u/lookatme2002

انام ٢ واقوم ٧
يكفي صح ؟
يكفي يكفي

View Poll

حرام عليكم خاصة الي اكلمهم بالخاص
طيب ليه !!!!

الفرق الوحيد
ان المكان فيه رفاهيه اكثر وشكله افضل والمكاتب فيها شمس واقرب للبيت
لان مكتبي ظلمة وكتمه وجاب لي كتمه
وبيئتي الحاليه طبيعيه ماهي افضل شيء ولا اسوء شيء ولكن العرض الجديد ماعرف اذا البيئه زينه او لا
هل تحسون ان سبب مقنع انكم تقبلون عرض لهذا السبب؟
ملكه السطحية

ان فيه شيء بيصير اليوم
مدري احس شيء غريب وش تحسون بيصير
يارب افوز بمليار

الصراحه ماذكر قد رحت له بحياتي المهم قالي عندك ملف قلت مدري وعطيته هويتي وطلع فيه
واخر زيارة جيت عام 1425يوم كنت نونو يووه حتى الاستقبال تأثر مدري شلون اشرح بس احس يحزن

تدرون لما اسمع اغاني حزينه مره اتأثر واعيش الجو اني فيه احد خايني ودور المظلومه وحتى تدمع عيوني
سبحان الله الاسلام ماحرم شيء عبث
والله اني اكره الاغاني مره و احاول اني اقللها بس التيك توك اغلبه اغاني
ياخي سوالفي ذي الفترة الله يصلح الحال بس

يوم من الايام كنت طالعه بركب سيارتي الا ويجوني ام وبنتها وقالو لي عادي تودينا النخيل مول قلت لهم طيب وركبو معاي
المهم وصلتهم قريب من بيتنا تقريباً ٧ دقايق كذا فقلت يابنت تكسبين اجر ومافكرت المهم توقعت بنزلهم واروح اكمل شغلي قالت الام انا بجلس معاك بالسياره وبنتي بتنزل المهم الام كانت غريبه نسيت وش سوت بالضبط بس كانت حركات مريبه وجت البنت بعد ١٠ دقايق كذا ما تأخرت وشاريه اشياء غريبه ورتها امها قدامي وبعدين قالو لي اوصلهم بيت جدتهم

الغريب انا ما اعرفهم ووديتهم كل ذي الاماكن احس كان مرشوش علي شيء

هو توقعت بنزلهم السوق وخلاص وترا بيتنا بكمباوند ف حسيت امان اكيد انهم ناس من الحي بس مو جيراننا
وبس يوم درت امي صفقتني هو افعل معروف واغرس فكره لا تيأس في الخير بنا فطرة
حمدالله ماصار لي شيء بس خلاص تبت من بعدها صرت متعجرفه واشك بالجميع

بقى اسبوع وتصير الاجواء بليل فيه هبه هواء
واسبوعين ويخلص اوقست

وظيفتهم سهله ومنطقية جداً
ابغى اصير اتش ار لو سمحتو خلاص الهندسه ماجابت لي الا نبض بالمخيخ وصداع بالدماغ من كثر التفكير
خلاص انا اتوقع بستسلم

اتخيل اكون اتش ار ادور على موظفين واكلمهم واسولف معاهم واجهز الميتنق واشوف اذا هذا المرشح زين او لا
فكرتن جيده

بمسك الاجتماع مع القسم باشياء مو فاهمتها
يارب ارزقني الصبر على الي يرمي الاشغال على الاخرين دعواتكم لي بالسداد واكل التفاح وتمنوا لي الفوز واكل الموز

قهوة 👍🏻👍🏻
كركدية 👍🏻👍🏻👍🏻
عصير برتقال👎🏻👎🏻👎🏻👎🏻

دامي بالبريك بكتبها
بدايتي بالتدريب كان نظام نومي مره غبي انام اول مارجع البيت واقوم الساعه ٢ الليل
ف بطيبيعه الحال اخر العصر اكون قافله ف مره تأخرت بالخروج من الدوام الساعه كانت ٦ ونص وفتحت قوقل ماب وقالي ٥٠ دقيقة قلت خليني اغمض شوي لما تفضى الشوارع مافزيت الا الساعه ١١ الليل
جلست ١٠ دقايق اشوف انا مين انا وين وكان الموقف بالشارع والي قدامي والي وراي ماشين وصايره السياره بالنص مره فوضى
الغريب
ان ماحد درى عني من اهلي ولا اتصال ولا احد لاحظ يحسبوني رجعت ونمت وانا بالحقيقة كنت بودع الملاعب
بعدين يوم رجعت البيت الكل كان نايم
ولا قلت لاحد عشان مايقولون اني مستهتره ويخوفوني زيادة بس من بعد ذا الموقف تعلمت اشياء كثيره وايضاً في هذاك اليوم من الخرعه ما نمت بعد الساعه ١١ ورحت الدوام مواصله

