u/Mindless_Peak_8658

عزيزي القارئ… فيني بكية لاني اخترت لون باركيه والان في الحقيقة اللون مشهب رمادي ابغا لون خشب جوز حقيقي هل راح تفهمني ولا اروح صب غير دا؟

احب المواضيع العميقة بس ماحب المواضيع الجدلية واكرهها واكره اي احد يجلس يقنعني واقنعه بالذات لمن يكون النقاش جاي بجو انا ابغا افوز واكون الصح تفهموني؟ عادي قد تركت محادثة ومعد جلست مع بنتين بسبب اني فكيت موضوع وفجاة اتحول جدل بينهم الاثنين وكرهو بعض وانا كرهتهم الاثنين ومعد اتناقش معاهم لو اموت

من وانا صغيرة الناس يعلقو على طريقة كلامي انها هادئة وبااااردة وبعض صحباتي يستعجلو في الكلام ف يطفشو من برودي ولكن

انا اتوقع اني dyslexic ٩٩٪؜

مو مشكلة بس منجد الناس الي يتكلمو بسرعة كيف يفهمو نفسهم؟ احس لمن اجلس مع احد من الدوام ويتكلم بسرعة (مو طبيعية) احس يتكلم بدون مسافات واوقات مافهم ايش الي انقال ونفسي اتكلم زيهم بس اجيب العيد وانطق حروف غلط زي مثلا ممكن اقول ذي مثلا

احتاج supplements تقوي طلاقة لساني

عادي اقول مصطلحات فزولكية واعرف اتكلم وارد ردود كويسة ولكن وانا سلحفة

شربت كوبين قهوة اتوقع وشاهي والادرينالين والدوبامين والسيروتنين والباراسمبثاتيك سستم كلو عالييييي

سؤال ليش مافي مسميات عربية لها؟ ليش انا درست تخصص صحي بالانقليزي؟ احس دحين عيب اني ماعرفهم بالعربي

اول شي ماعندي مشاكل نفسية ان شاءالله على حسب تقييم الثيرابيست، ثاني شي سايكل الهرمونات عند الانثى شي عجيييييب

اتوقع الي يفهم ال dopamine highs الي تجينا هم المدمنين لانه مستحيل قد ايش المود عال عال عال عال العال فقط لانها ovulating phase

ولا دا مفعول الاشوقندا؟ مدري

قاعدة اجدد غرفتي لانه سار عندي ادمان ديكورات وشراء اثاث واليوم ركبت نجفة كلللها الوان pastel واستوعبت كل اختياراتي لونها pink and colourful وانا ماقدر اوصفلكم قد ايش مبسوطة بيها لو كنت متزوجة يمكن الزوج راح يقمع اختيارات الالوان الي فيها حياة ويختار اسود ورمادي ويييع

المهم بفرح بغرفتي واتهنى بيها

انا اعتبر skinny fat ومن بعد ماشفت بوست مدرب نادي الاهلي ضميري ارتاح اكثر للدايت الخبيصة اهم شي بالنسبالي الmacros مايهم مفيدة ولا مضرة واحس دا الشي غلط… بس فعليا it makes much more sense than starving myself because i wanna eat “clean” طبعا النتايج اشوفها بكل جسمي عادي ولكن هل الفات الي عندي ينزل؟ لا لاني عمري مانقصت في شي اكله ولا حرمت نفسي من كاربز او حلى. هييييلب اكره الدايت بس ماعندي مشكلة اتمرن مليون سنة وتكون طاقتي كويسة بس ايش اسوي عشان الدهون دي بدون ماحرم نفسي؟

سو الهرجة ومافيا ماتوقعت يوم بتردد في اختيار احد وبيرفضني بعد خطوات رسمية، السؤال الي قد عدى فيها سواء بنت او ولد كيف كان احساسكم وايش سويتو بعدها؟ شوفة رسمية وبعدها رفض

انا كنت مترددة لكن قلت ليش لا نكمل مافي شي قوي يخليني اقول لا بس جات من الادمي وقال مافي نصيب، الفكرة انه الخبر لوحده حسبته مزح وفنفس الوقت حاولت مابين اني اتضايقت قدام اهلي بس مجرد ماجلست لوحدي كل الافكار الكئيبة جاتني وكلهم قاعدين يحاولو يخففو وقعها ويقولولي طيب نسافر طيب نجدد مدري ايش نخرج معرف فين؟ بس احس مالي نفس ومعرف ايش ابغا اسوي دحين كانه كان في بروجكت تولى اهتماماتنا والان اوكي بروجكتس صغيرة بس بعدين ايش؟ واقول هل راح تنعاد دي البروسس للمرة المليون؟ لا ماقدر

٤ سنوات ياجماعة قعدت اعاني من عظمة الحوض misplaced او ضاغطة على عصب

ماعرف من ايش وامس رحت لدكتور فاهم في مستشفى وطقها وانا نايمة سمعتها طقت ثاني وخايفة تكون رجعت ميسبليسد بس ماتتخيلو كمية العذاب الي كنت فيه لمدة ٤ سنوات احسب الانسان عادي يكون عمره ٢٧ وطول الوقت مرهق ومجهد وظهره مايشيييله