u/796853

بليز الي مر بتجربة مشابهه يجيني خاص او يكتب هنا بكلمه بخصوص شي

تعرفون ليه؟

باختصار لو انت كنت حاب تسوي مشروع والمشروع هذا من المشاريع الكل يسويها وموجودة بكل مكان زي انك تفتح كوفي صالون
كيف بتجمعون معلوماتكم عشان تبدون صح ؟ وين بتبحثون بالضبط؟ لان ما اعتقد ان فيه شخص موجود بالمجال وناجح بيعلمك اسراره فكيف ممكن ابحث وكيف اقدر اعرف كم موظف احتاج كبداية وهل لازم اوفر لهم سكن ولا بس بعطيهم بدلات وكيف اعرف وش المنتجات الي بحتاجها بالبداية هل ممكن الموظفين يساعدوني من هالناحية اذا عندهم خبرة؟ والاهم "من وييين" اشتري المنتجات

هذي اكثر كلية تقهر بالحياة الي يدرسون هناك ناس مو صاحيه ما عمري شفت شخص زي الناس منهم وحتى على طلابهم مجانين اكتشفت انه يقولون لطلابهم انتم مو شاطرين ولا ليه تدخلون هذي التخصصات! 🤡🤡🤡🤡🤡🤡 ينظرون بهذي النظرة للتخصصاتهم؟؟؟!!!!
مبسوطه اني حولت من تخصصي بس عشان افتك منهم بس باقي لي مادة وحدة بتخصصي الجديدة وباخذها هذا الترم وكالعاده كل دكتورات الماده عليهم سب والماده شينه دعواتكم افتك

ودي اضبط اللنش بوكس حقي عشان اسويه للجامعك بس ياخي الاكل بيخرب احس لو احطه باللوكر لان ما عندنا ثلاجة انتم كيف

ا

لاحظت كثير من الطلاب وبالاحرى «المستجدين» يسألون اسئلة عامة ولا يحصلون على إجابات، اولًا كل جامعة ونظامها مختلف، اقدر اجاوب على سؤالك «متى يفتح التحويل» بس وش يعرفني هل جامعتك زي جامعتي؟!

لذلك:
1- اذا انت من طلاب الجامعات الكبيرة كالبترول سعود الخ.. بتلقاهم مسوين قروبات عامة بالتيليقرام، ويسون قروبات للمستجدين يحتضنون فيها كل اسئلتهم، لذلك تأكد اذا هذي القروبات فعالة واستفسر منهم
2- موقع الجامعة، موقع الجامعة، موقع الجامعة، موقع الجامعة! كل سؤال ممكن تفكرون فيه تلقونه عندهم بالذات اذا كان سؤال يخص الاجراءات غالبًا بتلقاه بالتقويم الدراسي للسنة الدراسية، ما نزلوه وتبي تعرف تقريبًا متى؟ شف حق الاعوام الماضية وبتلاحظ فيه انماط معينة غالبًا كل الجامعات تتبعها، يعني فيه جامعات دايم تفتح التحويل الخارجي بين الترمين وجامعات بعد نهاية السنة الدراسية
للتنويه: مستحيل تبدأ السنة الدراسية من دون لا يكونون منزلين التقويم
3- طيب كان سؤالك يخص اشياء ما تلقاها بموقع الجامعة؟ مثلًا انه هل الامن الجامعي يدققون، هل من اول اسبوع تبدون دوام، بهذي الحالة لازم تطلع حساب شخص اكبر منك بسنة بنفس تخصصك وتسأله عن هالتفاصيل، كيف تلقاه؟ عادي روح لقروب الجامعة او الدفعة حتى لو مو فعالين وأسال مين تخصصه كذا ثاني سنة واستفسر منهم خاص

لكن بهذا الصب غالبًا الوضع نقاشات واستفسارات عامة، مع ان ٣/٤ البوستات القاها اسئلة زي الي قلتها فوق

طفشت اشوف بوستات تعيينات والكل يقول فخور فيهم، ولا تقولون حسد، انا شخصيًا هذي البوستات كانت تثير اعجابي يومًا ما، وكنت اتحرى عن اي شخص يقوم بإنجاز لكن اول ما ابحث اكتشف انهم ناس ذو امتيازات وليت امتيازاتهم امتيازات ذكاء، امتيازات نسب ومال! لو انهم ناس كافحوا وعانوا بكون كلي فخر! والاهم من كل هذا على الاقل نمشي الامتيازات هذي لو انجازه كان يسوى وبيفيدني او يفيد الوطن، لكن لا، كلها انجازات عيال وزراء واثرياء انهم تعيينوا بمناصب مقاربة لابائهم!

وش اسوي للبنت الوزير لما تتعين وزيرة؟ وبالنهاية حتى لما تصير وزيرة ما راح تحاول تحسن من الوضع بأحسن الاحوال انها ما تزيد مشاكلنا! 🤡🤡

اذا شفتوا سعودي فاز بنوبل او الاولمبياد اتصلوا علي بوقتها افتخر فيهم، يا شيخ لو تشوفون سعودي يسوي شركة ذو فائدة حقيقية ولها عوائد اقتصادية او اجتماعية، اي بفتخر! حتى مؤسسين تابي وتمارا الي شغلهم ٧٠٪؜ ربا وساهموا بالتضخم بفتخر فيهم اكثر من ابناء الطبقة المخملية لما يتعينون!!!

