u/Exotic-Training7259

تضوي كمان راحت علي خساره كان صرت احسن جزمه بالجامعه

انتو اشبكم صدقتو دعابه ياناس لو كنت بشتريها كان خليتها لشيء ثاني غير الجامعه

سوينا حادث بنص الطريق و هم كانو ورانا في الاشاره و مشيو لان ما تعرف انها سيارتنا

المهم ما كنسلنا الطلعه بسبب الحادث قالت لي برجع لك و آخذك قلت طيب و رحنا كملنا طلعتنا بشكل طبيعي

مرا انبسطت معها ما اشوفها الا مره او مرتين في السنه كنت بزعل لو ما شفتها
شاوت اوت ل جوجو

يلا بس

سويت لنفسي تحدي القرفه بالغلط
و طبعا ما اقدر اسوي حاجه لحالي في ذا البيت جات النونو قلدتني

اقول لها برميها تقول انا محتفظه فيها لأحفادي لا ياماما ما اتفقنا كذا
طيب سنة الميلاد غلط و الاملاء كله اغلاط و ناويه اجيب ١٠ كمان

بس سبحان الله ١٠ سنوات غيرت اهدافي و رغباتي كلها

منجد ابا الاجازه تخلص ☺️

ممكن تشوفوني وحده مجنونه و تقولو ايش دخل ذي في حفظ القرآن بس في يوم عشوائي من الاجازه كنت فاكه قرآن من اليوتيوب اسمع قبل كلاسي و اردد مع القراء و انا العبها طبعا مع كتم الصوت لان فيه معها موسيقى

يوم جا وقت الكلاس تجي آيات و استوعب اني كنت حافظتها مع ان توي اليوم اسمع السوره

صرت افك قارء اردد معاه السوره مرتين باليوم ٣ -٤ ايام كذا و بعدها خلاص احفظ
مع العلم انا اطول بالعاده في الحفظ مره و احفظ كل يوم وجهه وحده يعني المفروض اخذت شهرين عليهم
بس انا اكتشفت في نهايه الاجازه و حفظت ٣
(النساء ،المائده و التوبه)وبدايات سورة مريم كمان و على الاغلب بحفظها قبل نهايه الاجازه
++ حتى اني مو شاطره مره بالتلاوه بس حفظتها صح بالحركات الصحيحه

هل هذا هو التعفن الدماغي ولا شيء ثاني ما ادري بس لو من جد انا راضيه اعفن دماغي من جهه لانه بيتصلح من جهه ثانيه لاني جالسه احفظ قرآن و كذا🥰

وأقول كمان دام الطريقه فادت معايا ليش اخرب على نفسي طول عمري و انا ابا احفظ القرآن و احس ذي فرصه

و بس والله قررت انشر الامر لعل اكتشافي العجيب يفيد شخص من الاشخاص
و انتمنى يكون الصب المناسب كمان لاني شاكه اذا كان مناسب للنشر

الصدق مخيب للآمال جدا الحشوه قليله مرا و حتى لو تاكلوها لحال ما يبان فيها طعم تين مرا مرا خفيف و مو واضح
كنت ناويه اجرب الي بالفروله و الخوخ و النكهات الثانيه بس اتوقع اني بكنسل

١/١٠

الشكولاته نفسها يمي لذيذه مره
بس الملح الي مع الكارميل منجد مالح و لو تبقى قطع الكراميل للنهايه و تعضوها تتملحو منجد
٧.٥/١٠

و شكرا ل نصيحه ذا الشخص. u/Subject_toNothing بتجربه شكولاتة الاغنياء ذي لاني من سنوات ابا اشتريها بس مو مطاوعني قلبي
بس اخذتها من رف to good to go من التميمي ب ١٧

قبل شويه كنت في المستشفى و جالسه اكلم دكتوره و قالت لي بتصرف لي شيء
قمت قلت لها ما ابغاه
قالت ليش ان شاء الله
قلت مضاره اكثر من فوايده و اعراضه الجانبيه كثيره ما ابغاه
قالت انتي دكتوره
قلت لا
قالت طيب خلاص لا تتدخلي و بعدها ضحكت عليا ☺️