صراحه فيني قبول كيف فيه ناس تكرهني
احس الانسان لما يكره شخص يضر نفسه لان مشاعر الكره مشاعر سلبيه وتأثر عليك اكثر من المكروه
الزبدة ياكثر هرجي

لما يصير عندك شيء بعد اسبوعين وموقفه حياتي ماقدر اسوي شيء ابغى يمر وافتك واقدر اتنفس تنفس الصعداء
المشكله مو قاعده اسوي شيء وكل من كلمني عشان نطلع اقول مشغوله
مع اني مو مشغوله بس مشغوله ذهنياً

ان اهلي ربوني زين ماقدر اغلط على الي يغلط علي
هل تحسون من ضعف الشخصيه الانسحاب ؟ او احترام لنفسك انك ما تتناقش مع اشخاص يثيرون الجدل حتى لو كانت عليك شخصياً
يوم الخميس فيه بنت جلست تتكلم بشيء ضدي وصراحه انا تركت النقاش ورحت مكتبي وفي ذاك الوقت ما اهتميت بس تو جلست افكر هل الي اسويه صح ؟
احس بيكون شكلي بايخ وانا اناقشها لان هي صوتها عالي ف بيكون موقفي سيء ماحب اطلع بصوره ذي ابد مو يعني اني ماعرف اتكلم بالعكس احس اني ملكه التفاوض بس بامور الحياه والاجتماعيه بالعاده انسحب ولا احب اسوي مشاكل مع ان لو حطيت راسي براسها بتكبرها وبتصدع راسي ولا فيه حل
بس قاعده افكر احس ودي مره اجرب اناقش واقولهم الي افكر فيه وش بيصير
انا دايم هدفي الاساسي ان ما اعكر صفو حياتي دايم اروح للحل الي فيه اقل وجع راس مهما كان الحل اهم ماعلي راحتي النفسية
بس اتوقع ذا الشيء غلط

كانت مع جهه حكوميه المهم ان كانت اول مقابله لي بحياتي وصراحه ماتجهزت ولا افقه شيء بهذاك الوقت
سألني عن موقف كان بنسبه لي تحدي لي بحياتي بالجامعة؟ وهذاك الوقت حتى مشروع تخرج كان لسا ما بدينا فيه
تذكرت ردي تو وانا اهوجس بالسياره يمه والله احراج
قلت له اني جمعت قطه السينر جاكيت وكان ضغط عالي لدفعه كامله وكيف قدرت اسيطر ان اعرف الحوالات وصلت لي ف تعاملت مع اشخاص بمختلف الشخصيات وان الحمدالله ماصار فيه اخطا بالمقاسات ووالكل كان راضي
تدرون كنت فخوره بردي حسيت اني محنكه يارباه يالفشله الناس قبل البحوث العلمية والمسابقات المشكله كان عندي انجازات قد فزت بهاكثون بس حب عقلي يستعبط علي
احس اني صرت اضحوكه ذاك اليوم بالمقابله بس حمدالله اني ماقابلتهم بعد ذاك اليوم

دايم يتراود في ذهني لو اخترت اكون رحاله بالحياة واعيش تجارب مختلفه واعبر الانهار والبحار والقارات واتعرف على ثقافات جديدة وعادات دول احس بتكون حياه روعه اتخيل اقوم ويكون همي وش الاماكن الي بروح اكتشفها
فكره اني اكون يوتيوبر كمصدر دخل واصور واسولف لناس تجاربي احس فيني قبول ممكن انجح او مثلا افتح لي مغسله ملابس او اشتري حفارات بناء وتصير مصدر دخلي الزبده
اخ الحياة الي اخترتها بنفسي ويكون عندي مدير فوق راسي واسوي فولو اب على فايلات وادقدق على فلان وعلان زفت مره
الحمدالله على كل الاحوال بس اجازه ٣٠ يوم بالسنه مره ما تكفي
احس اني ودي ابكي