u/wight-snop_dog

فعلا فكره الانمي كانها طالعه من هوليود محدش يفكر فيها و ازاي قدر يطبقها على فكره هي اساسا جديده زي العصابات كدا فا طلع بفكره تحفه و الحلو ان تاكميتشي مش رجع للماضي و بس خلاص المفروض يصلح كل حاجه لغايه المستقبل لا ده بيصلح و يرجع للحاضر يشوف هو لسه متخزوق ولا كل حاجه اتصلحت فا هي جامده بصراحه

انا فعلا مبحبش الجيل الجديد ممكن تقولو ذوقي قديم بحب اغاني 90s و اول الالفين مع اني مكنتش مولود وقتها بس فعلا الشخص الي اسمه تواليت ده عمل فكره جديده و البومه حلو مسمعتلوش حاجه قبل كدا يمكن لان ذوقي الموسيقي قديم بس فعلا فكره الالبوم حلوه و كمان حسيت المغني ده روحه شبابيه جدا اكتر من اللازم معرفش ليه حاسيت بيه روح عمرو دياب القديم الي مخليه عمرو عايش لغايه دلوقتي بس احب اسمع حجات زي دي كتير

بعد نجاح البوم عودوني و الي نزلت عنه بوست و ده اللينك بتاعه :

https://www.reddit.com/r/MusicJo/s/yE9d3u4mAV

ملاحظه: لو مش بتحب عمرو دياب لا القديم ولا الجديد ممكن

تتفضل علشان البوست متوجه لمحبين عمرو البيحبوه بشكل عام و الي بيحبوله القديم

و كمان ملاحظه للي بيقرى البوست : البوست ده هيتاخد بشكل فلسفي و تحليلي (طريقتي المفضله )

عمرو دياب بعد البوم عودوني و نجاح الي عمله كان لازم يعمل حاجه جديده خصوصا اننا في سنه 1999 و الي هي مش بس اخر سنه في التسعينات ولا اخر سنه في القرن 20 بل اهر سنه في الالفيه و دخولنا لالفيه جديده فكانت السنه مهمه فقال ينزل البوم مهم زيها

البوم قمرين الي كان بدايه لناس جدد و تعاونات لعمرو مع موزعين و ملحنين تانيين و دوتوهين مع فنانين مهمين جدا منهم واحد عملاق لدرجه انه ممكن يكون اعلى من عمرو ذات نفسه فا كان حاجه جديده

بس خلنا نشوف إيه الي كان منتشر وقتها نوع جديد من الاغاني مش جديد قوي بس جديد و مشهور البوب لاتن (Latin Pop) نوع موسيقي جديد من البوب و بدأ يطلع للعالم و تحوله من اللغه الاسبانيه للانجليزيه و انتشاره باغني عالميه زي ريكي مارتن باغنيه (La Copa de la Vida) و انريكي إغلاسيس باغنيه (Bailamos) في سنه 1998 فا كان نوع جديد من الموسيقى و هو ممكن نقول الموضى العالميه

فا في اتنين في مصر ادراكو ان اللاتن بوب هو الي هيوصلهم للنجاح طارق مدكور و عمرو دياب فقررو يعملو البوم عن البوب لاتن فا نخش في الالبوم

اسم : قمرين

الاصدار : 28 يوليو 1999

اسم المغني : عمرو دياب مع (انجيلا ديميتريو - الشاب خالد )

الالبوم كان هيكون من توزيع حميد الشاعري لكن بعد توزيع اول اغنيتين (بتوحشني - و لسه بتحبه ) حصل اختلافات على توزيع اغنيه قلبي و راح التوزيع لطارق مدكور بالإيضافه لملحن شاب جديد اسمه عمرو مصطفى و شريف تاج و كدا اتعمل 8 اغاني منهم 2 دويتو و 6 لعمرو لوحده فا نشوف هل عمرو فعلا عمل الي متعملش ولا عمل شيء عادي

التحليل :

1 قمرين (اسم الالبوم و الهيت و الفيديو كليب )

