وش رايكم فيها؟ تستاهل ولا نص ونص ولا سيئة؟

للكاتب أسامة المسلم وأكثر رواباته مبيعًا

يعني الله يجزاك خير نبيك تشغل مخك 5 ثواني بس وبتفهم ليه القرارات ذي تطلع

وإذا ما ودك تشغل مخك فعندك الذكاء الاصطناعي اسأله يجاوبك

وجزى الله الملك وولي عهده خير، وحفظ المملكة وشعبها وحكومتها من كل سوء

وبإذن الله تتحرر اليمن قريبا

مثل ما هو مكتوب هذا «مشروع أبحاث» اسمه «الثقافة التقليدية في المملكة العربية السعودية» وكان برعاية الأمير سلطان بن عبد العزيز آل سعود رحمه الله

الموسوعة ذي لقيتها داخل موقع الباحث سعد الصويّان، ولو تشوف تحت (في اللون البرتقالي) تقدر تتصفح مجلدات المشروع، وداخل كل مجلد عدة مواضيع بتهمك لو ودك تقرا في تاريخ أجدادنا

وترى فيه نسخ محفوظة من المجلدات في مواقع التخزين الثانية وتقدر تبحث عنها

هذا رابطها اللي لقيتها فيه: http://66.39.147.165/html/proj-culture.html

أتكلم عن الذكاء الاصطناعي الجديد (أسترا) القوي

ما أتكلم عن النصوص والحوارات العادية، ذي أشوف يشتغل عليها الناس أحسن

لكن أقصد هل نقدر نحوّل شكل الواجهة الأعجمية (العناصر تبدأ من اليسار إلى اليمين) إلى (من اليمين إلى اليسار)؟

يعني إذا الأزرار والقوائم تظهر يسار الشاشة نعدلها فتظهر في اليمين

هل يقدر يعرّب اللوحات والنصوص الجدارية وأوراق الرسائل داخل عالم اللعبة؟

لو شفت التجارب اللي سووها الناس، نموذج أسترا يقدر يصمم لك أشياء عجيبة ونماذج ثلاثية الأبعاد، من مدن ومركبات وقطارات وقصور، كلها خلال ساعة أو أقل

• ونستفيد منها مثلا في الرسائل داخل اللعبة ياخذ خاماتها وينشئ نسخة مطابقة باللغة العربية وبخط يناسبها إن كانت رسالة تهديد أو مساعدة
• وبما أنه يقدر يسوي نماذج ثلاثية الأبعاد، هل نقدر نستفيد منه في تعريب النصوص المبنية من مجسمات؟ مثل الصورة الأولى اللي فيها لوحة مكتوب عليها بحروف عبارة عن مجسمات بارزة ثلاثية الأبعاد وما هي مرسومة، بحيث ياخذ ذي المجسمات ويبني مثلها عربية ويحطها مكانها

أدري أن الشغلة شبه مستحيلة لأنك لازم تفكك ملفات اللعبة

بس هذي الطريقة اللي أشوفها صحيحة في استعمال الذكاء الصطناعي في التعريب، أما نصوص الحوارات العادية مفروض يشتغل عليها البشر

وأظن أن فيه ناس مستعدة تجرب الشيء ذا عشان تعيش جو اللعبة كامل بلغتها، وأنا منهم

لعنهم الله المفسدين في الأرض

نتج عن هجمات الحوثيين (الرخوم الإرهابيين) إصابة 73 إنسانًا مدنيا بريئا من بينهم نساء وأطفال

لو عاملناهم بالمثل (باستهداف مواقعهم حتى لو كانوا بين مدنيين، وذي عادتهم الزبن بين المدنيين عشان يمتنع التحالف عن قصفهم) كان تحررت اليمن اليوم الظهر الساعة 1 من قوة الشغل، لكن رِجال التحالف في الجبهات يواجهون العدو وجهًا لوجه

• ملحوظة مهمة: حجم السعودية في الإسقاطين (مركاتور والمتساوي) مختلف، لكني ساويتهم هنا عشان تسهل المقارنة بينهم.
• ملحوظة ثانية: الإسقاط الجديد هذا محد ملزوم يستعمله، لكن كل الأمم تقريبا صوتت لصالحه بما فيها السعودية، والهدف أن أفريقيا ما تظهر صغيرة مقابل تكبير أوروبا وكندا وأمريكا وقرينلاند، ويشجعون الناس على استعمال الجديد اللي هو «إسقاط الأرض المتساوية».

