u/Alternative_Mine_697

ايه اللي يخليك وانت مرتبط تكلم بنت تانية او لو أنتي بنت تكلمي ولد تاني ومش بقول ارتباط بيه او كلام وتعامل فالحقيقة ف اطارا الطبيعي والعادي يعني لا بتكلم عالسوشيال ميديا وعلاقة "صحاب" عالسوشيال ميديا وانت كده كده مرتبط سواء مرتبط سوشيال او فالحقيقة،ايه الفكرة

اكيد مش بقول انه حياتك تكون بس فيها الشخص ده فقط بس انت ليه تكون أصلا عندك علاقة بحد غيره لو فعلا بتحبه ؟ ايه لازمتها العلاقة دي يعني او الكلام ده فاهمين قصدي ؟

ومش بقول حياتك تكون متمحورة حوالين الشخص التاني بس على الاقل هو ده الشخص اللي انت لما تيجي تكلم حد من الجنس التاني تكون بتكلمه هو مش حد غيره

مرتبطتش قبل كده ف مش عارف الفكرة بصراحة

للأسف مصاريفي كتير + بحب اصرف براحتي برضو بصراحة

ف عايز حاجة اتعلمها خلال الاجازة دي وابدأ اشتغلها ايام الدراسة تقدر تجيبلي الفلوس دي عشان مش عايز اطلب من أهلي فلوس تاني

عشان انتي بضان ،بضان بجد يعني الحركة دي بضان وبرضو عملتيها تاني بطريقة بضان والرد لما كلمتك كان بضان حتى لو اعتذرتي عليه بس البضان لسه موجود

انا متضايق اننا بطلنا نتكلم لانك أروق واحدة اتكلمت معاها،امبارح كنت عايز انزل اتمشى واتصل عليكي اكلمك وانا بتمشى بس للأسف بقى بضنتي كل حاجة

يارب تكوني مبسوطة بس كل ما تفتكري الحوار ده تتبضني من نفسك او حد غيري يبضنك زي كده 🥰🥰

الفقر 😔😔

هي الفترة دي توفير مش فقر بصراحة

من ساعة ما دخلت الكلية وهي ف محافظة تانية بعيدة عن البيت كنت بنتظم فالصلاة جدا فالسكن ولكن لما ارجع البيت مكنتش بنتظم خالص وممكن أقعد باليومين مش بصلي لسبب معين (اظنكم عرفتوه) بس من اول الاجازة دي الحمدلله منتظم فالصلاة وتقريبا مفتنيش غير ٣ فروض بس وكانت خارجة عن ارادتي (طبعا مش سبب وربنا يسامحني) بس الحمدلله رجعت تاني انتظم فالبيت واصلي فالمسجد وقللت جدا انه السبب ده يمنعني حتى لو لسه موجود ،الحمدلله ويارب السبب ده ينتهي خالص

اللهم الثبات والهدايا لينا كلنا

انا مبسوط اوي من الحتة دي الحمدلله

لو كان يرضيك تهون عليك أحلامي ،ما تهون عليك

انا لسه بدرس بس اللي شاغل بالي اني اجيب عربية بس بشوف فكرة اني اجيب عجلة كويسة برضو بس رفاهية مش حاجة اساسية فاهمني ؟

(مش معايا فلوس لده ولا لده)

انا الصيف ده هقضيه فالقاهرة وناوي إن شاء الله اخرج كتير بس عايز أصور الأماكن اللي اروحها ازاي اصور تصوير كويس وف نفس الوقت أحسن جودة الصور دي بعد كده بحيث تبقى كويسة لما انزلها وشكرا

أختي الكبيرة بتصعب عليا فشخ

مبدأيا هي الكبيرة ف بابا كان ضاغطها اوي انها لازم تطلع دكتورة وذاكري وضغط وتخنيق وتضيق عليها ف كل حاجة عشان تذاكر وتبقى دكتورة وكانت برا مصر ف بعد المعادلة دخلت كلية طبية مش عالية اوي وبعد اول اسبوع قالت لبابا مش مستريحة وعايزة أحول بابا قال لا (عشان لقب دكتورة والناس عرفت انها دكتورة خلاص) بعد كده حرفيا اخدت اول ٣ سنين ف ٦ والتعامل كان وحش جدا زعيق واحيانا ضرب انها بتسقط مع انها مش حابة الكلية من اول يوم ،حولت جامعة تانية والدنيا بدأت تمشي شوية وجالها عريس أقل تعليما منها ومستوى مادي أقل بس عشان كانت مروشة وزهقت من البيت وقرفه وافقت وأهلي للاسف ف حتة الجواز مدلوقين مش بيصبروا (قاعدين ف مكان وحش فرصة انه يجي ناس كويسة صعب بس مش لدرجة أنك تبقى متساهل كده) وهي وافقت واتجوزوا وحرفيا من ساعتها كل ما اروح الاقيها زعلانة مش بيكلمها ف قرارات او يتناقش معاها،متجوزة ف بيت عيلة ف خناقات الحموات والسلايف قرفاها ،هو حاطط ف باله انها دكتورة ف مش راضي يخليها تشتغل عشان متشفش نفسه عليها،تعامله مش كويس معاها بس من غير إهانات او ضرب او اي حاجة من كده،ولما تيجي تشكي لاهي بابا يكون شايفه انه عادي ومفهوش حاجة (شخصية بابا شبه شخصية جوزها) وأمي تقولها عادي مين بيتكلم يعني ويجيوا عليها،بقيت تصعب عليا

