u/Boyd-Red

هسة راح تكلي شنو جمعتك بيها تبريد اي حبيبي بيها تبريد اكو فرق جمعتي المباركة جاية من القبطان الي ديسوق السفينة وديطمنك كلشي بخير وراح نوصل للوجهة بخير وسلامة

مرة بالرابع عملي جان عدنا كروب خاص بينا للطلاب نحجي بي عالمدرسين وندرس وواحد يساعد اللاخ ف بيوم من الايام جان عدنا امتحان رياضيات والاسئلة جانت صعبة ورجعنا للبيت نحجي على ابو الرياضيات وواحد من الي ويانا بالكروب دخل الاستاذ ابو الرياضيات ويانا بالكروب عالماسنجر وشاف كلشي والمحادثات القديمة والجديدة والصور والستيكرات ف ماحجة شي اليوم الثاني جان اول درس رياضيات دخلنا للصف وجان هدوء وتوتر عبرت 10 دقايق جان يدخل المدير والمعاون وواحد وياهم لابس عسكري خلونا نردد الشعار ونلحك ربعنا

ف المدير القى خطاب يشبه خطاب موسليني و ضل يضرب بأيده على الرحلة الاولى يعني حرفيا موسليني كاعد يحجي وانطانا فصل كلنا 3 ايام يعني المتورط والما متورط اكلها

بس بعدين ابو الرياضيات سامحنا لخاطر ابو الرياضة واللابس عسكري جذب مو عسكري طلع يشتغل كاتب مال المدرسة او هيج شي وهذا اول يوم اله ولبسوه عسكري ودخلوه النا او رجال جايبي من الشارع مادري بالضبط

1-اذا باوعنا مباوعة عابرة عاللوحة راح نشوف اللوحة بيها 4 مجموعات بنصهم السيد المسيح

2-المجموعات كلها كاعد تتناقش حول امر وكأنه اكو حاجة انكالت

3- المجموعة الي مأشر عليها باللون الاحمر كل واحد بيهم ديسأل على حاجة

4- المجموعة الي مأشر عليهم باللون الاصفر يباوعون عالسيد المسيح وكأنه يسألو ويكلوله

5-المجموعة باللون الوردي نشوف بيها شخص يشبه السيد المسيح وجهة مطمأن بشكل غريب كأنه يعرف شي محد يعرفه من الباقيين

6- الزلمة المشيب الي كاعد يشاور الرجال الي يشبه السيد المسيح يعرف انه هو يعرف شي مايعرفوه هم كلهم ف يريد يعرف شنو هو

7-المجموعة الاخيرة همين حالتهم الدهشة والذهول

8-نرجع للمجموعة الوردية نشوف الشخص الاسمر مو بحالهم ومو بحال الدهشة والتوتر الي ديصير على طاولة الطعام ومأشر بالابيض على ايده كأنه بيده صرة فلوس

قبل كم يوم جنت نازل بالمصعد ( عايش بعمارة ف لازم انزل بالمصعد) ف بنص الطريق وكف المصعد وصعدت وياية امرأة محترمة بمنتصف العمر ووياها ولد وبنية اعمارهم بين ال7 وال8 سنوات الام جانت عصبية وتكول لابنها (اني اخلي هيج واحد يكتلني اشوفلي اي طابوكة بالكاع او بطل انيمه براسه) ف انصدمت صراحة بسبب تربية الام التفرق بس الضحكني هو رد الولد من ديبرر لامه ويكللها انه ماكو بطل بنص الشارع ومايكدر ينيمه براسه ف جان اخته للولد (البنية الصغيرة) كالتله اني المرة الجاية اروح لاقرب شارع اجيب طابوكة وانطيكياها حتى تنيمها براسه مادري بوكتها شلون سيطرت على نفسي بس شوية واموت من الضحك

⚔️الي يعلق بهاي الصورة مال والله مشكلة اجيب السفينة مالتي اطبكها كبال باب
بيتهم ⚔️

ثباحو

انتقال ليبرون جيمس من الليكرز لفيلاديفيا
ليبرون عمره 41 سنة، ومع ذلك إذا انتقل لفيلادلفيا، ممكن يصير عندهم فريق ينافس بقوة على البطولة.
والأغرب؟ احتمال نشوفه يلعب هناك موسمين لأن عقده الحالي ممكن يمتد لهالمدة.

يعني حتى واحد يفهم اكثر تخيل رونالدو يروح لفريق قوي وينافس بالدوري الاوروبي وهذا الفريق عدهم لاعبين شباب وبالبرايم مالتهم ممكن يخلو يوصل ويفوز بالبطولة