بمعنى تقدر تستعمل أي خريطة للسعودية تعجبك وكلها صحيحة، بس المألوف للناس هو مِركاتور.

So if you didn’t know… the King Salman Global Academy for Arabic Language launched Language Games (الألعاب اللغوية) this week.

It’s still in beta and completely F R E E.

There are currently 50+ interactive games, from lexical and educational games to entertainment games, all made to help you learn Arabic while having fun.

The current plan is to have 100+ games supported by a database of 15,000+ questions. It’s made for Arabic learners, specialists, and basically ANYONE interested in Arabic, at different ages and levels.

• Website: https://games.ksaa.gov.sa/
• IOS app
• Android app

^(Note:) ^(I don’t work for the Academy or the platform, and I don’t benefit from it in any way. I just wanted to share something that might help people learn Arabic. Thanks.)

من هيئة الأدب والنشر والترجمة:
https://moc.webex.com/moc/j.php?MTID=medc98b3bf26ce72f28e0f4b157156832

اللي أقصدها: السنة الهجرية الشمسية

التقويم الهجري المعروف مبني على حركة القمر، والتقويم الميلادي مبني على الشمس..

بس كثير ما يدرون أن فيه نسخة هجرية مبنية على الشمس، وحنا الحين في شهر السُّنبلة وهو آخر شهر في السنة الحالية (1404هـ ش) ومدته 31 يوم..

يعني باقي 25 يوم تقريبا وينتهي الشهر والسنة معه وندخل 1405هـ ش وأول شهر فيها شهر الميزان (يوافق يوم 23 سبتمبر 2026م)

وش أبي طيب؟ سلامتكم بس أعلمك يا الغالي

اللي أخذت منه المقطع كان كاتب:

>اتذكرها بجوازات الرياض بطريق الملك فهد قبل تفعيل ( ابشر )
الى عهد قريب كنا نجي بعد الفجر مباشرة لمبني وزارة التجارة والصناعة بالملز ونسجل اسمائنا عند راعي ونيت برا المبني ثم الساعه 7:30 يعطوننا ارقام حسب ترتيبنا
والان ولله الحمد وانت ببيتك وتتقهوى تخلص كل اشغالك بالجوال

والله أنّا في نعمة سبقنا فيها دول كثيرة في العالم، وكل يوم تتطور أكثر فأكثر بفضل الله فاشكروه

ملاحظة: الرَّقْمَنَة معناها تحويل الشيء من يدوي أو ورقي إلى رقمي

صقر «سوبر وايت»..! يا شيخ

يوم يكون عندك شغلة/حِرفة أنت متخصص بها وورثتها من أجدادك اللي احترفوها لقرون بتصير مُلم بكل مصطلحاتها وأساليبها، وحتى الأمور الصغيرة فيها بتلقى لها مصطلحات وكلمات تصفونها بها

وهنا عندك: المزاد الدولي لمزارع إنتاج الصقور

المزاد ذا يقام شمال الرياض كل سنة، ويجونك المهتمين من أنحاء العالم عشان يشاركون فيه ويشترون ويبيعون، بعضهم من الخليج وكندا وإسبانيا غيرها، هذا وهو متأسس من عام 2021م يعني له 6 سنين وسمعته كبيرة اليوم بفضل الله

المشكلة:

أن عندك الثقافة كلها والمصطلحات وكل التسميات لهذه الحرفة ومع ذلك تدخّل مصطلحات أعجمية على صفات الصقور في المزاد يقال لك «كشخة» ومواكبين التطور، وصارت الصحف تنقل الأخبار بنفس الأسماء الأعجمية ذي!

يعني ما استبعد بكرة يزودونها ويسمون البرقع اللي يغطون به عيون الصقر «ماسك» عشان يُعجب بهم السيد الأبهص القادم من الغرب

وللعلم ترى السعودية مسوية معجم كامل لمصطلحات لقصور

سواه مَجْمَع الملك سلمان العالمي للغة العربية بالتعاون مع نادي الصقور السعودي، ورفعوها رقميًا على منصة سوار المختصة بالمعاجم وهذا رابطه:

• https://siwar.ksaa.gov.sa/public-dict-information/b510d6e1-0517-4b7f-b342-b2c9fa4f4e8a

الحل

استعمل مصطلحاتك العربية وفوقها صدّرها للعجم من الزوار والمهتمين اللي يجونك من أنحاء العالم وخلهم يسمونها بنفس نطقك!