توزيع : طارق مدكور

الحان : شرف تاج

كلمات : محمد رفاعي

ثلاثي حلو نشوف قدمو إيه

بدأت الاغنيه مع طبله الكونجا و الكوبيل مع سقفات كبدايه و بعدها يدخل بالكورال صوته (والله ما كان على بالي يا هوى والله والله ما كان على بالي يا هوى ) و بعدها يدخل بصوته و يعيد مثل الجمله و الطبله الكونجا و الكويل و سقفات شغاله و بعدها يدخل بالكورال صوته مرا تانيه و يسكت الإيقاع و الطبل و يقول (قمرين) يرجع الإيقاع و الطبل و يقول (قمرين دول ولا عنين قلبي بيسألني عليك اتريني بفكر فيك ) و دخل على الإيقاع كيك ثابت و جيتار إيقاعي و كمنجات هاديه و بعدها يكمل الإيقاع الفاصل و الكمنجات تتحول على تركي شويه و الطبول شغاله لغايه ما يقول وقتها كل شيء يسكت سكته لثانيه قبل الكلام و يكمل غنى(يا قلب يانا من حبه يانا يا شوق امانه تملى الليالي غرام اهين يا عمري يا كل عمري سلمته امري و عنيك قلتلي كلام ) و بعدها يرجع للزمه (والله ما كان على بالي يا هوى ) و الكمنجات تعالى مع الصوت و بعدها يدخل الفاصل الموسيقي زي الاول و يرجع يغني (طال انشغالي وياك يا غالي و انا إيه جرالي خلاني ادوب في هواك اشمعنا انت حبيتك انت اشمعنا انت ازاي و انت شغلت روحي معاك ) و يرجع للزمه (والله ما كان على بالي يا هوى ) بس بعدها ميحصلش فاصل بيقف الإيقاع و يغني بس على الهادي و تحت صوته بيانو (قمرين قمرين دول ولا عنيك قالب بيسألني عليك اتاريني بفكر فيك ) بعدها يدخل الكمنجات و التشيلو و يكمل غنى و بصوت قوي (قمرين دول ولا عنيك قلبي بيسألني عليك اتراني بفكر فيك معقول اكون حبيت ) و يطول في اخر كلمه و يرجع الإيقاع الراقص و تنتهي الاغنيه بفيد اوت يعني يبدأ الكلام و التوزيع يقل صوته لغايه ما ينتهي

اغنيه رائعه فعلا بوب لاتن راقص و له حس عربي بالكمنجات و كلمه بتعلق زي كلمه قمرين اغنيه حلوه

2 انا

الحان : عمرو محمود

توزيع : طارق مدكور

كلمات : عبدالمنعم طه

ثلاثي حلو بس عليه ملاحظات نشوف قدمو إيه

الاغنيه فيها حاجه اول مرا تستخدم في تاريخ الاغاني العربيه و اول اغنيه تستخدمه الا و هو الاوتيتيون و هو جهاز بيحاول بيشيل النشاز من الصوت و كمان ممكن يخلي الصوت كانه روبوتي شويه

بتبدأ الاغنيه باكتر من حاجه افرو بيت و ترومبيت و بعدها يخش كيبورد ريجي و طبله الجيمبي و فيه ضربات من الجيتار الالكتريك بس خفيفه و تحت التوزيع و بعدها يخش الجزء الشرقي العود و بعدها يحصل تمهيد لدخول الكلام و يدخل الكورال يقول (و انا ) يدخل عمرو بصوته (بموت في حبك انا ) يرد الكورال تاني (انا ) يرد عمرو (بشوف عنيكي المنى يا كل احلامي ) لو تركز في كلمه المنى هتلاقي فيها اول ظهور للاوتيتيون في العالم العربي و بعدها يرجع الفاصل و البطل الترومبيت و بعدها يرجع عمرو يغني (بين اديك انا يا حبيبي يا حبيبي انا بين اديك انت اكتر قلب عارف قد إيه انا دوبت فيك ) و يعيدها الكورال بس بعد ما ينهي الكوبليه في حاجه كانت مستخبيه و ظهرت الجيتار الالكتريك ادى سولو روك و يرجع عمرو يقول اللزمه (وانا / بموت في حبك انا ) و يرجع الفاصل و بعدها يرجع عمرو يغني (كل دقه شيلها قلبي يا حبيبي شيلها ليك ذكرياتي سنين حياتي تسوى إيه من غير عنيك ) و يكرر الكورال الكلام و بعدهم يرد الجيتار الالكترك و يرجع باللزمه (و انا/ بموت في حبك انا )و بعدها يجي سولو للايقاع و يفضل يحصله ميوت و يرجع و يحصله ميوت و يرجع و طبعا كلها افكتات جديده و يكمل الفاصل بعدها يرجع باللزمه (و انا / بموت في حبك انا) لاخر الاغنيه

الاغنيه دمار و كانها حديثه او نازله من كم سنه مش من 27 سنه و استخدام الاوتيتيون لاول مرا كان رائع فا الاغنيه تستحق

3 قلبي (دويتو مع الشاب خالد و اول دويتو لعمرو دياب)

الحان : شريف تاج - الشاب خالد

توزيع : فريد عوامر

كلمات : مجدي النجار

علشان نفهم الاغنيه لازم نفهم شيء مين هو الشاب خالد نبدأ بالشاب خالد و هو فنان جزائري مشهور و عملاق و عنده اغني مشهوره جدا زي (di di - عايشه) و اول فنان عربي و جزائري ياخد ميوزك اورد 1994 على اغنيه (عايشه )

