ما اقصد اساءة او شي، بس الرسول نفسه قال ((انما بعثت لاتمم مكارم الاخلاق))

يعني الاسلام هدفه التوحيد ونشر الاخلاق، هسه احنا موحدين بس الأخلاق وين ؟

ليش هسه علماء الدين لاطشين واحد فانز للصحابة والثاني فانز لاهل البيت، هسه اني شعليه بيهم غير تركز بالتوحيد والاخلاق ثم الاشياء الجانبية مثل منو جان احق بالخلافة ؟

حرفيا شغلة تضوج لما اشوف واحد بمحرم يبجي دموع تماسيح على الائمة وهو باقي الايام مكضيها فشار وتحرش وكل عمل زبالة، يعني شنو الفائدة تتبجبج على الائمة وانت مقتدي بيهم بس بالاسم وافعالك كلها تناقضهم ؟

شوكت تصير التوعوية ما ادري، بس حايرين بالطائفية،

يله تدعبلوا خلي انام كملت فصلين فيزيه بالعشرة كلت خلي شويه استراح وهسه ب١١ و٤٠ مدري ليش كلت خلي اكتب هذي الجريدة ومدري ليش اجتني هذي الفكرة اصلا😭😭

واخيرا راح يرّجع مكان نجوم الريال لمكانهم الطبيعي وما يتعالون على المدرب بعد بوجوده، النجم يروح يسوي اللي يامره بيه المدرب مو يضل يمضرط ويصير اناني لان هو نجم، ، شتكولون ينجح ويجيب دوري الأبطال هذي المرة ؟

ليش عود صاير الصب اخر فترة قبل جم يوم عبارة عن تشويه لصورة الدين وكلساع اشوف قصة رحت للشيخ وتحرش بيه رحت للشيخ ويباوع على مدري شنو، يعني بحيث الناس بس تشوف شيخ تكول عليه هذا بيدوفيلي هذا متحرش، ميصير التعميم !!!، مثل ما المفروض ما يصير يجي مسلم ويكول الملحدين شهوانيين وما عدهم اخلاق لان هذا هم تعميم وهم خطأ، والدين يحث على الحسن بالاخلاق بس هو مو اداة سحرية، ممكن مسلم ما عنده اخلاق وملحد عنده اخلاق وما يسب، او العكس، بس حبيت اكلكم بالمختصر، كافي قصص تشويهية لمعتقد ثاني بس لان ما تقبلوه وما تآمنون بيه، اليابانيين عدهم هواي بيدوفيليين وعدهم ثقافة حرفيا تدعمها ولكن هل لازم نعممها على شعبهم كله ؟ اكيد لا، فليش تعممون على المسلمين كلهم انهم بيدوفيليين ؟؟؟

اني راح ااجل سنة بالسادس وبالوزاري امتحن خمس مواد واعيف الكيميه والاحياء، لان الكيمياء والاحياء بس اول فصلين قاري منهن، على الرغم اني قاري باقي المواد كلش زين واكدر اجيب بيهن بالتسعين وحتى مية، المشكلة اني للان ما كلت لاهلي اريد ااجل سنة ومتوقعين مني اجيب معدل فوك ٩٧ من الدور الاول, المشكلة امي عصبية وتضوج اذا قلتلها ااجل وابوية صح مو عصبي بس ينقهر حيل واحس نفسي خذلته هيج، اكلهم من هسه على سالفة التاجيل لو اغلس وامتحن وبعدين وره النتائج اكلهم علمود اجيب معدل السنة الجاية اعلى وكذا ؟

بصفتي الملك بزبوز الثاني وبعد محادثات طويلة يوم امس على طاولة المفاوضات مع المود المحترم ديكستر لايجاد حل مناسب لتحسين وضع الصب وانهاء التحيز او التشدد وانهاء معاداة العرق البزبوزي وارضاء جميع الأطراف.

توصلنا الى اتفاق يناسب جميع الاطراف وينهي جميع الخلافات حول التحيز او التشدد بالقوانين، والمودز من المحتمل سوف يقومون بالتعديل خلال فترة على القوانين،

وحذف قانون ال(low effort)،

وحذف قانون إستعمال الذكاء الاصطناعي،

وبالاخص بعد انتهاء فترة التصويت العام لحذفه.

وبهذا اعلن انسحابي من الثورة البوتشرية.

واطالب الثوار ان يتوقفوا عن تخريب الصب بالبوستات الثورية واطالبهم بالانتظار لان مفاوضات يوم امس تشير الى اخبار ايجابية واستماع المودز لمطاليبنا وتحسن كبير في قرارات المودز.

يبارككم الرب ويبارك المملكة البزونية المتحدة.

هسه جبلتكم دليل انحيازهم وعنصريتهم، الولد ابو النجوم مستعمل صورة ذكاء اصطناعي والمودز مغلسين، وما حذفوا البوست مالته وهذا جعل بعقولنا الباطنة ان صور الذكاء الاصطناعي مسموحة، ولكن اني بعدني باول دقيقة نشرت البوست وبيه صورة ذكاء اصطناعي المودز مباشرة حذفوا البوست

ادري بيكم يا ايها المودز عنصريين معادين للعرق البزون البزبوزي السامي😔😔

ما عندي مشكلة ويه ابو النجوم بس انتوا تنحازون دائما له وتغلسون وبس احنا تقمعونا،

لو تنطون الحرية للكل لو تقمعون الكل هذا امر من الملك بزبوز الثاني لازم تسووه وين الديمقراطياااااااا 😡😡😡😡😡

