u/No_Age_4835

دابا حسب الدستور المغربي، نظام الحكم في المغرب هو نظام ملكية دستورية، ديموقراطية، برلمانية واجتماعية. ولكن الى جينا نشوفو الواقع فنظام الحكم في المغرب هو نظام ملكية دستورية ذات انتخابات لكن مع تركز قوي للملكية.

نظام الحكم في المغرب فيه جوج ديال القوى : قوة المنتخبون للي فيهم جزء من الحكومة والبرلمان ومجالس الجماعات وللي الناس كتصوت عليهم عبر الانتخابات وقوة غير المنتخبون للي فيهم الملك والمؤسسات التابعة للملك بحال الامن، الجيش، التعيينات في المؤسسات العمومية الاستراتيجية بحال مكتب المطارات، مكتب السكك الحديدية، .... وجزء من الحكومة بحال وزارة الاوقاف، وزارة الشؤون الخارجية، وزارة الداخلية ثم رجال السلطة للي فيهم الولاة والعمال والبشاوات ورؤساء الدوائر والقواد ماشي القياد (هكا دايرا سميتهم في الظهير الشريف رقم 1.08.67 الصادر في 31 يوليو 2008 المتعلق بهيئة رجال السلطة) للي كيمثلو بما يسمى اللامركزية. الى جينا درنا مقارنة بين هاد جوج القوى فراه الكفة تميل بوضوح الى قوة غير المنتخبون، هما للي عندهم السلطة الحقيقة اكثر وعندهم نفوذ قوي وصلاحيات كبيرة خصوصا في المجالات الاستراتيجية.

نقدرو كمواطنين نختارو جزء من الحكومة ولكن منقدروش نختارو العامل او الوالي او القائد، حيت هادو كيختارهم الملك وهما للي عندهم تأثير واحتكاك اكبر بالمواطنين.

هادشي اش كيعني، كيعني ان الانتخابات عندها تأثير جزئي صغير على اوضاع المغرب.

نعطيكم مثال رئيس الجماعة المنتخب vs العامل ديال الاقليم

رئيس الجماعة عندو بعض الصلاحيات (للي انا غادي نسميها صلاحيات تافهة) يقدر يوجد الميزانية ديال الجماعة ويدير تدبير خفيف ديال مرافق المحلية ويطلق بعض المشاريع. رئيس الجماعة كيفكر خاصنا نديرو شي مشروع حيتاش المجلس المنتخب صوت عليه ولكن المشروع صعيب يتنفذ حيت كاين قوانين وتراخيص واملاك والبوليس وتنسيق مع مصالح الدولة ولكن العامل معندوش مشكل في هادشي حيت هو ممثل السلطة المركزية بحال الى قلتي راه هو الملك نيت ولكن في حدود الاقليم للي شاد يعني يقدر يتحكم في البوليس للي في الاقليم ومعندوش مشكل مع الرخص والقوانين والتنسيق مع مصالح الدولة والمؤسسات العمومية للي في الاقليم حيت الحاكم الفعلي للاقليم ماشي بحال رئيس الجماعة للي عندو مدة محدودة في خمس سنوات وعندو صلاحيات قليلة.

نفس الشيء بالنسبة للحكومة والبرلمان، واخا البرلمان عندو حق تشريع القوانين وااحكومة تتحكم في السياسيات المالية والاقتصادية والاجتماعية ولكن راه اصلا مايقدرو يديرو والو بدون الموافقة ديال القوة غير المنتخبة، حتى كيشعلو ليهم الضوء الاخضر. وحتى الى هاد المنخبون بحال الحكومة مثلا دارت شي مشروع زوين شي حاجة زوينة فهي تنسب الى القوة غير المنتخبة بحال مشروع الحماية الاجتماعية مشروع ملكي (واخا هدا ما مشروع ما تاوزة) ، الرياضي الأول، التوجهات الملكية، الارادة الملكية، البلورة الملكية...

الدولة كتقول ان السلطة موزعة بين مستويات مختلفة ولكن راه الى جينا نشوفو السلطة غير المنتخبة كتحتافظ بمجالات واسعة جدا ومايمكنش للقوة المنتخبة تعطي الرأي ديالها فيها.

وللي بغيت نقول، هاد الانتخابات كتعطينا نتحكمو بواحد الجزء بسيط جدا في سياسات الدولة والمغرب يعيش الحضيض بسبب القوة غير المنتخبة. وراه حتى المنتخبون مكايديرو والو من راسهم بل تتحكم فيهم القوة غير المنتخبة. والانتخابات غير واجهة باش يقولو العالم كاينة ديموقراطية.

تعديل : كيعجبني ناكل العدس ولكن في الدار وتعيش حرية التعبير.

Because those in charge try to make Morocco look beautiful, developed, and modern, highlighting its infrastructure and everything else, while neglecting to solve Morocco’s main issues, such as the lack of quality education and healthcare and the deterioration of Moroccan society. The Ceuta incident proves it all.

.