و ايضا هو الفنان الاول في الجزائر بعد 1996 لان قبلها كان الاشهر هو الشاب حسني بس تم اغتياله 1996 بعمر 26 سنه فقط (الله يرحمه و يغفرله) المهم فا الشاب خالد كان كبير في الجزائر و اغلب البومته مسجلها في فرنسا و الجزائر و امريكا (و كمان اغنيه قلبي اتعملت في استوديوهين ستوديو ام ساوند في القاهره و ستوديو في فرنسا مع بسكال جرنون ) و برضو كان عنده فرقه (سالوس 1-2-3) مع رشيد طه و الشاب فضيل و كانت فرقه جميله و هو الي خلى فرنسا تحب فن الراي الجزائري فا الشاب خالد مكانش مغني عادي كان مغني عملاق بالمعنى الحرفي

و برضو كان جاي بفن الراي الجزائري كرمز له فا ندخل بالاغنيه علشان نشوف مين اقوى الراي الجزائري(شاب خالد) ولا البوب العربي (عمرو دياب)

تبدأ الاغنيه بإيقاعات الراي الجزائريه و الكمنجات و اله القانون و دخل الشاب خالد يغني (قلبي قلبي متعلق بيكي و انا سهران بناديكي سيباني لوحدي ليه يا املي قلبي متعلق بيكيو انا سهران بنديكي سيباني لوحدي ليه ) و يخش عمرو بعده (املي الي بحلم بيه شايف عيونك فيه العمر إيه معانيه ) يرد الكورال ( ده العمر ليله ) و كدا تقربا تحددت الاغنيه انها (بوب راي ) نكمل

يكمل عمرو يقول (قلبي الوحيد بلقيه انت الوحيده فيه انت الي دوبتيه) يرد الكورال ( بين يوم و ليله) و يدخل الفاصل الموسيقي الكمنجات و القانون و هنا يخش يكمل عمرو مش خالد و يقول (قلبي قلبي العاشق قدامك لو بصيتي لقدامك هتلاقي روحي فيه يا املي قلبي العاشق قدامك لو بصيتي لقدامك هتلاقي روحي فيه ) يرد خالد (املي الوحيد بنديه انت الوحيده فيه انت الي دوبتيه) يرد الكورال (من يوم و ليله) يكمل خالد (قلبي الوحيد بنديه انت الوحيده بيه انت الي دوبتيه) يرد الكورال (بين يوم و ليله ) يجي عمرو (املي الي بحلم بيه شايف عيوني فيه العمر إيه معانيه ) يرد الكورال (العمر ليله ) (قلبي الوحيد بنديه انتي الوحيده بيه انت الي دوبتيه) يرد الكورال (بين يوم و ليله ) و لو تلاحظ الإيقاع مع عمرو بيكون هادي و كانه مايل للبوب العربي لما تروح لخالد يعلى الإيقاع كانه بوب راي فكانه سلم و استلم و بعدها يدخل الفاصل الموسيقي العود و القانون بس يدخل معاه العود و الناي و يدخل اخر كوبليه عمرو يقول (قلبي قلبي متعلق بيكي و انا سهران بنديكي سيباني لوحدي ليه يا املي قلبي متعلق بيكي و انا سهران بنديكي سيباني لوحدي ليه ) يدخل فاصل في النص و يدخل الشاب خالد (املي الي بحلم بيه/ إلى اخره ) و يتكرر الكوبليه و في نهايه الاغنيه يبدأ الكورال الجماعي يقول اهات و الكمنجات تنزل سولو رهيب للنهايه

الاغنيه حلوه للاتنين الشاب خالد و عمرو دياب خصوصا ان الاتنين في اوج عطائهم الفني و الابداع الي اتعمل كان حلو بين الدمج بين البوب العربي و البوب لاتن و البوب راي فا طلع شيء جديد و خصوصا انها اول مرا حد يسمع عمرو دياب في دويتو فا الاغنيه رائعه

4 انا بحبك اكتر (مع إنجليلا ديميتريو و تاني دويتو لعمرو دياب )

الحان : شريف تاج

توزيع : طارق مدكور

كلمات : محمد رفاعي

إنجيلا ديميتريو هي مغنيه يونانيه كانت مشهوره في اليونان و عامله قلق في التسعينات فا عمرو قال ليه منعملش معاها دويتو و طلع بدويتو رائع

الموسيقه الي استعملها كانت اسمها اللايكو و هو نوع موسيقى البحر الابيض يعني يونان و الدول الي جنبها فا نروح للاغنيه و نشوف الاضافه هتأثر ازاي

تبدأ الاغنيه بالطبله البلدي مع ضربات على الكيبورد و جيتار إيقاعي خفيف و يدخل معاهم معاهم عنصر من عناصر موسيقى اللايكو البوزوكي و بعدها يدخل عمرو يغني (انا بحبك اكتر |aha aha| شوقي في قلبي بيكبر |aha aha| و النبي قلبي ما يقدر في ليله يفكر ) الي بيقول (aha aha) انجلا و تحته الإيقاع مقسوم تسعيناتي و الات نحاسيه و تدخل انجلا تغني

