u/DailythoughtsofA

فيه هذه السنه قررت اني اواجه مخاوفي كلها بقيم مدى سوء التجربه:

بديتها من طبيب الاسنان 4/10
الانتقال لمدينه جديده 2/10
السباحه 5/10
كسر الخوف من التعبير اللفظي 1/10
نشر كتاباتي وسويت تحدي ٣٠ مقال في ٣٠ يوم عشان اطور نفسي في الكتابه 1/10
الخوف من النجاح (للحين اشتغل عليه )
اوقف تحت البرق 0/10 ( لا تسالوني ليه اخاف منه ما اعرف )

غالبا هذه المخاوف التي احملها واقدر اتحداها بالتجربه واحب اقولكم زي مو هو واضح بالتقييم ايقنت ان الخوف وهم وبمجرد انك تجرب راح يوضح لك قد ايش انت كنت مكبرها وهي صغيره (ممكن اضيف مخاوف زياده بمجرد ما اكتشفها ) شاركوني مخاوفكم الي تقدرون تحلونها بالتجربه ؟

مشاعر ملخبطه جدا

اليوم وحده بكامل قوتها العقليه قالت لي انا اداه انجاب ولا ليه احد بيتزوجني ومن هنا انا اعتزل البشر والنقاش معهم 🤝

تتوقعون نقدر لان كل شيء وحتى وان كان يدعم انه جيد لنا يحتوي كثير من الاشياء الي تضرنا

بشارك معكم تجربه تدور في بالي من فتره ودي ادور شبة الجزيره العربيه بكرنفال لمده كم شهر احس بتكون تجربه جميله وخصوصا اني ما اسافر داخل السعوديه ابدا يقتصر السفر للخارج ليه اشوف الدول الثانيه وانا دولتي ما شفتها ؟

مره ودي اجرب شيء زي كذا مين قد جرب قبل يسويها وكيف كانت تجربتك ؟

عندي خوف غير طبيعي من ادوات طبيب الاسنان من يوم كنت صغيره وغدر فيني الدكتور وقلع اسناني واحنا جايين عشان اخوي بس لعلهم دخلوني بالحسبه صدمتي ما زالت معي للان اذا رحت لازم استعد نفسيا وارتبك وكل مره احرج نفسي من الخوف اليوم قالي عندك تسوس سطحي بنشيله وبكل قواي العقليه سالته دكتور يعني لازم تستعملون المنشار حقكم المنشار بين كل الكلمات بالمعجم العربي قلت المنشار !! وبعدها عشان افهمه قلت تخرقون اسناني ما فيه طريقه ما تخرقون اسناني بالمنشار 😫🥹 انحرجت جدا لما طلعت وصحصت من الخوف لكن ما نمت من التوتر طبيعي بقول منشار 🪚

الاكل العربي بشكل عام افضل انواع الاكل واكثرها تنوعًا وانا اتكلم عن العالم العربي بشكل مجمل مستعده امضي حياتي ما اكل الا هو طرحت السالفه الي ما تنقال لان وحده من البنات تحاول تقنعني ان الياباني افضل لحد يناقشني في موضوع ان فيه افضل منه 🤫😡

انا طول حياتي واهلي كلهم في الرياض بس صارت لا تحتمل كنمط حياه تخيلوا من فتره تجي مخالفات اني اوقف بمواقف الرياض وانا قدام باب بيتنا الي جوا الحاره وما فيه حوله شيء طلع ان قدام بيتنا جزء من مواقف الرياض حتى الحواري صارت مواقفها عليها مخالفات متخيلين يعني اذا جانا احد لازم نحط رقم لوحته وسيارته وفيه عدد معين للزوار ولا بيكون فيه مخالفه كيف يعني حتى الحواري لازم ندفع عشان نوقف فيها طيب الدوامات الي ما توفر مواقف وكنا نوقف في الحاره الحين ما نقدر يبغونا نركب سياكل او نمشي على الارجل لان القرار غير موفق ابدا في طبيعه الجو عندنا ما يساعد ابد احب الرياض بس بدت تستفزني !

مذكراتي العزيزه

في الامس انطرح موضوع جدا مستفز لوحده من الاشخاص القريبين مني او انا اظن انهم من القريبين المهم مالكم في الطويله حاطه نفسها في موقف وعلاقه سيئه لابعد حد تاثيرها مو بس عليها هي واصل المجموعه كامله تطيح وتتعب نوديها المستشفى بس عشان تصور انها تعبانه واحنا خايفين لدرجه اني صدمت بالسياره من خوفي عليها لانها حتى الاسعاف جاء على اساس انها تعبانه جدا بالاخير انسدحت وقعت اخلاء مسؤوليه وطلعت من بكرا يدقون علي اروح اقعد عندها لان تعبانه واحنا طالعين ننبسط تقعد تصيح وتنسدح على الطاوله الكل يتغير مزاجه وما يعرف ايش يسوي لها امس انا جدا تعبت من مجالستي لها لان حتى خواتها يبغون الاخرين يقنعونها انها في حفره مظلمه وهي مو راضيه تفهم اتعبت صحتها خواتها وحتى احنا وصلنا التعب امس توترت وجهازي العصبي تكهرب من كثر ما نحاول نساعدها بس بالاخير ايقنت انا مو مسؤوله واحنا غير مسؤولين قلت لها اذا انت راضيه تمرضين لا تمرضين الي حولك وتوترين الاشخاص الي يحبونك (إِنَّكَ لَا تَهْدِي مَنْ أَحْبَبْتَ) كيف اسوي حاجز للتاثير لان فعليا احس تبنيت قلقها وهي ما يهمها قررت اني ما اسمع هذا الموضوع واذا طرح اقوم من المكان ايش الحل مع الي كذا ؟