u/kawaiibee

صباح الخير، قلت أناقش اليوم احد اكبر المواضيع المهمة لما نجي للزواج لأني ماشفت كثيرين يتكلمون عنها واحسها برأيي شيء اساسي. الا وهي قبول أهل الولد طبعا بتكلم من منظوري كأمراة ولو احد يبي يقول منظوره كرجل ماهي مشكلة. بأختصار يا جماعة قبول الأم واخوات الخطيب/العريس للبنت يعتبر شيء اساسي لانهم لو ما تقبلوها راح يحرضون الأبن / الأخو على الأنفصال وعلى الأدمية وللأسف شفت هالشيء. حصل وجات ام الولد وشافتني ثم جا الولد وشافني وكان الوضع كله تمام وبدا يسال عن وقت العرس وتفاصيل قلنا نناقشها ان شاء الله مع كتب الكتاب. ثم فجاءه جانا الرفض من امه. ابد لعلها خيرة ربي أعلم لكن الصدق ذي أحد الأشياء الي تخيليني اقول طيب لو حصلت احد هنا. كيف بيكلم اهله؟ انا ابي قدام أهلي تقليدي. هل بيقدر يثق بأمه مثلا ويعلمها او اخواته ؟ طيب واذا جاوا ونفس القصة الولد موافق بس الأم لا ؟ بختصار هل انت كرجل ممكن تكمل زواجك اذا البنت مافيها اي عيب بس اهلك ما اعجبو فيها. وأعتقد الصدق الأسباب سطحية اني ما كنت نوعها المفضل من النساء لانها ما سالتني حتى عن وظيفتي انا الي علمتها. فياما سمعنا عن الرجال الي يكمل ويحمي زوجته ويتزوج واهله بعدين يصيرون عادي. بس أكيد ماودي لا على نفسي ولا على اي بنت غيري نبدأ عداوة. ولو لا سمح الله ربي رزقني بزوج كويس بس أهله لا، بترك التعامل بينه وبين اهله له لان مالي دخل ولو ايش مستحيل يحبوني اكثر من ولدهم. اسال الله ان يرزقنا اجمعين الزوج/ة الصالح/ة واهل كويسين. وش رأيكم ؟

Edit: ملاحظة هل بتمشون على نوع المراة الي ودك تتزوجها ولا النوع الي امك تبيك تتزوجها ؟

وش تشوفونه شيء ممكن يخليك تلغي الموضوع كامل ؟ بالنسبة لي اذا كان شخص سطحي او متعصب من أي ناحية او غير محترم او غير صادق.

مساء الخير، جاني فضول اعرف وش هواياتكم او تجارب ودكم تخوضونها معهم؟ بالنسبة ودي زراعة وحياكة وخبز وقراءة كتب وسفر ونروح لمتاحف تاريخية وفنية. ولسه في كثير بس خلوني اسمع عنكم.

مساء الخير، جميعا يا قوم اسمعوا وافهموا. اذا تبون تفاح فخذوه. لا تروحون تقنعون الناس يتغيرون وما اتكلم هنا عن شيء صحي مثل الوزن ( اقصد الي عالي وهم يبون ينحفون، اما الي يبون مثلا الي ٦٥ وتحب نفسها يبيها ٥٨ يدور غيرها ) لا اتكلم عن زي المكان او المدينة او الوظيفة او الطباع الزينة بمعنى شيء مثل بنت ما تحب تحط مكياج لا تجي تستنقصها ليه ما تحطين ولو ولد ما تجي تستنقصيه بحالته المادية لو انتي مو راضية عنها اساسا. من البداية قولوا كل شيء ولا تحاولون تغيرون احد. ومنشورتي الي قبل عن ان التغيير شيء كويس أقصد به لما طباع سيئ يلاحظه بك الشخص الثاني ويكون فعلا شيء سيء مو من منظورهم هم فقط.

You can love me when it is sunny, so does everyone else dear, but what about the stormy nights ? Where the shadows watch me crumble on the floor. I am not too naive to tell you that all you will have of me is my tears. However love isn't cruel to only want me existing when it is peaceful? For you to love someone, you shall love them through the storm. Even the field of sunflowers cry at times when it rains. Life is short, the seasons will change. Love me through it all.

-Sunflower

اولا اسفه كتبته انجليزي لان اكره اللخبطة لما ادمج اللغتين او اعرب كلمة اساسها انجليزي. ثانيا صباح الخير والسلام عليكم ورحمة الله وبركاتة، الموضوع يا قوم هو عن ال pick me.