واذا ما عندك خبرة استند على المعجم ذا يفيدك، عاد اللي اشتغلوا عليه أهل الخبرة بالصقور، وأهل اللغة العربية سواء

مثلا:

كلمة الحجل وجمعها الحجول اللي هي الخواتم أو الشارات اللي تحطها على رجل الصقر عشان تميزه عن غيره وغالبا فيها بيانات التواصل، والفعل منها «التحجيل» وهكذا

• وتقدر تخلي العجم ينطقونها «Hijil» بدل ما يقولون تاق مثلا
• أو الصقر الأبيض اللي يسمونه «سوبر وايت» .. تقدر تسميه أبيض ناصع أو تكتفي بأبيض وتصدره للعجم يسمونه «Abyad» مثلا

لا يعقل أن السلاح بيدك لكنك أنت الأسير عندهم!

وسلامتكم

I used a katana instead of the Saudi sword, and made the Shahada into a circle like the Japanese sun.

الصور المتداولة حاليًا لأعلام القبائل السعودية (قبل توحيد المملكة على راية واحدة) تجيك كتابة صفراء على خلفية حمراء، لكن لو تشوف رايات قبائل العرب في معركة صفِّين (عام 37هـ) تلقاها ملونة ومتنوعة

ليه صارت أشكالها وألوانها مكررة آخر كم قرن؟ لدرجة تشك بصحتها، ويمكن واحد من الشباب ما يعرف أشكال راياتها فلعب فيها وحطها طقم واحد (اسم القبيلة بالأصفر على خلفية حمراء) ونشرها بالأشكال ذي وهي ما كانت كذا ثم تداولوها الناس

وهل فيه معجم يرصد رايات القبائل العربية السعودية القديمة وأشكالها؟

• ملاحظة: أشكال الرايات وألوانها في الصورتين سواء لقبائل اليوم أو قبل ألف سنة هي المتداولة بين الناس وما هو بشرط أنها صحيحة (إن كان عندك علم فصحح لي)

^(*ملاحظة: ما استعمال الذكاء الاصطناعي في الكتابة ولا التنسيق*)

علامات الاقتباس الهلالية هذي «» أحسن من الصغيرة " " ذي

وأجمل في الكتابة، وشكلها مثل الأقواس ( ) تجمع الكلام داخلها لكنك تميّز انه اقتباس

وفيه شركات وجهات إعلامية كبيرة مثل ثمانية اعتمدها في كل منشوراتها

من عيوب الاقتباس الصغيرة

ذي " " أنها تناسب الحروف اللاتينية/الإنقليزية لأن أشكال حروفهم متقاربة في الأحجام والطول، عكس اللغة العربية اللي بها حروف أطول من أخرى وبعضها ينزل تحت السطر وكثرة النقاط والحركات فيها، وبعض الحروف ارتفاعها أعلى من علامات الاقتباس نفسها (شف الصورة الثانية)

فما تكون علامات الاقتباس الصغيرة بيّنة للناس في الكتابات العربية

لكن علامات الاقتباس الهلالية

ذي « » بيّنة لأنها أكبر حجم وتجمع النص من جوانبه مثل الأقواس ( ) .. عكس الصغار اللي تجمع النص من زاويتيه العلوية وهو شيء ما يناسب اللغة العربية لأن الزوايا العلوية للنصوص العربية تختلف ارتفاعاتها باختلاف الحروف في الجملة

غير كذا إذا لمحت عينك علامة الاقتباس الأولى أو الأخيرة بتعرف وين بيكون الاقتباس على يمينها أو يسارها، مثلا إذا شفت ذي « بتدري أن الاقتباس بعدها، وإذا شفت ذي « بتدري أن الاقتباس قبلها

وللعلم: النوعين كلها غير عربية الأصل

الهلالية يسمونها «Guillemets» وهي فرنسية الأصل، والصغار إنقليزية حسب علمي

فدامنا محتدِّين على علامتين من لغات أعجمية.. فخذ الأحسن والأوضح في لغتك يا العربي!

