صراع نفسي خلال الاختبار
مدام حاليا بريكي الي مدته نص ساعه فيه شيء شاغل بالي الحمدلله مب شعور ندم ولكن السالفه هي الاحد امتحنت اخر فاينل نظري في البيسك والصدق اني محتاجه كل درجه كنت ابي اطلع بأفضل قريد واقل عدد اغلاط لاني عيدت بالميد واحسب اني احسنت💔😔
اختبارنا يكون على الايباد بأقزام سوفت وعندنا جزئين ملف للاسئله الاختياري وملف للمقالي طبعا بمجرد ما تدخل الاختبار تتقفل الشاشه وماتقدر تطلع لكن بين التبديل بين الملفين تقدر! المهم ان انا عندي ملف يكون فيه ملخص لاهم الاشياء او الاسئله الي بتنسأل في المقالي ويمديني ارجع اشوفه على طول واخذ اكبر قدر معلومات بدون محد يدري خصوصا اني جالسه وراء والمراقبين ما يجون وراء! ولعل لما خلصت الاختياري المجهد😩 تسللت فكره شيطانيه لبالي اني اشوف شوفي لمحه بس ممكن يجي من الي بالملخص ويسلام يكون فريش ببالي😋
لكن الصراحه ما سويتها ولا تجرات وقلت يا اخذ درجه سواء خايسه او حلوه بشرف وحلال او جواب سؤال سؤالين بحرام وما اشوف البركه..اخخ المهم دخلت وحليت وعيدت بسؤالين والي يقهر وحده منهم سؤال كان فارما واجابته كانت اربع حروف ☺️ناسيتهم وموجوده بملخصي -للمعلومية المقالي كل سوال درجة ونص والاختياري ممكن اقل من نص!-
الحكمه: لاتغشون مهما تسول لكم نفسكم والدرجات تروح وتجي والله المعين تزعل بس ضميرك مرتاح اهون والله!
وذا الشيء حتى غير الاختبارات خصوصا ببيئه تنافسيه مثل الطب طز بكل شيء المهم رضى الله وراحة البال