u/JustLulu__

ابغى أشوف رأيكم جميعا نساء و رجال و ليه أي وليه لا ؟

أنا أفكر إن شاءالله إذا تزوجت أناقش مع زوجي فكرة أننا نأجل الإنجاب إذا ماعندنا مانع او عارض صحي و عارفين ان عندنا فرص ان شاءالله ننجب ف يصير هذا مو شي يقلقنا

و أنا ابي هالشيء لان ودي بالبداية أنا و زوجي نستمتع و نصنع ذكريات من سفر و اشياء نسويها مع بعض ونستمتع بوقتنا الخاص بدون التزامات و مسؤوليات ، طبعا هالشي ما يعني اني مابي أطفال او أشوفهم عائق بالعكس فكرتي ذي جت من اني** **جدا معطاءه ف اطفالي ان شاءالله بياخذون من وقتي و اهتمامي و برضوا بتكون عندنا التزامات تجاه الأطفال و دوام زوجي ف احس بيكون وقتنا مع الأطفال اغلبه فمارح نلقى الوقت نفسه نفس الي قبل ننجب

برضو اهم نقطة عندي بعيدا عن المتعه و الذكريات و الترفيه
هي اننا نكون فعلا مستعدين أنا وهو لاني مستوعبه مسؤولية الإنجاب معها تتغير الحياه تماما و الأولويات ، ف احس ودي أعرف أنا مستعده احمل وهو مستعد للتغيرات و نكون واعين و مستوعبين المسؤولية و نبدأ نتجهز نفسيا و جسديا لهشيء
واحس صراحة هذا افضل جزء بالفكره لان مره بوقع بحبه مره ثانيه وانا اشوفه يجهز نفسه و اشوفه وهو اب
دخلت بالمشاعر شوي هههه بس لا فعلا شعور جدا جميل لما ننجب وحنا مستعدين وهو عارف وانا عارفه و كلنا جاهزين و برضو الطفل بيدخل بيئة مستعده له بدون توقعات لا مني ولا ومنه

انتم ايش رأيكم و ليه ؟

لاني أشوف بعض الرجال يقولون لا تتزوج الي تبي تأجل الإنجاب و هالكلام مع ان أشوفه انه من صالحنا كلنا

أنا عندي قرار ماطلع معي إلا لما فكرت فيه من جميع النواحي وفكرت بشخصيتي و طبيعتها واحسه مو شائع في مجتمعنا ممكن قد صار لكن ما اظن كثير وهو انه بعد حفل الزواج ما نروح شهر عسل عطول ننتظر يمر شهر ونتعود على بعض وعلى الوضع بعد الزواج و نتعود على الحياه بعد الزواج أنا وهو و نستوعب الحياه كيف صارت ونسافر بعدها شهر عسل يعني اكثر شي شهر اقل شي أسبوعين لان فكرة ان شهر العسل لازم يكون بعد حفل الزواج تخليني افكر انه بيروح كله مستحين من بعض و مو متعودين طبعا يختلف من ناس تزوجوا عن حب و ناس لا بس احس الوضع بيكون نفسه شيء مره جديد

ف وش رايكم في قرار ان شهر العسل ما يكون مباشره بعد حفل الزواج يكون بعده بشهر ؟

ابغى اسمع رائكم كلكم بنات و رجال و ليه

عشان قلت بسمي اطفالي مشعل وطلال و تركي و عبدالعزيز
و عالية و سارة و لولوة بس ذا اسمي 😞
احب هالاسماء مره مره تناسب الأطفال من صغرهم لين يصيرون اجداد احسها مره راقيه و معناها فيها ما احب اسماء الهبه الجديده و الغريبه

اشياء انتظر اتزوج عشان اسويها :
١-نطلب نطيطات ونحطها بالحوش للأطفال و نقعد نشوي ونجلس نشوف أطفالنا يلعبون
٢-اتعلم كيف اسوي معمول عشان أطفالي لا كبروا يقولون ماما تسوي احسن معمول بالدنيا واهم شيء اسويه كل عيد عشان يصير مرتبط بشيء سعيد
✨معمول العيد✨
٣-اكتشف كل طفل من أطفالي ايش يحبون طبخه من طبخي عشان اسويها لهم وهم كبار احس شي حنون
متحمسه اسوي لولدي وبنتي طبخاتهم المفضله بعد ما يرجعون من الجامعه ويلقونها جاهزه
٤-كل شهر طفل من أطفالنا يختار مطعم نروح له طلعه عائليه
٥-طلعة السوبر ماركت مع زوجي ونشتري المقاضي 🫶🏻
٦-نسافر مرتين بالسنه مره مع أطفالنا ومره لحالنا
٧-احط فوق الطاولة ايطارات فيها صوري أنا وزوجي و صور أطفالنا 🥹
٨- اعلق رسمات أطفالنا على الثلاجه
٩-نتابع فلم عائلي
١٠-نسوي مزرعة ببيتنا بالحديقة الخلفية و ازرع لكل طفل شجره و نهتم فيها
١١-سفرة ويكند متواضعه نروح للخبر او نطلع مزرعة مع الأطفال
١٢- نجيب قطوتين ☺️
١٣-جلسة نهاية اليوم مع زوجي ويقولي وش صار بيومه و اقوله وش سويت و هو منسدح على رجولي

