u/Single_Stop2704

يثبت مقولة "quality over quantity “

بس فيني نوم 🫩

هل كانوا البرازيل يهجمون و الحين هدوا ولا وش السالفة؟

باراغواي بتفوز على فرنسا

ياخي منتخبات تأدي آداء تاريخي تطلع بعده بكل سهوله حرام

والله وجابوا التعادل شكل لهم كلمه

يارببب

لو يبون هدف يبيلهم نص ساعه اقل شيء على هالهجوم…🫩

اكمل اتابعها ولا اصلي وانوم بس؟

والله قلت ماشاء الله على حارس السينيغال

ماشاء الله عليه رهيب ولا انا ما افهم؟ ابهرني والله

هدف كوت ديفوار الاول على النرويج 🔥🔥🔥🔥

احس اني ماعندي انوثه، وش السوات؟

سواءً في شكلي او حتى تصرفاتي، خصوصاً لما اشوف البنات اللي حولي كيف يهتمون ويعرفون مثلاً افضل محل عبايات او افضل محل فساتين او افضل براند ميك اب او اكسسوارات.

انا عندي هذي الأشياء طبعاً بس ما ابحث عن الافضل خصوصاً اني ما البس اكسسوارات الا في العزايم و ما احط ميك اب الا في العزايم و مكتفيه بعباية واحدة و حتى اذا بروح بيت جدتي اللي كل اسبوع اروح له يصير مالي خلق افكر واجد وش بلبس والبس تيشيرت وبنطلون اغلب الوقت و الاكسسوار الوحيد اللي البسه هو ساعتي الرياضية و شعري اربطه نص نص او كامل ولكن احط ميك اب واحب احطه يعني، وموضوع الملابس دايم اختار اللي مريح اكثر من اللي شكله زين، اهم شيء شكلي مرتب بس خلاص ياخي ابي اتغير.

اظافري دايم اقصها و ما اشيل الجلد الميت ولا احط كريمات او ماسكات احسها كلها تاخذ وقت و اتعيجز عنها.

الشيء الوحيد اللي مهتمه فيه هو الرياضة و الدايت و الأستحمام طبعاً و النظافة الشخصية يعني.

بس حتى اسلوبي ما احسه انثوي هادي، احس اني جفسه غير ان صوتي عالي لدرجة حلقي يوجعني دايم (ما اعرف اقصره حاولت).

هل استحق اشتري التيشيرت ولا لا؟

انا طول حياتي احاول انحف من يوم طلعت على هالدنيا(ماقد صرت سمينه) بس شكل عندي E*D المهم، قررت قبل ٨ اشهر اني التزم هالمرة صدق و عشان اضمن اني التزم قررت اتحدى نفسي تحدي وهو كالتالي:
اوصل نسبة دهون ٣٠.٠-٣٠.٩٪؜ قبل بداية كأس العالم، و نسبة دهوني في البداية هي 34.6% ووزني كان 59.6 و عضلي 21.1kg.

و العقاب اذا مافزت هو: ما اشتري تيشيرت المنتخب لكأس العالم. (تراه موضوع كبير بالنسبة لي)

استمريت طول ال٨ اشهر (اطول مدة في حياتي التزمت فيها) كنت مستمره ppl ثلاث ايام في الاسبوع و آكل في عجز قليل عشان استمر بعد التحدي بعد و اقفل بروتيني كل يوم وامشي ساعة يومياً واقفل ١٠ آلاف خطوة، وانوم ٨ ساعات في وقت ثابت في الليل.

اول ثلاث اشهر كانت النتايج عكس (وصلت ٣٥.٥٪؜ بسبب خسارة عضل) بس كملت وعرفت المشكلة وحليتها وبديت بالنزول الين وصلت ٣١.١٪؜ قبل الكأس بشهر، وكان باقي ١٠٠غ دهون واوصل ٣٠.٩٪؜ وافوز (وهذا الشهر غيرت البروتين اللي آكله واللي كان فيه كرياتين)

و بعد نهاية الشهر قست في وقت مناسب (استناداً على وقت نهاية دورتي) و طلعت نسبة الدهون ٣٢.٢٪، واكتشفت انه قبل يوم التبويض بيومين (يعني احتباس سواائل) قررت اني اشرب مويه اكثر واقيس ثاني يوم (قبل افتتاح الكاس باربع ايام او ثلاث) ورحت وصارت الدهون ٣٣٪؜.

هنا قلت معد يمدي لازم العب على الانبودي و صرت اشرب كمية موية كبيرة و اقلل صوديوم وازيد بوتاسيوم (الانبودي يعتبر الماء اللي تحت الجلد دهون فلازم اوازن الماء عشان يخف اللي تحت الجلد).

والتزمت التزام صارم بالاكل و الماء وجاء يوم الافتتاح (اليوم) قست الصباح وصارت النتيجة…..٣٢.٠٪؜ 😔.

قلت خلاص معد فيها، ماراح اشتري التيشيرت بالرغم من انتظاري ٤ سنين، بس بنات خالاتي قالوا لي يابنت الحلال اشتريه حرام وصلتي مستوى عالي وقربتي مره و المونديال الجاي بعد ٤ سنين. في البداية كنت رافضه تممماماً بس بعدين لنت شوي وفعلاً شريتهم.

بس الحين احس اني المفروض التزم بالتحدي واني مستحية البسهم بعد مع ان إحصائياتي وجهدي الاشهر اللي راحت قوي وصدمني بس النتيجة مب واو على المدة.

صح، وزني صار 58.1kg, وعضلي 21.4kg على حسب آخر قياس وليس افضل قياس.

استفسار بحكم ان الكل يكرهنا، اكيد اننا نسوي شيء غلط او اننا منفهمين غلط ولازم نحط حد للمهزلة هذي.

تفضلوا قولوا اللي في خاطركم عادي نتقبل.

امي متوفيه الله يرحمها و بحكم اني شخصية ماعندها حنان (اختي ماسكه هذا الجانب) ابي على الاقل اكون اعرف اتعامل معه و اعرف اخليه يسمع الكلام بكل هدوء وبدون مايكرهني

بس هو شخص يعاند وحتى لو اعطيه خيارات ماينفع معه ومايبي يسمع حتى خياراتي يبيني امشّي له اللي يبي واذا اصريت عليه قام يصيح وجاء احد من الاهل يراضيه…اتوقع اني اسوي شيء خطأ.

بديت احس اني مايصلح اكون ام وأن حياتي بيعيشون حياة شقى لأني دايم احاول اخليهم يعتمدون على انفسهم ويسوون كل شيء بنفسهم، مثل تنظيف بعد انفسهم تغسيل الاطباق الخاصة بهم ترتيب غرفتهم وكذا، غير ان احس اني شخص مايعطي حنان ابداً مهما حاولت، يعني اتوقع عيالي بيحسبوني متسلطة وانا مب قصدي وبالعكس ابي لهم الخير بأنهم يعتمدون على انفسهم ومايحتاجون احد.

(طبعاً انا مب ام ولكن هذي تجربتي مع اخوي اللي باقي العائلة مايتفقون عليها).

هل فيه امهات intj يقدرون يعلموني تجاربهم ؟ غير ان كثير حولي يقولون لي ماتصلحين ام… يوجع طيب 🤨

الحين الساعه ٨ وسعراتي مخلصه وما انام الا ١١ وشهيتي هالأسبوع 👆👆👆👆👆 ساعدوني اسكر فمي الساعات الجاية