u/Illustrious_Gur_8482

قلت بطلعها من تطبيق دايركت بدل ما اضيع نفسي بالحوسة، طبيعي السعر؟ اذكر الناس يقولون انها ١٠٠ ريال للشخص

بقول شيء ممكن يزعل الكثير لكن ما اهتم صراحة. لازم أحد يتكلم عن الموضوع إلى متى وحنا قامعين أي نقد يجي لمجتمعنا ونحوله لمقارنة مع الجنس الآخر؟

بينقال عني بكمية وبتسبوني لين بكرا، بس طقاق هذا الواقع اللي شفته وخبرة سنواااات معهم لول، واللي بقوله هو القاعدة ولكل قاعدة طبعًا فيه استثناءات، فلحد يتشنج تحت وهو يقول: “بس بس بس بس!!!!”

والدنيا أرزاق وعلاقات الواحد منها، لكن هذا المشهد السائد اللي شفته، وكثير اشتكوا لي منه برضو… ولحد يجيب طاري علاقات الرجال، لأن مو هذا محور موضوعي، وما أسوء من الحريم إلا رجالهم.

البنات يونسون مره، واحبهم ومستحيل حياتي تخلو من صداقتهم، يكفي الشعور اللي يجيك وانت yapping مع وحده لساعاااات وعن كل المواضيع الجادة والتافهه.

لكن صداقتهم متعبة جدًا، ومن أسوء العلاقات اللي ممكن تدخلينها بحياتك… خصوصًا بجيلنا الحالي، لأن صراحة ما أشوف نفس المشاكل بأجيال أمهاتنا. انا بعمري هذا بدأت ازهد من الموضوع.

الحين تجيك الوحدة تبغى اللي يدعمها وتبغى اللي يعطيها وتبغى اللي يثق فيها ووووولسته ما تنتهي، بس هي مو مستعدة تسوي لك نفس الشيء. تبغى كل شيء متحور حولها "ديني ودينك تطلبين مني أوفر لك شيء بالمقابل يا شحاذة يا طرارة انت بس موجودة تخدميني!" حرفيًا لو عقلياتهم لها صوت مو مفلتر بيصير كذا.

ما احكيلكم عن كمية المرات اللي بغيت فيها "فزعة" وجبت الطلب من ورا التريلات عشان ما احرج احد، ويطقونها حوله ويسوون نفسهم مجنونات ما يسمعون. ووارد جدًا تكون هي مستفيدة منك بامور كثييييرة.

علاقات فعليًا من طرف واحد وقائمة على المصلحة، إلا من رحم ربي. والواحد يحاول يكون سمح وطيب ويمشي لكن يجيك يوم كل غضبك واحتياجاتك اللي مو قاعده تتلبى تطفو على السطح وتصير ما تبغى تتحمل هالشكليات وتزهد فيهم. وسبحان الله كلامي يمشي على بنات كثير من مجتمعات مختلفة. محد يستحي من بجاحته ويشوفها قوة.

مستحيل تتكلمين لها أو تدخلينها حياتك بأي طريقة وما تندمين بعد. البنت ما تشوفك صديقة، تشوفك معرفة تبغى تستفيد منها، ولو ما قدرت تستفيد منك سطحت العلاقة.

وياااااا حبهم للوي ذراعك.

ما أقول لكم عن كمية المرات اللي أسمع فيها سالفة مشابهة من أحد، أو سالفة مثل كذا تصير لي… تصيرين مأتمنتها على موضوع فيه نقطة ضعف لك، تمووووت لو ما لوت ذراعك فيه وصارت تلوح لك بالناقص فيك قدام عيونك. للأمانة أنا للحين عجزت أفهم سبب التصرف هذا، والتفسير الوحيد إنه يحبون يشوفون إن لهم أفضلية وإنهم أحسن منك.

ولا تخلوني أتكلم عن حركاتهم اللي تطلع لما تشوفك أحسن منها بشيء. يا إني عانيت أيام الجامعة.

تحقير وتطفيش وتعامل سيء بس عشان ترجع لنفسها مكانتها الوهمية. وبأسوء الحالات تقطع جلدك وتحش فيك، واللي صغير عقله بيسمع من دون تحقق، واللي مكبره بيترفع عن الكلام ويمشي الأمور. ناااادر النوادر تجي وحدة تسألك ولا تتأكد منك لو اللي ينقال عنك صحيح، أو ليش قاعد ينقال عنك بالأساس. أيام الجامعة لو أحد سألني: ليش فلانة مقطعتك حش عند الخلق؟ بقول: “لأنها طول عمرها تشوفني أقل منها والجامعة ورتها عكس ذلك، هي مجرد فاشلة and she’s making it my issue.” هذولي البنات اللي كبرت معهم للأسف.

ولما تبدأ الأمور تسوء بينكم وتروحين تكلمينها وتحاولين تصلحينها، تقول لك “مافيه شيء شدعوة🥺” وهي تمشي وتتكلم فيك، لكن لأنها جبانة ما تبغى تواجه…

أو تحور الموضوع كله عنها هي، ومستحيل تشوف تصرفاتها أو فعلها هي غلط. لا بس هي المتضررة بالموضوع ويا تسوين شيء عشاني انا بس ولا بلاش تراي مستغنية. ترا كلنا مستغنين. ودايم لا صار الحق معك يخلونك تتوهمين ولا يقولون: “تراك مكبرة الموضوع.”

والحركات هذي ممتدة إلى زميلات سوق العمل، لكن الحمدلله أخذت مناعة من أيام الجامعة، فمو مرة استغربت أو تأذيت. علطول حطيت حدود.

وترا ما جبت طاري البنات اللي فيهم طبقية واللي كل شيء يشوفونه يفشل، هذولي يبغالهم جرايد.

عمومًا هذي سواليف الظهرية جت لأن ودي أدخل أسولف مع صديقتي، لكنها معطيتني صمت عقابي للحين ما اعرف سببه، يمكن لأنها تحسبني حبيبها اللي تعطيه فرص لين ما يسحب عليها.

وأنا حطيت الرياكشن قبل ما أحد يحطه.