u/Fun-Chair-4317

(( أولا افتح الصور عشان تفهم ))

دا بوست لبنت كانت منزلة انها بتعاني من الدين ومجتمعها .... إلخ ، فانا رشحت لهم في التعليقات بوست كنت كاتبه عن ( هل الإسلام ظلم المرأة وهل محتاج لنسوية ؟ ) فطبعا النوعية دي انا وثق إنها مقرأتش البوست يدوب قرأت عنوانه وجات قالت الكلمتين دول وعطتني بان من الصب

بس مش هلومهم لإن للأسف مشاكلهم مع الدين مش ك معتقد لكن كأمراض وعقد نفسية نشأت عن البيئات والمجتمعات الي عشتم فيها لإن في الغالب فيه احتمالين : الأول إنكم عشتم في بيئة متشددة جاهلة بالدين بتخلط بين الدين والعادات والتقاليد ، والاحتمال الثاني إنكم خرجتم من بيئة علمانية متفتحة بشكل مفرط فهمتكم إن الدين عبارة عن تشدد وإرهاب وسيطرة وظلم للمرأة ، ولكن الرابط المشترك بين الاحتمالين هو إن كليهما أورث عندكم عقد وأمراض نفسية تجاه الدين

لو انتي بنت وعايشة في بيئة صعبة أو أهل جهلة متصدقيش أي حد يقولك دا بسبب دينك إنتي لو بحثي في دينك بجد هتتأكدي إن مفيش دين كرم المرأة زي الإسلام و لكن سبب الي بعض المجتمعات فيه حاليا هو تفكير معطوب وجهل متفشي وخلط بين العادات والتقاليد

(( ول انت شخص غير مسلم أو ملحد فمتجيش تبضن في الكومنتات وخليك في حالك البوست موجه للمسلمين فقط وأي حد بيبحث عن الحق ))

كملوا كلامهم للآخر مش هتندموا

فريدوم فريدوم 🥰🥰

بسم الله الرحمن الرحيم ... أولا عشان نقدر نفكك الشبهة دي لازم نعرف طبيعة الضرب ومين هي المرأة الناشز (( يريت سواء أنت راجل أو ست إقرأ البوست للنهاية أقسم لك إنك هتستفيد جدا منه عشان تعبت فيه جامد ))

أولا الضرب الي مقصود هنا في الآية هو الضرب بالسواك وليس الضرب المبرح أو المؤذي و الفقهاء كلهم اتفقوا إنه ضرب لا يؤذي ولا يؤلم ، كما قال ابن عباس :« الضرب بالسواك ونحوه » ... وجاء في الموسوعة الفقهية : «يؤدبها زوجها بالضرب بالسواك أو بمنديل ملفوف علي يده ولا يجوز له أن يضربها بسوط ولا بعصا ولا بخشبة »

وأيضاً اتفق الفقهاء علي حرمة لطم الرجل لزوجته ، وليس الزوجة فقط ، بل يحرم لطم أي كائن علي وجه الأرض سواء حيوان أو إنسان أو بهيمة كما قال رسول الله صلى الله عليه وسلم « أو ما بلغكم أني قد لعنت من لطم دابة علي وجهها »

... وعن جابر رضي الله عنه قال :« نهى رسول الله عن الضرب علي الوجه »

عارف في واحد عايز يقول طب ايه لازمة الضرب مادام هو خفيف اوي كدا ؟ لإن الضرب في الإسلام ليس الغرض منه إيلام الزوجة مادبا أو جسدياً بل نفسياً ومعنويا لتعلم أنها قد أخطأت وتدرك ذنبها يعني مثلا كأنك عندك إبن صغير عنده 6 سنين وهو أخطأ فانت عشان تعرفه خطأه بتاخده علي جنب وتضربه ضربة خفيفة بإيدك علي ايده وبتقوله كدا غلط ومتعملش كدا تاني

طب مين هي المرأة الناشز ؟ هي المرأة قليلة الأدب الي بتشتم زوجها وبتسبه عمدا وبتطاول عليه بيدها وبدون أي مبرر والتي لا تحترم زوجها أمام الناس وتهينه ، طب مثلا لو الزوجة متخالفة مع زوجها في مصاريف البيت أو النفقة أو الأكل هل هي كدا ناشز ؟ لأ دي مرأة عادية جدا ومش ناشز ومن حقها تطالب بحقوقها باحترام ودي مجرد خلافات أسرية يتم حلها بين الزوجين بالود ، لإن الضرب ليس للزوجة المستقيمة أو في النقاشات والخلافات الزوجية العادية بل للمرأة قليلة الأدب كما جاء في ( البحر الرائق ) أنه :« ينبغي أن يلحق به .. ما إذا شتمته أو مزقت ثيابه أو شدت لحيته أو قالت له يا حمار يا أبله أو لعنته »

