u/meandyoum1

اريد اعرف ليش من بنية ترفض رجال ( البعض نسبتهم جبيرة ) اعترف الها
يروح يشوه سمعتها ويحجي عنها كلام مو حقيقي
ويبقى حاقد عليها وكارها ومرات توصل بيهم يأذون ويضربون اي وحدة ترفضهم
ويبقى يحجي عليها يم هذا وذاك
يعني فعلا مو منطقي هيج تصرفات ابدا

اليوم العصر دزلي ماكو مبروك بعد خمس ايام من شوفتة لرسائلي بدون رد ؟ كتلة مبروك بدون حتى ما اسال على شنو جان يدزلي صورة لاشياء جان يريدها واشترائها
كتلة مبارك كال شكرا شفتها وعفتة ورة ساعتين يدزلي هل حجي
اني
واعوذ بالله من كلمة اني
مجنت ناوي ابادر ابدا
بس من اشتريتهم عقلي اللاوعي وبدون تفكير زايد كال لازم اشاركج
بس على هل وضع اني احب اكلج اني انتهى مااريد اي شي
لعبها لنفسي 🥰

يعني كل ما اكعد وياهم لو اسمع ارائهم لو اشوف معاملتهم تلعب نفسي يعني جديات همة كلهم هيج لو اكو اقارب حبابين ؟ لان مو طبيعي حرفيا يعني همة ميشوفون تصرفاتهم شكد سيئة ؟ وفوكاها يحسسوني كاعدة وية شوبنهاور وهمة كلشي ميفتهمون ويبيعون مثاليات براسي
تبا الهم وامداني اذا بعد طلعت وكلت صلة قرابة اللزمة صلة القرابة واشككها

اليوم رحت اودي ايبادي لصديقتي وصديقتي هاي قريب على بيتهم اكو اسواق بينهم شارع وهاي الاسواق هي اسواق احلامي حرفيا
صغيرة وكلشي بيها كلشيييي ف رحت لصديقتي وخلصت كلت ليش ماارجع للبيت مشي ومن اوصل للشارع العام عود اخذ تكسي
ف اني وامشي دنت نفسي على ايسكريم فضة ( شفت ولد يمشي وبيدة ويفتحها كدامي وياكل💔💔💔) المهم اني دنت نفسي وكلت خلروح لاسواق احلامي اشتري
( طبعا كل ما اروح ابو الاسواق ينطيني نظرات غريبة عبالك حاقد علية )
المهم طبيت وكالعادة جان ابو نظرات ليزر موجود
فطبيت ادور ولكيت اجيت احاسب جان يكولي
هم انتِ🤨 وينطيني هيج نظرات حقودة
ف اني معرفت شنو ارد
انطيتة هيج وجه😀
جان يكول صار هواي مدتطبين علينة ليش لازم عندج امتحانات
ادري بيج سادس
كتلة ههه اي والله
فكعد يسئلني شنو امتحنت واجلت لو لا واني جاوبت
وبعدين رجعلي الباقي وكتلة شكرا
جان يكولي انتِ شنو اسمج ؟
اني حرفيا كتلة ها مع السلامة وعفتة وطلعت🥰
ماادري ليش مجاوبتة وعفتة ودرت وجهي
واحسة حقد علية بالاكثر والمشكلة هاي صديقتي كل ما اروح الها لازم نروح لهاي الاسواق واخاف اشوفة مرة ثانية وهم يسئلني
حجيت السالفة لاهلي
كالوا ماعندج شخصية 🥰 خلي يصير عندج شخصية وجاوبي
مدري شدخل الشخصية بس اذا شفتة ورجع سئلني شنو اكلة

