السلام عليكم ورحمه الله وبركاته
لي فتره قاعد انتظر هبوط الامريكي ناوي ابني مراكز استثماريه
والموشر كل ماله يحقق قمم
مافي سوق ولا سهم كل مره يحقق قمه لابد له من الهبوط وهاذي اسواق المال ارتفاع وهبوط
بس لعله نفذ صبري وقاعد اندم اني مادخلت قبل شهرين ولا ثلاثه كم سهم حاط عيني عليه من قبل شهرين محقق ٣٠٪ يمكن او اكثر وعارف لو ادخل لحين واصمل بيصير هبوط 😂
بحكم خبرتكم واذا فيه محللين برايكم متى هبوط الامريكي كتوقع يعني
السلام عليكم ورحمه الله وبركاته
انا اعيش في مدينه وسبق اني توظف فالرياض تقريبا سنه ونص وبصراحه ماتقبلت الحياه فيها بسبب
اول شي اني بعيد عن اهلي والناس لي تعودت عليهم
الزحمه ، الرتم احسه فالرياض سريع مدري احس الدنيا تركض والحياه سريعه ولازم تواكبهم
بالنسبه للي نقل وعاش فالرياض من محافظه او مدينه كيف قدرت تتقبل الموضوع وتتعود ؟
وهل عادي تضحي تقريبا براتب اقل ٣٠٪ او اكثر وبيئه عمل اقل جوده وعمل روتيني ومافي تطور مقابل انك ماتنقل للرياض ؟
لاني هذا لي واجهته كثير يقولون لي ضيعت عمرك مكانك غيرك راح لرياض وتطور وظيفياً ومسك منصب وانت دافن نفسك هنا
صح يمكن البعض يقول دامك مقتنع خلاص مانكر عليكم اني حمدلله مرتاح اني بمدينه صغير وهاديه بس من ناحيه العمل لاوالله مافي تطور وبيئه عمل سيئه نوعا ما فيها استنزاف نفسي شوي بحيث انك تتقبل امور مهب من اختصاصك بحكم نقص العدد ومافي الا انا يعني اخلص امور مالي علاقه فيها وامشي الامور ولا اعقد عشان ماتصير بيئه العمل اسوء ومشاكل اكثر
السلام عليكم
عقب فلمه طلعو ناس واجد تمدح فيه وتبجل فيه وتمدح فيه لدرجه شكيت انهم تاكين معه وان الاعلام شوهه صورته ولي يقول اسلم ومخفي إسلامه سوالف
ولو انه موجود الحين كان تلقونه بملفات ابستين اول واحد
السلام عليكم
لاحظت ناس فلنادي وغير النادي يلبسون تيشيرتات عليها صور مايكل جاكسون ولا انمي ولا صورت مغنيه مشكله بعضهم اشوفه فنادي يصلي معنا بالتيشيرت
طبعا اول شي الدين اصلن بعده عجزت استوعب عقليه لي يلبس كذا
هل انتم تلبسون كذا ؟ ورايكم ؟
السلام عليكم
هل سبق جربتو l-arginine l-citrulline
ووش الفايده منه؟ وكم استمريتو عليه ؟
السلام عليكم
اخذت ساندوتش مبرد من افران الحطب سيزر دجاج
بصراحه سعرها فوق ١٥ ريال وفيها ٩ قرام بروتين
حلوه للفطور سريع وقعدت افكر ليه ماقدر اسوي زيها بس اصعب شي الدجاج بالنسبه لي دجاجه طري طري اطرى من الخبز اول ماتاكله يذوب ودي اعرف كيف يسونه ودي اسويها واحطها بثلاجه واطلعها واسخنها واخليها فطور سريع
السلام عليكم
اخذت ساندوتش مبرد من افران الحطب سيزر دجاج
بصراحه سعرها فوق ١٥ ريال وفيها ٩ قرام بروتين
حلوه للفطور سريع وقعدت افكر ليه ماقدر اسوي زيها بس اصعب شي الدجاج بالنسبه لي دجاجه طري طري اطرى من الخبز اول ماتاكله يذوب ودي اعرف كيف يسونه ودي اسويها واحطها بثلاجه واطلعها واسخنها واخليها فطور سريع