في الصورتين الأخيرة

حطيت لك نص وفي منتصفه اقتباسات، وحدة بالاقتباس الصغير والثانية بالاقتباس الهلالي، شف خلال نظرتك الأولى للنص وش اللي عينك تلقطها أسرع وتستوعب أن هنا اقتباس (عن نفسي الهلالية أوضح وتدلني على أماكن الاقتباس بفارق كبير)

كيف تكتب الاقتباس الهلالية طيب؟

• في الجوال رح لعلامة الاقتباس ذي " " وعلّق عليها وبتطلع لك الاقتباس الهلالية ضمن الخيارات
• وفي الحاسب علّق على زر ألت (ALT) ثم اضغط الأرقام ذي (174) وكذلك (175) من أزرار الأرقام على يمينك مو اللي فوق

توضيح للحاسب:

تعلق على ALT وتضغط الأرقام ذي 174 ثم تفك زر ALT ويظهر لك الرمز: «

نفس الطريقة إذا ضغطت الأرقام ذي 175 بتطلع لك الاتقباس الثانية: »

وسلامتكم

يعني تاخذ أكثر شيء تشتهر فيه المحافظة وسو منه شعار بسيط واجمعها كلها مع بعض وانشرها (ولو تكون بصيغة SVG أحسن)

المقطع ذا واحد سوى شعارات للولايات الأمريكية الخمسين بأسلوب كل ولاية، وضرب قريب 200 ألف إعجاب

• مثلا محافظة البدع في تبوك اللي فيها جبل اللوز تحط جبل في قمته ثلوج
• محافظة أبها تحط جبال السودة الخضراء
• محافظة جدة البحر
• محافظة الجوف الزيتون وأشجاره
• محافظة الدرعية تحط حي الطريف التاريخي

وهكذا

لكن للأسف قليل يكتبون فيها السعوديين.. غالبا قراءة بس

إذا فيه موضوع يهمك ادخل واكتب عنه في ويكيبيديا وعدل المعلومات الخاطئة وأضف مصادر

• ^(الصورة من) ^(تقرير إنترنت السعودية 2025م) ^(اللي تصدره هيئة الاتصالات السعودية)

اختبار همزة مثل ستيب والآيلتس بس للغة العربية، وينظمه «مجمع الملك سلمان العالمي للغة العربية» وقد سووه قبل في أمريكا والهند واندونيسيا وماليزيا وتايلند ودول كثيرة. مع العلم أن الاختبار سووه آخر عام 2023م

يعني توه جديد بس إنجازاته قوية وماشين زين

الجمال

عند بعض القبائل والمناطق في السعودية، إذا جاء أحد يوصف لك شيء جميل أو مبهر جدًا سواء مكان أو غرض (أو غالبًا جمال امرأة أو رجل): يحط سبّابته تحت عينه بشكل عمودي تمامًا والظفر لأعلى (مثل الصورة)، ثم ينزلها على خده ببطء، وحركة الأصبع ذي تمثيل لانهمار الدموع من العين (والله أعلم)، ويقول معها جملة «تَقْطَعُ القَلْب»، وذي الجملة دارجة لوصف شدة الجمال في السعودية

وخلال إنزاله لإصبعه ببطء يجرّ جلده بخفّة وقد يظهر جوف جفنه السفلي، ويستمر إنزال الإصبع إلى أن يصل إلى منتصف خده (المنتصف على خط أرنبة الأنف الأفقي تقريبا)

التخويف

بنفس الطريقة المستعملة لوصف الجمال لكن تشوفها وقت التخويف من شيء ما (وليس التهديد)، ويقولون معها جملة «يا ويلك» أو «يا عُوَيْنك»، وحتى «يَقْطَعُ القَلْب» تستعمل للتخويف كذلك حسب السياق

اللي عنده شيء يزيده لا يقصر.. وسلامتكم

context:

Obsession (2026) in the style of Tafheet Core.

Tafheet is Saudi Arabian drifting, an illegal sport where drivers drift at extreme speeds of 160 to 240 km/h (100 to 150 mph). It became a dangerous youth trend in Saudi Arabia from the 1970s through the 2010s.

