u/rrrrreee11

عطوني فعاليات يالخريجين غششوني وش بتسوون وكيف احلل الجامعه ما دامه اخر ترم لي واذا فيه ترند ولا شي علموني ماراح اوفر شي و تحسون احط 🎓 جنب اسمي في تلي ولا شرايكم

قبل كم اسبوع دخلت ٢١ واليوم راح اقولكم وش حسيت بالتغيير خلال هالمده اول شي لافتتي كان بشكلي الخارجي تغير صار يوضح فيني النضج شوي بالنسبه للي حولي ممكن قليل ينتبهون بس لي كان واضح جداً** التغيير و قريب انتبهت للجزء الداخلي النفسي صرت اكثر ثقه بالنفس واحس الدنيا صارت ساكنه وهاديه شعور صعب الوصف لكن جميل و بعد احس تفتح عيوني عن اجزاء بالحياه كانت واضحه قدامي بس دوب استوعبها و اخيراً التغيير الاغرب في الاكل انا كنت اكل كلشي وايشي وما انقرف كثير وهذه كان شي احبه فيني بس فجأة صرت ما اكل الا اشياء محدده وانقرف من اشياء كنت اشوفها عاديه وغير شهيتي قلت بشكل** و فوقها صرت اشبع بسرعه واكل اقل من المعتاد وتجيني تخمه ما انتم فاهمين قبل عشان تجيني تخمه لازم اكل ٣ قطع كبيره مكرونه بشاميل مدري هو بسبب العمر او فين**ي **شي ☺️☺️
تقييم التغير للان ٨ من ١٠
شكلي صار احلا و نفسيتي تفكيري احلا بس تجيني حالات قلق وخوف مو طبيعي من المستقبل وخصوصا اذا تخرجت وش اسوي كيف بتكون حياتي
و يالعشرنين كيف اوضاعكم

اختي مره قررت تروح لمعلمه خصوصيه في بيتها و انا رحت معاها وكان وقتها عمري بين ٩-١٠ ولما وصلنا جلستنا بغرفه في وسطها طاوله دائريه وكانوا فيه بنات غيرنا ٢ اظن المهم بدو الدرس و جت بنت المعلمه ذي وقالت روحي اللعبي معاها برا الغرفه طلعت والبنت كانت غريبه هاديه مره واحاول افتح سالفه الا يجي اخوها يمكن عمره ١٤-١٣؟ ويبدا الرعب من هنا يقعد اخوها يناظرني بنظرات مرعبه وكنا بصاله وقدامنا غرفه قام فتحها وطلعت غرفة نومهم وفيها سرير و وقف عند الباب مبتسم ويأشر بيده تعالي!! واخته الي ما تتكلم قامت تقنعني ادخل هذه وانا طفله لحظتها عرفت وش يبغون وجسمي كله يصرخ بالهروب وفعلاً** رجعت لاختي وانا ميته خوف من الي صار وكان الغرفه الي معلمه فيها مفتوح بابها وصار يمر من قدامها يطالعني رايح جاي ومرات كثيره وفعلاً وقتها خفت مره حسبي ال**له

امي قالت لي ان قلبي اسود عشاني ما ابكي زي اختي…
قالتها مع ضحكه بس مر اسبوع وانا افكر بكلامها معقوله الي حولي يشوفوني حجره بدون مشاعر عشاني ما ابكي؟ هل مهم البكاء لهدرجة

خالي مره تعبان دعواتكم له بالشفاء ☹️

اخترت مسار ادبي او ماهو مسار كان نظام مقررات وكنا اخر دفعه ادبي وعلمي

سبب اختياري للادبي؟ لاني اكره الرياضيات ولاني وقتها نفسيتي تعبانه مالي خلق اذاكر ولا ابي اتعب نفسي ابي السهل وكان هذه الخيار المثاليي جداً** وقتها ** لاننا** اخر دفعة وكنا في اقصى مراحل الاهمال وعدم الاهتمام اغيب قد ما ابي ثاني ثانوي متذكر قد اني حليت واجب الاختبارات**؟** كانوا معلمات يرسلونها لنا او يغششونا و الاختبارات النهائيه اسهل مايكون حتى الي مايذاكر يحلها بس لاني فيني شطاره كنت اذاكر ونسبتي ما تقل عن ٩**٦

