u/Mosuly

آني بشكل دوري أتذكر موقف صارلي مع أمي، بين اكون مزعوج لتذكره وبين أكون ممتنا.

چنا بتركيا 2019 بوكتها، حينها كان عمري 12، أمي اوكلتني بمهمة بسيطة كلش؛ گالت: "عبد اللّه، روح أغسل التواليت"، وصدگ رحت بديت اشتغل، چان عدنا تواليتين بالشقة، واحد شرقي والثاني غربي، وأمي كلفتني بالشرقي، اكو فرچة خاصة لغسل القعادة أو مدري شنو تسموها، قررت وما أعرف ليش أنو أغط هاي الفرچة بالمجرى للأخير، فتوصخت الفرچة.

أمي شافتني، وبوكتها جابت سچينة وضربتني ضربة أفقية على فخذي، بوكتها كنت بين مصدوم ومتوجع، بس الصدمة غلبت، الجرح شوية چان غليظ وما التئم بسرعة، بل ما حطيتله شي وأمي ما اهتمت أنو تحطلي شاش أو لاصق جروح، بس هيچ.

الجرح بقى فترة حتى يلتئم وحده وچان معرض لكل شي من رطوبة والخ، صار جرحي مثل الندبة القبيحة البنفسجية وكتها، فمرة صادف أنو أختي -أصغر مني- شافت هذا الجرح وسارعت بتغطيته لأن استحيت شوية، فگالت مستغربة: "هاي شنو!"، گلت: "من أمي ضربتني".

فگالت لأمي وگلتلها: "أحسن، يستاهل...". ثم بعدين بمرور الأشهر اختفت الندبة.

أمي مو مو زينة، أمي كلش حنينة، وتخاف علية وعلى أخواني، وأحبها كثيرا، تحملت عناء الذلة والفقر لخاطرنا، وهمين أمي عانت الأمرين نتيجة للزواج المبكر غصبا ما عليها، والاحساس بالتمييز من قبل أهلها، والظلم بالورث من أمها واخوانها، وعدم محبة الزوج لها، واستصغار الأقارب لها لفقرها بعد سفر والدي، أمي ضحية.

بس أمي مو بيضاء، بس همين أمي مو سوداء، أمي رمادية.

والدنيا كلها رمادية، ولهذا اني مرات أكون مسرور بتذكري للقصة؛ لأن تذكرني أنو الدنيا ما تقبل نظرة سطحية بالتقسيم للبياض، والسواد.

دا اتعلم برمجة لأن حتنفعني بتخصصي المستقبلي وهمين هواية لطيفة، وبديت بالسي شارب، أرجو لمن عنده نصيحة أو توجيه لي أن يتفضل.

عاجبني اتابعه من زمان بس ضيعت اسمه، بس هسة لگيته فحاب أسالكم وين الگيه؟

وما يهمني توفر ترجمة عربية، بل افضل انو مابيه ترجمة عربية، عادة چنت أشوف Steven universe بترجمة انگليزية حتى أي كلمة تصادفني ما أعرفها اگدر اشوف معناها فتزيد محصلتي اللغوية.

مرحبا، موضوع صحتي ما أحب أسولف بيه ابدا ويسببلي احراج، بس احتاج اسولف،وغالبا الكلام راح يكون طويل، فأرجو السموحة:

آني شاب من مواليد 2007، انولدت بعائلة متوسطة، أب وأم وأخ أكبر مني بعشر سنوات، من أجيت للدنيا وضعي الصحي كان جيد وطبيعي، لحد ما بيبيتي أم أمي قررت تدلو بدلوها الأمومي، ونصحت أمي: "انطيه حليب معلب لا ترضعيه".

وأمي عبالها بيبيتي تفتهم وسمعت كلامها، وهنا تبدا شغلتي...

صار عندي بسن صغير تدهور صحي من كل ناحية، اسهال مستمر على مدى أيام وأسابيع، وأبوية يجيب ويصرف علية حفاظات وأدوية ومستشفيات.

بعدين دكتور گال لأهلي بأنو يگطعون عني كل مشتقات الحليب، إلا حليب الصويا، وبفضل هاي النصيحة صار عندي كساح.

بعد تقدمي بالعمر وصرف فلوس يابو فلوس على صحتي، تحسنت شوية وصار اسهالي متقطع مع أنه بعده كثير، ولبسوني حذاء خاص ومستشفيات وتصحح الكساح عندي واستقامت رجليناتي، بس نتيجة لذلك صار عندي تسطح بالقدم.

