u/Creative_Home8015

لا تمر ليلة تنامون فيها من دون ما you cuddle with your spouse ترا انتوا فنعمة عديمات الازواج وعديمين الزوجات يتمنونها 😔

Don’t take it for granted 😔

انا ما عندي صحبات واهلي لو طلعوا من عتبة الباب للحوش خير وبركة بالنسبة لهم.

ودي اسافر مره مره بس احس صعب اسويها بلحالي خصوصاً اني ما قد سافرت خارج الشرق الاوسط قبل. وغير كذا احس بيصير ممل الوضع وانا بلحالي.

صرت اشوف فيديوات تيك توك كثير عن شركات سياحية سعوديه مخصصة لقروبات بنات فالسفر وعجبتني الفكرة لكني احسها sketchy بنفس الوقت ومتردده اثق فيها.

فحبيت اسال اذا فيه بنات هنا قد راحوا مع وحده من ذا الشركات وايش كانت تجاربهم معهم؟

اللي عندها معلومات بليز لا تتردد 🙏🏽

عندنا سواق مافي سواق مدلع اكثر منه بالعالم.

عادي جداً يمر اسبوع ولا اسبوعين حتى ثلاثة وحنا ما استخدمناه ولا طلعنا من البيت ولا مره، واليوم اللي نحتاجه في بمشوارين او ثلاثه بالكثير فجأة يصير شكلهم كذا "🥺" وينظمون لحزب اللطافه ويعاملونه معاملة البيبي. المشكلة كل ذا اللطافه هذي مو في محلها لانها مختفية بالبيت ونتعامل مع بعض كأننا وحوش وديناصورات وتُقام حروب ما بيننا بشكل شبه يومي على اتفه الاسباب. لكن سبحان الللللللله فجأة القلب يصير رهيف ورقيق على رجال كأنه معاق!

اليوم كل مارحت انبه احد فيهم اني ابيه بكرا الساعه ٩ الصباح (وهو عنده مشوار ثاني مع فرد من افراد العائلة على الظهر الين العصر وبعدها من العصر الين صباح اليوم الثاني وهو فغرفته محد يستخدمه) يقولي كيف كذا تاخذينه الصباح! حرام عليك متى يفطر! متى يرتاح!! خذي اوبر حرام عليك تمشورينه كذا!! يا جماعه بنجن 🙂! حرفياً عنده الصباح كامل الين الساعة ٩ يقوم ويفطر ويرتب فيه اموره! وعنده باقي اليوم من العصر لليل وهو فغرفته! وفوق كذا حنا اصلاً اذا عندنا مشوار الصباح نعلمه قبلها بيوم عشان يعرف يرتب اموره ما نداهمه فجأة!

انا كبنت كانت تجيني فترات اكون فيها من الساعه ٧-٨ الصباح طالعه برا البيت وما ارجع الا الليل لكوني طالبه وموظفه بنفس الوقت وبشكل متكرر يومياً لمدة شهور وكانت تجيني ايام ما اكل الا وجبه وحده ما مت ولا صار فيني شي! هذا رجال بالغ عاقل كبير وعنده قدرة تحمل جسدية اكثر مني ويعرف يدبر نفسه ويرتب اموره!! وحتى لو فرضنا ما قدر يفطر مارح يموت من الجوع ترا ومرده بيرجع البيت ويضرب بالخمسه مارح يدخل غيبوبه عشانه فوت وجبه ولا وجبتين! ومسويين لي مناحه ومحسسيني اني فرعون ظالم عشان مره وحده كل اسبوعين يجيه اكثر من مشوار 🙂🙂!!! ليش كل الدراما هذي!!!

واذا قلت لهم انتوا شفيكم كذا وش في عقلكم؟!!! يقولون "وش نسوي حنا رحومين 🥺" وععع يا ناس وووعععععععع

يا ان اهلي متفقين انهم يستفزوني ويطلعني من طوري ولا انهم اتحاد البكميات السوفيتي ولا ان فيهم نسبة عدم ذكاء لان مو طبيعي اللي قاعد يصير 🙂🙂🙂!!!!!!

اخخ ياربي قسم بالله كبدي بينفضخ من القهر.

الفكره مو عن تنمر وكذا (مع انه تنمر)

بس اذا شافوا شخص سمين ونحف فجأة ينصدمون واو او ماي قود صار حلو، ولما اشوف صوره له من قبل ما ينحف اتعجب واقول بنفسي طيب واضح من اول انه حلو وملامحه جذابه توكم تستوعبون 😟

انا اميز ملامح الشخص واعرف انه جميل بغض النظر عن سمنته/نحفه. ما تفرق معي كمية الدهون اللي على وجهه. بالنسبة لي واضح انه attractive من قبل ما ينحف. مو عشاني من حزب اللطافه او شي لكني فعلياً اقدر اميز ملامحه واقول هذا الانسان ملامحه حلوه وهو جميل.

لذا الدرجة الناس تعميهم السمنه؟ وما يقدرون يستوعبون ان الشخص هذا جميل الا اذا كان نحيف؟؟؟

في واحد من تطبيقات الزواج اضفني وتواصل معي وتكلمنا وقعد يسالني اساله. ومن ضمنها سألني سؤال شخصي عن مظهري يبغاني اعطيه جواب واضح فيه. ويوم جاوبته الا فجأة تختفي المحادثه. اثاري جوابي ما عجبه وبلكني على طول من دون حتى بالتوفيق.

الطامه الكبرى؟ انه شين واصلع ونحييييف تقل طالع من مجاعه، لكني ما بغيت احكم على الكتاب من عنوانه وقلت اعطي الرجال فرصه يمكن المضمون احلى، والطامه الاكبر طلع حتى طريقته بالكلام سيئه واسلوبه زفت يعني لا شكل ولا مضمون، ومع ذلك قلت تصبري لا تستعجلين يمكن موب عارف يعبر ولا متوتر.

