u/Strict_Sir_8780

كوحده متدينه اكثر من مره في منصات ثانيه فيه رجال يبون يطلبوني للزواج تحت ذريعة اني متدينه ولمن اناقشهم ابي اشوف مستوى تدينهم؟ يطلع الآتي:

١. مايروح يصلي في المسجد
٢. مايقوم الفجر يصلي
٣. يبيك منقبه ماهو خوفًا من الله لكن مجرد غيرة عليك وتحكّم
٤. يتوقع منك تصيرين غير موظفة لانك ملتزمه (مافيه علاقة)
٥. يتوقع منك الطاعة المطلقة لانك متدينة (مافيه علاقة)
٦. نادر يقرأ القرآن
٧. مايبيك تنصحينه
٨. يحلق لحيته
ولا شي واحد يخليك كمتدينه تقبلين فيه؟ حتى مستواه المادي اقل من المتوسط ويتوقع منك كمتدينه ان ماعندك معايير وتريدين فقط رجل لمجرد انه رجل

ثم يجيك ويقول فاظفر بذات الدين! طبعًا مع هذي المطالبات اكبر هاجس له هو جمالك وجمال جسمك يبدون يلمحون لشكل الجسم مع انه فيه شوفة شرعية لكن عندهم صورة نمطية ان المتدينة قبيحه ايضًا.

مطالبات تحت ذريعة الدين هدفها القمع وليس الدين مع الاسف

الصحابية الجليلة الشفاء** بنت **عبدالله رضي الله عنها ولاها عمر بن الخطاب رضي الله عنه الرقابة والإشراف الكامل على سوق المدينة (ولاية الحسبة)، فكانت تفصل في نزاعات التجار وتمنع الغش وتضرب بعصاها من يخالف الحق.

"الحِسبة" هي ولاية شرعية كاملة، تقوم على المراقبة، والفصل بين الناس، وضمان حقوق العباد وحفظها. وتقتضي التغيير باليد، واللسان، والقلب.
إذا لم يكن هذا المفهوم يمثل سلطة تقاضي وفصل تنفيذي، فماذا يكون إذن؟

السؤال هنا: لماذا لا يرتاح الرجال إلا إذا قلصّوا وصغّروا، وطمسوا دور المرأة القيادي والتاريخي؟ لدرجة محاولة إنكار وتهميش صلاحيات واضحة ومثبتة لصحابية جليلة في صدر الإسلام

عندي تساؤول عن نفسي وعن الي حولي للامانه
هل بسبب السوشل ميديا وعلاجات خسارة الوزن صار البديهي ان الكل نحيف وان النحافه عن الافضل والجذابه؟ انا ما اتكلم عن السمنه المفرطه ولا السمنه الزائده اتكلم عن جسد انثى طبيعي فيه دهون وليس نحيف

لاحظت اغلب الي حولي صاروا نحاف مره حرفيًا skinny وهالشي مو شخص او شخصين لا الاغلب ٨٠٪؜ يمكن وانا لا وزني متوسط واصلًا حتى توزيع الدهون ساعه رمليه لكن لو انحف اكثر كل شئ بيختفي
؟ صار عندي عدم ثقه في جسدي واشعر انه لازم انحف اكثر عشان اشبه الاغلب ولا يصير شكلي مختلف شوي اعرف بتقولون اشياء زي وش دخلك في الناس وبكيفك وسوي الي تبين لكن بالنهايه انا جزء من هذا المجتمع وابي اتزوج وانخطب صرت اسمع باذني قرايبي كل تفضيلهم لمن يبون يخطبون انه البنات يكونون نحيفات وادري السبب السوشل ميديا لكن منكسر خاطري معقول مافيه رجال يحبون الدهون ويفضلونها الا الاجيال القديمه؟

الله ينجينا من النار صدق مكتئب بسبب الحر

متنفسي الوحيد ريديت واشارك في صبات مختلفة واكثر من محتوى
مع ذلك حتى هنا البعض يلاحق بوستاتي ويحاول يكشف معلومات عني وهالشي ما يساعد مع المرض الي عندي

سب في الزوج نفسه البخيل الي منكد عليها مايخليها تطلع مثل ماتبي لان عندها بزران هو يشتغل وهي تصرف وزعلانه وهم متفقين وسب في الحموله الي تعرفهم وشافتهم قبل تعرس وسب في الحاله الماديه الي عارفه ايش هي قبل تقبل فيه وتشوفني مرتاحة تقول بزوّجك قريب يعني تعطيني اسوأ مثال الي هو حياتها الزوجية وتبي تزوجني ياحبيبتي دبليها وعطيها الي بعدي

I SAID WHAT I SAID

معليش توني راجعة من عند خويتي المتزوجة وزقت بجوي نكد في نكد اتمنى تحصل حياة واهتمامات وتوقف تطريش