أهلا أنا تخصصي قانون لسا باول مستويات و عندي بزنس و قاعدة اذاكر للايلتس و اتعلم ال power bi واكتشفت اني احتاج لابتوب عشان أتعلمه و بما اني بقصد لمدة سنه واحد منهم يا ايباد يا لا بتوب احترت وش اخذ ؟ أنا الصدق ابي لابتوب ولقيت واحد مناسب خصوصا اني بكرفه كرف للتدريب و الصيفي و المواد و البزنس بس معرف كليتنا ماقد شفت احد معه لابتوب بالكلاس كلهم آيبادات او كتب

هذا هو صب فاشن هوليك السعودية

r/fashionholicksa

دايما لما اشوف خالي وقصة زواجه يزيد إيماني في ان النصيب يصيب فعلا ومحد يدري وين نصيبه ومع من
ومحد يدري كيف بيتزوج ومن بيتزوج
خالي مره شيء واو مشاءالله كذا وسيم مره وجهه وشعره و جسمه وطوله وأسلوبه وكلامه يعني شخص مره ماتقدر تشيل عيونك عنه و كان دايما خالاتي يصرون عليه يخطبون له و يقولون له فلانه حلوه فلانه تناسبك فلانه بنت فلان جميله ومن هالكلام وكان يرفض يقول مو وقته لا مابي و كان عمره ٢٧ و كان عندنا اقارب بالكويت وأساسا كان اغلب وقته هناك قليل يجي الديره ، و هو زايرهم شاف وحده عندهم من اول نظره لها تعلق فيها و رجع وهو يبيها وقال لامه عنها وقالت مارح تاخدها ليه ؟ لانها متطلقه ومعها عيال صغار و عايشه عند ابوها ( نعرف أهلها بحكم ان اغلب أقاربنا من الكويت و عايشين فيها ) وقالت اكبر منك و منفصله ومتوظفه هناك بالكويت شلون تبي تتزوجها اصرر بكل اصرار وقال مارح اخد إلا فلانه وخلاص و راحوا خطبوها له و تزوجوا و يتأملها كذا 🥹 و عندهم بنوته صغيره بس و عايشين بالكويت ، كل ما أشوفهم عطول قصتهم تجي ببالي ياخي سبحان الله والله محد يعرف وين نصيبه بالحياه وكيف ممكن يجي

كشخص كتوم مرة ومنطوي على نفسه بما يخص همومه و مشاكله ، كنت دايما ارفض أفضفض لاحد مهما كان هالشخص بحياتي ، أصدقاء ، اهل ، ناس قريبه مني ، ولاني افشل شخص في انه يخبي مشاعره ودايما مشاعري توضح على وجهي مهما حاولت اخبيها ف أنا اكثر شخص يجيه سوال " فيك شيء ؟ " " صاير شيء ؟ " " تكلمي معنا حنا موجودين لك لا تكتمين " بس بكل مره ابي اتكلم عقلي يعطيني إنذار ف استبدل الكلام في " لا مافيني شي بس تعبانه شوي ، اليوم ما نمت زين " ، لاني دايما كان في بالي مفهموم واحد وهو ان محد رح يفهم حجم الي امر فيه ، حتى لو فهموا وش رح يسوون ؟ ولا شي مافيه شي رح يتغير ليه اتكلم ، وكنت دايما أتحفظ على حياتي ومايجري فيها ، مهما سألوني مستحيل اجاوب ، لان اعرف ان مو كل الناس بتفهم ، و الي معك اليوم بيصير ضدك بكره ، لين مره سألني شخص و معرف كيف ارتحت ؟ جتني راحه غريبه وقلت ليه ما اتكلم ، ونفسك لك حقا عليها ، تكلمي مارح تخسرين شي وقلت كل شيء ما قلت كل شيء من يوم وليله قلتها بعد ما عرفت هالشخص لأشهر و حسيت ليه ما اقول ؟ طالما ان فيه اصرار ليه ما اتكلم ، كان دايما متفهم و خفيف ، حسيت اني لقيت نفسي بس بشخص ثاني ، وكانت غلطتي و غلطه احاسب نفسي عليها ، فضفضت وقعدت ابكي ، عن اشياء حتى اهلي مايعرفون عنها ، محد كان يعرف عنها غيري أنا بس ، اشياء i take it to the grave ، لاني كنت غبيه واحسب ان اخيرا لقيت الشخص الي بيعرف من أنا فعلا
بس guess what ? ، بعد ما مرت الأيام و الأشهر و نسيت اني تكلمت أصلا ، صار يقولي ان ما ينفع نكون مع بعضنا لان حياتنا تختلف ، كل شي قلته صار سبب انه نظرة الشخص ذا تتغير تجاهي رغم ان ولا شي من الي قلته كان ذنبي ، لذلك لو كنتم أشخاص كتومين خلو أسراركم لكم ، لاتصيرون اغبياء مثلي وتقولون عن مشاكلكم و حياتكم لشخص بحياته ما عاش هالمعاناة ولا يعرفها ، شخص بينكم فروقات من كل نواحي الحياه ، لان دايما نظرتهم لك بعد ما يعرفون مارح تكون نفسها قبل ما يعرفون ،