لا طفولة وشباب كويسة

لا فترة كلية كويسة

ولا جوازة كويسة

ولا عيشة ف حتة كويسة

حد ممكن تكون حياته كده

ربنا يصبرنا ويبسطها ويسهل أمورها يارب وتكون هي مبسوطة ف حياتها بعيد عن اللي انا شايفه

إن شاء الله مش هندم

قولت للي كنت معجب بيها ف ثانوي،وهي قالتلي انه مفيش حاجة من ناحيتها ليا او لأي حد وعايزة تركز ف دراستها بس ومش عايزة اي مواضيع من دي ف حياتها (مفيش حد ف حياتها فعلا دي حاجة أكيدة) وريحت دماغي من موضوع اديله خمس سنين (هو لسه ف دماغي)

حاسس اني مرتاح اكتر ،شعور اني فوت حاجة مبقاش موجود لأنه الحال كما هو عليه بالظبط بالعكس اتحس شوية ،يارب يبقى فيها الخير ليا ونبقى من نصيب بعض

راحة 🥰🥰🥰

نفس الدوامة بتاعت كل سنة ،اخس فالصيف وانا قاعد فالبيت ارجع السكن اتخن تاني المهم

انا تقريبا ٧٨ كيلو وعايز انزل ل ٧٠ كيلو بس مش عايز اروح الجيم عشان أقرب واحد ليا بلدي ومقرف وسيء للغاية يعني (مفهوش اي حاجة للكارديو مثلا) ف ايه اللي ممكن اعمله ،انا جربت السنة اللي فاتت وخسيت ٥ كيلو ف شهرين تقريبا

انا بظبط الاكل : بفطر برغيف مع جبنة او بيض وخيار او طماطم

والغدا ايا يكن اللي بيكونوا عاملينه رز او مكرونة او اي حاجة من الحاجات دي بس يعني من ٨ ل ١٠ معالق

ولو حاجة تتغمس بيكون رغيف برضو مع خضار

والعشا برضو رغيف مع جبنة او بيض عكس اللي كلن الصبح

ايه التمارين اللي ممكن تتعمل فالبيت تساعد اني اخس،وايه ممكن يتعمل فالاكل بحيث مزهقش وف نفس الوقت اشبع

وشكرا

مبقتش عارف انبسط باي حاجة،خلصت امتحانات وضغطتها خلصت ولسه مبضون زي ما أنا،حتى الحاجة اللي كنت فاكر انها هتبسطني (مجربتهاش) بس بقيت مقتنع انه حتى الحاجة دي لو موجودة مش هبقى مبسوط برضو لان المشكلة من عندي،حتى الحاجة اللي كنت بهرب ليها رغم اني عارف الضرر بتاعها بس حتى دي مبقتش اتبسط بيها ولا شايف انها ممتعة ولما بعملها بحس انه تقضية واجب عشان الإدمان اللي فيه بس لكن مش بروح ليها عشان اتبسط

القعدة مع صحابي وأهلي مش عارف اتكلم معاهم او اتناقش معاهم ولا اتبسط بالقعدة معاهم

الاكلة اللي بحبها لسه واكلها ومش حاسس باي حاجة او اي فرق حرفيا بس سد جوع عشان افضل عايش

الافلام اللي بشوفها بشوفها تقضية واجب عشان امسحها من الفون وعشان احس اني بعمل حاجة فالاجازة ،اكتر حاجة بحبها وهي الكورة واكتر بطولة بستناها وهي كأس العالم مش قادر اتابع ولا اتفرج ولا اهتم بيها،شعور غريب محستش بيها قبل كده،ومش عارف ايه الحل ربنا يطلعني من الفترة دي على خير