فالاخير انا اللي اكلتها وبلعت بلوك 🤡
ابي اعرف من عطاه الثقه انه يتصرف كذا وهو يشبه كل شي الا البشر 🤡

جاتني حموضه من القهر

للتوضيح: سؤاله ما كان inappropriate (مع انه سطحي جداً) ولا كان ما عطيته وجه اصلا وجاوبت عليه. ردة فعله على جوابي هي اللي inappropriate ووقحة

لما اكون مستعده نفسياً وعاطفياً للزواج ومرحبه بمسؤولياته بكل صدر واسع ومتلهفة للأمومه وشروطي معقوله ومنطقيه وغير متطلبه ودعيت في رمضان الين قلت آمين وعملت بالاسباب وجربت الطرق الغير تقليديه بالتطبيقات

ولكن مع ذلك ما تزوجت للآن، وش يعني؟ هل هناك معنى وراء عدم تحقيق هذه الرغبه؟ هل هناك سبب لم افقهه بعد؟ هل هذا يعني انه مو قدري؟ ولا معناته الخير في وقته وهذا مو وقته؟

بس امشي واسوي لايك واندب حظي

احس بطعم حموضه وغصه في حلقي مخلوطه مع ملح الدموع

هرمنا وحنا ما تزوجنا وش ذا خلاص 😭

That’s it.

That’s the tweet.

اللي مو سعوديين جايين يتفلسفون وهم ما يدرون وين الله حاطهم تلايطوا. ماني ناقصتكم.

جوعانه ومالي خلق اطبخ لي اكل ومابي اطلب من مطعم صحي لان ما يعجبني اكلهم

فوش عندكم مطاعم عادية تثقون بحسبة سعراتهم وقت الزنقه؟

I’m obviously not talking about an extremely muscular manly physique.

I’m referring to small things such as visible abs, a toned back with the line down the middle or toned thighs with a little bit of muscle on them.

Obviously if a woman looks at a muscular fit man the “ooga booga” side of her brain is immediately engaged.

So do they trigger the same type of response in men?

ودي يكون عندي صديقه اقدر اعبر لها اني ضايق صدري وتقول بمرك نطلع نغير جوك. او حتى تكلم علي وتصر تسمع وش عندي وليش ضايق صدري. او حتى ما تسكر من المكالمة الا وانا جوي متغير وقاعده اضحك.

ودي احد اقدر اخذ راحتي معاه واذا كلمته اضمن انه بيعيرني الاهتمام اللي انا احتاجه.

ابغى شخص فحياتي زي الصخره اعتمد عليه وادري انه موجود كل ما احتجته. موب عشان يساعدني، بس عشان يطبطب علي ويشاركني مزاجي الخايس والحزين زي ما يشاركني مزاجي الحلو.

مافي احد فحياتي اقدر اثق فيه عاطفياً. لا اهل ولا صديقات ولا زوج ولا اقارب.

تعبت وانا شايله حمل الدنيا على ظهري بلحالي. ابي بس احد يشاركني سكوتي. يكون موجود جنبي. فقط هذا اللي ابيه. ما طلبت شي كبير.

طول حياتي وانا احس اني لازم افرض نفسي عشان الناس تشوفني وتنتبه لي. ولو طفيت شوي بس انمحي من مخ كل احد، ولا كأني كنت موجوده.

وهل ودك تعيشها؟

ووضح لنا انت بنت ولا ولد.

الناس اللي حاطين انستقرامهم ببروفايلاتهم هنا علقوا على ذا البوست I wanna stalk you

Edit: كلكم انستقراماتكم فاضيه give me something juicy 😔

That’s it.

That’s the only formula.

تعرفت بالصدفة على انسان اخلاق مؤدب شهم متعلم محترم هو اللي يبادر بالتواصل ويبدي اهتمام وجنتل مان جداً وواضح ان لو كملنا تعارف نهاية الطريق بيكون زواج. فيه كل الصفات والشروط اللي ابغاها.

ولكن اصوله مو سعوديه وهذا شرط من شروطي اللي مابي اتعداها.

حتى انه عايش بمدينة موب بمدينتي وكنت راضيه لأنه صيدة ما تتفوت لولا ذا الشي اللي عرفته.

طول العشر الاواخر كنت ادعي ان ربي يرزقني رجال بمواصفاته، والحين قاعده افكر واقول هل هذا الشخص هو استجابة ربي لدعائي وانا جالسه ارفس النعمه برجلي؟ خصوصاً ان فدعائي حددت وفصلت فكل شي الا جنسيته

واسوني يابنات 💔

ماني قادره اتخيل مستقبل معاه وبنفس الوقت ماني قادره اقطع التواصل، موب لأني تعلقت فيه بس لاني خايفه يكون هو قدري اللي لو رفضته مارح اتزوج ابد ولا راح يجي احد غيره مناسبني 💔

EDIT: كلكم فهمتوني غلط. الرجال لسا ما صرح ولا وضح نيته. وهو فقط تعارف الى الان ولكن من سوالفه وشخصيته حسيته انسان جاد ولو بنتعمق اكثر بينتهي الموضوع بزواج. هذا اولاً. ثانياً قاعده اقولكم لسا مافي تعلق حتى وجاييني ناس يجيبون طاري الحب وما الحب واني بأذيه نفسياً. هدوا شوي يا جماعه الموضوع ما وصل لذا الدرجة ولسا حتى الرجال ما ابدء اي شي بشكل رسمي ولكن انا جسيت نبض الاهتمام فيه فقط لا غير.