u/Yusef_L

تخيل لو وقتها كان فيه كمايتة وعلمانيين، كانوا طلعوا قالوا لنا: صلاة إيه وتخلّف إيه؟ الصهاينة مسلحين بأقوى تسليح، وعندهم أقوى خط دفاع في العالم، والركعتين وشوية الأذكار دول مش هيساووا العالم المتقدم والسلاح الأمريكي.

ورغم ذلك، في نصر أكتوبر، اللي عبر هو كل واحد ردد: «الله أكبر».

آه، الله أكبر هي اللي جابت النصر، وخلّت لنا وطن آمن يسمح لحضراتكم إنكم تنظّروا على ديننا وتعترضوا على صلاتنا، في وطننا، آمنين، وطن أجدادنا استشهدوا فيه وهم بيصلّوا عشان إحنا نعرف نصلّي

ده ربنا نجّانا إن وقتها مكنش فيه كمايتة ولا علمانيين.

تخيل لو كانوا موجودين وقتها، كانت تعليقاتهم هتبقى إيه؟

- أحمد شوقي

- ابن الرومي (العصر العباسي)

فيديو "لمصريين" في بلدهم مصر، من بدو سينا، بيظهر عاداتهم، وظاهر فيه إنهم وقفوا الفرح عشان صلاة العشاء، ودا واقع أغلبية المسلمين المصريين، بيحبوا يظهروا هويتهم الدينية في كل مكان

الكمايتة يسكتوا؟ مش قادرين يتقبلوا إن في مصريين هويتهم الثقافية مش مصر القديمة، ولا حاطين العنخ مفتاح الحياة، ولا بيصيحوا كل صباح: "جدو بنى الهرم" بينما جدك كان في الخيمة

التيار دا اتخلق عشان يقسم مصر والمصريين، عاوز يحصر هوية المصريين في حضارة قدمت ما فيها وانتهت. ولو إنت شايف إن فخرك هو بهويتك الحية الباقية، العربية المسلمة، هيقول عليك مش مصري، أو عروبجي، أو عديم الهوية.

نفس الكلام في الصعيد. العمامة الصعيدي مفيش صعيدي بيلبسها عشان في نقش لمصري قديم كان ظاهر لافف قماش على دماغه. الصعيدي بيلبس العمامة كسنة نبوية، ولأن دي هويته الدينية والثقافية

وأديك الصدمة: مصر من مية سنة بس كانت العمامة جزء أصيل من هوية مصر الممتدة من دخول المسلمين لهذه الأرض. يعني لما تلبس عمامة، إنت مقلدتش ثقافة غريبة عنك، ده لبس أجدادك المصريين اللي تحت العمامة قاتلوا التتار والمغول والصليبيين

مصر بلد تعددي وثري جدًا، ومختلف الثقافات، من نوبي لأمازيغي لبدو...

هي انتماء، مش عِرقية

أحمد شوقي ومحمود البارودي من أصول غير عربية أساسًا، لكن قاتلوا في سبيل مصر، وتغنوا في شعرهم بحب مصر والعروبة. هل يجرؤ أي كمتي يقول عليهم مش مصريين، لأنهم مش قبط على تصوره المريض لكلمة "مصري"؟

المصري هو الشخص اللي بيحب مصر، وبيحب عادات وتقاليد كامل أهلها مش ارتباط عرقي بحضارة دينية مندثرة

كلنا فخر بكوننا مصريين مسلمين

كلنا فخر بكم علماء المسلمين الي خرجوا من مصر

كلنا فخر بالأزهر وبلساننا العربي

عند في الكمايتة وتيارهم العنصري الي عاوز يفتت مصر وعمره ما هيظهر إلا لما يشوف مظهر إسلامي محدش مثلا هتلاقيه بيعلق على أي دين تاني بيكتب يوناني لا بس مشكلته مع العربي

- جبران خليل جبران

- الإمام أبو القاسم السهيلي

فيه فيلسوف صهيو..ني اسمه برنارد لويس وهو متخصص في الحضارة الإسلامية وتاريخ الشرق الأوسط برنارد لويس من عمق دراسته للحضارة الإسلامية أقر لها ولنظامها المالي والإداري والتسامحي مع الأقليات بالتحضر لكن عمره ما وصف دا من باب الإنصاف للمسلمين بل من باب معرفته لعدوه

برنارد جاب خريطة الشرق الأوسط وقالك هل تقسيم الشرق الأوسط حاليا اللي وضعه الإنجليز والفرنسيين بناء على تقسيمات لمناطق نفوذهم هو أنسب نموذج للمصالح الأمريكية والصهي..ونية؟

فوجد إن لا في نماذج أفضل وهي إن الشرق الأوسط يتصنف كأعراق ومذاهب دينية يعني دولة للشيعة بالعراق ودولة للسنة وتقسيم سوريا عدة دول تمثل مذاهب زي الدروز والعلوية والسنة والأكراد حتى مصر قسمها ما بين دولة مسيحية ودولة مسلمة ومحيط جغرافي بيد الصهاينة

برنارد شايف دا أسلم نموذج لتفتيت المنطقة لكن عشان نصل له قالك لازم نفكك الهوية الجامعة لكل الناس دي وهي عوامل زي الدين واللغة والتاريخ المشترك ودا مش هيحصل إطلاقا إلا مع دول قومية يعني المصري يقول على نفسه مصري وبس ولما يقول على نفسه مصري وبس ندخل جوة كلمة مصري نفتتها ما بين مصري مسلم مصري مسيحي سوري مسيحي ودرزي وسني وكردي عراقي سني وشيعي وكردي وهكذا

ودا خطواته للتخلص من اللغة العربية لصالح إحياء لغات اندثرت زي الأمازيغية والقبطية والسريانية

وبالنسبة للتاريخ المشترك هنقول إنه تاريخ احتلال وإننا منفصلين عن التاريخ دا لأنه تاريخ محتل لأمتنا الأصلية والقومية

تيار الكمايتة بمصر هو ذراع الاستعمار وحرفيا هو أول خطوة للتقدم صوب شرق أوسط مفتت يسهل السيطرة عليه وواخد آثار الحضارة المصرية القديمة عشان يمرر الأفكار القومية دي

فكر معايا اللغة العربية مخليّة محيط مصر المؤثر لفين؟ وهل اللغة القبطية قادرة تكون لغة مؤثرة في نفس المحيط؟

مصر دولة عربية لها مساهمة في اللغة العربية لا مثيل لها أبرز معاجم اللغة العربية وضعت بمصر مصر أكثر دولة بتنتج كتب مكتوبة باللغة العربية في العالم أنت مش وطني لما بتحاول تعزل البلد عن محيطها المؤثر

ياريت الناس تأخذ الوعي دا وتفكر مين أكثر مستفيد من وجود تيار الكمايتة مصر ولا أعدائها

- قيس بن الملوح (العصر الأموي)

- علي بن أبي طالب

- أبو الطيب المتنبي (العصر العباسي)

- يوسف وائل سلامة

- صباح أحمد السنبسي

- أبو فراس الحمداني

-أبو العتاهية

- عروة بن أذينة

- ابن الزقاق