تعالوا بقى عشان نفهم مقصد الآية بالضبط في طريقة التعامل مع المرأة الناشذ كما جاء في الآية بالضبط هتمر ب 3 مراحل :

لو مثلا واحدة ست جابت زوجها وشتمته وقالتله يا راجل يا واطي يا ابن الكلب يا عرة الرجالة وشدته من هدومه ، الزوج المفروض يتعامل ازاي معاها ؟ أول مرحلة يعظها ويعرفها إن الي بتعمله دا غلط وينبهها ويعرفها إنه مش راضي بكدا ، طب لو النصح منفعش معاها؟ يهجرها في الفراش يعني مثلا ينام في أوضة تانية أو ينام ويديها ضهره وميلمسهاش عشان تفهم مدي حجم خطأها وتدرك إنه فعلا زعلان منها وتحاول تصالحه ، طب لو الهجر في الفراش منفعش ؟ يبقي الحل الآخير هو الضرب الخفيف بالسواك علي اليد عشان تفهم إن زوجها جاب آخره منه وليس الغرض من الضرب هو إيلام الزوجة جسديا بل نفسيا ومعنوياً عشان تزعل من نفسها والي عملته ، يعني انتم متخيلين إن مرأة عملت كل ده والإسلام يأتي ويقول انصحها الأول وابعد عنها في الفراش ولو اضطريت تضربها يبقى تضربها بالسواك أو منديل خفيف وإياك تضربها علي وجهها أو تأذيها جسديا

سامعك يالي عايزة تسألي ...طب لو العكس وزوجي هو الي بيشتمني وبيسبني وبينكد عليا ليل ونهار هل ينفع أضربه ؟

لأ ... عشان اصلا فيسيولوجيا وبيولوجيا ومنطقيا مش هتقدري عليه هو أقوي منك ولو فكرتي تقومي تضربيه ولو حتى بالسواك ممكن يكون غبي ةيتعصب عليكي ويؤذيكي ومتعرفيش إيه الي ممكن يحصل بعدها

طب يعني اسيب حقي والدين ضيعه وأنا كمراة مليش حق في الإسلام ؟

اكيد لا ، لإن اساسا عندنا في الشرع الفقهاء نصوا علي إن لو الزوج نشذ عن زوجته يعني تطاول عليها بالسب والضرب المبرح يجب عليها أن ترفع أمره للقاضي ، والقاضي سيؤدبه ، هيؤدبه ازاي ؟ في الشرع عندنا في الحالة دي القاضي يا إما هيحكم عليه بالحبس أو الجلد

وعارف فيه واحدة برضو هتقولك ما الجلد اتمنع دلوقت ودا يعتبر كلام علي ورق؟ هقولها عندك في مصر الي أسوأ من الجلد يعني لو الزوج ضرب زوجته وهي راحت اشتكت فيه وأخدت حقها بالقانون هيتحبس أقل حاجة سنة وفي في حالات بتعدي ال 3 سنين وممكن توصل ل 10 سنين كمان وهيدفع غرامات مالية ضخمة جدا

طب ليه لو الزوجة هي الي نشزت وأخطأت مينفعش تروح للقاضي ؟ لإن كدا كأن زوجها بيعايرها ويفضحها قدام الناس إنها ناشز ومش محترمة وراحت عند القاضي واتحبست أو اتجلدت وكمان ده عار عليها وعلى زوجها وعلي أبنائها لإن مفيش راجل عاقل سوي هيرضى يشوف حد غريب بيجلد زوجته ، فالي المفروض يعملوا لو هي نشذت يضربها ضربة خفيفة علي يدها بالسواك وذلك بعد ما يجرب معاها الوعظ والنصيحة والهجر في الفراش

والمصيبة أن أقطاب الفكر الليبرالي العلماني بيزيفوا ويدلسوا على الناس ويغيروا معنى الآية ويقولوا إن الإسلام بيجيز ضرب المرأة وإيذائها وعشان يزيدوا الأمر سوءاً بيجيبوا مثلا فيديوهات وحالات لرجال ضربوا زوجاتهم ضرب مبرح وعاملين ليها تشوهات في جسمها ويقولوا دا بسبب الإسلام مع إن الإسلام حرم هذا تحريما مشددا

وبل حتى أوروبا العلمانية الليبرالية الي بيقولوا عليه قمة في الرقي والتحضر والمرأة بتاخد حقها هناك ، فيه دراسة قرأتها قبل كدا بتقول إن في فرنسا كل 3 أيام بتقتل إمرأة بسبب العنف الموجود هناك ، وفيه آلاف الإحصائيات الي بتتكلم عن حالات التحرش المرعبة خاصة في الجيش الأمريكي

وعايز أفكركم إن الرسول صلي الله عليه وسلم قال : « خياركم خياركم لنساءه » ...وقال أيضا :« إن من أكمل المؤمنين إيماناً أحسنهم خلقا وألطفهم بأهله » ... وقالت السيدة عائشة:« أن رسول الله ما ضرب شيئا قط بيده ولا إمرأة ولا خادما »

