u/Waraq_Enab_

حجمهم صغير جدا زي الوايبس مش فاهمة اعمل بيهم ايه ومعايا حوالي عشرة كل باكيت فيها خمسة

كانوا بيوزعوها في الجامعة

امبارح كان عليا محاضرة واحدة الصبح خلصتها بدري وبعدين رحت مع صاحبتي الجديدة مكتبة الجامعة نشوفها كانت مقفولة للصيانة وكنت ناوية اقابل صاحبتي من ثانوي بس قالت مش هتعرف فعرضت على صاحبتي نقضي الوقت سوا ووافقت

رحنا الزمالك ووريتني مدرستها وقولتها اسم مدرستي واسم عزبتي (اسمها وصمة عار) وعرفتني ع مكان بيبيع ايس كوفي رخيص ب25 ماقعدناش في مكان فضلنا نتمشى كنت مغرمة بالشجر فبصور اللي يعجبني ومش حاسة بإحراج منها وكنا بنتعرف ع بعض اكتر حبيتها اووي نيرد شبهي في حاجات كتير وكمان كنا حاسين براحة في الكلام نتكلم عن اللي عايزين نعمله ونفسنا نجربه بعدين او نحكي اي حاجة، ورحنا محل ميكب وانا هي فاشلين في الميكب ديما كنت اجيب اي حاجة واعمل اي عك بس مكناش حاسين باحراج من جهلنا ده كنا بنجرب ونصور ونوري صاحبتنا التانية تختار معانا ورحنا محل ادوات للمطبخ نتفرج عشان بنحبهم وبعدين رحنا سعودي عشان التكييف، انبسطت اووي مش بعمل ده من زمان ان يكون ليا صاحبة اخر مرة كان من خمس سنين وكنا اطفال حبيتها اوي اتمنى نكمل سوا

نصها مكرونة عشان بحب التنوع

شفته مرة واحدة في حياتي ومقدرش اشوفه تاني بيخليني اعيط

كنت بحفز نفسي بالمذاكرة اني افكر نفسي بذات🙏🏻

اخر تلات شهور ثانوي كنت قاطعة فيهم عن العالم حتى ابن عمتي كان خطب ومعرفتش وقتها، كنت فاكرة لما اخلص الفترة دي ارجع تاني عادي بس لسه قاطعة مع الناس وبخسر علاقات كتير ومع ناس مهمة وبحبها، ويوم النتيجة مكنتش مبسوطة عكس عيلتي وكذلك يوم التنسيق، وقت ما اجيب حاجة كان نفسي فيها، صرفت فلوس كتير، خرجت، جربت حاجة جديدة، مش حاسة اني مبسوطة بقى عندي رغبة اغلب الوقت اني اعيط بقيت دراما اعيط بالساعات وعلى اي حاجة حتى لو في المواصلات مش بقدر امنع نفسي، واغبى حاجة من يوم عيطت لساعة ونص من كومنت ريديتور ميعرفش عني حاجة

لسه مش عارفة ارجع اعمل الحاجات اللي بحبها او اقعد مع صاحبتي اكتر انسانة في حياتي بحبها بقيت ببعد عنها ومش بكلمها بالاسبوع حقيقي مش عاوزة اخسرها هيبقى صعب عليا اتخطى

كل فترة بيجي يوم بحس فيه لكام ساعة اني احسن وانه خلاص بس برجع تاني لنفس كل حاجة لنفس كره الذات وانه مش قادرة اتقبل نفسي والخوف من بعد كده اني منجزش اي حاجة في فترة الجامعة واكون زي ما دخلت خرجت او اني اشيل مواد ومجبش GPA عالي بما اني عايزة اكمل ماستر بعدين

مش بكون راضية عن نفسي في اي حاجة بداية من النتيجة رغم اني مكنتش عايزة نتيجة محددة بس مجرد شوية امتيازات اخدها وخدتها

وبنسى قد ايه ربنا كرمني انا متظلمتش في ولا درجة والمواد اللي كنت عايزة اجيب فيها درجة معينة جبتها بالظبط وكمان كل دفعتي داخلة خاص ولجنتي وكل ادبي اللي معاياجايبين ملاحق فبالنسبة للناس انا كده واو بس انا شايفة انه لا مش كفاية

ديما بشوف اي حاجة بعملها مش كفاية انا نفسي مش كفاية مش زي ما الناس ما بتشوفني والحقيقة انا متحبش ولا زي ما بيوصفوني ان شكلي حلوة اوي وانه لا عادي، كنت فاكرة اني اتخطيت ده وبقيت متقبلة شكلي بس اتضح لا انا لسه بكره شكلي وكل مرة بحاول الموضوع بيكون صعب جدا، رغم انه فعليا مديني امتيازات من تعامل الناس معايا، بس مش عارفة اشوف نفسي بطريقة حلوة

من يأسي منزلة بوست احكي على ريديت فهيكون فيه نقد ممكن مستحملوش فأرجع اندم، للاسف اول مرة مبقاش قادرة افهم نفسي او اعرف اتعامل مع مشاعري بعد محاولات فاشلة ظنا انها مجرد هرمونات

"اذكر كم مرة تم ذكر كلمة بعيط"

الفيلم مبدأيا مش ندمانة اني شوفته طول الوقت كنا متشدين ليه ونموت ونفهم وكلللللل شوية نغير النظرية انا اقول مجرد تروما عشان امه ومش فضائية وهو اللي مجنون، وابن عمتي يقول هتطلع فضائية بجد بلوت تويست جامدة، وتمثيل جيسي اكتر واحد عجبني كان مقنع جدا وكل شوية ياخدنا انه مجنون او نحس انه لا صح شوية بس لسه شايفاه مجنون

كان فيه شوية تلميحات زي ال500ڤولت ودي اللي خلت ابن عمتي متمسك بنظرية انها فضائية وانا شوفتها عادي استحملت وحتى لما حكت في الاخر القصة الحقيقية قلت دي بتضحك عليه عشان يسيبها مش اكتر، يمكن فضلت شايفاه مجنون عشان مصدق القصة جدا ومصادره يوتيوب وكذلك تصرفاته والحوار بالنسبالي كان غير واقعي "مركزتش في تفاصيل تصنيفه"

النهائية كانت عبثية لينا وشكل لبسهم حقيقي يضحك بس فضلت اخر تلات دقايق فاتحة بوقي من الصدمة

تقييمه تحفه ممكن اديه 4/5حسيته في الاخر قلب حزلقوم

​

النهاردة شفت واحد بعربية مشغل مهرجانات وبيغني معاها فبصيت بنظرة انه حلو ده اجواء حلوة ومبسوط ما انتقدتش

وانا ديما لما اشوف واحد بموتسيكل ومشغل اغاني مش لابس ايربودز انتقده ومش طايقة لان الصوت مزعج وعالي جدا

يمكن ما انتقدتش صاحب العربية عشان هيئته، انه في عربية وشكله مش سرسجي وكمان حاجة، انا بعمل كده لما اكون مع البنات قرايبي بنسوق العربية ونشغل اغاني كده بصوت عالي وفي الشارع، فشوفته ان مبسوط وعادي مكنتش متضايقة حتى من الصوت

شايفة ان الاتنين غلط عشان ده ازعاج بس زي ما قلت حسب الهيئة والانطباع انا غيرت موقفي وبقيت متحيزة

انا غلطانة اني فتحت فيسبوك على الصبح🥰