(Έλα και χόρεψε μαζί μου)

الترجمه : تعال و ارقص معي

(Είσαι σημάδι στη ψυχή μου)

الترجمه : انت علامه في روحي

(Όλα για πάρτι μου καυτά)

الترجمه : الحفله ساخنه

(Σπαστά και σπαστά)

الترجمه : كلها رقص

و بعدها عمرو يعيد الكوبليه و يخش الفاصل الموسيقي البوزوكي و الكمنجات و الجيتار الإيقاعي و بعدهي يكمل عمرو غنى (على رحتك قول يا حبيبي و احلفلي بحبك ليه صدقت ان انت نصيبي و سعادتي و هنا لياليه )

تخش انجلا دميتري

(ana bhebk aktar)

ترجمه : انا بحبك اكتر

(Είσαι σημάδι στη ψυχή μου)

ترجمه : انت علامه في روحي

(Όλα για πάρτι μου καυτά)

ترجمه : حفلتي ساخنه

(Σπαστά και σπαστά)

ترجمه : كلها رقص

و يكمل عمرو (مهما تفكر فيا انا اكتر بشويه حبك غالي عليه لا يمكن يتقدر )

و يدخل الفاصل الموسيقي البوزوكي و الكمنجات و القانون

و يكمل عمرو غنى (هنعيش انا و انت يا عمري يوم حب و يوم حنيه من اول لحظه في عمري و انا عارف انك ليا )

تخش انجلا

ana bhebk aktar)

ترجمه : انا بحبك اكتر

(Είσαι σημάδι στη ψυχή μου)

ترجمه : انت علامه في روحي

(Όλα για πάρτι μου καυτά)

ترجمه : تعالى حفلتي ساخنه

(Σπαστά και σπαστά)

ترجمه : كلها رقص

و يرجع عمرو يقول (انا بحبك اكتر / إلى الاخر ) و تنتهي الاغنيه

اغنيه رائعه و تحديدا إينجلا و هي بتقول انا بحبك اكتر و صوت عمرو دياب و البزوكي فعلا اغنيه رائعه

(ملاحظه بسيطه عمرو دياب و إنحلا عملو دويتوهين واحد في البوم عمرو دياب قمرين الي هو انا بحبك اكتر و التاني في البوم اينجلا الي هو إليوس لو حد حابب احلل إليوس كمان ممكن يبعت و انا هضيف )

5 بتوحشني

الحان : إبراهيم فهمي

توزيع : حميد الشاعري

كلمات : عادل عمر

ثلاثي جميل نشوف هيقدمو إيه

تبدأ الاغنيه بصوت عمرو دياب و بيقول (لو كنت قادر على البعاد انا مش قادر عليه ) يدخل الكورال يقول (بتوحشني ) يدخل عمرو يقول (بتوحشني) و يكمل الكورال اهات و فيه تحت الصوت إيقاع دف واطي و بعدها يخش إيقاع المقسوم و كمنجات ترد على الكلام و يكمل عمرو (حبيبي بحبك بروحي بقلبي بعقلي يالي يالي يالي معندكش قلب بتوحشني بتوحشني اه اه ) و يدخل الفاصل الموسيقي بالكمنجات بطل الاغنيه و الاكورديون و يرجع عمرو يغني (ايام و انا بيك مشغول مشتاق لعنيك على طول تسبقني عيني ليك يا عيني قلبي معاك يقول ) و الكورال و عمرو بعيدو الكلام و يدخل بعدها عمرو يعيد اللزمه (بتوحشني اه اه بتوحشني /للاخر ) و يدخل الفاصل الكمنجات و الاوكورديون و بعدها يرجع عمرو يغني (يا حبيبي ازاي انساك د انا روحي تروح وياك الشوق تعبني و قلبي سابني سابني و راح معاك ) و يعيدها عمرو دياب و الكورال و يقول اللزمه و تنتهي الاغنيه

الاغنيه دي مش بوب لاتن بل كانت مثل الموسيقه المنتشره في الوطن العربي المقسوم التسعيناتي بس كانت اغنيه رايقه