And from that came Tafheet Core, a digital art style that was born in the 2000s Saudi internet forums and recently became known worldwide. It blends a beautiful woman's face (especially the eyes) at the top with Tafheet below.

Fun fact: I put a car crash on purpose in the one where Nikki says "I'm your freaky Nikki". I don't know why but it just feels right.

Another fun fact: I made the logo myself, and if you can read Arabic, you'll know how accurate it is (I can't explain).

^(ملاحظة: كل شيء كتبته وما استعمل ذكاء اصطناعي)

والله شيء محزن أننا في السعودية مهملين الأمور ذي، وحتى لو فيه كم مركز يعلمها (مع أني ما قد سمعت بها) لكن ما تسمع شيء ولا تشوف حتى بمواقع التواصل عن ذي الأمور

أمور ودي نحييها (بمراكز حكومية تختص بها)

• استعمال السيف (السيف السعودي/السيف العربي) وأسماء أجزائه مثل طريقة وسلّته ومسكته ثم إرجاعه بدون ما تضر نفسك، سواء وأنت على الأرض أو الخيل.

• مبارزة الخصوم (بأسلوب العرب) سواء على الخيل أو الأرض: وين تضرب، وكيف تصد.. ووش الدروع وكيف تُلبس، وتقدر تسوي لها مسابقات كبيرة يتابعها العالم. من أساليب العرب أنك ما تغدر خصمك وهو ما يدري عنك، وأذكر قد قريت أن حتى بعض قطّاع الطرق كانوا ينبّهون اللي بيسرقونه عشان يسل سيفه.

• الرماية بالأسهم وبالأسلحة النارية وطرقها وأساليبها وأدواتها، وأسماء الأسلحة عند أجدادنا (مو الأسماء اللي تحطها الشركات)، والبارود والرصاص وأنواعها (يوجد معجم للأسلحة يوثقها من أيام اجدادنا، ابحث عنه)

• الرماح وأنواعها وطولها عند العرب وطريقة رميها

العرب/السعوديين خلال آخر كم قرن كانوا إذا اشتروا أسلحة (من صناعة شركات غربية) كانوا يعرّبون أسماءها وينقشون على مقابضها وأركانها بالخط العربي عبارات وزخارف، وتصير مميزة عن غيرها في العالم، وذي يبي لها توثيق وتعليم قبل تندثر

عندك اليابان 🇯🇵

للحين مهتمين بتاريخهم وتعليم السيافة والرماية وتراثهم أيام العشائر والساموراي وغيرهم، حتى أنهم يدخلونه في كثير من أعمالهم وفنونهم هذا العصر مثل الأنمي والمانقا.

حتى أن السياح يجون من أنحاء العالم مخصوص عشان يشوفونها عندهم ويجربونها

لكن أنت؟ كويس أنك تعرف إذا أبو جدك كان فارس أصلا، المحزن أننا ما نعرف أساليبهم ولا نعلّمها

الأحياء اليوم هم آخر جيل عرفها وعاش الحاجة لها

ودي لو توثق دارة الملك عبد العزيز أقوال كبار السن في الأمور ذي وكيف كان يتعامل أجدادنا معها وأساليبها، وفتح الباب للدراسات المختصة فيها وتقديم جوائز وتحفيز

الزبدة 🧈:

• نعلم الأمور اللي ذكرتها، لدرجة ما يبقى شاب الا وعنده خلفية عامة عنها
• نسوي كتب وأدلة إرشادية للمهتمين بها باللغة العربية، ثم نترجمها للغات أخرى
• مسابقات فنون ورسم لأحداث تاريخية بالسعودية، وفرسان تاريخيين (نكثّر الفنون عن تراثنا)
• دعم الدراسات والبحوث عنها
• توثيق أقوال كبار السن وكيف كان أباؤهم وأساليبهم
• متاحف حكومية كبيرة مختصة بها (الموجودات اليوم أغلبها متاحف من اجتهاد شخصي الله يجزاهم خير)
• مسابقات كبيرة لكل الناس من أنحاء المملكة (مبارزة سيوف، وأسهم، ورماح، وأسلحة نارية)، مثل مسابقات الفروسية اليوم

وسلامتكم