سؤالي ممكن يكون جدلي ودي مو نيتي من السؤال و امانه بدون مشاكل لان كل واحد يبي يعيش حياته بالطريقه الي تريحه، المهم سؤالي حقيقي احتاج له اجابه لاني ابا اطلع من انغلاق اهلي لكن اخاف اقبل احد يطلع زيهم او اسوء كيف ممكن افاتحه بالمواضيع دي؟ مثل موضوع الغطى والطلعات و السفر والشغل ابا اعرف هل هو بيكون سهل بالاشياء دي او متشدد فيها ومو بس افكر الشي دا لنفسي حتى لبناتي ما اتمنى لهم حياة مغلقه مثل حياتي والموضوع دا مره يشغل بالي وموضوع الغطى اخاف ياخدني ويشوف كيف اهلي مخليني اطلع و يجبرني على نفس اجبار اهلي ، ابا اجابة كيف ممكن افاتحه بمواضيع مثل دي واعرف رايه فيهم وانا ما امون عليه

اهلي صادف وان يروحو مول صحبتي رايحه فيه اليوم المهم وامي جات تقولي كيف والوقت والزفت ومدري ايش المهم راحت قالت لابوي ابوي ناداني قالي هيا فلانه هناك؟ قلتلو ايوا قالي هيا لا تقوليلي بروح معاها مدري فين ومدري وين وبلفلف لفلفه مافي تكوني تحت عيوننا وحواجبك دي حتغطيها يالله قد ايش انكتمت كيف يعني اغطي حواجبي يعني ايش الفتنه الي حتيجي من شعرتين بوجهي حقيقي بموت وكيف يعني اروح مول اقعد مع صحبتي ولا اقعد تحت رقابتكم؟ ماني فاهمه اخ حموت يارب ما اتنكد زياده هناك بليز ادعولي

بالاجازه وحاسه طفشانه رسمت شي بسيط وفكرت انزلو بس ماعرفت وين ونزلتو بالتيك احس مرا كيوت اخر مره نزلت شي بالتيك كان في ٢٠٢٢

احبهم كل مره اكتب شي فالصبات حقتهم يردو عليا مايطنشوني لان ريديت عقدني من كتر ما اكتب اشياء ويطنشوني الزبده بببق لوف والله

كنت اروح مع سواق يوصل ناس كتير الزبده مره ركبت السياره وانا قاعده ورا القى ورقه ومكتوب فيها اشياء الزبده مسكتهاوقرات الي فيها كانت مكتوب i love you وقلب كبييير اللعنه وتحت مكتوب دا رقمي المهم انا شفت الرساله دي وقعدت افكر مييين اللحجيه الي كاتبتله دا الشي المهم وبعدين سبت الورقه بس فكرت قلت دحين هوا حينزلني وينزل بيتو لانو بيتو لاصق ببيتي فلما ينزلني حيحسب الورقه مني وحيكون شي يفشل قمت ايش سويت؟ اخدت الورقه وقلتلو لقيت ورقه مرميه هنا❤️ اقسم بالله ما اعرف كيف كتت افكر دحين لو كان حيحسب ان الورقه مني دام اني اعطيتو هيا بيدي حيتاكد انها مني الزبده احراج ووصلت البيت وحكيت ماما وامي قالتلي كان اخدتي الورقه معاكي ورميتيها احسن ومنجد دا اقرب شي لعقل البشري انه يفكر فيه بس يعني ماكان عندي عقل وقتها للاسف وقالتلي يمكن هو كاتبها لكي وبكت ضحك عليا واخدوني شماته ماما وصحباتي برضو المهم عشت باكتئاب انه الولد دا كل مره حيشوفني حيدكر الورقه دي

حقيقي يجذبوني الناس الي عندها اهتمامات وهوايات وحرفيا من زمان ماكان عندي احد زي كدا

لما كنت صغيره خالتي كانت متزوجة رسام وكنت دايم احب اروح عندهم عشان يخليني ارسم معاه وبيتهم كان كله لوح والوان فكل مكان ومن وقتها وانا امنيتي اتزوج رسام

اشتقتلك من يوم مابعدنا ماعاد صار عندي احد يشاركني اهتماماتي ويخاف عليا زي ماكنت تسوي صح اني كنت اضحك واستهزئ لما تخاف عليا بس ترا كان شي لطيف منك ، والله انك نادر مهما حاولت القى احد زيك خصوصا بموضوع الاهتمامات انت كيف جيت كدا كانك انا ؟ حقيقي تشبهني فكل حاجه ، تدكر لما قلتلي لازم ارجع ارسم ؟ ترا رجعت ورسمت رسمه اعرف انك لو شفتها مرا حتعجبك وحتحاول تقلدها وماحتعرف وحنضحك عليك زي كل مره كنت تغصبني فيها ارسم شي ويطلع حلو وتحاول تقلدني ههههههههههههه مرا اشتقت لنا ولما كنت ارسم كان ودي ارسلك واقولك شوف قاعده احاول ارجع شغفي ونرجع نرسم سوا زي زمان..

ابوي سمحلي اروح بيتها من فتره لانه قريب من بيتنا المهم اليوم قلتله بروح بيتها بكرا نذاكر قالي لا قلتلو ليه قالي بدون سبب لازم يكون فيه سبب يعني؟ خروجاتك كثرت حرفيا اخر مره خرجت كانت بالعيد ومعاهم عمري ماطلعت لحالي او مع صحباتي ماني فاهمه ايش خروجات الي كترت ما اعرف اصلا انفجعت من الكلمه من متى وانا اخرج اصلا عشان تكتر الخروجات

اعتررررف وانا صغيره كنت امسك جوال خالتي كانت ١٩ وقتها المهم كانت تخاف لو مسك احد جوالها وانا كنت امسك واشوف الصور الي تصورني هيا المهم مره صورتني فالسطوح ورفضت توريني ونمنا ولما نامت مسكت جوالها ومسكت اصباعها وفكيت الجوال وبعدين دخلت عالصور وانا اقلب بصوري لقيتلها صور مع رجال بسياره قاعده جنبو صورة وهي لابسه نقابها وصوره وهيا فاتحتو وصورة تانيه ماسكه يدو وانا كنت تالت ابتدائي وعرفت اقرا الكلام كانت كاتبه يوم مع الحب وزوج المستقبل لين دحين ما انسى العباره دي وانا من بعدها ما انسى الشي دا لكن خفت اقول لاحد وماقلت لاحد سبحان الله ربي نزل عليا الصمت عن الشي دا هههههههه

ماني فاهمه ايش فكرة القفل يعني هما حدفو ولا ايش مدري