أنا عندي بزنس، شغلي إني Personal Stylist. أنسق للناس ملابس سفر، زواجات، مناسبات، وأشياء كثير تتعب مثل الكولاج، التصميم، وتجميع القطع. أشوف وش يناسب الشخص حسب طوله، ووزنه، وذوقه، وميزانيته، وأفضل الأقمشة والتصاميم، وحتى الأشياء اللي ما يفضلها أتجنبها. هدفي دائمًا** إني أعطي العميل أفضل نتيجة أقدر عليه**ا.

الحمدلله حسابي معروف، وأشتغل للبنات، والرجال، والأطفال، وعلى حسب الميزانية بدون ما أطلع عنها. وعملائي غالبًا** ناس راقين جدًا بالتعامل، وكل ما أحتاج معلومة عشان أطلع لهم أفضل نتيجة أسألهم ويردون بسرعة، وإذا أرسلت لهم أول تصميم وآخذ رأيهم، إذا عجبهم أكمل الباقي، وإذا لا أعدل لين نوصل لشي يرضيهم. والتعديل عندي مفتوح، وما آخذ عليه مبلغ إضا**في.

أمس جتني عميلة تبي تنسيق لأطفالها لسفرة خارج السعودية. أخذت منها كل التفاصيل: الأعمار، الأطوال، الوجهة، والفايب اللي تبيه. قلت لها بسوي لك ٢٠ أوتفت على حسب المعلومات اللي عطيتيني، فقالت: “سوي أول ٥ لكل واحد وبشوف.” قلت لها: أبشري.

قعدت أشتغل من الساعة ٢ الظهر إلى ٩:٣٠ الليل، وأرسلت لها. ردت وقالت إن واحد فقط عجبها. قلت لها: تمام، وش ودك أغير؟ وعلمتني بالضبط وش تبي. حتى أرسلت لها صور من شغلي السابق عشان أتأكد فهمت ذوقها، وبعدها قعدت ثلاث ساعات زيادة أجمع أوتفتات جديدة تناسب ملاحظاتها.

والله ما أحكي لكم عن كمية التعب والإرهاق. لكن ما يضايقني أتعب، بالعكس، ما أحب العميل يطلع بشي “يمشي الحال”. أحب أعطي كل اللي عندي، وأناقشه، وآخذ رأيه، وأتأكد مليون مرة إنه راضي، وأقول له إذا فيه أي ملاحظة أو تعديل أنا موجودة.

بعدها أرسلت لها الأوتفتات الجديدة، وقلت لها: “هذا التعديل وهذا الجديد، عطيني رأيك، وإذا فيه أي تعديل أنا موجودة، وإذا عجبوك أرسل لك رقم الحساب.”

ومن بعده ما ردت أبد.

حتى لما أرسلت رقم الحساب ما فيه أي رد، ولا صار تحويل، مع إنها قبل كانت ترد بسرعة. هي مفعلة إخفاء قراءة الرسائل، فما أدري أصلًا** شافت الرسالة أو لا**،** لكن بصراحة حسيت بإحبا**ط.

أنا من الساعة ٢ الظهر إلى وقت متأخر وأنا أشتغل على طلبها، وأجمع من أفضل المواقع اللي أعرف إنها جودتها ممتازة وتوصل بسرعة، وكل شيء كان على حسب طلبها وملاحظاتها بالضبط، وفوق هذا كله سعر الخدمة عندي يعتبر جدًا** رخي**ص.

