u/jx3r55

قبلها كان عندي ايباد الجيل الثامن لين حرفيا تفحم ما امزح حوالين الشاشه تكسر لدرجة اقدر اشوف داخل الايباد من كسره تتوقعون؟ اختي الورعه بركت عليه

وسوو لي مفاجأه على اساس بيصلحونه و شرو لي ايباد جديد و توني بعد ثلاث ايام جوالي يتفحم بعد (ايفون اكس) كنت حاطته بالتوت باق حقتي وطلعنا ويوم رجعنا خليته يومين بالشنطه

(كنت استخدم الايباد طول ذا الوقت لانه جديد فا يعني اتعلم عليه)

بعدين اروح اطلع جوالي من التوت باق بوم مكسر ولونه اخضر و قاعد يضغط من نفسه وانا مستغربه ليه يعني وبختصار ماصلحوه (ذا الكلام كان شهر فبراير ذي السنه)

وبعدين ضليت على الايباد لذا الوقت

ولله الايباد جميل حرفيا كانه ماكبوك ويمديني افتح مليون تطبيق بنفس الدقيقه و كان ابقريد كبير لي و يمديني احمل كل شيء عليه حتى الواتس و شريت له قلم من قريب والوضع عادي لكن…

انا انسانه احب اصور كثير الايباد حلو بحط لكم صوره في التعليقات كتصوير هو حلو

لكن وانا برا انا مره نادر اني اطلع بشنطه كبيره فأضطر اكون حاملته طول الوقت

وبعد مقدر اطلع تلفزيون عشان اصور كل مره واحس احراج مره وان الكل بيطالع فيني هو اخر همي كلام الناس لكن ستل شوي يحز

فا صارلي ٥-٦ شهور على ذا الوضع وكل ما حاولت اقول اء لاهلي يسكتوني لان يعني توهم شاريين لي ايباد والمهم كل الي اقوله الحمدلله على كل حال 🩷

حرفيا الفلم عدته تقريبا عشر مرات او اكثر

لان فيه رابط بيني وبين الفلم بشكل غريب مدري كيف اشرح

يعني القصه الشخصيات و اهم شيء الساوند تراك مره مره يعجبني وخصوصا اني احب الموضه الي تكون فوضويه زي كرويلا بالظبط

وكيف انها تحولت من انسانه عاديه الى مشرده من عمر صغير وبعدين النقله النوعيه الي صارت بعد ماعرفت سر البارونه شيء مثير للاهتمام صدق

فا وش رأيكم ؟

ما احب الرعب ولا ابغا وثائقي بس في نفس الوقت عادي أحب الوثائقيات صراحه اذا تشوفه استثناء اكتبه
عادي لو كان كرتون

ببدا الاسبوع من يوم الخميس الي توه راح لان هنا بدأت العفانه

بختصار كان عندي اختبار الخميس و تروشت قبل لا اطلع ورحت اختبر وانا شعري في claw clip عضاضه ماسك شعر مدريي لها مسميات كثيره

المهم قاعة الاختبار ثلج و انا شعري رطب وملموم ومستحيل راح ينشف يعني وقعدت في القاعه بشعري الرطب❤️

وبعد ماخلصت الاختبار و جاء يوم الجمعه صحيت وعلطول قعدت اذاكر لاختبار الاحد وسهرت لين صباح السبت وانجزت صراحه بس اغلب الوقت كنت احفظ القوانين المهم قبل لا انام عشان اصحى ظهر السبت وارجع اذاكر احس حلقي يوجعني سويت لي شاي وشربته وقعدت شوي ونمت وخلاص مافكرت بالموضوع

واصحى ظهر السبت🫪

مو قادره اشيل نفسي من السرير ومره تعبانه لدرجة خليت اهلي حرفيا يعتمون البيت لان اي نقطة ضو كانت تألمني بسبب الصداع واخذت مسكن وغصبوني اكل ورحنا المستشفى عطوني مغذي مسكن الم وقالو التهاب حاد في الحلق (صراحه مدري اذا كان السبب ان شعري رطب انا ما اتوقع بس امي زرعت الفكره براسي😭) والمغذي قاعد يخلص انا قاعده اذاكر و الممرضه تقولي طفيه وارتاحي اقري بعدين قلت لها لازم لان علي اختبار بكرا قالت لاتشيلين هم ان شاء الله تصيرين احسن المهم امي كلمت المدرسه وقالت لهم عن حالتي وقالو معليك بلاه بلاه بلاه

بعدها نجي للاحد اخر يوم لي واتخرج والاستاذه صراحه ما قصرت هي مو بس انا الي ساعدتني ساعدت الكل حرفيا عطتنا الاجابات

و خلص الاحد وخلص الاختبار نجي لليوم بدال لا اخف زاد علي المرض لدرجة ان من ما كثر حرارتي ارتفعت جاتني هلاوس قويه مره ورحنا مره ثانيه للمستشفى ونفس الشيء عطوني مغذيين والدكتور هزئني لاني ما اكل زين وحرفيا رحت ببجامتي وكروكس الحمد الله اني محجبه🫪🙏

يوم رجعت اكلت بالغصب و اخذت علاجاتي والحين احس اني احسن شوي الحمدلله الف مره

وكنت مره خايفه اني بزفت في اختبار الاحد وبجيب درجه خايسه ولا بجيب تحت التسعين او شيء بس الحمدلله رب العالمين جبت درجة ما كنت عمري متوقعتها ودايم الواحد يردد الحمدلله على كل حال و الله يشفي جميع المؤمنين و المؤمنات

وانتم وش صاير بحياتكم تراني طفشانه احتاج سوالف