هههه ايش طيب وين حق المريض بالرفض

بس والله حبوبه مرا ما قمعتني ولا صرفتني و كل شويه اقول لها ايش يعني و تشرح لي عسل حسنت لي نظرتي عن المستشفى الحكومي دايما يسكتوني والله

انا احب اتفرج على الورود و الاشجار و الحيوانات مع ان اتأخر مرا كذا بس كل مره امر جنبها اتأمل

ما ابا ارجع للدوام بعدها ماراح افطر كذا 💔😓

منجد انا سويته اح بفتح محل

اختي عمرها ٥ و ما تعرف تسبح بس انا نويت ذي الاجازه ان احولها لمحترفه

هي مرا مرا متهوره و ما عندها مقياس خطر ولا تخاف ابدا كان المفروض اعرف ان تعليمها مو مهمة شخص واحد او مو مهمتي لان مالي هيبه امامها 💔😓

واحد من الاشياء الي اخليها تسويها بنهايه تدريبنا ان اخليها تنط عشان تقلل من خوفها الوحيد ممكن في كل الحياه ان يتغطس وجهها بالمويه
و بالفعل بداء الخوف يختفي و يتلاشى و كان المفروض آخذها اشاره لي ان ابطل

المسبح مقسوم نصين نص قصير و هي تقدر توقف عليه بليادوب على اطارف اصابعها و النص الثاني عميق ٦ اقدام و شويه و بينهم شيء زي المنحدر انا بالعاده اخليها تنط عنده لان انا اكون اقدر اوقف عليه و هي ما تقدر ف يصير عادي تنط و تتغرق شويه
بس في ذا اليوم قررت انها خلاص ماعاد تخاف و بتنط في العميق
قلت لها طيب زي الغبيه
في بالي
هي خفيفه زي الريشه في الواقع و في المويه بتصير اخف و ما اتوقع انا بيكون من الصعب اني ارفعها و انا دايما احملها في جهة البزران
واك مو صحيح تحسبي نفسك ذكيه

و تنط و مسكتها و رافعتها على فوق و سبحت معها للحافه استناها تمسكها ما تمسكها يدها تحت المويه 😡
طيب ابا اركب على فوق ما اقدر و الاوكسيجين بيخلص (بالعاده اقدر امسك نفسي دقيقة او قريب منها بس مع الخوف خلاص مقدر )و هي ما تتمسك طيب ايش اسوي مليون فكره براسي المدربات على الاغلب ما بيجو لان وقتها كان خلص وقت الاطفال و مشغولين يطلعوهم و حتى لو ما كانو مشغولين على الاغلب بيفكرو ان انا بس تحت بشكل طبيعي مو اغرق 🥰

قدني تعبانه سبحت ساعه وشويه و دربتهم ٤٠ دقيقه خلاص ماعاد فيه طاقه و تجي المشكله الاكبر رجلي شدت قلت خلاص بموت و آخر فكره اثبتها بيد وحده على الجدار و ارفع نفسي بيدي و بقدرة قادر زبطت و يوم ارفع راسي الا القى الهبلا ما تمسكت و معتمده على اختي الثانيه تمسكها طيب انا تحت المويه و احسبك بتموتي لو تركتك 😡😡😡😡
تخلو ماسكتها من كتفها و شويه من ذراعها و هي مبقيه يدها بالمويه طيب تحركي تمسكي شيء

بس طلعت و سويت نفسي عاديه ولا عصبت عليها ولا قلت لها ان كانت بتقتلني
المهم توبه توبه باخذ اجازه من تعليمها فتره خلي المدربه تدربها

ما ادري اذا ذي اشاره لي ان المفروض اعضل او اتدرب على سباحة الانقاذ
ممكن كلهم و بيكون الامر قريبا بإذن الله