6 و لسه بتحبه

الحان : وليد سعد

توزيع : حميد الشاعري

كلمات : ايمن بهجه قمر

ثلاثي ابداعي نشوف الاغنيه هتكون ازاي

بتبدأ الاغنيه بالمقسوم الصعيدي و معاها اورج بتبين ان الاغنيه حزينه و بعدها يخش العود و يرد واره السكسيفون و يخش عمرو يغني (و لسه بتحبه يا قلبي يا قلبي حرام عليك ازاي تأمنله تاني بعد الي عمله فيك ) و يرد الكورال بنفس الجمله يرد الكورال (هو انت فاكرله إيه هتبكي في يوم عليه ) يرد عمرو (متقولي فكرله إيه هتبكي في يوم عليه مش ده الي كان معاك و كان هواه هواك و تاني يوم نسيك ) يرد الكورال (و لسه بتحبه يا قلبي / إلى اخر اللزمه) و بعدها يدخل الفاصل العود و السكسيفون و بعدها يرجع عمرو يغني (يا ريت يا قلبي ما كنت قلبي مدام ظلمني وياك ليالي يا رتنا ننسى ليه فاكره لسه ده حبيبنا خاين و مالهوش غالي) يخش البيانو يقفل على الكلام و يخش الكورال و عمرو (هو انت فاكرله إيه هتبكي في يوم عليه ما تقولي فاكرله إيه هتبكي في يوم عليه مش ده الي كان معاك و كان هواه هواك و تاني يوم نسيك ) و يدخل الكورال و عمرو باللزمه (و لسه بتحبه يا قلبي يا قلبي حرام عليك / إلى اخر اللزمه )

و يخش الفاصل و يرجع عمرو يغني (بعدنا عنه و اسينا منه يا قلبي سيبه يختار جراحهمالك و ماله اهو راح لحاله و راح يا قلبي زي الي راحو ) و يقفل وراه البيانو و يرد الكورال و عمرو بلزمه (هو انت فكرله إيه هتبكي في يوم عليه / لاخر اللزمه )و بعدها يقول لزمه (و لسه بتخبه يا قلبي يا قلبي حرام عليك / لاخر اللزمه) و بعدها يدخل اخر فاصل و اهات عمرو دياب شغاله بتعبر عن الالم و يدخل يقول اخر حاجه (و لسه بتحبه يا قلبي يا قلبي حرام عليك ازاي تأمنله تاني بعد الي عمله فيك ) و تنتهي الاغنيه

كميه الالم الي في الاغنيه لا يوصف و بتحكي عن قصص ناس كتيره بس كانت رائعه و كانت بدايه لايمن بهجه قمر و فعلا البطل في الاغنيه كان الكلمات و الاغنيه مذهله

7 خليك فكرني (الايقونه)

الحان : عمرو مصطفى

توزيع : طارق مدكور

كلمات : عادل عمر

ثلاثي جيد في منهم واحد اول مرا يشتغل مع عمرو نشوف هيقدمو إيه

و كان الاغنيه منغير كورال كل الي هيتقال الي غنه عمرو منغير كورال

بدأت الاغنيه بالكمنجات و تحت منها التشيلو كسولو يديك احساس الحنين احساس الوداع و يخش بعدها إيقاع السلو روك منغير اي جيتار الكترك لان الاغنيه احساس مش صاخبه فا جه الإيقاع السلو روك منغير الجيتار و يدخل عمرو يغني (خليك فاكرني يالي بجمالك و بعيونك دول اسرني خليك فاكرني و ان حس قلبك يوم بقلبك ابقى زورني خليك فاكرني بالي بجمالك و بعيونك دول اسرني خليك فاكرنيو ان حس قلبك يوم بقلبي ابقى زورني دا انت في عنايا كل الي ليه فرحه شبابي و الدنيا ديا د انت في عنايا كل الي ليه فرحه شبابي و الدنيا ديا ) و يكمل علطول بدون فاصل يغني عمرو (اول ما شفتك لمست قلبي بنظره وحده نسيت جراحه لقيتك انت اجمل حكايه حب نستني الي راحو ما تغبش عني و خلي قلبك لو نديته يجي تاني دا احنا البينا الحب كله العمر مر معاك ثواني دانت في عنايا كل الي ليه فرحه شبابي و الدنيا ديا ) و يدخل الفاصل ايقاع الروك بس كسولو و يقول عمرو دياب (خليك فاكرني يالي بجمالك و بعيونك دول أسرني خليك فاكرني و ان حس قلبك يوم بقلبي ابقى زورني دا انت في عنيا كل الي ليا و فرحه شبابي و الدنيا ديا )

و بختم الاغنيه باخر حاجه (خليك فاكرني )

8 حكياتي (اخر اغنيه في الالبوم)