العام كرايبي جان سادس ومن طلعت النتائج جذب على العائلة وكال نجحت وهو راسب والمشكلة الاهل سووا حفلة شكبرها الة واشترولة تلفون جديد
وهو حرفيا بأي مناسبة وجهه اصفر ومخلوس عبالك ماكل حصو
المهم
ورة اسبوع كعدنا نسولف وكتلة شبيك بالصور وجهك اصفر
كال يمعودة غير اني ما ممتحن ومجذب عليكم بس لتكولين ترة يذبحوني
اني انصدمت 😱
كتلة ولك راح يصير كتلك عمل شعبي
كال لا شحدهم
عود من يجي الدوام اصدمهم
الزبدة مرت الاشهر واجة الدوام مال المدارس
وهنا كتلة شنو حتسوي ؟
كال راح استمر بالجذبة واروح علساس عندي دوام جامعة
وطلع مجذب وكال الهم قدمت وطالع قبولي ومدري شنو وهو ممقدم
كتلة لا اعترف احسن ودوام الجامعة مو هسة يالذكي
كال معليج يمي
وباليوم الي هو رايح بي صديق عمة مدرس بنفس مدرستة
رايح يشوف معدلة من باب الفضول
ومكتشف هو راسب 😍 وابو يكلة هاي مو نتيجتك راسب يكلة لا هاي مو اني
وحرفيا بوكتها قطعوا قايش المبردة علية

اني من الناس الي يطلعون زعلهم او طاقتهم بالدراسة فمتعودة ادرس ساعات طويلة
بعد ما اجلت مادتين ( كيمياء وفيزياء)
بلشت بيهم كدراسة حقيقة البارحة بس المصيبة مدا اكدر استمر حتى لساعة !
حرفيا راسي يكوم يوجعني واحس ادوخ واعوف الكتاب واكوم
شنو الحل مدا اعرف
عدكم حلول ممكن تفيد ؟

شلون تتصرفون اذا زعلتوا زعل قوي من شخص
ورغم اعتذارة منكم بس بعدكم متكدرون تتقبلونة مثل قبل
( للعلم عاد الغلط اكثر من مرة )
حرفيا اكثر من مرة وبكلهن جنت اعديها بلحظتهاو ماافكر
الا هل مرة جاي احس نفسي مااكدر اتقبل الشخص
ومااكدر ارجع طبيعية بعد
رغم اعتذارة ورغم كلامة بس بعدني مااكدر اتقبلة
شنو حتسوون لو جنتوا بمكاني ؟

طبعا العام بشهر 9 چنت طالعة اني ووحدة من صديقاتي علمود ناكل لفات زنكر ( يم حسين الوصخ ) المهم رحنا اكلنا جان صديقتي تكلي خلي نروح لبيت حلب بعدني جوعانة بطني عفنت من كد ما ناكل من حسين
كتلها مو ستونة اكلنا ؟ كالت ميخالف ميخالف دمشي
صدك مشينة لبيت حلب طبينة بأمان الله
طبعا اني عمية ما انتبه على التفاصيل ولا اركز المهم عندي اكل واكوم
طلبنة وجان صديقتي تكرصني كرصة بحيث حسيت كليتي راح تطلع بيدها
وتصيح باعي باعي هذيج مو فلانة ( اسم صديقتنة )
اني باوعت والصدمة جانت 😍😍😍😍😍😍
عمي كاعد وبصفة صديقتي
اني وجهي صار اصفر ازرك احمر اخضر يشبه البزون الي بالصورة
كتلها ها ها معليج يجوز طالعة وية واحد من اهلها ( جذب ادري بي عمي بس معرفت شنو احجي )
كالت ليش منروح نسلم هنا اني ردت اغص كتلها لا يمعودة استحي
جان كالت معلية بيج حكوم اسلم واجيج
هنا اني اتمنيت الكاع تنشك وتبلعني
جان راحت سلمت واشرت على طاولتنة عمي جان يبستم مجرد شافني بالطاولة وجهه صار عبالك مطلوب للدولة
اني سويتلة هلو بيدي عود ابعد الشبهات
وصديقتي متدري هذا عمي🥰🥰🥰🥰🥰🥰
جانت تأشرلي علمود اكوم اسلم بس اني مكمت بقيت بمكاني عبالك لزكوني بهل مكان
وراها خلصوا وطلعوا قبلنا
وبعدين خابرني عمي وكعد يكولي منين تعرفين البنية و لتكولين لبيت جدج
وكتلة ترة هاي صديقتي منين عرفتها انت
وقصة تعارفهم حرفيا فلم هندي
ولحد الان همة مرتبطين ومكلت لصديقتي هذا عمي
وعمي كل ما اطلب منة طلب ويرفضة اكلة ترة اكول ههه
ابتزاز 🙏🏻