هل طبيعي إن هالشي يضايق؟** **

اهلين أنا ادرس في المليداء ، و تخصصي مكافأته ٨٤٠ يبقي لي بعد ما ادفع فاتورة الجوال ٧٠٢ ، و أنا اصرف على نفسي من المكافاه و طلبات الجامعة من كتب و غيره أنا اشتريهم ، وقاعده ادور نقل لكن لقيت من بريدة لين المليدا ب ٦٠٠ 😓**،** هل هذا السعر طبيعي ولا لاعب علي ؟ و الصدق لما شفت السعر حسيت طيب مارح يبقي شي كيف بشتري الكتب خصوصا اني ما احب استخدم الايباد و الميزانيه موب مره تساعد ، لذلك عندي ثلاث خيارات اروح مع السواق الخاص و تروح مكافأتي
او اروح مع نقل الجامعه بس المشكله محد يوديني الصبح و النقل يمشي الظهر متاخر ومحاضراتي غالبا تخلص قبله ومحب اقعد بالجامعه لاني انام بدري ف الساعات الي اقعد فيها تروح علي اقدر اخلص شغلي فيها بالبيت و اذاكر و اخلص المهام فهمتوني ، و لا حافلات القصيم ؟

احتاج رأيكم والله محتاره والجامعه مابقى عليها شيء لازم اقرر

أنا عندي بزنس وهو اني personal stylist انسق للناس ملابس سفر و زواجات و اشياء كثيره متعبه مثل الكولاج و التصميم و تجميع القطع و أشوف وش يناسبهم حسب وزنهم و طولهم و افضل الاقمشه و التصاميم و ايش الأشياء الي ما يفضلونها و احاول أعطيهم افضل ماعندي وانا حسابي جدا معروف واعرف انسق كل الستايلات للبنات و الرجال و الأطفال وحتى على حسب الميزانيه ما اطلع منها ، عموما عملائي كلهم مشاءالله ناس ربي معطيها خير و راقيين وأسلوب وعطول لما يكون عندي سوال عن حاجة عشان انتبه لها وقت التجميع اسألهم ألقاهم يردون و لما اسألهم هاه عجبك ؟ إذا عجبهم خلاص اكمل الباقيات واعطيهم روابط القطع ويحولون لي المبلغ واذا لا اعدل لهم لين يوصلون للنتيجه الي ترضيهم ، امس كانت عميلتي وحده تبغى لاطفالها و سالتها عن التفاصيل و أعمارهم و أطوالهم و والوجهه و ايش ودها يكون الفايب وعطتني كل التفاصيل وقلت خلاص بسوي لك ٢٠ واحد على حسب المعطيات الي عطتني قالت سوي ٥ اول شي لكل واحد واشوف قلت تمام ابشري وسويته تماما مثل الي تبغاه ، قعدت اشتغل من الساعة ٢ الظهر لين ٩ ونص بالليل قبل شوي وارسلت لها قالت بس واحد عجبها قلت تمام وش ودك اعدل ؟ و علمتني وش تبي و ارسلت لها صور من اوتفتات سابقه وناسبة ذوقها و سويت نفس طلبها وقعدت ثلاث ساعات زياده اجمع من ٩ ونص مره ثانيه ، ما احكي لكم عن التعب و كمية الإرهاق ، أنا عادي عندي بالعكس ماودي احد يطلع وهو بس ماخذ شي مشي حالك أبدا ولا أرضى بالعكس اعطي بكل ماعندي و أناقش و اخذ رأيهم و اسألهم متاكدين؟ واي خطا ارجعوا لي اعدل والتعديل مفتوح ما اخذ عليه فلوس و قبل شوي ارسلت لها الاوتفت الي عدتهم مع ملاحظتها و سويت جديدات وقلت لها هذا الجديد و عطيني رايك ؟ وهل تبين تعديل واذا خلاص عجبوك قولي لي ارسل لك الحساب ولا ردت علي ): ( هي مفعله إخفاء الرسايل و مدري شافتها ولا لا بس كانت ترد بسرعه )

من الساعة ٢ الظهر لين الحين وانا كنت قاعده اشتغل و بجد و اجمع من احسن الأماكن والي متاكده انها توصل بسرعه و جودتها ممتازه و أراعي طقس الدوله وكيف بيكون وعلى كلامها و طلبها بالضبط و الاوتفت كانت لسفرة برا ، مدري هل هالشي يضايق ؟ مع ان ترا السعر حق الخدمه جدا رخيص ، وهي شايفه عينات من شغلي و صور لو ماعجبها ليتها قالت من اول لاني قعدت ١٠ ساعات اشتغل حتى العشاء فوته ما تعشيت ):