ماعنده قبيلة ولكن بالحقيقة كلمة صلبي ماخذينها من الصليبيين ويعني اصولهم اوروبية غير عربية اللي يستخدمها كسبة واهانة عنصري متخلف يسيء لسعوديين لان كثير منهم الان سعوديين مثلي مثلك اللي على حدود السعودية واللي على حدود الكويت حنا بس سعوديين وكويتيين مارح تحصل واحد مننا خارج السعودية والكويت هذي حطها ببالك كلنا سعوديين وكويتيين فقط

بطفولتي مااكذب عليكم كنت اواجه عنصرية قبل 15 عام كذا لما كنت صغير ولكن الان عمري 24 واعي وفاهم ولا مره واجهت عنصرية بحياتي كلها بس مرة واحدة وابي اقولكم اللي حصل في شخص جديد لما عرف اني صليبي اجدادي غير عرب بس يناديني صلبي وصلبي كتقليل مني يستخدمها كسب وشتم المهم كلمت اخوي العسكري ورفع عليه قضية والان مسجون 5 سنوات العنصري الان بيكمل سنتين بالسجن وباقي 3 سنوات لما انسجن قبيلة الشخص جاءت عند بيتنا عشان نعفي عنه ولكن سحبنا عليهم جايبين لك شيخ قبيلة يحسسونك عنده منصب بالدولة وراح نعفي عنده عشان شيخ قبيلة اكثر شي يضحكني اللي يهتمون لشيخ القبيلة ويعطونه اهمية طبعا سحبنا عليهم وتركناهم واقفين عند باب بيتنا يصيحون الله يعز محمد بن سلمان في عهده اختفت العنصرية القبلية في عهده لو شخص يسيء لسعودي مهما كان راح يتعاقب وتاخذ حقك

الله يعز ال سعود ويحفظهم ويديمهم

اهلي اصحابي كلهم قالوا بوجهي انت ماعندك مشاعر ماتحس لاضمير ولااحساس برودك ابرد من الثلج

لما شخص يسبني مستحيل ارد عليه بحرف ولا كاني سمعته لما اكون بمجلس رجال وشخص يتكلم عني بسوء قدام الرجال ماارد عليه بالعكس ابتسم ولا كاني سمعته انا مستحيل احد يضغطني بالكلام بارد برود موطبيعية حالتي عندي لامبالاة وصلت مرحلة مبالاة مختلفة حتى اهلي مرات يتكلمون قدامي بااشياء المفروض مااسمعها بس هم يعرفون اللي يدخل من اذني اليمنى يخرج بنفس الوقت من اذني اليسرى انسى كلشي يقولونه واساسا حتى مااسمع وش كلامهم مع اني جالس بينهم بس كذا مااهتم مع اني جالس بينهم واسمع كلشي بس مااعرف وشقالوا لاني فعلا كلشي عندي لامبالاة هذا طبيعي ولا كيف؟

انا تخرجت من ITC اعتبر موظف جديد في وعد الشمال بالادارة طبعا انا اصغر واحد فيهم عمري صغير والسوبرفايزر رئيس الادارة حقتنا من جدة مهتم فيني كثير بشكل ماتتخيلون لما رحت اطلع رخصة يكلمني كثير يقولي وشصار معك؟ وشسويت؟ المهم يهتم لاخباري كثير ويسولف معي حتى لما تحصل مناسبات بين الشركات مثل شركة الطاقة وارامكو ياخذني معه للمناسبة لما اروح للمناسبات ارجع لمقر شركتي معي 50 هدية واكلت كلشي اكل وحلى وفطاير كلشي موجود مااطلع الا ويخليني اكل واشبع حتى لو كنت شبعان اكل غصب مافيه خيار ثاني وبعد الاكل يقولي روح تمشى لحالك بالمناسبات تشوف العالم ويمكن تعرف اشخاص سلم عليهم كذا حالتي بكل مناسبة وحتى لما كنت افكر اشتري سيارة عشان وظيفتي اروح واجي براحتي قالي لاتشتري وتتعب نفسك انا بعطيك سيارة من الشركة تروح وتجي فيها ومذي السيارة عليها شعار ارامكو يعني تابعة لاارامكو وكل تكاليفها على ارامكو الرجال مدلعني كثير وانا شخص محافظ ومتحفظ ومجتهد بالدوام يعني 100على100

تعرفون ليش انا مستغرب؟ لان بكل بساطة انا شخص بارد جدا يعني عادي تشوفني ساكت كل اليوم مااقول الا كلمة كلمتين مااتكلم كثير حتى لما شخص يسيء لي ويتكلم علي بسوء مستحيل ارد عليه كااني ماسمعته وحتى بالمجالس انصت واقول كلمة كلمتين ولو شخص اساء لي بالمجلس اضحك معه مااهتم للي قالي ابدا كاااني ماسمعته انا فيني برود مستحيل تتخيلون مرحلتي عندي لامبالاة وصلت مرحلة جديدة من اللامبالاة حتى اهلي واصحابي وزملاء العمب قالوا لي انت شفيك كذا مشاعرك؟ لااحساس ولاضمير بارد ابرد من الثلج لما شهص يسيء لي كاني ماسمعته مو خوف منه بس هذي شخصيتي انا مااسب ابدا ولا العن او اقذف يعني مريح راسي مستحيل تضغطني بالكلام بتشوفني اطالع عيونك واتفرج عليك وانت تسولف ولما تخلص سوالف ماكاني سمعت شي اتجاهل

