u/wewe120210

ابي ناس اجوبتهم والحوار معهم فريد من نوعه ( unique ) , بخاطري اتناقش بمواضيع كثير والناس هنا متوفرين لكن اكره الاجابات اللي كانها طقم وتتكرر بكل مكان وتطبيق وبلابلابلا

هل
لو اسوي حساب بتويتر انزل فيه سوالفي ومشاريعي عن تخصصي بيساعدني الموضوع بالفرص والتوظيف؟ ولا مضيعة وقت؟

السلام عليكم
وش الاشياء اللي احتاج اطلعها من وزارة التجاره عشان اسوي لي متجر بزد او سله ، ياليت تعطوني علم عن سالفة ربط المتجر بالحساب البنكي وهل البنك بيفتح معي سالفه اذا كثر الدخل الخ…

انا شخص🫲🏻 ، كل شي سيدا عندي ماحب المجاملات ولا اللف والدوران ، لاحظت ان هالشي ماينفع ببيئة العمل او تكوين العلاقات بشكل عام ، ما اقول انه سبب فشل لكن التصرفات هذي ممكن تبطئ تطورك ، سؤالي هو كيف اكون مرنه؟

ابغى اقتراحاتكم لسماعه صغييره بلوتوث سعرها اقتصادي وماتكون ربل ❌❌

كيف اهتم ببشرتي ( دهنيه حساسه) وانا احط ميكب كل يوم للجامعه .. مو ميكب ثقيل بس ماحب وجهي يكون ساده

وين احصل افضل قهوه ديكاف ( اقتصاديه) غير حقت دانكن لان سعرها شوي مرتفع

قايز شعري فروته دهنيه واطرافه جافه شوي ، اعاني من تساقط صارلي تقريبا سنه ، طلع السبب من السدر فتركته وصرت استعمل حنا وزيت جوز الهند ولاحظت بيبي هير يطلع.. عندكم اي نصائح ثانيه للكثافه ؟

وش الدورات اللي فادتكم تجيبون فوق 70 بستيب؟ ابغى شي ينفع صدق .. انا كويسه عموما لكن الريدينق عندي مو مره

جسمي جاف جدًا استخدم له سيتافيل او يوسرين البنفسجي لكن اسعارهم تهاوييييل
عندكم شي افضل بسعر اقل؟

وش افضل ايسكريم جربتوه؟ بسرط مايكون مليان كراميل او كله تشوكلت وسعره معقول
ولا شكرا مابغى كنتاكي

الله يعافيكم عطوني نصايحكم كيف اقدر استثمر من مكافأتي سواء كان في اسهم او غيره ..

بعد ما اخلص التمرين يجيني حرقان ، لاحظت هالشي من شهر بالرغم من ان لي سنين اتمرن وماعندي مشاكل بمعدتي ابدًا لكن لاحظت هالفتره هذي المشكله.. مع ان تماريني مو قاسيه او اسويها بطريقه غلط

قايز انا صارلي 3-4 سنوات انتف شعري .. مو تنتيف حرفيا بس اسحب الشعره شوي شوي وتصير ضعيفه مع الوقت وتطيح ، الان انا شعري خفيييف جدوا وابغى اترك هالعاده ماعرفت .. خصوصا اني اسويها بكل وقت وانا ادرس وانا على جوالي بكلل وقت حرفيا
+ ما اعتقد انها بسبب التوتر

كيف اغير اكسبلوري هنا من ناس عرب لاجانب ( يتكلمون انقلش)
بدون سوء فهم ابغى اطور لغتي واسولف معهم

تقريبا بعد 3-4 سنوات وش اكثر شي بيكون مطلوب؟ مطور تطبيقات ولا امن سيبراني ولا محلل بيانات الخ..
ابغى اشوف راي اللي عندهم خبره في معرفة متطلبات المستقبل

كيف ما اعلم احد تخصصي؟ خصوصا اذا هم يعني ينشبون يسألوني نفس السؤال ثلاث مرات ورا بعض

الحمدلله حمدا كثيرا
اليوم قريت 30 صفحه من كتاب بدون انقطاع لمحاولة القضاء على التعفن الدماغي 🙏🏻
ايوه مقدمة كلامي كأنه مقدمة خطبه يعني واضح وش الكتاب اللي اقرأه