جديات مليت من المجتمع وتفكيرة يعني مستحيل ادخل على ريلز او مقطع او تعليق او حتى نقاش طبيعي بين اثنين بدون ما الكة جملة
هو ولد عادي يسوي كلشي
وانتِ بنية ميصير
يعني تلكونة هو كولد مباقي شي لا اخلاقي ممسوي ( مو كلهم البعض بس عدد جبير والله )وفوكاها يبررولة
وانتِ مجرد تجين تردين تسوين امور فوك الطبيعية
مثلا ترحين تشترين ، تمشين ، تنشريلج صورة ، فيديو
تحصلين انواع السب والشتم والقذف
عمي نريد نعيش كافي ارجوكم مو اي بنية شفتوها تسوي شي طبيعي كمتوا تحجون مناقصين ترة هي الدنيا حارة

ليش ميعجبك عيني

شايفين اكو اشخاص من نطلع وياهم لأي مكان لازم يتصرفون بتشنج ويستحون من كلشي واي شي يشوفونة كرنج
حرفيا حتى لو شربت مي او كحيت او عطست يتفشلون منك عبالك مدري شمسوي هدوا يمعودين
مرات افكر انهي علاقتي بيهم لان حرفيا اكعد طول الطلعة اشرح الهم انو ترة محد مهتم اذا عطست لو كحيت لو شربت بطل المي كامل

تتذكرون من كلت الكم على العمال الي حجوا على البنية ؟ وكامت تبجي ؟ رحت اليوم وشفتهم انطيتهم نظرات من فوك ليجوة وطلبت من واحد منهم يصيحلي المدير وفعلا اجة المدير واشتكيت عليهم وكتلة الي صار
والمدير احسن مدير بالعالم اشتغلت عندة الغيرة العراقية اعتذر مني وكال اذا تعرفين البنية هم اعتذريلي منها المشكلة اني مااعرف البنية
وانطاني كهوة مجانية والله جانت طيبة وباردة
وكال هاي مو اول مرة يشتكون على هذول بس اني دا انطيهم فرص وشكلي غلطان
ونعم تم الحصول على كهوة واخذ بثار البنية
واحس روحي باتمان شكرا للشجاعة ( اول واخر مرة اسوي هيج )

طبعا دا اواجه مشكلة ومدا اعرف شلون اتصرف بيها
اني طبعي هادئة مااحجي هواي بالواقع ومااسولف وية شخص الا هو يبدي الحديث وياية
مو رهاب او شي بس اني هيج مااكدر اسولف وافتح مواضيع بدون ما يتوجه الي سؤال او الطرف الثاني يبدي يحجي واذا ردت اكسر الصمت اكسرة بكلام عادي مثلا ، شلونكم وهيج
بمجتمع صديقاتي كلهم متحدثات ف ابدا ما اواجه مشكلة لان متعودين همة يحجون واني اسمع
بينما عند اقاربي حرفيا دا اواجه مشكلة لدرجة احس بعد مااريد اروحلهم ( مااكدر مااروح اهلي يكتلوني )
يكولون عني مغرورة لان مااسولف ومرات يضلون يكولون شبيج ساكتة متحجين والمشكلة ماكو شي احجي بي حرفيا بس ساكتة واوزع ابتسامات لو همة كلهم يحجون ويضحكون سوة واني اباع وابتسم
وبعد هواي كلام مالي خلك اكتبة حتصير جريدة
شسوي وياهم اعوفهم وبعد مااروحلهم وطز
لان يعني الاقارب مغثة صراحة
لو اروح وطز بيهم

انطوني بعد نوعيات كيك طيبة وتحبوها