u/MainHoneydew8018

వివేకాత్రేయ గారు కూడా ఇలాంటి మాటలు రాస్తారు అని అనుకోలేదు

సంస్కృత సమము వాడినందుకు ఇబ్బంది లేదు కానీ "తెలుగు తూకమని పెడితే ఊస్తారు" అనడమే చాలా బాధాకరము

ఇది వారి తప్పు కాదు మన సమాజంలోనే తెలుగు పదాలకి సంస్కృత పదాల కంటే తక్కువ స్థాయి ఉన్నది.

మచ్చుకి

"తను నా పెళ్ళాం" అంటే ఏంటా మాటలు "తను నా భార్య" అనాలి అంటారు.

"నేను ఉచ్చకి పోతున్నాను" అంటే శవ్వా ఏంటా మాటలు "నేను మూత్రముకి/toiletకి పోతున్నాను" అని అనాలి అంటారు.

ఉచ్చలో ఉన్న కంపుయే మూత్రము/toilet లో కూడా ఉంటది, ఆ పదాలు వాడినంత మాత్రాన ఉచ్చలో ఇంపురాదు

ట్రంపుడెపుడు పలుకు జంకు బొంకు పలుకు

సజ్జనుండు పల్కు సత్తు పలుకు

ట్రంపు మ్రోగినట్లు ట్రంపెట్టు మ్రోగునా

విశ్వదాభిమామ వినుర సోమ

-

మగువ మొగముజూడ మహితమైనుండును

మనసు విప్పి చూడ మధనముండు

ఆడుదాని మదిని ఆలకించగలవా

విశ్వదాభిమామ వినుర సోమ

-

చక్కనైన చుక్క చిక్కినొక్కటి చాలు

తళుకుబెళుకు రాళ్ళు తట్టెడేల

చెలిమి వంటి వనిత చాలదా ఒక్కటి

విశ్వదాభిమామ వినుర సోమ

-

అరబివోని తేలు యీసమైనను చాలు

చవకనైన నేమి చమురు-చెరుకు

చెరుకు కలిపి పాడు చెమురు యేల మనకు

విశ్వదాభిమామ వినుర సోమ

-

చమురు-oil

-

నేను భూపతినని నేల ‌చెరుచు వాడు

ప్రజల ఉసురు తాకి పడును పిదప

ఎగర వేయ బంతి ఎందాక నిల్చురా

విశ్వదాభిమామ వినుర సోమ

-

ఉప్పుమా తెగ తిను ఊరుగాయ ఘనుడు;

అమృతము తిలకించు అర్బకుండు;

వంటి వారితో, ఎవరు కయ్యము వలదు

విశ్వదాభిమామ వినుర సోమ

-

ముత్యము పదములను మురిపెముగ వదల

చదవ చదవ చదవ చదవలేరు

మనుషులందు తెలుగు మనుషులు వేరయా

విశ్వదాభిమామ వినుర సోమ

-

నొప్పి-పన్ను, పన్ను నొక్కపోలిక నుండు

చూడ చూడ పన్ను జాడవేరు

పన్నులందు కట్టు పన్నులు వేరయా

విశ్వదాభిమామ వినుర సోమ

-

పన్ను - tooth

పన్ను - tax

-

పడగ పడగ బాధ బరువు అతిశయించు

తినగ తినగ వేప చేదునుండు

సాధనమున పనులు సమకూరదు కలలో

విశ్వదాభిమామ వినుర సోమ

-

నేను కవిని కాదనేరు అరసికులు

రాత కాదు నాది రోతని పలు

కు జనుల కరములునకు చలి చీమలు కుట్ట

విశ్వదాభిమామ వినుర సోమ

-

తెలంగాణ భాష, ఆంధ్రము, తెలుగు భాష ఇలా ఏ పేరుతో పిలిచినా పలికేడిది ఒక పలుకునే

ప్రథమ విభక్తి/Nominative case: క్రియను చేసే వ్యక్తి/వస్తువు ; the person/thing that does the action.

ప్రథమా విభక్తిలో "డు"(రాముడు, సోముడు, వాడు, వీడు) అనే మగ ప్రత్యము ఉన్నది. మరి ఆడవారి ప్రత్యేయాలని ( కత్తె: చలికత్తె, ఆలు: ప్రేమికురాలు, పేదరాలు; ఆమె, ఈమె, అది, ఇది వంటివి) ఎందుకు జత చేయ లేదంటారు

మారుతున్న కాలంతో పాటు పాఠ్యాంశాలు కూడా మారాలి.

అమ్ముకో అమ్ముకో

మా భూములు అమ్ముకో

మాకేమో బ్యాను చేసి

నువ్వేమో దండుకో

చల్ అమ్ముకో అమ్ముకో

మా భూములు అమ్ముకో

-

దండుకో దండుకో

మా పైసలు దండుకో

మాకు ఫ్రీబీల బిచ్చమేసి

నువ్వేమో కోటలు కట్టుకో

చల్ దండుకో దండుకో

మా పైసలు దండుకో

-

పంచుకో పంచుకో

కొలువు, కాసు పంచుకో

మా మీద రుబాబ్ చేసి

నువ్వేమో దండాల్ ఎట్టిచ్చుకో

చల్ పంచుకో పంచుకో

కొలువు, కాసు పంచుకో

-

ముంచిపో ముంచిపో

మా బ్రతుకులు ముంచిపో

మాకేమో చిప్ప ఇచ్చి

నువ్వేమో లిబ్బి మూట ఎత్కపో

చల్ ముంచిపో ముంచిపో

మా బ్రతుకులు ముంచిపో

ఇచటి తెలుగు మూకలో ఎంతోమంది ఔత్సాహిక రాతగాళ్ళు ఉన్నారు.​ తెలుగు ఇప్పుడిప్పుడే నేర్చుకునే వారి దగ్గర నుంచి తెలుగు పండితులు ఉన్నారు. అటువంటి వారి అందరికీ వ్యాసాలు రాసేటందుకు పిలుపునిస్తున్నాము

రాయడం అంటే మనకు తెలిసిన విషయాలను అక్షరాల్లో పెట్టడం మాత్రమే కాదు.

