u/Only-Double6277

شوط اول عشره من عشره بس التعقيب الوحيد ليه زيكو بيلعب يمين ودي م عدلته عايز تلعب 4/4/2 تمام بس العب بهيثم حسن يمين على عدلته مرموش غريب تماما معدل حفاظه ع الكوره زيرو تقريبا كل الكور مقطوعه منه دائما بيختار الحل الاصعب ضيع كتير اوي وطبعا الكلام ده كمل الشوط الثاني تغييرات كتير م مفهومه وخلت الفرقه سايحه ف بعضها ومحدش فاهم حاجه يعني تغييره أمام عاشور ربيعه علامه استفهام عدم دخول هيثم حسن وإبراهيم عادل بدري علامتين استفهام دول المحترفين اللي عندك ولازم تراهن عليهم ده لو عايز توصل بعيد ف البطوله دي عموما حصل خير نتمني نصلح وتكسب اللي جاي وتحيا مصر 🤍 عايز اقول بس حاجه اخيره هاني ف احسن ماتش ف تاريخه جاب جول ف نفسه 😂🙏

كنت متوقع أداء احسن من كده من جنوب افريقيا الفرقه دي بتلعب كوره اوروبيه الفرق بتاعتها قويه جدا ف المنافسه ف البطولات الافريقيه المنتخب متطور وبقاله كام سنه ف مستوي عالي وبيبني عليه ممنساش أنهم طلعوا المغرب ف بطولة إفريقيا 2024 وطلعونا 2019 وكان واضح يعني أن المنتخب ده السهم بتاعه بيطلع وأنه ف حاله من التطور بس النهارده مفيش تأقلم وسهلوا الماتش تماماً ع المكسيك بالغلطات اللي عملوها أظن ده بسبب اختيارات المدرب وبسبب بعض اللعيبه اللي م منسجمه مع الفريق زي فوستر المهاجم التاني ده أفسد كل تحولات فريقه وكان كارثه حرفيا المدرب طلعه ف الدقيقة تلاته وخمسين ف حين أنه كان عنده زواني ع الدكه ومبداش بيه واللي شاف اي ماتش لصندوانز عارف ازاي الراجل ده عالي اوي بغض النظر عن الطرد النهارده ف أنا شايف أن بعد الماتش ده بالاداء ده بالطرد لكل اللعيبه دي جنوب افريقيا فرصها هتكون صعبه اوي أنها تصعد.

جات الفتره اللي بتبقي احسن فترات السنه واللي بتفضل عايش ف Nostalgia بعدها لحد كاس العالم اللي بعده 😂 ده العيد بتاعنا ي شباب كل سنه وانتم طيبين 🙌

الراجل ده بيطبق مقوله احذر كل من اقترب من الأرض الراجل تقريبا مشفتش إحصائية اكيده بس باللي شفته ف الماتش ده اكتر لاعب استخلص كوره ف الفرقتين بيدافع وبيهاجم وبيعمل كل حاجه ده بيتفك بتلاته كمان !

باريس نجا من فخ ماركينيوس وارسنال الكوره بتضحك لافضل فريق ف أوروبا باريس بطل أوروبا للسنه التانيه ع التوالي عن جدارة واستحقاق 💙