انا حاليا استخدم الرغوة ولاحظت لما اجي احط الرغوة تتحول لسائل على طول! مدري شلون اخليه ما يذوب مع اني ارجّه زين وبقوة وش نصايحكم لي؟
شفت تشات جيبتي يقولي حطيه بالثلاجة بس مدري شرايكم

بحكم ان الصب جديد وما عندي اي خبرة بادارة الصب وشرايكم وش عندكم اقتراحات او نصائح
للمعلومية: الهدف منه يكون نتكلم عن مشاكلنا فيه ناس يزعلون من هذي المواضيع ويتحسسون 🤗 بس الهدف منه نتكلم عن المواقف والمشاكل لان دايم تصير لي مواقف وانقهر منها وما ارتاح اقولها لاحد
بس بنفس الوقت ما ودي يكون الصب متطرف

بعد اذن المودز،
سويت صب فكرته تتكلمون عن مشاكلكم مع ابائكم سواء كان فضفضة او استشارة او استفسار 🙏🏼
https://www.reddit.com/r/arabdads/s/WkO9mHfKEi

ما اقدر اتحمل احس بالغضب دايم لدرجة ابي ارتاح واقذف الناس 🙏🏼 انا حدي اقول كلمة زق بس الحين لا اقول ك*** ق*** لدرجة صايره بلساني طبعا انا ما اقذف الناس بس دايم اقذفهم بعقلي المشكلة الحين اي واحد يتكلم معاي ودي اقوله خلاص ك*** يا ق**** لا تسولف معاي

وش الحل
ما اقدر اوقف احس الكل يعصبني

للاسف انا ملاحظة متلازمة (انت محنك)
كل ما ابديت رايك الصادق عن شي وما كنت زيهم بيطلعونك من المله وانك تسوي نفسك، طبيعي فيه ناس عادي عندهم يتابعون اي شي ترند ويعجبهم اهم شي مسلسل بس البعض لا وهذا طبيعي ايضا، طبعا انا من الفئة الثانية و المشكله يقعدون ياكلونك تسوي نفسك محنك ليه تدقق على الاخراج ليه تدقق على بناء الشخصيات ليه تدقق على الكتابة ليه تدقق على التناقضات تسوي نفسك محنك وافضل مننا واسكت نبي ننبسط طبعا انا عندي حساب فان اكاونت فيه اجانب وكل ما ابديت رايي محد يقول هالكلام وتجيني لايكات كثير بس لما اقعد اسولف مع خواتي وصديقاتي او اكتب نفس الكلام بالعربي كلهم يجون يقولون تستحنكين😒تسوين نفسك😒 ما يبونك تقول نقد بناء او تفكير ناقد مع انه مسلسل وفلم عادي لو اسبهم بس لاني طفشانه ما هي مشكله بس ليه يحبون يشككونك ان اراءك كذبية واسويها بس عشان اطلع مختلفة! الناس يقدرون نفسهم بزيادة للاسف

طبعا شيء لا يخفى عننا ان المجتمع عندنا يعامل المراهقات على انهم مجنونات وحقيرات وقليلات خاتمة الخ.. فهل انتم صدق تشوفون المراهقات كذا؟
انا كبنت ومحاطة بنات بهذي المرحلة العمرية سواءً لما كنت كبرهم او الحين انا اشوف المراهقات ضحايا ومستحيل افهم الي يعاملهم على انهم قليلات خاتمة، اول شي الاحظ محد يتعامل معهم زين بالذات "الاباء" يعني تخيلوا وحدة عايشة انها دلوعة وصغيرة فجاة تنام تقعد تلقى الدورة عليها واهلها يبدون يعاملونها بطريقة مختلفة بالذات الاباء الي يبعدون عن بناتهم اذا كانوا بمرحلة المراهقة، وسالفة لازم تلبسين عباية لازم تلبسين حجاب لازم تغطين وجهك ما يصلح تناظرين ما يصلح تتحركين ما يصلح اشياء كثير، لا ننسى التغييرات الجسدية الي يمرون فيها، ولا ننسى كثير الاباء والامهات لا يؤمنون بمفهوم مساحة خاصة

فانا عندي قناعة ان الي يعرفون يتعاملون مع بناتهم المراهقات مستحيل يكونون مزعجات او اي شي ثاني

عشان اكون واضحة انا ما اكتب هذا السؤال عشاني شخصيا لكن دايم افكر لو فيه بنت تبي تتزوج ويكون من خارج مجتمعها المكون من اقاربها، وين ممكن تلقاه؟ هل ممكن من وظيفتها تلقى واحد؟ او من علاقات الجوال؟ مدري شرايكم

اشوفها من المشاكل الي كل البنات واقعين فيها، اي وحدة حسنت من نفسها او اضاعها غالبا تعاني من مشكلة انه مجتمعها لا ينفع لها ولا تقدر تلقى احد من برا

ودي اخذ شهادات احترافية بهذا المجال وش تنصحوني؟ وهل فيه شهادات فعلا مفيدة ولها سمعة حلوة تخص الذكاء الاصطناعي؟ واقصد اي مجال بالذكاء الاصطناعي حتى لو كان برودكت مانجمنت ai

ودي اخذ شهادات احترافية بهذا المجال وش تنصحوني؟ وهل فيه شهادات فعلا مفيدة ولها سمعة حلوة تخص الذكاء الاصطناعي؟

حولت من علوم حاسب للذكاء اصطناعي وما كنت متوقعه ابدا اني بنقبل بس انقبلت
والحين مدري وش الاحساس الي احسه شوي ندم وشوي حماس بس ندمانه لان باقي بي سنتين واتخرج والحين بحتاج ترم زيادة 😵‍💫 واحس تعودت على مجتمع تخصصي الثاني مدري كيف بروح للمجتمع مختلف

والله مدري احس ما يسوى بس بنفس الوقت شوي مبسوطه