u/Independent_998

اشعر اني وحيدة وقعدت وحيدة لفترة طويييلة لدرجة ما اتخيل احد يحبني بكل صدق وبكل عيوبي ويتقبلني كما انا اشعر اني لازم اقدم تنازلات واتخلى عن اشياء عشان اُقبل واُختار مجرد فكرة ان فيه احد يحبني ويختارني مثل ما انا سيريالية لابعد درجة ولكنها جميلة مرة مرة مرة واتمنى تتحقق في اقرب وقت.
رؤية كبلز سعداء تبهج روحي وتؤلمني في نفس الوقت افرح لانه منظر يسر ويخليني اؤمن اني بعيشه يوم ومؤلم لأني للحين ما جربته ولا عشته

ابي جميع التفاصيل والمميزات والعيوب وهل شفتي نتيجة او لا

بليز احتاج افضل دكتور/ة جلدية جربتوهم في الرياض
تعبت من كثر ما اروح وولا واحد فيهم ينفعني كلهم يسلكون ويحاولون يرضوني (كل ما اقول شيء يقولون ايه صح عليك خلاص بنصرف لك اللي تبغين حوموا كبدي) ما احس احد منهم عنده ضمير ويشتغل من قلب كل تجاربي كانت في الحبيب الصدق. بليز ساعدوني

انا فجأة جتني حبوب فطرية بتكمل سنة وهي تروح وتجي ما ادري ايش المحفز لكن اول مرة جتني اخذت مضاد لمدة اسبوع بعدها كل شيء تحسن الحمدلله بعدها بيمكن ب٦شهور رجعت لي بشكل مفاجئ واخذت نفس المضاد ووصفه لي الدكتور لمدة شهر والمصيبة اني بعد ماخلصت الكورس بعد ثلاث ايام رجعت لي الحبوب والى الان وهي فيه
قطعت كل شيء سكن كير ممكن يهجني (اكرتين) واي كريم فيه زيوت كل منتجاتي حاليًا نظيفة شيكت على مكوناتها
مين اللي قد جته وتعافى منها بليز احتاج اسمع تجارب واشوف حلول واقعية
ناوية ابدا روكتان واحس هو الحل الوحيد

الفترة الاخيرة صارت تستخدمه معي بشكل متكرر وفي كل مرة تثار في داخلي مشاعر بالذنب والغضب ولا ادري كيف اتعامل معاها او اتعامل مع نفسي لاني ابدا الوم نفسي واني انا غلطت بينما في الحقيقة هي فقط تبغى تسيطر (لا تلبسين اللبس الفلاني ولا والله ياويلك) ناقشتها فيه واحتد النقاش ولا زلت ارى اني انا صح ومن حقي البس اللي ابغاه (لبس غير فاضح على فكرة off shoulder فقط وسوت كل هالدراما عليه).
ابغى نصيحة كيف اتعامل مع لومي لنفسي وكيف اقدر اتعامل مع امي بالطريقة الصحيحة بدون لا اغذي هذا التصرف فيها لاني اشعر انه تصرف نرجسي ولا ودي اعطيها ردة فعل تعزز الفعل ذا فالمستقبل.
وادعوا لي الله يصلح الحال

انا اعشق القهوة العربية محد يتخيل قد ايش لدرجة اني اخلص ترمس كامل لحالي
تخلصون ترمس لحالكم ولا بس انا؟ لان بعض الاحيان استحي احس اني مشفوحة

افضل شواهي قد جربتها ودايم ارجع اشتريها
١- شاهي ليمون وزنجبيل من مارك اند سبنسر
٢- شاهي ليمون وزنجبيل ونعناع من محل في السليمانية ناسية اسمه والله

ابغى شواهي اعشاب كويسة جربتوها ما ابي احمر واسود

انا معجبة في واحد في تويتر ونتابع بعض في البداية كان يسولف طبيعي معي وعادي وحتى كان يبادر ويسولف بأريحية مرة بعدين فجأة معد صار يسولف واذا بادرت ردوده مرة قصيرة او يرد برياكشن على المسج واحس كنه يقول انطمي😭 مدري هل انا overthinking this ولا هو صدق غير مهتم
شرايكم؟

قبل حوالي سنتين اكتشفت اخلاط الجسم اللي هي اساس في الطب اليوناني والصيني القديم وفعلًا بدون اي مبالغة يوم عرفت ايش نوع جسمي (بلغمي بارد رطب) فهمت جسمي كويس عرفت ليه المشروبات الباردة والسلطات الصباح تتعبني وليه لازم ابدا يومي بشيء دافي وصرت اعرف وش بيتعبني وابعد عنه.
تعرفون عن هالموضوع؟ وكيف تجربتكم معه؟

ابغى انشف وانا اصوم ١٨/٦ ومن ناحية راحة المعدة والشبع النتيجة خرافية ما اجوع ابدًا (اشرب خلال اليوم قهوة شواهي وموية) وافك صيامي بوجبه محتررمة(فل بروتين يا صدور دجاج يا لحم) وبعدها بكم ساعه اخذ سكوب بروتين
ومع ذلك مو قاعدة اغطي احتياجي ابدًا لاني ما اجوع بعد هذي الوجبة فمقدر اكل
وش ممكن اسوي يساعدني اغطي الاحتياج؟

طولي ١٦٠
وزني ٦٤ (له فترة طويلة ما بين ٦٤ و ٦٢ رافض ينزل)