الصورة الاولى البوست مالتي اللي انحذف والصورة الثانية مال ابو النجوم وللان موجودة وما اعتبروها low quality

والله ماكو غيركم يا المودز جودة سيئة

بعد ما نشرت بوست قصة بزبوز وهذا رابط للي ما شافه

https://www.reddit.com/r/MiserableiraqiforTeen/s/mtHWaIFTVq

لاحظت شي مريب وربط عجيب للاحداث، منو يكول بزبوز اندعم ؟ وليش هلكد غامضة اسباب موته حتى ما جان على جسمه اي كدمة ؟ بس جان ذيله ينزف لان اصلا قبل الحادثة بشهر جان الشعر مشلوع عنها، وايضا بوتشر اختفى باسباب غامضة ومجهولة بعد صراعه مع ابو نجوم، اكيد اكو ربط وهسه اكلكم شلون:

اولا) الغضب والشرارة

الولد ابو النجوم فتح ريديت وانصدم عنده هواي داون فوت على بعض تعليقاته، وهذي الشرارة... ابو النجوم تنرفز لان الناس عافت الموضوعات اللي جان يحجي بيهن وركزوا على النجوم فأظهر وجهه الثاني وسد موبايله وقرر ينهي كلشي بايده، الانتقام من الشخص اللي بدأ كل المشاكل.

ثانياً) الصدمة والصِدَامْ

بوتشر جان يمشي بالشارع بالليل طبيعي وبدون سابق انذار ظهر ابو النجوم امامه طبعا بوتشر عرفه بقدرته الخارقة الموهوبة، وصار اول صدام حقيقي اللي راح يظهر الخفايا اللي ما نعرفها، وتصادموا بس لما راد ابو النجوم يضربه لبوتشر، بوتشر تحرك بسرعة عالية جدا وابتعد عن ابو النجوم لان بوتشر عنده موهبة تجاوزت الحدود البشرية وسريع بسرعة الضوء، ابو النجوم استغرب بس عنده شي محد يتوقعه، ابو النجوم طلع مسوي بدلة تخليه يمشي بسرعة الضوء وهسه فعلها، وهسه بدأت المعركة والنهاية القريبة.

ثالثاً)السفر عبر الزمن

بوتشر انصدم ان ابو النجوم صح ما عنده موهبة خارقة، بس عنده ذكاء خارق وهسه ابو النجوم ممكن يتفوق عليه، وبدأ بوتشر بالهروب وابو النجوم يلحقه ووصلوا لسرعة الضوء الى ان... اخترقوا سرعة الضوء ورجعوا للماضي😱

قبل سنة... البزون بزبوز حالته الصحية جانت متدهورة، راسه مفشوخ من الجهال، ذيله هواي ينزف، بهذي الاثناء وصلوا ابو النجوم وبوتشر فجأة وابو النجوم يضرب بوتشر وبوتشر يرد الى ان، بوتشر انهزم وانضرب ضربة قاضية على راسه وفقد الوعي ووگع وارتطم بذيل بزبوز وبزبوز جان حاير يشرد لو لا وبزبوز تألم حيل بعد ما انضرب ذيله فوك ما هو ملتهب، طبعا ابو النجوم قرر ياخذ بوتشر بسلاحه اللي يخزن اي شي حتى لو انسان، وبزبوز جان غاضب جدا لان شاف ابو النجوم اعتدى على بوتشر وخطفه مدري وين، بسس بزبوز شاف نفسه ضعيف مقارنة بيهم وبعد ما راح ابو النجوم وبقى بزبوز وحيد، لاحظ ذيله هواي نزف واقتربت النهاية، والمطر بدا يزخ، ومات بزبوز... ومصير بوتشر مجهول...

ماكو غير نظرية اكثر منطقية من هاي 😂😂😂

طبعا سويت هذي النظرية لان اني اريد اسخت لان اليوم عندي مراجعة انكليزي وسهلة ومكملها وما لكيت شي اسخت بي كلت اخلي اسوي النظرية الشاملة

اليوم اذا خسرنا ضد برشلونة راح نخسر الدوري، بس اذا فزنا على برشلونة..... هم راح نخسر الدوري 😞😭💔

جان اكو بزون يجي للبيت ومرة انطيته اكل وكام يجي كل يوم، الشي الغريب بأن هذا البزون (سميته بزبوز) جان غريييييييييب، يعني مرة خليت اكل للطيور تمن بره علمود يجي الحمام الي بره ياكله شو هذا بزبوز جفت على الصينية وطرد الحمام وكام ياكل التمن 😂😂😂😂😂

ومو بس هيج، مرات يكعد قريب من الحمام وحرفيا كلشي ما يسويلهن وما يخافن منه عسبالك مسوين تحالف، وجان مدري ليش تجيه بزونة سودة تمسح بيه بس هو يتجاهلها، هو يا أما عنصري او غبي، وجان يهجم عليه عتوي حييييل كرهته برتقالي بس بزبوز مدري ليش دائما يشرد يتجنب العركات، ياخي بزبووز الحكيييم،

بسسس للاسف قبل سنة جانت تمطر هواي وبالليل فاتوقع لما ديعبر الشارع انضرب بسيارة ومات وعمال النظافة خلوه على الرصيف وبعدين اني وراجع من المدرسة شفته حرفيا انصدمت ما اتوقعت هذا الشي يصير😭😭😭😭💔💔

RIP Bazboz 💔💔💔

😂😂😂