الحان : عمرو دياب

توزيع : طارق مدكور

كلمات : ايمن بهجه قمر

ثلاثي يعتبر فعليا الافضل في كل الاغاني فنتوقع الاحسن

بدأت الاغنيه بالغنى علطول (حكياتي الي انا عشتها كلها تشبه بعضها ) و يعيدها و بعدها يخش إيقاع المقسوم مع الجيتارات و يكمل عمرو (اولها غرام و تانيها ايام انا بفرح بيها ) و يعدها الكورال و يكمل (و اخرها زيها زي غيرها اولها غرام و تانيها ايام ان بفرح بيها حكياتي الي انا عشتها كلها تشبه بعضها حكياتي الي انا عشتها كلها تشبه بعضها ) و يخش الفاصل الجيتارات و الإيقاع شغال و يدخل عمرو بعدها (بديتها سؤال و كلام في عيون مليان حيره و حقيقه و حب و شوق و حجات تانيه كتيره ) و يعد الجمله و يخش الكورال (و اخرها ) يرجع عمرو يقول (زيها زي غرها ) و يرجع بلزمه (اولها غرام و تانيها ايام انا بفرح بيها / لاخر اللزمه ) و يرجع الفاصل الجيتارات و يكمل عمرو (كل الحكيات الي احنا يا قلبي قبلناها طلعت اوهام و يا ريتنا ما كما حلمناها ) يعيد الجمله و يقول (و اخرها زيها زي غيرها ) و يرجع بلزمه (اولها غرام و تانيها ايام انا بفرح بيها / لاخر اللزمه )و اخر حاجه ينهي على كلمه ( و اخرها)

اغنيه حلوه و رائعه التوزيع بتاعها شرقي و حلو و الكلام بتاعها معبر جدا و اغنيه تستحق

التقييم

الالبوم ياخد العلامه الكامله 10/10 فعلا عمرو دياب عمل الي محدش عمله و هنا كانت بدايه ان عمرو دياب يبدأ يمشي مع الموسيقى العالميه مش بس العربيه و كمان انه مستغناش عن التوزيع العربي و ده شفناه في الالبوم و كمان الالبوم ده رفع إنجلا ديميتريو لمراطز اعلى و غنل مثل رابط بين الشاب خالد و مصرين عموما لانه كان اول مرا يغني مصري و كلام مفهوم و فعلا صوته كان حلو بالمصري و فعلا كان البوم مذهل بس الاحلى ان كل الالبوم ده كان كانه بروفا لبدايه جديده عمرو دياب جديد و كان نهايه موفقه جدا للتسعينات و عمرو دياب عمل فيه شيء جديد نجاح بعده نجاح بعده نجاح الي هم نور العين بعده عودوني بعده قمرين لكن إيه الي بعد كدا (العالميه )

الترتيب الاغنيه مع تقييم

1 .قمرين : 10/10

2 .قلبي : 10/10

3 .خليك فاكرني : 10/10

4 .انا بحبك اكتر : 10/10

5 .و لسه بتحبه : 10/9.5

6 . حكياتي : 10/9

7 . بتوحشني : 10/ 9

8 . انا : 10 /8.5

الالبوم ده مميز لانه من اول مرا هتسمعه فيه هتحبه

و كمان سوأل للي قرى البوست كم شخص مشترك بين البوم عودوني و البوم قمرين ؟

و شكرا على قرائتكم و كمان احب اسمع رأيكم و شكرا 😊

بما ان سنه 1999 كانت مهمه فا عاوزين نشوف رأيكم في إيه احسن البوم كان موجود فيها

و لو حد عنده البوم مختلف عنهم ممكن يبعت صوره الالبوم الي بيفضله

عاوز منكم إيه افضل البوم لاهم سنه 1999 و الي عنده البوم مختلف يكتب اسمه و يحط صورته بس انا جمعت الي اشوفهم الافضل 😊

هل عمرو اول حد يصبغ شعره كدا لاني مظنش في حد عملها و كمان ده في 2004

و انا الي كنت فاكره بيتكلم فرنساوي طلع عربي

​

ملاحظه: لو مش بتحب عمرو دياب لا القديم ولا الجديد ممكن تتفضل علشان البوست متوجه لمحبين عمرو البيحبوه بشكل عام و الي بيحبوله القديم

و كمان ملاحظه للي بيقرى البوست : البوست ده هيتاخد بشكل فلسفي و تحليلي (طريقتي المفضله )

الاسم : عودوني

سنه الاصدار :3 يوليو 1998

اسم المغني : عمرو دياب

البوم فعلا كان عالمي من الفيديو كليب المذهل و اللحن و التوزيع الي كان جديد نوعا ما و لا الاحاسيس الي زرعها ولكن لانه كان بعد نور العين الي خد عليها ميوزك اورد فلازم تعمل البوم لائق لعمرو دياب النجم و قالها حميد الشاعري : ( يعني انا بتعامل دلوقتي مش عمرو دياب الي قبل ميوزك اورد انا بتعامل معاه فنان واخد ميوزك اورد هتعمله إيه ) و كانت تحدي بس انت معاك موزع عبقري و طاقم تلحين قوي فهيساعدوك فالالبوم كان فيه حجات حلوه و بتعلق في الدماغ لسنين قدام فا ندخل للالبوم

التحليل :

