u/jordan_isjordan

بشوف كثير مسلمين وحتى ملحدين بدافعو عن محمد انه تزوج عائشه بعمر ٩ سنوات لأنه كان سن البلوغ زمان غير عن هسا..

بحب احكيلكم انه محمد بيدوفيلي وسن بداية البلوغ بأيامه كان ١٤ سنة.. يعني بعمر ال١٤ كانت الانثى تحيض وكان الذكر يبلش بمرحلة البلوغ

**رح اعطيكم دليلين من دينكم ودليلين من كتب و بحوث علمية :**

1. فقهاء دينكم نفسه والأئمة الأربعة حكو انه سن البلوغ الشرعي هو 15 سنة.. ف كيف لعاد سن البلوغ الجسدي 9 سنوات؟ هل هذا منطق؟

2. بكتاب تاريخ الطبري في حديث عن عائشه انه " عندما تزوجت كنت ما زلت ألهو بال لُعَب (الدمى) وكانو صويحباتي يلعبن معي "

3. القانون الأوروبي من العصور الوسطى والمأخوذ من القوانين الرومانية بإسم Pubertas كانت تمنع الزواج والمعاشرة قبل البلوغ وكان محدد سن بداية البلوغ بين 12 و 14 (بيختلف حسب البيئة.. ببعض البيئات بيتأخر)

4. في بحثين علميين كودهم المرجعي هو (الأول 10.1002/ajhb.22761) والثاني 10.1080/00766097.2016.1147787

والبحثين بأكدو انه زمان كان البلوغ ابطأ بكثير من هسا وكان يبدأ متأخر بسن ال١٤ بالبيئات المناسبه والصحيه.. وباسوأ البيئات ١٦

محمد بيدوفيلي وبني ادم مختل ومش سليم نفسيًا.. وجاهز اجيب كمان ٤ ادلّه انه سن البلوغ ما كان ٩ سنوات مع انه الأدله يلي فوق بكفو

اعطونا اقتراحات وافكار لنكبّر الصب ونشهره اكثر

إحنا جد ناس أقوياء وضحّينا كثير!!

​خصوصًا الناس اللي تربّوا ببيوت وعائلات ملتزمة دينياً... ترك الدين ما كان مجرد "غيرت رأيي بقناعة معينة". الموضوع كان اقتلاع كامل لشيء كان جزء منا ومن هويتنا.. ​صعب جدًا تقعد مع حالك وتقنع عقلك وقلبك إنك بدك تترك "الرب" اللي كنت تعبده وتدعيه وتعتبره سندك وملجأك لما تكون حزين..

الصدمة النفسية الحقيقية لما تستوعب إنه الهدف الأسمى اللي كنت مكرّس كل حياتك، صلاتك، وجهدك عشانه—اللي هو "دخول الجنة"—طلع وهم أو كذبة.. هذا الانهيار إشي مش سهل أبدًا، وهو بالضبط السبب اللي بخلي أغلب المسلمين مستحيل يتركوا الدين حتى لو قعدت تدلهم بمليون دليل؛ لأنه العقل والقلب البشري صعب يتحمّل فكرة إنه كل تعبه وسنين عمره راحت على إشي مش حقيقي.

​أتوقع معظمنا مرت عليه هديك الأيام والتساؤلات المرعبة: "طب كيف بدي أكمل حياتي؟" "كيف بدي أتجوز؟ وين رح ألاقي حدا يقبل فيني وبأفكاري؟"
​بذكر لما كنت أصغر، كنت أفكر حالي الملحد الوحيد بالأردن! كنت بحس حالي غريب أو مختل، وهاد الشعور لوحده دمرني نفسياً وعقلياً لفترة طويلة قبل ما أكتشف إنه في ناس متلي. الشعور بالتشتت والضياع وصداع التفكير اللي بيمر فيه أي حدا ألحد جديد كثير بوجع القلب، ولأني مريت فيه، دائمًا بحزن عالملحدين جديد، بكونو متشتتين ومخهم متعبهم وداخلين عالأغلب بموجة اكتئاب صعبه

​إحنا ضحينا بالراحة، والأمان الوجودي، والمُسلّمات اللي كبرنا عليها، وبعضنا ضحى بحدود معينة مع أهله وبيئته... وكل هذا عشان نكون صادقين مع أنفسنا وبعيدين عن الوهم.

​أبوي كان دائمًا يحكيلي جملة رنانة: "إذا بدك تعيش حياة المتميزين.. لازم تضحي." وإحنا ضحينا بهويتنا يلي كانت وهم وكذب عشان نكسب الحقيقة الصعبة. ​لو إحنا ضعاف أو أغبياء كان مشينا مع القطيع وعشنا بالراحة الدينيه الزائفة.. بس احنا اخترنا الطريق الأصعب وهو طريق الحقيقه الصعبه.. القوة والذكاء هما اللي وصلونا لهون.

​تحياتي لكل شخص هون متماسك وقاعد بيبني حياته وقيمته بنفسه.. انت قوي أكثر مما بتتخيل.. ❤️

View Poll

كنت أتناقش مع أحد الأصدقاء وخبرني انه اذا ألحدت رح تنحرم من الورثة واذا كنت متزوج رح تجبرك المحكمة الشرعية تفسخ عقدك لأنه بالقانون والدين صار عقد باطل حتى لو زوجتك ما بدها تفسخ.. وحكالي كمان انه اذا كنت ملحد وانتقدت الدين ممكن تنسجن من سنة الى ٣ سنوات بتهمة التحريض على الدين !

ويلي صدمني اكثر.. انه اذا كان عندك أولاد رح تفقد الولاية او السلطه القانونية عليهم مباشرة.. يعني رح يصير عمهم هو ولي أمرهم وانت بتنكب بالزبالة وولا كأنك الك قيمة او الك اولاد 🤨

اذا حدا دارس قانون يشرحلنا اكثر ويحكيلنا شو ممكن يصير اذا شخص أعلن إلحاده

عندي مادتين مدمج ومادة وجاهي. يعني رح اداوم الخميس عشان مادة وحدة بس 😩

لازم بالصيفي الخميس عطله زي التكنو

مرحبا، انا من الأردن واجيت سياحة لفترة اسبوع..

بدي مساعدة بموضوع البطاقه البنكيه،

عندي فلوس بحسابي البنكي وبحاول اسحبهم ومش قادر وحاليا بحاجة كاش.. في حل للموضوع ولا كل ال atm متوقف؟؟ انا موجود بدمشق