u/spider_02s

ببداية الصورتين ما تتوقع ان فيه مطر والجو صافي بعد ، الصور كلها صوّرتهم أمس ما عدا آخر صورتين صوّرتهم قبل ساعة تقريباً

الصورة الأخيرة صوّرت شكل جبل لكنه بالحقيقة بركان 🌋 ، ناوي أتسلقه قريب ان شاءالله

الصدق تحمست أحط واحد كذا قدام التلفزيون واتفرج وامشي بنفس الوقت ، ابغى للمشي بس مو لازم ركض

بعد الصورة الأخيرة أختي الصغيرة قرصت ظهري وطردتني برا المحل تقول وش جابك عند أشياء البنات؟!

كنت أصحى الفجر يومياً وأمشي من الساعة ٦:٠٠ حتى ٧:٠٠ والشمس تشرق ٦:٣٠ وتبدأ تأثر ، يعني كنت أتعرض للأشعة نصف ساعة يومياً ، وبعدها بفترة الوالدة شافتني وقالت خلاص لا تطلع في الشمس صرت أسود ،
وقابلت واحد بعدها وقال 👨🏻‍🌾: مبروووكك
👨🏿 : الله يبارك فيك بس على ايش؟
👨🏻‍🌾 : على التخرج
👨🏿 : أي تخرّج؟
👨🏻‍🌾 : ما دخلت دوره عسكريه؟
👨🏿 : لا يا رجال
👨🏻‍🌾 : أجل وراك محروق كذا؟
👨🏿 : هههههه كنت أمشي يومياً بالشمس

u/MoneyCover7364

الدجاج فنان قيمته 14.5 ريال يمديك تشتريه وتسوي لك اثنين او ثلاث سندويشات شاورما بدل لا تاخذ من مطعم شاورما واحد بـ١٠ ريال.

الطعم لذيذ جداً بالنسبة لي وأحسن من حق المطاعم ويشبه صدور الدجاج اللي تسويه بنفسك بس الفرق بالبهارات.

إذا جيت تحطه على طاوه حاميه حط زيت او زيت زيتون كميه بسيطه ، أنا غلطت وكثرت زيت زيتون وخرّب شوي على الدجاج بس باقي لذيذ ، البهارات وريحة الدجاج ممتاز جداً.

ما ادري وش أقيم بالضبط بس بقيّم الشكل والطعم

الشكل ١٠/٦ لأن يمديك تسويه بطريقة أفضل من اللي أنا سويته

الطعم ١٠/١٠ ولذيذ جداً بالنسبة لي بالرغم من اني جبت العيد شوي

التقييم النهائي ١٠/٩