((( ورسالتي الآخيرة : انتي كبنت متخليش أي ملحد يضحك عليكي ويقولك دينك ظلمك لإنهم والله مش فارقة معاهم مصلحتك هما عايزين يشوفوكي ملحدة زيهم عشان ميحسوش إنهم لوحدهم أو قليلين وديننا أبدا ملوش علاقة بأي راحل يضرب زوجته ويشوهها كدا ، ورسالتي ليك انت كراجل لو انت بتضرب مراتك كدا وبتعذبها بإسم الدين فأنت أخطر علي الإسلام من الإلحاد لإنك بتحرف الدين علي هواك وبتستغله عشان تعمل الي انت عاوزه وبتكره الناس في الدين ، وكما قال تعالي : « أرأيت من أتخذ إلهه هواه أفأنت تكون عليه وكيلا » )))

الواد دا بجد مضحك اوي كنت منزل بوست بناقش فيه الإلحاد رايح ياخد البوست ويبعته AI ومن غباؤه مكلفش نفسه يمسح المقدمة بتاعة ال AI و المصيبة إن كل الشبهات الي بينزلها فيع كمية تدليس رهيبة جدا وبيقص الكلام من نصه وبيألف نصوص دينية من عنده ويضحك بيها ع الناس

ولما جيت ناقشته مبيعرفش يرد رد واحد من عنده كله AI فعشان كدا الواد دا اديله أقصي حاجه 14 سنة

مستنيين ايه من واحد اسمه The fool دا كفاية الجملة الكرنج الي كانبها عنده في البروفايل

​

سم الله الرحمن الرحيم ...

طبعا انتي ك بنت نسوية القدوة وال Diva بالنسبة ليكي هي « سيمون ديبوفوار » هي قائدة حركة النسوية في الغرب لدرجة إن كتابها ( الجنس الآخر ) يلقب ب ( إنجيل النسوية ) من شدة أهمية الكتاب ده للنسوية

طيب تعالو نفهم أولا ليه ده حصل وهل كان معاها حق ؟ للمصداقية نعم هي فعلياً معاها حق جدا لإن سيمون ديبوفوار نشأت في بيئة غربية ،هتقولي طيب مالها البيئة الغربية ؟

هقولك الثقافة الغربية بتعلم « أن المرأة رجل غير كامل، وقد تركتها الطبيعة في الدرك الأسفل من سلم الخليقة » وده مش كلامي ده كلام الفيلسوف أرسطو

وكمان عندك Tomas Aquinas الملقب بالعالم الكوني عندهم بيقول « المرأة أخس( يعني أحقر ) من الرجل »

لا ومش كدا كمان تخيل إنه في سفر (الجامعة) الي المفروض إنه نص ديني بيقول « المرأة أمر ( يعني أسوأ ) من الموت »

دا جان جاك روسو الملقب ب رائد التنوير بيقول « المرأة لا تصلح لا لعلم ولا لحكمة »

وسيمون ديبوفوار نفسها ذكرت في كتابها مقولة فيثاغورث « المبدأ الجيد خلق الرجل والمبدأ السيئ خلق المرأة »

فطبيعي جدا إن سيمون ديبوفوار تشعل حركة النسوية لإن الثقافة الغربية الفظيعة دي هي الي وصلتها لكدا

لكن خليني أسألك سؤال احنا مالنا بيهم ؟ هتقولي مالنا بيهم ازاي هو المرأة الي عندنا ملهاش نفس تتحرر برضو ولا ايه ؟

اهدي بس كدا واسمعني ... احنا عندنا في الإسلام الي يغلط في عرض إمرأة ويتهمها في شرفها يجلد علي ظهره 80 جلدة ويعرف بين الناس أنه فاسق كما قال تعالي « والذين يرمون المحصنات ثم لم يأتوا بأربعة شهداء فاجلدوهم ثمانين جلدة ولا تقبلوا لهم شهادة أبدا وأولـئك هم الفاسقون » / انت متخيل إن كل ده عشان غلط في حق إمرأة بكلمة ؟

طب اسمع كمان احنا عندنا في الإسلام حديث رسوله الله « من عال جاريتين حتي تبلغا جاء يوم القيامة أنا وهو كهاتين وضم الرسول إصبعيه » يعني الي بيتكفل بجاريتين ونفقتهم وكل أمور حياتهم ومظلمهمش هيكون اقرب الناس لرسول الله يوم القيامة

طب تعرف إن أغلب النساء في أوروبا لما بيكبروا ويعجزو بيتم رميهم في دار مسنين وده كلام جايبه من إحصائية ودراسة هتلاقوها ع النت بتقول إن 68%% من نزلاء دار المسنين في أوروبا من النساء علي العكس عندنا المرأة في كل مراحل حياتها المرأة كل أهلها بيكونوا رهن اشارتها وبيكون ملزمين ينفقوا عليها طول حياتها والجميع يؤمر بطاعتها

