u/Sea_Crew_5168

اني بعائلة بيهه تعقيدات ومناصب واسلوب يعني كل شخص من اخواني اله معاملة خاصة واله القرب من امي وابوي وعلى اساسها رح ينبني الاحترام وعدمه والخ، اني البنية الصغيرة ولاحظت انه ماما وبابا اكثر شي يذبون اسلوبهم المو حلو عليه البقية لا، فلاحظت هذا الشي من صرت خامس ابتدائي بس مو بادراك فتصرف تلقائي مني نتيجة الي شفته صرت اني هم اذب عصبيتي على والديّ بسبب اسلوبهم فصارت مثل الدائرة بيناتنا، هسه من صرت ناضجة من احاول اكون هادئة هذا اليوم واسكت والخ اشوف انه ماتغير شي وكأنما عقليتهم تبرمجت شون يعاملوني، اختي الجبيرة رب المثالية والبربرة تجي تكلي ميصير هيج تسوين وتحجين والخ وهمه اهلي لو ماكو الله جان عبدوها استغفرالله ماريد احجي شون يعاملوها وشون يعاملوني بس المهم اكو فرق واضح وحتى لو تغيرت وصرت مثالية وي اهلي هم مايفيد لان وضعيتهم صارت كأنما هاي بنتنا هي المكان الي نذب بيه طاقتنا السلبية وغضبنا، فوصلت لقناعة انه مهما حاولت اكون مثالية مارح يفيد فليش اكبت؟ ماانكر انه كل انسان يستحق افضل معاملة من الجميع بس يعني الوضعية والله متفيد وي ناس مارح تتغير 😵‍💫 اكيد همه رح يكبرون وتتزن نفسيتهم ويتغيرون واني هم بالمقابل رح اغير اسلوبي وياهم بس هسه احس لا لان الوضعية متستاهل وايضا اني مابيه حيل اغير شخصيتي واصير هادئة ورزنة افضل اكون مخبلة بنظرهم ولا اكون مثالية ونفس المعاملة ويصير عندي امراض نفسية فالوضعية بيناتنا 50/50 وكلش مرتاحة اني واحب اهلي كلش بس حبيت احجي، وهسه صدك الواحد وين من المفترض يذب طاقته السلبية وغضبه؟ اني عن نفسي تلقائيا تروح بنفس الفترة اذا ظليت ساكته ومحد ازعجني يعني انعزل على نفسي الى ان يستقر الوضع

اني رحت صف خامس، كيميا وفيزيه ورياضيات شنو الفصول الي لازم اركز عليهن حتى بالسادس اضبط الوضعية ( لا تخافون مااقره للخامس بالعطلة 😚)

من جنت ابتدائي معلمات كلهن يحبني من الاول للسادس، من جنت اول اربع سنين جنت ماعرف انه الي ياخذ من خمسة وفوك هو ناجح حسبالي من سبعة الى عشرة النجاح لان جنت اشوف المعلمات شون يعاملن الي ياخذن من سبعة واقل بازدراء فعقلي فسرها انه هذا رسوب، فمرة جان عدنه امتحان جدول الضرب ووحدة يعني ماعرف شبيها سالتني كلتلي ستة من عشرة ناجحة لو راسبة كتلها راسبة ودرت وجهي 😭🙏🏻 اشو هاي كامت تبجي والبنات انتبهن الها ومعلمة ماتدرسنا واكفة مراقبة علينه سالتها والبنية اشرت عليه وكلتلها تكول عليه راسبة، اجتي المعلمة تكلي ليش كلتيلها راسبة واني حرفيا صافنة ماعرف شرد يعني مقتنعة انه الستة راسبة 💔🥀وظليت صافنة الا يجيني راجدي خله گلبي يدك والدرس كله اني صافنه ممستوعبة الي صارلي اخر شي من دك الجرس كمت ابجي وره مااستوعبت الصدمة، ها والمعلمة جانت مو اكبر من مواليد 92 يعني شابة بس الظاهر الامراض النفسية للمعلمات ناهشة نفسيتهن نهش

بس هل اني الوحيدة الي احس الكفر والفشار يخلن الشخص ينزل من عيني؟ ولو اني صغيرة وممكن اكون كلشي مافتهم بس احس مهما جانت معتقدات الشخص عن الله مو حلو انه يكفر ، والفشار كله كلام واوصاف جنسية ماعرف شون الناس تستخدمه حتى يعبرون عن غضبهم ولو هو اصلا ماكو بديل اله بس يعني 🤷🏻‍♀️ وبس هاي نقطة حبيت اكولها حاولو تكونون اكثر انتقاء بكلامكم وي الكل وحتى المقربين ماشوف اكو داعي لكل من هذا.

