u/pwrwoman_

انا طالبه وفيه شي ببالي ابي اشتريه والصدق ماودي انتظر اهلي الله يخليهم ماقصروا بشي بس ودي اعتمد على نفسي اكثر من الحين

حاولت افكر باشياء كثير زي reselling / بزنس لوح انا ارسمها بطريقتي وابيعها / عبايات (بس مستهلك مره للامانه ومتعب) / انفوجرافيك يعني تصميم لوقوز وبوسترز ومنيو مثلا

اي اقتراحات؟

اليوم كنت ماسكه مسار معين وقدامي سياره والطريق فاضي
تخيلوا انه رمى كوب بلاستيك بنص الشارع

يعني فوق انك راميها بالشارع ترميها قدام سيارتي والله قلة حيا بشكل يعني تصبر شوي و مر زباله وش استفدت الحين يا قادح يا مجنون وش استفدت غير الذنوب

وحده استحي منها وتستحي مني

نسوي ستريك وارسلت سنابه فيها حسابها الانستقرام
المهم انا ماعندي صورة pfp ببساطه لاني ما اهتم بالتطبيق

تخيلوا رحت حطيت افتار ثم ضفتها تدغدلغقنبعبتببعبوبتبتببهبمودذمبخيهلت

تيك توك حقي عام وحطيت فيه حسابي الانستا يقالك ابيه يشتهر

بس ماطولت لاني ما تحملت وشلت الغرباء وخليت مني القريبين بس بالانستا، ثم حطيت حسابي برايفت

ولي ثلاث شهور الى يومكم توصلني اشعارات فيه شخص يحاول يدخل حسابي

شخباري من باقي يحاول يهكر انستا

عندي مشكله بالقريد مفترض يتعدل من ايام الفاينل ما بقى احد بالجامعه الا وكلمته ايميل ويسلكون لي كل واحد يرميني عالثاني

المشكله م فيني حيل اروح لهم واقطع مشوار

حرفيا** محد يبي يسوي **شغله

اخوي اصغر مني وسمين سمين يعني وزنه حول ١٣٠ او اكثر شوي بس انه طويل ومملوح يعني ظالم نفسه بنفسه

المهم صاير يروح النادي هالفتره وواضح انه تأثر من اخوياه الجيم راتس الحمد لله صراحه بادي ينحف بشكل ملحوظ وانبسطت له قعدت اشجعه استمر تراك ناحف والابتسامه شاقه وجهه

مدري بس حسب كلام امي انه يتشجع و ياخذ بكلامي انا اخته بالذات مع ان علاقتنا مب مره

اما ابوي الله يخليه يعني بهذله بحياته مايقعد معنا الا يعلق على جسمه حتى اخوي صار نادر يجلس معنا واكيد لمصلحته ذا الموضوع بس اتمنى يصمل يااا رب عشان يعيش حياته ومراهقته بصحته وعافيته وواثق من نفسه

احس بحذف البوست بعدين بس بغيت اشارك

فيه مواقع او شي اعرض فيها شغلي؟ جربت اسوق بالتيك توك بس ماش مشاهداتي بالحظ

وش الفرق بينهم وكيف اتعلمهم من الصفر ضروري جدا جدا جدا

كيف اقنعه يشتري لي سياره؟؟
انا تعبت ارتبط باخواني هم مدارس وانا جامعه اضطر اروح قبل محاضراتي بساعات وتتعارض اوقات طلعتي مع اخواني والسواق رايح جاي لي ولاخواني قرووووشه

المشكله ابوي صعب
الحمد لله مايقصر معنا بس اذا طريت موضوع السياره يقمعني على طول مدري هو خايف علي مدري هو يحسبني بزر مدري

اليوم لمحت له قلت يوووه يا ابوي تصدق اوقاتي تعارض مع اخواني وبضطر اداوم معهم افففففف
وجلس يتقهوى وهو ساكتتتت مانطق ولا حرف احسه فهم بس مايبي

ياخي انا راضيه لو مستعمل ومب لازم الحين بس ابي ادخل الفكره براسه

وانا اسوق ومعي رخصه بس اخذ سيارة امي ومب على كيفي اخذها متى ما ابي

حتى امي واخوي الصغير قالوا له ورا ماتشتري لها سياره قال وليه اشتري لها ماتحتاج.

كيف اقنعه اني احتاج؟ الصدق ارتعد اذا جيت اجيب الطاري الموضوع

مع اني اخربط باكلي بس اسوي مقاومه مره مرتين وما اطول الصدق

لكن فرققققق بشكل حرفيا مدري وش بطلع لو التزمت باكلي اكثر

الموضوع سهل ولا متعب؟ خاصه ان خلاص انا ماعندي اوف ابد حتى بالسنوات الجايه يعني حرفيا كل يوم اداوم

عندي خيارين

الخيار الاول : احاول اقنع ابوي يشتري لي سياره لو مستعمله واصير كل يوم اودي نفسي الجامعه واتعب نفسيا من الطريق ومن الحر بالرجعه،** الطريق تقريبا يبعد نص ساعه روحه **وجيه

الخيار الثاني : يوديني سواق البيت بس اروح مع اخواني الصغار حقين المدارس وارتبط بهم واضطر اطلع بدري عشان ما أأخرهم

مدري محتاره بشكل

ساعات اقول مالي خلق ارتبط فيهم واقوم بدري واتنكد وانا دوامي بعدهم بساعتين، وساعات اقول اهون من اني اسوق كل يوم لان احس الموضوع متعب نفسيا ولا انا مبالغه؟

شفت المازدا 3 واحسها زينه و ابي ادور زياده

اي اقتراحات؟