فطبيعي إن سيمون ديبوفوار بعد كل الي تعرضت ليه ده تكره الراجل وتكره البيت وتكره المجتمع وتكره عيشتها

لكن اسمح لي أسألك سؤال إجابته هتصدمك جدا : هل فعلا سيمون من داخلها بتكره الرجل ؟ لا والله كل الي عملته كان نتيجة ثقافة فاسدة وهي من داخلها متقدرش تعيش من غير رجل .. طيب تعرف إنها كانت ترفض الخضوع للزوج وبتقول في كتبها انتي مش ملزمة وخليكي استرونج اندبندانت ومان وده كان كلام ورق في الكتب لكنها أول ما ترجع بيتها كانت بتكتب أعحب رسائل الغرام والخضوع لعشاقها .. عارفك دلوقتي يا نسوية اتصدمتي من الكلام ده وهتنزلي تقولي لي انت مدلس .. هقولك خدي كلامي للآخر

مبدئيا الي هقوله دده مش كلام من عندي دا من عندهم هما ... سيمون كتبت 600 رسالة من رسائل الغرام لعشيق أمريكي اسمه «نيلسون ألجرين »وكلها متاحة ع جوجل باللغة الفرنسية

كتبت في إحدى رسائلها ليه « سأكون مطيعةوهكنس البيت وسأغسل الأطباق ولن أفعل أي شء لا تريدني أن أفعله »

والي هيصدمك أكتر إن سيمون قبلت أن تكون عشيقة ثانية لسكرتير مكتب سارت وقالت أنا 3 أيام وهي 3 أيام ( يعني حرفياً قبلت بالتعدد 😂) ومرة تانية بعد إذن الأستاذة النسوية الي بتقرأ البوست متتعصبش لإن ده مش كلامي ... الكلام دا بتنقله عنها « هيزيل رولي » زميلة سيمون والتي كتبت عن سيرة سيمون أكثر من كتاب

وآخر حاجة هقولهالك يا أختي النسوية لعلك تستفيدي منها ... الإنسان ميقدرش يغير فطرته وميقدرش يكدب علي نفسه لكن النسوية بتعاند الفطرة والطبيعة التي خلق الله عليها المرأة والرجل وكمان ربنا عارف مكانة الرجل في قلب المرأة ويعرف مكانة المرأة في قلب الرجل

.. فوضع لنا شريعة تراحمية عنوانها « وجعل بينكم مودة ورحمة » في سورة الروم .... وطبعا كل شيء ذكرته في البوست هنا هتلاقي المصادر بتاعته في الصور سواء أقوال مفكرين أو فلاسفة أو آيات أو نصوص دينية ... وبإذن الله هكمل في السلسلة دي وأرد علي جميع تساؤلاتكم وشبهاتكم

وفي النهاية هترك ليكي مقارنة بين نظرة المجتمع الغربي للمرأة ونظرة الإسلام للمرأة وكله بالدراسات والأدلة وأقوال المفكرين والعلماء عشان تعرفوا الفرق بين البيئتين :

\\\_يقول Aristotle « الأنثى أنثى بسبب نقصٍ ما في صفاتها "

\\\_ يقول Jean-Jacques Rousseau "المرأة يجب أن تُربّى لإرضاء الرجل."

\\\_ يقول Friedrich Nietzsche "إذا ذهبت إلى المرأة، فلا تنس السوط."

\\\_ رسالة بولس إلى تيموثاوس الأولى (2:11-12) «لتتعلم المرأة بسكوت في كل خضوع. ولكن لست آذن للمرأة أن تُعلّم ولا تتسلط على الرجل »

أما في الإسلام

\\\_ قال الله سبحانه تعالي في سورة النساء « وعاشروهن بالمعروف » ... وقال أيضا في سورة البقرة « ولهن مثل الذي عليهن بالمعروف »

\\\_ وقال رسولنا محمد ﷺ «استوصوا بالنساء خيرًا » وقال أيضا « رفقاً بالقوارير »

بسم الله الرحمن الرحيم ...

طبعا انتي ك بنت نسوية القدوة وال Diva بالنسبة ليكي هي « سيمون ديبوفوار » هي قائدة حركة النسوية في الغرب لدرجة إن كتابها ( الجنس الآخر ) يلقب ب ( إنجيل النسوية ) من شدة أهمية الكتاب ده للنسوية

طيب تعالو نفهم أولا ليه ده حصل وهل كان معاها حق ؟ للمصداقية نعم هي فعلياً معاها حق جدا لإن سيمون ديبوفوار نشأت في بيئة غربية ،هتقولي طيب مالها البيئة الغربية ؟

هقولك الثقافة الغربية بتعلم « أن المرأة رجل غير كامل، وقد تركتها الطبيعة في الدرك الأسفل من سلم الخليقة » وده مش كلامي ده كلام الفيلسوف أرسطو