اعجبني اهمال المدرسه للادبي لان فصلين ومجموعنا ٤٠ طالبه وفيه بعضهم مايجون اصلاً
المدرسه مكثر الاهمال حصص الاحتياط مايحطون لنا ابله يخلونا نجلس برا الفصل نتكي عند الباب ونطالع بالي رايح والي جاي

المعلمات متساااهلات جداً** و كانوا يقدروني ويحبوني لاني الوحيده الي تشارك ومركزه معاهم ويفزعون لنا ويدفون وماهم فتانا**ت

فصلنا يعتبر من الادارة لان نساعدهم اكثر ماهم يساعدون انفسهم عادي جداً** نروح ندخل بنات اولى ثانوي لفصلهم بدال الاداره وترا مانخدمهم على الفاضي نتشرط يطلعونا الساحه الخارجيه بالصباح وحصص الفراغ وحتى مرات نطلع عشان ناخذ درسنا بالهواء الطلق الصدق احلا شي ان في فصلنا بنات جريئات ودايم نتدل**ع

هل ندمت؟ لا و اي لا لان كانت احلا مراحل حياتي كنت اداوم عشان الفعاليات والضحك والسوالف وحتى درجاتي كانت تعتبر جداً** عاليه (لان** كلش**ي سهل) حتى اني كنت الثالثه على المدرسه كامله بس تمنيت لو فيه تخصصات اكثر بالجامعه وب**س

احد نفسي؟ صايره اكره الترطيب بشكلل وجهي ما ارطبه الا قبل النوم وحتى جسمي بس كلشي الا شعور الحر و الملمس الدهني واعع

عندكم خلطه للشعر شعري مره جااف ونوعيته كيرلي ومساميته منخفضه جربت ماسكات الشعر العاديه وكانت تجربه مالها فايده ماينفع لجفاف الا زيوت ابي تجاربكم

بالابتدائي كنت جالسه مع مجموعة الدوافير (ارهب شي وقتها) وكنا بداية الترم و قطينا وجلدنا طاولاتنا وكنت مره مستانسه علاقتي معاهم كويسه بس فجاأة! تجي طالبه منقوله بنفس اسمي ! وتجي الابله حقت الدين تقومني من مكاني!! وتجلسها وقتها انقهررت على طاولتي الي مجلدتها! وبعد تجلسني مع الكسلانات (وجهة نظر لما كانوا مكروهات) وقتها كلمتها ابي مكاني وعصبت علي وقعدت ابكي (ذيك الي تحطين راسك على طاولة) حسبي الله عليها المهم وقتها ذي الي نفس اسمي واخذت مكاني وفوقها كانتت ترسم احست مني!! كنت رسامة الفصل.. واخذت اخر كروت لي البنت كان عسل مره وكنت احبها ودايم اتعلم منها الرسم بس ازعل مرات وكثير و زياده لما طحت مع ذولي مجموعة السيئه الي اكتشفت ان الابلات يحطون البنات المؤذيات فيه! واقولكم نهاية ترم كله اروح للوكيله ابكي عندها وحتى انهار بسببهم المهم والبنت ذي جت ترم واختفت والله يستر عليها بس بعدها انكرهت من كل بنات المدرسه والمعلمات وصارو يطلعون علي شائعات.. اخ اكره الطفوله والابتدائي

احب شكل الكدمات والجروح (((السطحيه ))) العميقه والعمليات وذي الاشياء لا بس الاشياء الخفيفه وقبل ما يصير لونها بني شكلها يعجبني مره والندبات الي بالوجهه اكثر شي جذاب اتذكر وحده كان عندها ندبه و حرفياً** واو ودي ارجع اشوفها عشان ندبتها ب**س

الترم ذا بذلت جهد مو طبيعي فيه عشان ارفع معدلي تعبت تعب وكل درجاتي ممتازه الا ماده وحده ضيعت كل تعبي بسبب دكتوره مجنونه و منسق الفاينل المريض كل درجاتي A+و A الا ذي الماده B واصدمكم ان معدلي ما تحرك التعب ذا كله ودراسه واخر شي نفس المعدل التراكمي ماتغير قلت لاهلي قالو احمدي ربك عادي بس كيف عادي تعبي يرووح اخخ ما تخطيت وش ذنبي اذا الفاينل مسويه دكتور برجله و حاط كل خيارات صح بس يبي الاصح !! ولا كتاب ١٢ فصل وجايب مقالي من بين السطور ولا دكتوره الي مقد تكلمت عن المشاركه فجأة تطلب تكليف تحسيني للمشاركة؟؟ ولا اعمال السنه الي مقد شفتها مدري كيف درجاتي حاولت ما ادعي عليها بس حسبي الله على كل ظالم ابي استانس بالاجازة بس اتذكر السنه الجايه خريجه لازم اجمع كل نص درجه مع ان كانت عندي فرصه ذا الترم …