1 عودوني : الاغنيه الهيت و الفيديو كليب

توزيع : حميد الشاعري

الحان : عمرو طنطاوي

كتابه: عبدالمنعم طه

الاغنيه كانت فعلا بتغلق خصوصا مع البدايه بصوت القطر و الدخله الرائعه بتاعه (عشت عمري قبل منك يوم و لما جتلي تاني عشته كله في يوم ) فا ادى سنس ان فيه تصاعد جاي و بعدها يعيدها و يدخل في الخلفيه الكمجا و الطبل و بعدها يدخل الكلمه الايقونيه ( عودوني عودوني عليك احبك ) مع الكمنجات الي من اول الغنيه و بعدها يدخل للفاصل العزف التركي او الاسيوي و باقي الاغنيه مثل التعرفوه

الاغنيه دمار خصوصا بلوك عمرو دياب بالشعر الطويل الناعم على عكس نور العين لما عمل لوك الاسبان لما سحبه جل لورا فا عودوني كان احلى من هذه الجهه

2 خلصت فيك كل الكلام

توزيع: حميد الشاعري

الحان : عمرو طنطاوي

كتابه : عبدالمنعم طه

اغنيه حلوه خصوصا جمله (خلصت فيك كل الكلام يا معلم القلب الغرام ) مع البدايه بالطبل و الدف كبدايه شرقيه مع الكلام الجميل و التوزيع الي بيرد على الكلام و حاجه حلوه

3 الملاك البريء

تويزع : حميد الشاعري

الحان : صالح ابو الدهب

كتابه : مصطفى كامل

اغنيه اتقال عليها كتير خصوصا انها كانت لمحمد فوأد و القصه(القصه طويله لو عايز تعدي عدي للA) الي حصلت ان مصطفى كامل كان عاملها لمحمد فوأد و عجيت نصر محروس (المنتج الي كان ماضي معاه محمد فوأد ) بس الحصل ان مصطفى كان عامل في البوم محمد فوأد اكتر من تلات اغاني و شافهم كافيين فبعدها راح مصطفى كامل عادي علشان يعمل اغنيه لفرحه فراح لحميد الشعري علشان يعمله الاغنيه و قاله حميد انت بقالك كتير مشتغلشتش مع عمرو فراح يعزم عمرو على فرح بعد ما عمرو خلص الالبوم كله فسأله عمرو عندك اغنيه قاله انت مش خلصت الالبوم قاله لا لو في حاجه حلوه هينزلها في اليوم عادي قاله على اغنيه الملاك البريئ فقاله عمرو هاخد الكوبليهات امتى قاله مصطفى بكرا قام قال عمرو مش بكرا فرحك فا اليوم الي بعده عمرو راح الفرح و خد مصطفى من على الكوشه و قعدو يشتغلو على الاغنيه من على الفرح و بعد ما نزل الالبوم بالاغنيه زعل محمد فوأد من مصطفى كامل و عملو قعده تصالح و كان مصطفى كامل بيحاول يهديه و يقوله ان الاغنيه مش بالقوه دي الاغنيه عاديه قامت عربيه معديه تحت المكان الي هم فيه مشغله الاغنيه (A )

الاغنيه بدايتها كانت هاديه و حلوه و فيها وتريات كتير و حلوه و البطل فيها كان حاجتين الكلمات و الوتريات و هي حلوه

4 انت يالي بحبك

توزيع : حميد الشاعري

الحان : إبراهيم فهمي

كتابه : عادل عمر

بتبدأ الاغنيه بالكلام علطول منغير توزيع ببدايه توحي ان الاغنيه شرقيه و الكلمات ( الفوراق ده نار و البعاد ده نار ) و كانه واحد مجروح و فاقد حبيبه و بعدها يدخل الكلام و يدخل الإيقاع الشرقي بالطبله مع كمنجات مع لحن رائع و بيتغير

الاغنيه حلوه و مش واخده حقها

5 ناري ( يا حبيبه )

توزيع : حميد الشاعري

الحان : حسن دنيا

كتابه : احمد شتا

تبدأ الاغنيه بالاكرديون و ماشي بهداوء و بعدها تدخل الكمنجات و الطبله و بعدها يدخل عمرو بالجمله ( ناري ناري و الحنين في القلب نار ) كلام رائع و يكررها لغايه ما يوصل للزمه الاغنيه و الي اتسمه عليها الاغنيه ( يا حبيبه والله زين ادي العيون يا حبيبه عمري علشانك يهون ) و التوزيع ثابت

اغنيه هاديه و رايقه و تستاهل

6 ليالي العمر

توزيع : حميد الشاعري

الحان : عمرو دياب

كتابه : مجدي النجار

ثلاثي متكامل يا هل ترا إيه الي هيقدموه حاجه مذهله

تبدأ الاغنيه بالدرمز كبدايه غريبه بعدها تدخل الطبله البلدي و يدخل عمرو يغني ( يا ليالي العمر مكنتش داري بالي جرالي مكنتش داري بالي جرالي ليالي ليالي ) و فيه كمنجات و الطبله تعلى تحت صوته و يعيدها بعدها يدخل الكمنجات بصولو تاريخي و يدخل عمرو بعدها يغني الكوبليه بعد ما قال اللزمه في الاول (من بين كل الدنيا خدتني عنيك ودتني لحلم بعيد بعد ما جيت و كتبت لقلبي في حبك تاني عمر جديد ) و يعيدها و لكن ينهي الكوبليه بإيه كانه قطعه او وقف الاغنيه و يرجع مرا ثانيه للبدايه من عند ( يا ليالي العمر مكنتش داري ) و كانها اغنيه تانيه مش كوبليه تاني حاجه حلوه بالنسبالي بس إيه بالنسبالكو ؟