وكمان عندك Tomas Aquinas الملقب بالعالم الكوني عندهم بيقول « المرأة أخس( يعني أحقر ) من الرجل »

لا ومش كدا كمان تخيل إنه في سفر (الجامعة) الي المفروض إنه نص ديني بيقول « المرأة أمر ( يعني أسوأ ) من الموت »

دا جان جاك روسو الملقب ب رائد التنوير بيقول « المرأة لا تصلح لا لعلم ولا لحكمة »

وسيمون ديبوفوار نفسها ذكرت في كتابها مقولة فيثاغورث « المبدأ الجيد خلق الرجل والمبدأ السيئ خلق المرأة »

فطبيعي جدا إن سيمون ديبوفوار تشعل حركة النسوية لإن الثقافة الغربية الفظيعة دي هي الي وصلتها لكدا

لكن خليني أسألك سؤال احنا مالنا بيهم ؟ هتقولي مالنا بيهم ازاي هو المرأة الي عندنا ملهاش نفس تتحرر برضو ولا ايه ؟

اهدي بس كدا واسمعني ... احنا عندنا في الإسلام الي يغلط في عرض إمرأة ويتهمها في شرفها يجلد علي ظهره 80 جلدة ويعرف بين الناس أنه فاسق كما قال تعالي « والذين يرمون المحصنات ثم لم يأتوا بأربعة شهداء فاجلدوهم ثمانين جلدة ولا تقبلوا لهم شهادة أبدا وأولـئك هم الفاسقون » / انت متخيل إن كل ده عشان غلط في حق إمرأة بكلمة ؟

طب اسمع كمان احنا عندنا في الإسلام حديث رسوله الله « من عال جاريتين حتي تبلغا جاء يوم القيامة أنا وهو كهاتين وضم الرسول إصبعيه » يعني الي بيتكفل بجاريتين ونفقتهم وكل أمور حياتهم ومظلمهمش هيكون اقرب الناس لرسول الله يوم القيامة

طب تعرف إن أغلب النساء في أوروبا لما بيكبروا ويعجزو بيتم رميهم في دار مسنين وده كلام جايبه من إحصائية ودراسة هتلاقوها ع النت بتقول إن 68%% من نزلاء دار المسنين في أوروبا من النساء علي العكس عندنا المرأة في كل مراحل حياتها المرأة كل أهلها بيكونوا رهن اشارتها وبيكون ملزمين ينفقوا عليها طول حياتها والجميع يؤمر بطاعتها

فطبيعي إن سيمون ديبوفوار بعد كل الي تعرضت ليه ده تكره الراجل وتكره البيت وتكره المجتمع وتكره عيشتها

لكن اسمح لي أسألك سؤال إجابته هتصدمك جدا : هل فعلا سيمون من داخلها بتكره الرجل ؟ لا والله كل الي عملته كان نتيجة ثقافة فاسدة وهي من داخلها متقدرش تعيش من غير رجل .. طيب تعرف إنها كانت ترفض الخضوع للزوج وبتقول في كتبها انتي مش ملزمة وخليكي استرونج اندبندانت ومان وده كان كلام ورق في الكتب لكنها أول ما ترجع بيتها كانت بتكتب أعحب رسائل الغرام والخضوع لعشاقها .. عارفك دلوقتي يا نسوية اتصدمتي من الكلام ده وهتنزلي تقولي لي انت مدلس .. هقولك خدي كلامي للآخر

مبدئيا الي هقوله دده مش كلام من عندي دا من عندهم هما ... سيمون كتبت 600 رسالة من رسائل الغرام لعشيق أمريكي اسمه «نيلسون ألجرين »وكلها متاحة ع جوجل باللغة الفرنسية

كتبت في إحدى رسائلها ليه « سأكون مطيعةوهكنس البيت وسأغسل الأطباق ولن أفعل أي شء لا تريدني أن أفعله »

والي هيصدمك أكتر إن سيمون قبلت أن تكون عشيقة ثانية لسكرتير مكتب سارت وقالت أنا 3 أيام وهي 3 أيام ( يعني حرفياً قبلت بالتعدد 😂) ومرة تانية بعد إذن الأستاذة النسوية الي بتقرأ البوست متتعصبش لإن ده مش كلامي ... الكلام دا بتنقله عنها « هيزيل رولي » زميلة سيمون والتي كتبت عن سيرة سيمون أكثر من كتاب

وآخر حاجة هقولهالك يا أختي النسوية لعلك تستفيدي منها ... الإنسان ميقدرش يغير فطرته وميقدرش يكدب علي نفسه لكن النسوية بتعاند الفطرة والطبيعة التي خلق الله عليها المرأة والرجل وكمان ربنا عارف مكانة الرجل في قلب المرأة ويعرف مكانة المرأة في قلب الرجل

