نصائح من مراهق
لاتركز على اشي واحد يعني
مثلا الدراسة ما بقلك لا تدرس بس مش تعبد الدراسة عباده رح تندم انك ما طلعت هناك و ماشفت هناك و صراحة فش اريح هيك الحياة شو اعملك الله بعينك تحكيش بعد التوجهي رح اطلع لانك بعد التوجهي رح تكون جامعة ان شاء الله وقتها برضو مارح يكون معك وقت و تحكيش بعد الجامعة لانو وقتها رح تكون تروح من الشغل تعبان ويلا معك وقت ترتاح و بدك تتزوج وبس بتصير تندم انك ما سويت اشي انا ما بحكي بس عن الدراسة بحكي عن كل اشي الحياة توسط روح اطلع شوف استمتع
نصيحة الثانية اغلط الغلط طبيعي اذا ما غلطت بحياتك و خصوصا من اولها رح تندم بعدين انك ما غلطت و تعلمت الصح ،او ما تعلمت كيف تدبر حالك و تطور حالك
نصيحة رقم ثلاث يمكن موضوع تافة عند اغلبيتكم لاتغشو بديش اقلك حرام و مش كويس و بتضلم غيرك بس بدي اقلك انو انت قاعد بتخرب على حالك رح اقلك كيف لما تغش بتجيب فل تمام بس ما بتعرف انت بشو حمار و اكيد مش رح تذكر شو غشيت عشان تحسن حالك فيه
نصيحة اربعة لاتعتمد على الناس اوك طلب المساعدة مش غلط بس في فرق بين تطلب مساعده و انو ما تعمل اشي بس تعتمد انو فلان رح يعملها يا صحبي الناس بتروح و بتيجي
نصيحة رقم خمسة جرب مهرات جانبية مش غلط اتعلم رسم طبخ و هيك مش لازم تتعلم اشي جانبي عشان بس المصاري اقل ما فيها اشي تتسلا فيه يبعدك عن هموم الحياة
نصيحة رقم ستة لاتستقل بمصايب غيرك يمكن تشوف واحد مش قادر يحل مشكلة و تحكي شو الهبل هاذ انا لو مكانو كان عملت هيك و خلص يخوي انت مستحيل بتعرف كل اشي عن الشخص ملوش داعي تسوي حالك ملك الحلول و عشان تعرف يمكن الشخص الي بتتخوث عليه بيعرف يحل كل مشاكلك احسن منكم
واخر اشي احمدو ربكم ما بكفي ما بتصلي و السماعة ما بتنزل من دانك اقل ما فيها احمد ربك
يمكن كل الي حكيتو غلط