اغنيه حلوه و احاسيسها رائعه حلوه تستاهل اكتر تقدير

7 و غلاوتك ( الايقونه)

توزيع : حميد الشاعري

الحان : محمد رحيم (كان عنده 18 سنه و يعتبر من اوئل الاغاني الي وزعها في حياته )

كتابه : محمد رفاعي

حلو الثلاثي ده بس اظن فيه احسن نشوف إيه الي قدموه

بدأت الاغنيه بطبله الكونجا و بدايه موفقه لتوصيل طابع ان الاغنيه مش شبه الباقين و بعدها تدخل الجيتارات الرومنسيه كسولو و اول ما يتكلم عمرو (و غلاوتك ) يقوم راد عليه الجيتار و بعدها يقول (و حلاوتك) يرد عليه الجيتار و بعدها يكمل الجيتار مع الكلام (و الشوق الي ملوهش حدود بصراحه بكل صراحه انا مغرم بعنيك السود )و بعدها يعيدها و يدخل الفاصل الي هي الجيتار و طبله الكونجا مع اوكورديون و بعدها يدخل الكوبليه الثاني كتوزيع توزيع جديد كلحن محمد رحيم طلع لحن رومنسي ككلام لولا قوه التوزيع و اللحن كان ممكن الكلام يكون البطل لو كانت اغنيه ثانيه

الاغنيه تعتبر سابقه للسنه نفسها يعني لو نزل في البوم كمل كلامك مع إضافه الجيتار الالكتريك كانت هتنجح فوق الالبوم و يمكن تكون الهيت فيه

8 ملك إيديك (قفله الالبوم )

توزيع : حميد الشاعري

الحان : رياض الهمشري

كتابه : مدحت العدل

ثلاثي موفق بس عليه ملاحظات ممكن يقدمون شيء نشوف

تبدأ الاغنيه علطول بكورال عمرو ( ملك إيديك اسهر ليك عمري و روحي فدا لعنيك حتى سنيني شوقي حنيني هو في حاجه بتغلى عليك ) بعدها تدخل الطبله و الكمنجه و ينعاد الكلام

التوزيع حلو و الكلام و اللحن رائع جدا بس مخدتش حقها و تستحق الاكثر و كفايه جمله ( قالو اختار بين جنه و نار اخترت انا نارك ده الي يهوى و قلبه يرق لازم يختار )

تقييم

الالبوم حلو و يتقيم 10/9 لانه اول حاجه جاب حجات جديده على سوق الاغنيه المصري ثانيا فيديو كليب رائع ثالثا تحدي النجاح بعد النجاح و يعتبر نجاحه شبه اعلى من نور العين لان البوم نور العين مكنش فيه غير اغنيتين حلوين و يستهلو و الباقي مش ولا بد (نور العين - يومينهم ) فا كنجاح الالبوم نجح نجاح ساحق و كان ممكن يتجه للعالميه لو بس ضافو اغاني زياده و الحان و اشكال موسيقيه جديده

الترتيب مع التقييم الاغنيه

1و غلاوتك 10/10

2 عودوني 10 /10

3 الملاك البرييء 9/10

4 ناري ( يا حبيبه ) 8.5/10

5 ملك إيديك 8/10

6 خلصت فيك كل الكلام 8/10

7ليالي العمر 10/7.5

8 انت يالي بحبك 7/10

و كمان اسمعو الالبوم اكتر من مرا و بتمعن هيعجبكم و هيخليكم تدركو قد إيه موسيقه كانت حلوه سعتها

عمرو دياب بعتبره عمل ثلاثيه بحب اسميها ثلاثيه التسعينات

اغنيه نور العين (الاغنيه بس بمقام البوم لان الالبوم كان سيء بدون الاغنيه ) - عودوني - قمرين و دي تعتبر بدايه شهره عمرو دياب لانه انتقل من جيل اخر السبعينات و اول التمانينات إلى جيل نهايه و منتصف التمانينات و ايضا الي مهدله الطريق لبدايه الالفيه و المدعكه الي عملها فيها

البوست ده انا بعتبره تحليل و فلسفي شوي و في ناس يمكن متحبوهوش بس انا بجرب حاجه جديده لو نفعت اكررها

فا شكرا على القراءه احب اسمع رأيكم