.. فوضع لنا شريعة تراحمية عنوانها « وجعل بينكم مودة ورحمة » في سورة الروم .... وطبعا كل شيء ذكرته في البوست هنا هتلاقي المصادر بتاعته في الصور سواء أقوال مفكرين أو فلاسفة أو آيات أو نصوص دينية ... وبإذن الله هكمل في السلسلة دي وأرد علي جميع تساؤلاتكم وشبهاتكم

وفي النهاية هترك ليكي مقارنة بين نظرة المجتمع الغربي للمرأة ونظرة الإسلام للمرأة وكله بالدراسات والأدلة وأقوال المفكرين والعلماء عشان تعرفوا الفرق بين البيئتين :

\_يقول Aristotle « الأنثى أنثى بسبب نقصٍ ما في صفاتها "

\_ يقول Jean-Jacques Rousseau "المرأة يجب أن تُربّى لإرضاء الرجل."

\_ يقول Friedrich Nietzsche "إذا ذهبت إلى المرأة، فلا تنس السوط."

\_ رسالة بولس إلى تيموثاوس الأولى (2:11-12) «لتتعلم المرأة بسكوت في كل خضوع. ولكن لست آذن للمرأة أن تُعلّم ولا تتسلط على الرجل »

أما في الإسلام

\_ قال الله سبحانه تعالي في سورة النساء « وعاشروهن بالمعروف » ... وقال أيضا في سورة البقرة « ولهن مثل الذي عليهن بالمعروف »

\_ وقال رسولنا محمد ﷺ «استوصوا بالنساء خيرًا » وقال أيضا « رفقاً بالقوارير »

((سبب إجابتي عن الشبهة دي بالذات دلوقت أني وجدت شخص ملحد طارح الشبهة ومحرف فيها حاجات كتيرة جدا ومألف نصوص من دماغه وبيقتصها عشان تناسب غرضه وكل الي عمله كان تدليس ))

بسم الله الرحمن الرحيم بإذن الله هجاوب إجابة شافية وافية للشبهة دي بس أكمل القراءة للنهاية

أول قاعدة من القواعد الكلية التي لا يصح زواج الفتاة إلا بها هي " لا ضرر ولا ضرار " كما قال رسول الله

يعني لو فتاة وكبيرة وبالغة وعندها 20 سنة وهيحصلها ضرر من الزواج مينفعش تتزوج بغض النظر إيه هو الضرر ده يعني معناه إن الزواج مش سن ثابت محدد للبشر

القاعدة الثانية لا يصح زواج فتاة بغير رضاها كمال قال رسول الله لا تنكح البكر حتي تستأذن

يعني لو فتاة تزوجت بغير رضاها أو وهي مجبرة يعني الزواج ده مفسوخ يعني باطل ومن حقها التام تترك زوجها

وزي ما حصل إن في فتاة جائت لرسول الله وقالتله إن أبوها أجبرها علي الزواج فخيرها الرسول بين ترك هذا الزواج أو الموافقة عليه وجعل الأمر لها فقالت : قد أجزت ما صنع أبي ولكن أردت أن تعلم النساء أنه ليس للأباء من الأمر شيء يعني في النهاية وافقت برضاها

إذا شرط زواج الفتاة أن تبلغ سن تكون قادرة أن تستأذن فيها علي الزواج وعندها الوعي توافق فتستأذن

القاعدة الثالثة هي موافقة الولي ( الأب ) لأن الولي هو أحرص الناس علي مصلحة بنته ولكن بشرط ألا يجبرها علي زواج من شخص ما دون رضاها

القاعدة الرابعة الإعلان والإشهار يعني تعلن الزواج بين الناس الي انت فيهم عشان تبقي حاطت نظرة الناس ليك في الحسبان عشان تختار لبنتك الأحسن ومحدش يظن فيك السوء

ولو قارنا بين القواعد الأربعة الي وضعها الإسلام وجزئية السن الي وضعتها النظم العلمانية هنجد فعلياً إن الي بيضمن للبنت حقوقها اكتر هو الإسلام

ودلوقت هنتطرق لأهم جزئية والي الملحدين دلسوا فيها جدا وغيروها علي هواهم وهي : إن بعض الفقهاء أجازوا زواج الصغيرة ولكن مع ذلك خالفهم البعض الآخر في هذا

ولكن حتي الفقهاء الي أجازوا زواج الصغيرة كان المقصود من هذا هو عمل عقد قران ( أو نكاح ) فقط بدون دخول زوجها عليها

يعني ايه ؟ يعني الصغيرة يجوز ليها إن الزوج يكتب عليها فقط بدون أنه يطأها ويدخل معاها في علاقة ( الجماع ) إلا لما تصل إلي سن البلوغ المناسب لقدرتها علي تحمل الزواج

(( وطبعاً سن البلوغ في عصرنا مختلف تماماً عن سن بلوغ بنت عاشت في الصحراء من 1400 سنة ))