وراها كبرت ومرت السنين واكتشفوا اهلي أنو عندي مناعة ضعيفة.

بسنة 2019 چنا بتركيا، اهلي شربوا من مصدر مائي جميعا، من شربت اني بقيت اسبوعين مريض واسهال، اسهال لدرجة چنت اگعد بالحمام ساعة بالفوتة الوحدة، بعدين رجعنا لبغداد.

اثناء هلحال انضربت بخشمي عدة مرات لدرجة صارت عندي صعوبة جزئية بالتنفس.

بهاي الأثناء اكتشفت أنو فكي بالتحريك يطلع طگطگة مزعجة جدا إلي، لدرجة چنت ما اكل اي شي ما مهروس لأيام من انزعاجي، بعدين تعودت.

بعدين هاي الطگطگة صارت أقوى ومصحوبة بألم، العام راجعت وطلع عندي خلل بالأربطة، ومحتاج لعملية، من سألت عن العملية ما حصلت شي ايجابي، بل كلها ناس تشتكي وتتمنى أنو ما سوتها، وما تجرأت اسويها لليوم، وأما خشمي؛ فبيه انحراف ويحتاج عملية.

وفكي حاتله تزداد سوء، محد يلاحظ لأن كلامي مضبوط وما اشتكي، بس محد منتبه شگد اصغر لگمتي واهرسها واقلبها بلساني حتى بس فكي ما يأذيني من اكل.

زين اروح افحص على مناعتي بالمستشفيات؟ يگولون مابية شي، اروح افحص على معدتي؟ يگولون مابية شي.

وديصير عندي تساقط شعر، يعني شعري خفيف مع أنو ما صار صلع، بس ما استبعد أنو يصير بغضون منتصف العشرينات يمكن.

مع وضوح حالتي الصحية، لكن من أمرض أهلي يصيرون عدائيين، وكأنهم يحملوني مسؤولية صحتي الي حكموا علية بيها من أول حياتي، من أمرض واصرف ادوية مرات امي تگلي بعصبية بدون ما تنتبه: "سم وزقنبوت، كون تموت بدال هلصرف الزايد، هو أنت كلك سكراب".

مرة ابن خالي گال گدامي: "ماراح اخلي بنتي تشرب حليب قواطي خاف تصير مثل عبد الله -اني-".

اني بشكل عام خارجا ما أبين مريض، الاسهال قل نسبيا فالاحراج الظاهر قل، بس المشكلة أنو تدهور صحتي ما يغير لوني ويخليه اخضر، ولا يخليني مقعد ما امشي، بس گاعد يدمرني داخليا ببطئ بدون ما العالم الخارجي ينتبه، لحد ما فديوم غصب الضرر الداخلي يبين في حالتي الخارجية.

دا احاول قدر الامكان التزم بأكل صحي، ما ادخن ابدا، ولا مشروبات طاقة، ومشروبات غازية قليلة جدا، سكريات صناعية قليلة، دهون قليلة، بس صحتي همين گاعدة تقل وياهن.

غالبا اتوقع انو حياتي ما تدوم فوق الأربعينات.

The Imam of the Path, Al-Junayd al-Baghdadi, describing the way to Allah (SWT), said:

"Abandon the self and the world, for in doing so you shall truly possess it; oppose the self, for in doing so you shall arrive; and treat your whims with enmity, for in doing so you shall witness [the Truth]".

قَالَ إمَامُ الطَّرِيقةِ الجُّنِيدُ البَغْدَادِيّ فِي بَيَانِ الطّرِيقِ إلىٰ اللّٰهِ ﷻ: "تَركُ النّفسِ والدُّنِيا وإن كَثُرَتْ، وَقد حِزتَ، وَخَالِفِ النَّفسَ، وَقد وَصلْتَ، وَعادِ الهَوىٰ، وَقد شَهِدَت".

Hello ☺️,I've been a fan of FNAF since 2015, But I feel I Lost the lore from Security breach and after, Is there any video that can help Me?

N: I didn't watch or read anything about fnaf from 2022.

What was your perspective on Sufism before you were initiated into a Sufi tariqa?

I was a Salafi from 2021 to 2025/6. During my final days as a Salafi, I already held a degree of respect for Sufism, and I have now been initiated into the Rifa'i tariqa.