سؤالي موجهه الصدق للرجال اكثر من النساء نظرا الي انتشار ذي الفئة من البنات بشكل أكبر. البعض يقولون لهم "ذكوريات" اذا ما فهمت المصطلح لكن السؤال هو، هل انت عادي زوجتك تكون واحدة منهم ؟ وهل بالعكس تفضلهم؟ اذا نعم او لا بس اكتب. بس خلني اقولك يا اخي بالأسلام ليه انصحك اول ماتحس البنت كذا تنحاش ولا تشوف وراك. اولا اي شخص من النوعية ذي ماعندها اي ثقة بنفسها وكلمة توديها وكلمة تجيبها وخصوصا لو من رجل. هواياتها مو هواياتها فعلا انما وش الي ممكن يعجبك ويعجب الرجال كمان بمعنى بتقولك " ماني زي باقي البنات ما احط مكياج وانا سعيلة واحب فيفا " طبعا اي بنت فيها الصفات ذي لنفسها كهواية مو مشكلة بس المشكلة ان البنت الي كذا شيء ثاني. وحاجة كمان يجونك يتهمون ويسبون اي واحدة فعلا تتكلم بمنطقية وكمثال في بنات ردوا على منشورات لي بهجوم واني انا "ذكورية " بينما لو احد شاف حسابي عرف ان حالي حال نفسي ولا دورت لأحد. وقبل انهي نقاشي. الزواج يعني أطفال مستقبلا ان شاء الله، والأم الذكورية اسوأ نوع خصوصا لبناتها. المقارنة الأذية ؟ يعني الصدق اذا جوك بنت تسب وتذم البنات الثانين، فأنت قاعد تتزوج مراية بتصير اي شيء تبيه وفقط. وليس شخص حقيقي.

صباح الخير، خلونا نتناقش بموضوع احس الكثير يتجاهله الا وهو "الخيانة" وينسون انها اكبر سبب لأنهاء علاقات كثيرة. الي أفكر فيه زي قلت لكم قبل نتوكل على الله وندعي الخير والستر. الا أنه تشوف كثيرين رغم انك تحس زوجها/زوجته ناس كويسين الا انهم يخونونهم ويزعلون لو انقفطوا ويبررون. هل الخيانة شيء حتمي ؟ هل الشخص دائما بيبحث او تبحث عن شخص افضل ؟ اشوف ان الدين يمسك الشخص عن الأشياء ذي كلها الحمدلله بس لازم مبادئ كمان وغض بصر زي قال الدين. بس الأن تحس بعض الناس كأنهم داخلين مطعم، تزوج وجاته البنت الحلوة الجميلة الي مافيها ولا غلطة (باربي ). ثم يخونها. ثم تبدأ النساء بقول " دام فلانة انخانت عزا الله انا بعد" واحيانا يكون الضحية الرجل وتكون المرأة خائنه. فبختصار كل هذا سؤالي هو، هل هو شيء حتمي ؟ ام ان الناس الي تخاف الله زادت؟ وايضا الخيانة لها انواع منها عاطفي وجسدي. ومن مظاهر الخيانة الي يضيفون الشعب سناب والي محملين تطبيقات زواج او داخلين اماكن زواج وما الى ذلك. والان سالفة رفيق او رفيقة العمل.

اشكر الصب ان تعرفت على بنات حلوات صاروا صحباتي وشكرا.

صباح الخير، الأن سؤال ليه كل فترة اشوف شخص وعادة رجل يكون مستغرب من ارتفاع حالات الطلاق ؟ مثل الزواج شيء مهم ربي حلل الطلاق لأسباب ومنها ان الشخص ذا ممكن ما يكون شخص سوي او كويس فهذا شيء طبيعي وكمان الرجل ممكن يتزوج واحدة وينصدم فيها بعد الزواج من ناحية التصرفات. بختصار الي لازم تفهمونه انه مثل في زواج في طلاق. اذا اخفوا عيوبهم لين الزواج ما كأنها النهاية لا يمديهم لسه يتطلقون. أحسنوا الخيار وسووا الي تقدرون عليه لكن تذكروا التوفيق والرزق من عند الله. ولكن في حالة ما تيسرت الأمور استروا على ماواجهتم وكملوا حياتكم. واذا احد بيجي يقارن بين ايام زمان والأن لا تنسى ان وقتها مجتمعنا ومجتمعات كثيرة يشوفون اذية الشخص اهون من طلاقه وناس كثيرين تدمروا من هالشيء واثاروا علينا سلبيا والنتيجة والضحية كانت اطفالهم. فأرتفاعه منطقي جدا نظرا للجيل السابق والحالي. بالنهاية اسال الله ان يهب لنا جميعا ازواجا صالحين ويغفر ويعفو عنا في دينتنا واخرتنا

ابدا لا تتهاونوا بوقت الصلوات والأذكار وسورة الملك واية الكرسي بعد كل صلاة والوتر والسنن اذا قدرتم وصلاة الشفع كمان. كل شيء بالدنيا ملحوق عليه. وسبحان الله ماندري متى يومنا فدائما حافظوا. وتصدقوا واسال الله ان نلتقي في جناته اجمعين