طيب ليه مادام القصة كدا وخلاص وكل ما في الأمر هو كتب كتاب وبس ليه تم وضع الحالة الفقهية دي؟

هقولك لإن فعلاً كان في حالات بتطلب تشريع فقهي زي كدا يعني لو مثلا الأب وبنته في زمن حروب ومصائب والأب خشي علي بنته أنه يموت وميلحقش يزوجها وخايف عليها من الدنيا ففي الحالة دي يجوز ليها إن لو جالها زوج يكتب عليها فقط بدون جماع حتي تصل سن البلوغ

وبرضو في حالات تانية بيجوز فيها التشريع ده لو مثلا برضو الأب مصاب بمرض خطير ومعرض للموت وخايف علي بنته فأكيد طبيعي إنه يوافق علي كتب كتابها عشان لو هو مات ، يكون معاها شخص قادر أنه يرعاها وطبعاً مفيش أي جماع قبل سن البلوغ

وفي حالات تانية زي مثلا لو في شخص مقدم لخطبة البنت وهو شخص كفؤ وممتاز وجيد ويقدر يضمن للبنت المستقبل الجيد وفيه خير الدنيا والآخرة لهذه الفتاة

((( وتذكروا بقول إن في الحالات دي الفقهاء أجازو مجرد كتابة هذا العقد وميحصلش أي جماع حتي تصل البنت لسن البلوغ وتكون قادرة عليه )))

وطيعا دعاء الإلحاد استغلوا الحالة دي وجايين يشوهوها عشان يفتنوا المسلمين في دينهم

وطبعاً مش محتاج أقولكم حتي إن الفقه والأحكام الفقهية بتتغير بتغير الأزمان فظروف زماننا هذا غير مناسبة لظروف الناس من 1400 سنة

يعني عندك في العصر الحديث قال العلامة ابن عثيمين رحمه الله:( الأصل عدم جواز زواج الصغيرة لقول النبي عليه الصلاة والسلام « لا تنكح البكر حتي تستأذن » يعني حتي ترضي هي بالزواج وتوافق عليه وهذه بكر فلا تزوجها حتي تبلغ السن الذي تكون فيه اهلا للإستئذان ثم تستأذن ) يعني البنت الصغيرة في عصرنا الحالي لازم تبلغ سن تكون واعية فيه إنها توافق علي الزواج يعني لحد ما تكبر خالص

وهذا هو الرأي الصواب في زماننا أن الأب لا يزوج بنته حتي تكبر وتبلغ وإذا بلغت لا يزوجها إلا برضاها

ومن الأمثلة برضو الي أحب أذكرها إن لما أبو بكر وعمر تقدمو لخطبة فاطمة بنت رسول الله رفض رسول الله كليهما وقال « إنها صغيرة »

مشكلة الملحد بقى إنه بيخطف الشبهة وبيجري مع إنه في الغالب بيبقى عارف إجابتها ولكن هما دول شياطين الإنس مش عايزين يدخلو النار لوحدهم

تعالو بقى أوريكم بتوع دعاة الإلحاد والعلمانية الي بيدعوا إكرام البنات وإنهم خايفين عليهم وهثبتلكم نفاقهم بالأدلة والدراسات العلمية وأنا أضفت كل صور الدراسات في البوست وكمان صور الأحاديث النبوية عشان الناس الي بتحب تعرف المصادر :

_في دراسة أثبتت إن أكتر من 200 ألف طفلة تحت السن القانوني مؤخراً دخلوا علاقات جنسية خارج إطار الزواج في أمريكا

_ ودراسة تانية أثبتت إن السن القانوني للزواج في الغرب هو 12 سنة في بعض الدول مثل المكسيك

_ ودراسة تالتة في كندا بتقول إن عندهم السن القانوني للزنا 14 سنة ومؤخرا بقي 16 سنة ( يعني تخيلوا طفلة لسا عندها 14 سنة مسموح لها تزني عادي وتخش علةقات )

ونفس هذا الليبرالي الملحد الي بيسمح بالزنا في الغرب عند سن 12 و14 سنة يأتي ويقول يقول لبناتنا اوعي حد يضحك عليكي ويخليكي تتجوزي قبل ال 18 سنة وغير كدا كمان حديثا دعاة الإلحاد بقو يطالبوا بجعل السن القانوني للزواج لبنات العرب 21 سنةهما نفسهم علي قلبهم زي العسل لو بنت من أوروبا عندها 14 سن ودخلت في علاقة لأنهم يريدون أعواماً أخري تقضيها الفتاة في الذنوب والمعاصي والعلاقات العاطفية المحرمة قبل أن تظفر بزواج عفيف يرضي الله

(( عارف إني هلاقي ناس جاية تطرح قصة زواج السيدة عائشة من رسولنا محمد صلى الله عليه وسلم وطبعا الي يقرأ كل ده ويسأل سؤال زي ده فهو مفهمش حاجة خالص بس برضو هجاوب عنها في بوست لوحدها قريب بإذن الله))

