u/Status-Yak-3993

السلام عليكم

محدثكم معتزل البلايستيشن من فتره ولا العاب ولا غيره بس اوقات اشتاق لايام اول

طبعا بدايتي الفعليه من كود ٤ على بلايستيشن ٣ وتقريبا انتهت على باتلفيلد 1 بلايستيشن ٤

انا احب كود والعاب الاون لاين اكثر من العاب القصص يعني تقريبا سابقا كنت مالعب الا كود بس حاليا ماعندي اي صداقات او احد يلعب كثير يقولون ترا رح تطفش اذا بتلعب لحالك ماراح تكمل وبتمل وش رايكم ؟ اخاف اشتريه ولا العب وفكرت اشتري pc بس تكلفه اعلى ونفس شي اخاف بعد فتره اتركه مع العلم اني مو متقبل pc وكيف اللعب بالكيبورد مو متعود ولا جربت

السلام عليكم

انا لي تايب معين فالبنات وهي المليانه او وزنها اعلى من المتوسط بس ماتكون اوفر ويت

حتى الوجهه اميل للوجهه المليان الخدود

واهلي والي حولي تقريبا كثير يعارضوني

والبعض يقول ماتقدر تشرط هذا شي صحي لها ماتقدر تقولها لاتنحفين واصلن احتمال كبيره في فتره الملكه انها تنحف

بصراحه اني مانجذب للبنت النحيفه ابد

مر عليكم احد مثل شرطي هذا 😂 وهل في امل انها ماتنحف وقت الملكه

اكثر موقف ينرفزني لما اكون ملبق بنادي او في دوام ويجي واحد من اخوياي ويطق دريشه وانا منسجم مع جوال مع مقطع ولا محادثه ولا يتطفل ويقرا او يشوف وش فاتح وفجاه يطق القزازه قسم بالله كميه نرفزه تجيني مهب طبيعيه اوقات والله امسك نفسي اني مانفعل لانها حركه جدا مستفزه اذا انت تسوي كذا باخوياك لاتسويها واعقل عن التطفل وقله الحيا

تستفزكم هالحركه ؟

السلام عليكم

في احد طالب قريب منهم؟

ودي اطلب بس الاجواء حاره ولا عندهم شحن مبرد وممكن توصلني تالفه

السلام عليكم

انا من النوع لي يتمرن ارجل بشراب لاني الجزم فيها فوم والفوم ينضغط ومو مريح ويمكن تجيك اصابه مع الاوزان العاليه

لكن اشوف مرات ناس معضله وازوانهم عاليه يلعبون ارجل بهالجزم

انتم تتمرنون بجزمه فيها فوم؟ ولا بشراب ؟ ولا جزم كونفرس بعض ناس اشوفهم كذا

السلام عليكم

بشرتي دهنيه دايم مدهن ويعطي شكل مدهن

وش الحل

السلام عليكم

هل تتفقون ان الشخص اللي علاقته قويه مع اهله من جميع نواحي اهتمام تواصل حب ترابط اسري يكون قوي عاطفيا ولا يحتاج لعلاقات اقصد انه يكون مكتفي بحب اهله وتواصله معهم بدون مايدخل بعلاقات وتعلق حتى بأصدقائه مايكون عنده تعلق فيهم

السلام عليكم

اتابع شخص على سوشل ميديا محترم وخلوق

وسبق اني قريت بتويتر انه الخاتم بالاصبع الاوسط مو حلو ويقصد فيه شي مو كويس

صدق هالكلام ؟

لان هالشخص حاله حال نفسه ومحترم ومايظهر نفسه واجد اصلن بس شفته ليوم مصور خاتم في اصبعه الاوسط

السلام عليكم

يقولون الاسواق تكافى الصبور

وصبرنا صبر على تاسي ثلاث سنين وزياده في استنزاف والاسهم تسجل قيعان

برايكم بعد هالصبر رح نشوف انفجارات سعريه والمؤشر بيتخطى ارقام والاسهم معه؟

المقصد ان شاء الله انه في ٢٠٢٧ يارب

السلام عليكم

حظرت فلم قبل كم يوم وجلسه ساعتين وزياده ركبتي راحت فيها مع العلم اني حمدلله اتمرن واموري طيبه وقت التمرين

احد يعاني من هالشي؟

السلام عليكم

انا ظلمت نفسي وغلطت ومو قادر اطلع من دائره الندم والحسره للاسف وعارف انها من وسوسه الشيطان بس مو قادر

لما ابي ابدا حياه جديده وخطوه جديده بحياتي استرجع ماضيي اقول اني شخص سيئ

صرت مرات اشوف لي حولي اقول ياحظهم ماعندهم ماضي سيئ صح انه ماتعرف وش ماضيهم بس تحسه نيتهم طيبه وصافيه عكس عني مدري كيف اوصلها لكم بس اشوف نفسي شخص سيئ وماثر علي كثير وحتى على شخصيتي

السلام عليكم

بس حبيت اسولف عن صديقي طلع من السجن بعد ٤ سنوات

توقعت يتغير شخصيه اسلوب بس بصراحه ماتغير شي فيه

ماقصد انه يتغير لشي افضل او انه كان سيئ قبل

بس منبهر شوي انه نفس ماهو توقعت يطلع بشخصيه غير مثلاً يكون قليل الكلام او تتغير بس سوالفه او افكاره بس نفس الشي

السلام عليكم

لما يكون روتيني مثل اي روتين ومازالت تصبغات تقعد معي شهور واشخاص ثانين تروح منهم هل طبيعه بشرتي سبب ؟ او يمكن يكون نقص فتامينات او ماله علاقه؟

السلام عليكم

انا شعري ماقد صبغته

لونه بني غامق اوقات استعمل شامبو لفتره احسه يغمق لون شعري ولما اغير لشامبو ثاني احسه يفتح ويصير لونه بوني واضح

تلاحظون هالشي؟ مع انه شعري ماقد صبغته او حنيته او شي هذا لونه من ولدت

السلام عليكم

اكيد كلكم شفتو المهتمين بالذكاء الاصطناعي من مطورين او مستثمرين مثل ايلون ماسك او غيره

والكل يقول السنين القادمه ماراح نحتاج لمبرمجين حتى المحترفين بالبرمجه رح نستغني عنهم الذكاء الاصطناعي الان يقوم بالمهمه باحسن الطرق واسرعها رايكم بهالكلام ؟

لاني تخصصي نظم معلومات وانا بصراحه توظفت بوظيفه بعيده عن تخصصي واوقات افكر اني ارجع اخذ دورات وشهادات تخصصيه بس مرات اقول لو اتخصص بالذكاء الاصطناعي افضلي من اني ابدا من الصفر والبرمجه لاني منب صغير عمري حاليا فوق ٣٠ سنه والي درسته عن البرمجه تقريبا اغلبه نسيته ورح ابدا بدايه جديده

هل تنصحوني اني ابدا بالذكاء الاصطناعي وكيف اتعامل معه وافهم تفاصيله وكيف يشتغل وكيف اعطيه الاوامر لاني حتى الذكاء الاصطناعي ماتعقمت فيه كثير

محتاج رايكم واقتراحاتكم