u/nouoooooooooooooor

طبعا اني حاقدة على ابو العربي لان حجه على صفة شكلية بيه كدام الصف على اساس انه ميزني بيهة و خلاني مضحكة، فأني استلمته، صار من يقرا شعر ادور اقل زلة و اكله غلط، فذاك اليوم جان يكتب بالاحمر بالسبورة كتله استاذ ماشوف الاحمر هو بدله بس كال هو الاحمر احلى لون ويزين السبورة و شنو قابل عندج عمى الوان وما تشوفينه و هو يخلي الثور يعصب مادري شنو الزبدة جاب طاري الثور فأني كتله الثور ما يعصب من اللون الاحمر فماله علاقة كال لا اله علاقة كتله ماله علاقة كال لا اله علاقة و كال هو يخاف من اللون الاسود الزبدة انتظرت فد يومين لان جان وراها عطلة ووراها ماعدنة درس عربي منا لمن اجه درس العربي بحثت وطلع الثور اصلا اعمى الوان ما يشوف الاحمر و الاخضر و رجعت بكل عين صلفة كتله استاذ تتذكر من حجينه على هاي طلع الثور اصلا اعمى

اكلت اناناس اليوم و حسيت حلكي كام يحركني كلت من الحموضة بس كام يحركني حيل وراها اكلت توست و مارتديلا و حسيت حلكي جاي يتشكك من النشف والحركان و حسيت طعم دم بعدين كل هذا خف و رحت للمطبخ ووسوسلي الشيطان وكملت الاناناساية كلها بيوم واحد بس بالمرة الثانية شربت وياها حليب و يفيد يوخر الحركان بس وراها حسيت طعم مر بحلكي هسا اموت لو لا

من بدينا دوام جان اكو طالبة اني ما شفتها بس وراها صارت كل الايام غايبة كل يوم ينعاد اسمها بالغياب يعني يمكن بس يومين لو ٣ داومت واحنه صالنة اسبوعين نداوم

فشنو بالاخير طلعت حامل (مو خارجي، بكبرنا) و يعني احا لان من سألوا الطالبات عليها كالوا مستواها زين و بكبرنا وكلشي

اريد اعرف شلون يتزوجون بهيج عمر ولا تحمل همين و المشكلة ضاعت عليها سنة سادس والسنة الجاية مستحيل تكدر تداوم همين

الصورة الاولى اني من جنت بالسادس ابتدائي او الاول متوسط شفتها وكلت شنو هاي الكصة فقررت احط عيون وحلك لكصتي لان ليش لا

مر اكثر من اسبوع هسا و طبعا اليوم ماعدنه عطلة بس اني غبت لان ماكدرت اداوم بس باجر عطلة

المهم ابدي واحد واحد

1-اسلامية: زين بس ما طبلنه هواي بس ٣ دروس و شرحه ما يجذب الاهتمام

2- عربي: كلش زين و يخلي الطلاب تتفاعل وكلشي و خلصنه اول موضوع اعتقد و كلش فصيح حافظ هواي اشعار و القرآن بس كل شوية يطبلنه طالبة تسلم عليه ويضحك وياها وكلشي و كلش اجتماعي و كل ما يسمع اسم طالبة مألوف لشعر يكعد يكول الشعر و شوية شوية اختهن بس بشكل ايجابي مو سلبي يعني ما يدور اتنشن هيج من الله اختهن

3- انكليزي: فهد سال و كلش زين يشرح القاعدة ويحفظهنياه بس اني ماحفظها لان ما اعرف اقرا عليها

4- رياضيات: كلش مو زين الموضوع يعقده و اشتكينه عليه و حتى الولد اشتكوا عليه و امس سوولنه اختبار بالاوراق لأسياسيات البنات يختبروهن كلنه جفصنه بي و يارب يغيروه لان كلش ما راضين عليه و يشبه طلال سام

5- احياء: زين ويشرح قبل لا نحفظه يعني يشرح وبعدين احنه نحفظه و يشرح الرسم وما يضيع وقت

6- فيزياء: حرفيا يسوي اورا فارمنك هيج احس من يمشي يشتغل فونك طبيعي من الطبيعة و بالبداية عبالي يخوف بس طلع كلش زين وحباب و يمدح الطالبة الي تجاوب عدل و الي تحل اول وحدة و من يطي تحضير يطينه ورقة نقراها نطلع عليها وبالمدرسة يشرحها وراها نحفظها

7- كيمياء: بالبداية حسيته مو زين بس لا طلع زين و مادري ليش كلنه فجأة ننسى نقسم ونضرب و نجمع بالكيمياء فكام يدرسنه اساسيات رياضيات

ساحبة على ريديت من ورا السادس

حنزل ريفيو لمدرسين السادس لان ليش لا