الحمدلله علي نعمة الإسلام

لما النبي ﷺ هاجر للمدينة كان فيها قبائل يهودية فاتعملت معاهدة بينهم وبين المسلمين عشان يعيشوا سوا في أمان ومن أهم البنود إن مفيش خيانة ولا تحالف مع أعداء المسلمين وقت الحرب

في غزوة الأحزاب قريش وقبائل كتير اتجمعوا وحاصروا المدينة والمسلمين كانوا في موقف صعب جدًا وخطر حقيقي وكان ممكن يحصل إبادة كاملة لأن العدو من بره والعدد قليل جدًا

في الوقت الحرج ده يهود بني قريظة نقضوا العهد ودي ما كانتش خيانة عادية دي كانت خيانة ممكن تنهي وجود المسلمين تمامًا لأنهم كانوا جوه المدينة ولو فتحوا جبهة من الداخل أو ساعدوا الأحزاب يدخلوا كان المسلمين هيتحاصروا من جوه وبره في نفس الوقت وده كان كفيل إنه يخلص عليهم كلهم

يعني باختصار الخيانة دي كانت تهديد مباشر إن يحصل قتل شامل للمسلمين رجال ونساء وأطفال

(( وفي بعض الروايات كمان بتقول إن اليهود قاتلوا مع المشركين ))

لكن ربنا أنقذ المسلمين وانتهى الحصار وبعد كده بني قريظة اتحاصروا بسبب خيانتهم واستسلموا وهم بنفسهم طلبوا التحكيم ووافقوا إن سعد بن معاذ رضي الله عنه هو اللي يحكم بينهم

فسعد بن معاذ حكم بحكم موجود في شريعتهم هم اللي هي التوراة في حالات الخيانة والحرب وهو قتل الرجال المقاتلين وسبي النساء ( الي ساعدو في الخيانة ) فقال له النبي ﷺ

"لقد حكمت فيهم بحكم الله من فوق سبع سماوات"

أما الحديث

"أنهم عرضوا على رسول الله يوم قريظة، فمن كان محتلمًا أو نبتت عانته قُتل، ومن لم يكن كذلك تُرك"

فده بيوضح إن كان فيه معيار واضح للتفريق بين الكبير والطفل

وكان الاحتلام أو نبات العانة هو المقياس المعروف وقتها عشان يحددوا مين بالغ ومين لسه طفل وده ما كانش خاص بالإسلام بس ده كان شيء معروف زمان

فالحكم ما كانش عشوائي ولا كان فيه ظلم للأطفال لكنه كان مقتصر على الرجال البالغين من جماعة خانت في أخطر وقت ممكن وقت كان المسلمين فيه ممكن يبادوا بالكامل أما الأطفال ما اتقتلوش وده يوضح إن كان فيه تفريق واضح لأن النبي ﷺ كان بيقول

«لا تقتلوا امرأة ولا وليدًا»

وده يبين إن الأصل في الإسلام عدم قتل غير المقاتلين

وكمان لازم نفهم إن اللي عملوه بني قريظة ما كانش حاجة بسيطة دي كانت خيانة في وقت لو نجحت كانت هتؤدي لهلاك المسلمين كلهم حرفيًا يعني الموضوع ما كانش مجرد نقض عهد ده كان تهديد وجودي حقيقي

وفي النهاية نقدر نقول إن ده عكس اللي موجود في بعض نصوص التوراة في سياق الحروب القديمة اللي فيها أوامر بالقتل العام زي

_ من سفر صموئيل الأول (15:3)

“فالآن اذهب واضرب عماليق، وحرّموا كل ما له، ولا تعفُ عنهم، بل اقتل رجلًا وامرأة، طفلًا ورضيعًا، بقرًا وغنمًا، جملًا وحمارًا.”

_ من سفر يشوع (6:21)

“وحرّموا كل ما في المدينة من رجل وامرأة، من طفل وشيخ، حتى البقر والغنم والحمير، بحد السيف.”

_ من سفر التثنية (20:16–17)

“وأما مدن هؤلاء الشعوب التي يعطيك الرب إلهك نصيبًا، فلا تستبقِ منها نسمة ما، بل تحرّمها تحريمًا...”

فبالتالي الحديث مش شبهة لكن دليل إن كان فيه عدل وتفريق بين المقاتل وغير المقاتل وإن اللي حصل كان بسبب خيانة خطيرة جدًا كانت ممكن تخلص على المسلمين بالكامل مش ظلم ولا قسوة من غير سبب

((( يريت محدش يسيب موضوع المناقشة ويطرح شبهة مختلفة الي عايز يطرح شبهة جديدة يبعتهالي في الخاص وانا هرد بإذن الله تعالي + يريت نحترم أداب الحوار ومحدش يشتم سواء ملحدين أو مسلمين والكلام يكون باحترام )))