طفش وابي مواضيع مثيره للاهتمام ابحث عنها واستكشفها واقرا عنها وعادي تكون عن اي موضوع حيوانات ، بشر ، حروب ، تاريخ اكثر واحد افضله واذا عندكم وثائقيات هاتوا

من اسوء فترات حياتي و اكتملت مع الي صار لي وكان تنمر من النوع الوسخ جدددداً** لما الابله الله يسامحها نقلتني لفصل جديد وكنت دخيله عليهم فا مالقيت مكان الا مع بنات سمعتهم مش ولا بد و وحده منهم كانت صاحبة صاحبتي وتهاوشوا وحاقده علي مدري ليه بسميها السوسه ومعاها صاحبتها بسميها القمله وفيه ثالثه بسميها المهرج بدا الترم كلشي تمام ولان طفش كنت احط راسي على طاوله انام ولا اتخيل و في يوم حطيت راسي والا اسمعهم يتكلمون بصوت عالي شوي ويتكلمون عني… كلامهم ما اتذكره مخي قرر يحميني وينسينه بس كان سم و وقتها انصدمت صدمة حياتي مقد صارلي كذا وش اسوي اقوم ارد عليهم وش اقول وش اسوي كانوا يتكلمون ونص كلامهم ما اسمعه من افكاري كيف ارد عليهم وماقدرت ارد لحد يسئلني ليه لان للان لفترة قريبه احس بالعار و الكره لذات بسببي وقتها بس رحمتني لانهم ماكانوا مشكلتي الوحيده المهم الوسخات كانوا مايقولونها بوجهي واصدمكم كانوا مرات يحاولون يفتحون مواضيع وسوالف معاي ولما احط راسي يشتغلون .. وقتها قررت تجاهلهم وصرت انام الا يوم المهرجه صبت شويه مويه علي وانا نايمه واصحى اطالع فيها مدري وش اسوي اقوم اضربها ولا اسئله ليه سوت كذا لما جيت بتكلم وتقوم تضحك وتقول مقلب والكل يضحك الله وتقول الواحد مايمززح وتعتذر وهنا ماعرفت وش اقول منجد ورجعت نمت وانا فيني بكيه لان ماقدرت اسئلها ليه سوت كذا اكثر ماوجعني مو كلامهم بل انا ليه ماكنت شجاعه ادعس عليهم وبعدها صارت كورونا وماكملت ترم اظن السوسه اشوفها بالجامعه مرات منبوذه والكل يكرهها مثيره للشفقه والقمله جاها سرطان واختفت بس حيه والمهرح مدري وين اختفت وبس والله اذا فيه اخطاء مقدر اعدل لانه بيخرب ويصير كله تسفي**ر

اساعد غيري وبالنهايه محد يقول شكراً** حتى لو مديت يدي اجيب لك شي قول شكراً حرك فمك بدون صوت اذا توفر احبالك الصوتيه الكلمه طيبه صدقه اقلها ابتسامه شي الموضوع يضايق واسلوب كانك تشتغل عندهم وشذا المجتمع الكئ**يب

اول جاثوم جاني كان على شكل ناروتو …

لاني وقتها اصحى وانام على حلقات ناروتو و جاني وخنقتي الحيوان التجربه كانت مرعبه وشعور خايس بس ماطول

فيه جاثوم ثاني جاني ببيت جدي ذاك حسبت اني راح اموت لان اصلا**ً كنت مكتومه من البطانيه** (البطانيه** حقتهم درع ماهب بطانيه**)** وفوقها كان يخنقني واتذكر ان راسي طالع من بطانيه واقاومه لما استوعبت لقيت اني مكتومه وكنت بودع**…** للحين مقتنعه ان مو جاث**وم

تجربتين كل وحده اخس من الثانيه والله يستر المره الجاي وش بيكون

تعبت من فاينل ابي اخلص وبعد توني ادري ان كل العالم خلصوا اختبارات الا الغربيه وحتى بداوم اختبر بعد الاسبوع الجاي والكل معطل يالله ياضيقه