مبدأيا اني اخوي الصغير راح سادس ابتدائي يعني عكب السنة تجي رح يصير اول متوسط وتعرفون مجتمع المتوسطة شونه وكله ولد سرسرية يعني حثالة المجتمع كلها هناك، اخوي هذا فد نموذج بريئ وطاهر وحلو كلشش واهلي ميخلوه يطلع بالشارع من جان صغير جانت بيه عادة كلشش خجول وميسلم ابد وميحجي وي احد بس احنه اهله يسولف ويانه البقية لا، بس هسه اقوى شي السلام ويرد على السؤال يعني شوي شوي كاعد يتحسن وشكد اسمع بالشارع ولد بكده واصغر منه يفشرون ويكفرون ويغلطون، شون اكلكم ياها بس اخوي هسه اذا تفشر يمه مايعرف معنى الفشورة هاي ابد ومايعرف شنو يعني فشار، فكلش خايفة وقلقانة عليه من هسه قبل لايطب متوسطة شون رح افهمه واكله عن الفشار وايضا موضوع الحمامات اخاف ولد يسوون بيه شو شغله معفنه لان اكو حالات اغتصاب تصير بالمدارس مالت الولد للاسف ويعني كومة سوالف مثل التدخين والمخدرات وبيئة الولد هنا بالديوانية كلها نفس الشي سرسرية وملطلطين سواء مدارس اهلية وحكومية، رح تكلولي هذا شغل اهلج اهلي مو كلش رح يهتمون بهالموضوع اني اريد اخلي اخوي ياخذ حذره كلش بس مو لدرجة انه يصير مضحك يعني اريده يختلط ويتعرف على هاي النماذج حتى من يكبر تكون عنده نظرة عن المجتمع الي هو بيه ماريده فطير وفقير وماريد الاختلاط هذا يأثر بيه سلبيا وماريد احسسه مستقبلا انه اني مراقبتك ومتشددة عليه فكلش الموضوع شاغل بالي + ها وللعلم اخوي ماعنده اصدقاء بالمدرسة مايختلط للاسف ووي كرايبنا الي بكده ويلعبون قليل يتشاوفون كلشش وكاضيها العطلة بالبيت اكله روح وي بابا للشغل ميقبل وهمات اخوي الجبير ينزعج منه ويرجعه للبيت

من جنت ثالث متوسط وبدا الفصل الثالث جان كلشي تمام بس من وصلت لمعادلات الكسور الي هي اصعب شي تقريبا حسيته خمد ومايعرف يوصل الفكرة للطالب وهمات جان وكت ضيك وحسيته يشرح سريع سريع رغم انه الموضوع جان صعب يعني شون اكلكم حيدر وليد وكل المدرسين عدهم فصول مضبطيها وتوب كلوب بيهه بس اكو فصول مو قصة همه ميعرفون يشرحون بس يعني ميعرفون يوصلون الفكرة العميقة للطالب بخصوص لبة الموضوع، وهمات من صرت رابع هاي السنة الفصل الثاني مال المتباينات والمتباينة المفتوحة هاي مال خط الاعداد واظل اظلل هنا ومن فوك ليجوه وعلى اساسها رح احل مطالب السؤال الاربعة مال y-b والخ وهمين مافهمتها على عباس، وبسسس حبيت اكول انه شي طبيعي اكو مدرسين عدهم فصول ميكدرون يبدعون بشرحها نفس البقية واستاذ ثاني ممكن يتفوق عليهم، اني صديقتي بسادس كلتلي انه حيدر وليد خلاها تضبط الكورس الاول توب بس بالكورس الثاني معجبها شرحه وحولت على واحد ثاني نسيت اسمه بس هو مدبدب وجهه وعيونه ضيكة ويلبس نظارات اظن، واسفه حجيت كلشش هواي بس هذا رأيي وحبيت اشاركه واسمع ارائكم

صديقتي سادس وظلت تحجيلي عن السادس وكذا وكعدت تكلي اسئلة استاذتها شون معقدة واثرائية وشون مدرستنه (احنه نفس المدرسة) هم يجيبن ويربطن افكار صعبة ومن هالحجي وكتلها ليش هالتعقيد هذا كلتلي هو من اسمه علمي يعني لازم تفكر وتسوي، فحاجيت اختي هي متخرجة من السادس كتلها هم جانو وياج بالمعهد هيج يسوون وبالوزاري هيج جابولكم كالت لا مايسوون هاي الصعوبة اصلا وهذا كله حجي، زين اذا كله حجي منين اجت سالفة الاثرائيات وكعدو يخوفون اكو ناس يكولون يجي بس سؤال واحد وتكدر تتركه وناس تكول الاثرائيات اكثر شي بالدور الثاني ويعني ماعرف ممكن كلام من شخص خبرة بليز