ماشاء الله لجنتي كلها كانت بسماعات وتليفونات وعندي واحد كان متوصي عليه وكل شويه واحد شكل من المراقبين يدخل اللجنه يسلم عليه

​

وامتحان الدين كمان اتسرب الفجر

​

فبصراحه مش هقول غير ان التعليم باظ رسمي

اسف لو كان الوصف كان جارح حبتين لكن دا انسب وصف حرفيا للضحك دا

دلوقتي اللي داخلين باكالوريا المفروض انه بيخيروهم ما بين الكيمياء والبرمجه وطبعا اي حد هيختار الشعبه الهندسيه في الباكالوريا هيختار برمجه..

والمصيبه بقا ان منهج البرمجه مفيهوش تطبيق عملي على اللابتوب او الكومبيوتر حرفيا هيبقى عباره عن تطبيق ورقي !

تطبيق ورقي ازاي طيب ؟ هل هتخلو الطلاب يسمعو الاكواد ويحفظوها ويبصمجوها؟ ماهو فين الاستفاده برضو عشان تخلي طالب مترمس في ماده زي البرمجه لازم يكون فيه تطبيق عملي ويبقى الامتحان مثلا عن بروجكت المفروض يتعمل وطبعا مفيش بروجكت طلما الامتحان هيبقى ورقي المفروض

ف دا زنا تعليمي مع احترامي يعني

​

​

وبالنسبه للغش الحكومه لو عايزه تمنعه هتمنعه لكن مش هيقدرو عشان لو منعوه اراهن ان 90% من الطلاب في ثانويه عامة مش هيعدو ال70% وساعتها بقا هيقولو ل الشعب ايه؟ هيقولو معندناش تعليم ؟ مبنعرفش نعلم؟

​

مصر من اقليات الدول اللي عندها نظام التنسيق بتاع ثانوي هو اللي بيحدد المجال اللي بتتعلمه ولو جبت مجموع اقل من تنسيق هتبقى مجبر تتعلم حاجه انت مش عاوزها او تدفع فلوس بقا..

​

ودا اللي الحكومه عايزاه ، انك تدفع فلوس ، مسألتش نفسك في يوم ايه كميه الجامعات الخاصه و الاهليه اللي هم حرفيا بقو اكتر من الجامعات الحكوميه بكتير ؟ التعليم ليس الا مجرد بيزنس هنا في مصر حرفيا

​

وياريته مصلحه مشتركه انت هتتخرج من جامعتك المصريه ايا كانت حكوميه ولا خاصة ولا اهليه هتحب تسافر برا هتضطر تقضي نفس اللي قضيته وتدفع مصاريف زياده اكتر من اللي دفعتها باضعاف عشان تعادل شهادتك برا لأن ماشاء الله شهادتك غير مؤهله لسوق العمل برا مصر الا في الخليج بقا بس في الخليج هتبقى مرتبات متدنيه لو انت طالب لسه متخرج يعني

​

​

واللي بيضحك ايه بقا ان تلاقي طالب الجامعه الحكوميه وطبعا مش هتكلم عن انه دخلها بالغش ولا مجهوده فعلا عشان مش قصتي عنده استحقايه رهيبه عن طلاب الاهليه والخاصة والمشكله ان كلهم شهادتهم دي ولا هتنفعهم لما يسافرو كلهم مضطريين يعادلوها وتحديدا بقا لو كلية طبيه

​

فالخلاصه حرفيا شهادتك عباره عن انك يبقى اسمك الدكتور او المهندس في البطاقه اعتقد دي هتبقى فايدتها الوحيده لو فضلت في مصر الا بقا لو عندك شويه فلوس وامل انك تعادلها برا وتشتغل على نفسك هنا الموضوع يختلف

ايه الاماكن اللي ممكن اتبنى منها اولاد في القاهره؟

مش عايز ولاد لسه مولودين عايز ولد يكون من 7 - 16 سنه اتبناه ويكون ابني على الورق واكتب اسمي على اسمه في شهاده الميلاد وعايز ولاد يكونو اهلهم ماتو في حادثه او حصله ظروف قهريه واهله تخلو عنه

دورت في الموضوع دا كتير وملقتش اجابه ولا حد اتكلم عنه بس على حسب التجديدات اللي حصلت ل اللوتري الامريكي واللي هيبدأ في شهر أكتوبر السنادي ان لازم يبقى عندك باسبور ودا شرط مكنش موجود قبل كدا وعادي يعني مفيهوش مشكله

المشكله بقا في ان عشان تسجل في اللوتري لازم تدفع واحد دولار ما يعادل 53 جنيه مصري وانا هنا مش بتكلم عن التكلفه بالعكس انا شايفها قليله جدا جدا جدا جدا لكن...

الفكره انك هتدفع فلوس حتى لو مبلغ رمزي قليل جدا مقابل شئ معتمد على الحظ او العشوائيه بكل اختصار ف دا قمار صريح ، فمش عارف بصراحه الواحد عايز يقدم وفي نفس الوقت مش عايز يرتكب معصيه

لو انا غلطان في معلومه ياريت تصححولي لأن دي وجهه نظري اللي انا شايفها

بالنسبه للجنسيه الامريكيه هل حلال اني آخذها مع العلم ان لازم اقسم بأن ولائي وانتمائي هيبقى لأمريكا واني هدافع عنها ودا شرط اساسي عشان اخد الجنسيه ، غرضي من الجنسيه هو ضمان حقوقي كشخص عايش في امريكا لا اكثر لولا كدا مكنتش عايز اخدها

السؤال بقا ما حكم قسم الولاء ؟ حتى لو كنت هقسم كذب او مجرد كلام وخلاص للحصول على الجنسيه

انا بحثت في اكتر من مصدر ولقيت ناس بتقول ان طلما غرضك الحقوق يبقى عادي وناس بتقول كفر وهتطلع من المله وناس بتقول غير جائز غير مطلع للمله

وياريت تبقى فتوه من مصدر موثوق