انا مااعرف وش كاتب صراحة
بس مستغرب من الدلع اللي حاسس فيه

خريجة الثانوية يكون عمرها 17/18 يعني باب بيتها ماطلعت منه ماعاشت مراهقتها ولاشبابها اوحياتها يعني باقي ماتعلمت شي سهل التاثير عليها وهذا شي راح يستغلونه ناقصات العقل النساء اللي يحطون عينهم على خريجات الثانوي عشان يخطبونهم لعجوزهم اللي عمره 30 و40 راح يقولون للبنت بنخليك تدرسين جامعة ونشتري لك سيارة وتتوظفين وطبعا هذي البنت ماتعرف شي راح تقول اوه هذا الشخص رجال وجنتل بيعطيني حقوقي وحقي ادرس واسوق واتوظف؟ هذي امور بديهية طبيعية لكل انسان يسويها بحياته يعني ليش يذكرون كذا اشياء لخريجة ثانوية؟ لانها بكل اختصار ماتعرف شي راح يجيبون راسها بسهوله عشان تقبل بهذا العجوز ولكن اسالوا انفسكم ليش يتهربون من النساء اللي بعمر ولدهم تكون واعية فاهمه تعرف ان هذي اشياء مالهم علاقة فيها عشان يذكرونها راح تدعس عليهم وعلى عديم الرجولة اللي فكر فيها لهذا يبحثون عن الصغار لانهم مايعرفون شي الكارثة ان النساء هم اللي يخطبون ويقولون هذي الاشياء للبنت انتم متخيلين؟ يعني امراة انتي المفروض ماتقبلين هذا الشي ابدا تحصلون حتى بناتهم مايرضونه عليهم بس بنات الناس عادي يلعبون فيها ويستغلونها؟ انا انقهر لما اشوف كذا بنات يتخرجون ثانوية يقبلون باشخاص اعمارهم داخله 30 و40 شي يستفزني ويقهرني والله العظيم الاهل كيف يرمون بنتهم على كذا اشخاص؟ الله لايوفقهم عوايل متخلفة

بقولكم الرؤية واتمنى تتفهمون

انا شخص طبعه مايتكلم مع احد ابدا يعني عادي تشوفني ساكت كل اليوم مااقول الا كلمتين كلمة كل وقتي اتابع العب اسوي اي شي يسليني هذي حياتي طبعي مااتكلم مع اهلي لااخواني ولا اخواني كلهم حتى امي وابوي مااتكلم معهم هذا طبعي

لما امي مرضت اخوي كان يقولي روح لامك سولف معها تحتاجك بس انا حمار مااتكلم ابدا يعني بس ساكت فلما اروح هناك مدري مااعرف اسليها انا طبعي بس ساكت مثل كل يوم

وليلة وفاتها اهلي كلهم كانوا صاحين معها قبل تتوفى كانوا عندها يضحكون يسلونها ماكانوا يعرفون ان هذا اليوم اخر
يوم لها كانوا يجلسون عندها يضحكون يسولفون يسلونها

وانا الحمار وشكنت اسوي؟ كنت نايم اي نعم كنت نايم
صحيت من نومي على صراخ اهلي لما توفت امي تخيلوا؟

متخيلين انها تحبني اكثر واحد مع اني ماكنت اجلس معها؟
اهلي كلهم يضحكون يسولفون معها وانا لا ومع ذلك تحبني!

كيف عرفت انها تحبني اكثر واحد؟ بعد وفاتها زارتني في رؤية
انا شخص بداخلي حرقه مايعلم فيها الا ربي بسبب طبعي لان مااجلس مع احد ولا اتكلم واخذ واعطي ولما توفت امي اشتعلت بداخلي حرقه مايعلم فيها الا رب العالمين وربنا يعلم مافي داخلي لهذا ارسل امي رحمة لعل النار بداخلي تطفي

بقولكم الرؤية الان

رحت بيت اخوي طرقت باب بيته وامي فتحت الباب دخلت الحوش وانا مصدوم وشصاير؟ امي متوفية؟ كيف عند اخوي؟ كانت امي تناظرني وتبتسم بدون لا تتكلم فقط تناظرني وتبتسم بدون كلام وانا مصدوم كيف وشلون؟ وكانت بس كذا تناظرني وتبتسم بدون اي كلمة شكلها كان نفس شكلها لما غسلوها كانت بيضاء تلمع بياض نفس شكلها لما غسلوها نفس شكلها بالرؤية وكانت تنظر لي وتبتسم وانا مافدرت امسك نفسي طحت عند رجولها بالحوش وبكيت بكيت بكاء مايعلم فيه الا رب العالمين بكيت كنت اصيح عند رجولها وهي بس تناظرني وتبتسم واخوي شافني طايح بالارض وابكي ويسالني وشفيه؟ ليش تبكي؟ قلتله امي عايشة عندك ولا تعلمنا؟ ورد علي قال امي متوفية! انا هنا استوعبت انه مايشوف امي قدامه بس انا الوحيد اللي طايح عند رجولها واشوفها لوحدي وقتها انفجرت بكاء بكيت بكاء دموعي راحت وصحت لدرجة ان صحيت من نومي بسبب دموعي كنت ابكي وانا نايم شفتوا البكاء بالرؤية؟ كانت الدموع نفسها بالواقع صحيت وجهي يبكي تنزل دموعي من المنظر اللي شفته ماتتخيلون شكثر بكيت بهذي اللحظة بكيت وبكيت حتى نشفت دموعي ونمت من البكاء صدقوني وصلت مرحلة بكل مرة اتذكر فيها امي عيوني تدمع ويشهد ربي ان هذا اللي كتبته حتى وانا اكتبه لكم عيوني دمعت الان

الله يرحمها ويغفر لها يارب تخيلوا من بين اهلي كلهم انا الوحيد اللي زارتني انتم متخيلين انها زارتني لوحدي وتبتسم لي؟

مافي شي يوصف والله العظيم