రాస్తున్నప్పుడు మన ఆలోచనలని ఒక క్రమ పద్ధతిలో పెట్టుకోవచ్చు. ఒక ఆలోచనను ఇంకో ఆలోచనతో పోల్చుకోవచ్చు. మనకే తెలియని ప్రశ్నలు మనకు ఎదురవుతాయి. మనం నిజంగా ఏమనుకుంటున్నామో మనకే అర్థమవుతుంది. అన్నిటికంటే ముఖ్యమైనది, మనకు తెలిసినది నలుగురితో పంచుకోవచ్చు

-

మరి దేని గురించి వ్యాసం రాయమంటారు ?

"మన ఊర్లో ఉన్న చెరువు దగ్గర నుంచి అంతరిక్షంలో ఉన్న తారల వరకు"

"నన్నయ్య తెలుగు ప్రయోగాల నుంచి రాజ్ రెడ్డి కంప్యూటర్ సైన్స్ లో చేసిన కృషి వరకు"

దేని గురించైనా రాయొచ్చు.

రాయటంలో మితిమీరిన అశ్లీలము, జుగుప్సా, ఇతరులపై ద్వేషము ఉండరాదు

గమనిక: వ్యాసం అంటే కల్పనా కథలు(fictional stories) చెప్పటం కాదు.

-

మరి ఏ భాషలో రాయాలి ?

తెలుగులోనే రాస్తే చాలా బాగుంటుంది. తప్పులు పోకుండా చూసుకోండి.

ఒకవేళ మీ మొబైల్ లేదా టాబ్లెట్లో గూగుల్ కీబోర్డ్ వాడుతున్నట్లయితే మీరు తెలుగుని డిక్టేట్ కూడా చేయవచ్చు.

గూగుల్ ట్రాన్స్లేట్ వాడుకోండి. కృత్రిమ మేదని కూడా వాడండి కాని తర్జుమా కొరకో లేదా పదాల తప్పిదాలు వెతకడానికి కొరకో, అంతేగాని పూర్తిగా కృత్రిమ మేధా చేత రాయబడిన వ్యాసాలను అంగీకరించము

-

మరి చదువరి బాధ్యత ఏమిటి ?

మీరు చదవగానే సరిపోదు, మీ అభిప్రాయం కూడా చెప్పాలి. సలహాలు సూచనలు శభాశీలను తెలియజేయాలి

తెలుగువారు అంటే రెండు రాష్ట్రాలకే (సీమాంధ్ర, తెలంగాణ) పరిమితం అనుకుంటాం మనం, అది తప్పు

-

గంగ నుండి లంక వరకు,

కనుమల నుండి కడలి వరకు

తెలుగువారి పుట్టినిల్లు

నిప్పాన్ నుండి న్యూయార్క్ వరకు

ఉత్తర ధ్రువం నుండి దచ్చిన ధ్రువం వరకు

తెలుగువారి మెట్టినిల్లు

దక్షిణాదిన ఎంతోమంది తెలుగువారు ఉన్నారు, వారిలో కొందరినే చూపెడుతున్నాను

• మహారాష్ట్రలో వడారి వారు మాట్లాడేది తెలుగు భాష, అది అధికశాతం తెలుగు, కొంత శాతం మరాఠీ పదాలతో కలిసి ఉంటుంది
  • ముసలవ్వ పాట పాడినది వినండి
  • వారి జానపదం వినండి
  • కల్లు తాగుదామని పిలుస్తున్న ఈ పెద్ద మనిషి పాట వినండి
• ఒరిస్సా లో తెలుగువారు ఉండుట జనము ఎరిగిన సత్యం.
  • ఒరిస్సా జెపూర్ లో తెలుగువారు ఉగాది పండుగ చేసుకుంటున్నారు చూడండి
  • ఒరిస్సాలో తెలుగు జానపదాలు గురించి వినండి
• ఈ కొంగు నాడు కథ వినండి
• తమిళనాడులోని ఈ హోసూరు జానపదం వినండి
• శ్రీలంకలో మూలవాసులైన తెలుగు వారి ఆవేదన వినండి

నన్నయ పోతన శ్రీనాథ వంటి వారు రాసిన పద్య కావ్యాలలో ఉన్న ప్రౌఢత్వం తెలుగుకి కంఠాభరణములు. కానీ తెలుగువారి జానపద కళారూపాలు తెలుగుకి జీవం పోసిన డెందము సవ్వళ్ళు.

మన యాసలే మన బలం వాటిని గౌరవించక పోవటమే మన తెలుగుకు పట్టిన దౌర్భాగ్యం

from x.com