u/Actual_Cod_9161

انا من المعادي ، ايه الاماكن الي ممكن اروحها + سعر كويس تكون هدوم مش عرسان الجنه و خامه حلوه

كنت بكلم واحد صاحبي امبارح و حكيتله عن شغلي و عن مرتبي و عن جامعتي و عن القبول و عن كل حاجه حرفيا و هوا محكاش حاجه يعتبر و بعد ما خلصت حاسس بالندم لان حاسس ان حكيت حاجات مينفعش تتقال خصوصا أن بخاف من الحسد و الحقد مش بقول أن صحبي كدا بس حسيت بنظرات مش كويسه منه و حاسس لو داريت علي شمعتي كان احسن

الناس الي حد يكون بيفضفض و تدخل تدعيلها انها تكون احسن و ربنا يفتح عليهم و يكرمهم بجد حاسس ان الناس دول طيبين جدا يعني هوا كان ممكن ميهتمش اصلا و انت مش بينك و بينه حاجه عشان يدعيلك

سؤال للتفكير بما اني بكره فكره اني اكون مستهلك بس ازاي الواحد يحول الكتب لمشاريع او يعمل بيها مقالات او ينتج شيئ بشكل عام بعيدا عن مجرد القراءه و الاستهلاك

كيف يتحول النص و افكاره من المكتوب الي الواقع

هل شايف ان قرارات الوزير ذات نفسها موضوعيا غلط زي ان الامتحان يبقي مقالي ام ان المشكله فينا احنا ان احنا شعب بيستسهل و عايز يجمع درجات و خلاص و كدا المقالي هيبين الفاهم من الي مبصمج ام المشكله في النظام ان الثانويه لعبه تجميع درجات و خلاص

طب بصو يا جماعه انا عندي 19 بس حرفيا مخرجتش في حياتي غير كام خروجه معدوده و كدا و المهم اني حاسس اني غبي مؤخرا

انا في البيت بعمل قهوه عادي يعني قهوه و لبن و اسخنها و احلي قهوه بوش بشربها ... المهم! لما جيت كنت في خروجه و عدينا من جنب كوفي شوب مشهور و الباريستا سالني تشرب ايه انا قولتله قهوه عاديه و ناس حواليا بتقول حاجات غريبه كدا و انا نفسي فعلا اجرب الحاجات دي بس هما مش حاطين حتي منيو يعني انا اعرف منين اسم القهوه العجيبه دي !!

و حتي القهوه العاديه مبيفهمشنيش علي طول

و هكذا بقي يعني بحس اني معرفش حاجات كتيره عن الاكل و الخروجات و كدا اي الحل عشان حاسسني متوحد

ادخل انهي و ليه ، انا حابب القبه و القاهره و كدا بس بيتقال انها اصعب و معنديش سبب منطقي لدخولها

هدفي قسم علوم حاسب

انا بفتح اكتر من ابلكيشن الاقي ناس صحابي اخر ظهور ليهم كانو اونلاين من 8 و 9 ساعات بينما انا عمال اقلب بين التطبيقات دي مش ورايا حاجه اعملها، عايز اعرف الناس بتعمل ايه عشان حاسس اني معطيها وضعيه العواطليه و المحزن اني قدمت علي شغل كول سنتر و اتقبلت بس اكتشفت ان مش هينفع مع الكليه الي هدخلها كمان شهر دي فمش عارف اعمل ايعههههه

انا اتقبلت في TP بس مكملتش البروسيس لان مش هعرف التزم و محتاج شغل فتره الاجازه دي بس لشهر كده حاجه مؤقته

بالمختصر المفيد عندي 19 - خلصت ثانويه عامه و النتيجه الي مستنيها مش احسن حاجه - الاجازه قبل الجامعه شهرين عايز استغلها - الانجليزي B2

الي حاولت اسعي فيه : قدمت علي كول سنتر قالولي ان مفيش شغل للundergrads دلوقتي و ناس تانية عملولي ghosting

دلوقتي عايز اعرف اعمل ايه في الاجازه عندي شوية اختيارات و اه محتاج اعمل حاجه عشان مسبش نفسي لدماغي و الا هخرب حياتي

اولا فكرت في اني ابداء اجيب ماتيرال الكلية الي هخشها في سنه اولي و اقعد اذاكره

او اخد كورس الماني

او اخد كورس تاني هيفدني بعدين

او احفظ قرأن

او تقديم علي كول سنتر و ابراكتس الانجليزي اكتر

او ادرس حاليا علوم شرعيه

ممكن حد يقول اعمل كله مع بعض بس مشكلتي ان مبعرفش اركز مع اكتر من حاجه خصوصا اني ضيعت فرصه شغل عشان مكنتش متابع تلفوني حد رن عليا و بعتلي علي الواتس و انا كنت رامي التلفون عشان مركز مع كورس تاني و التلفون كان صامت انا بعتله تاني بس كان بعدها بساعات و الاتش ار فكسلي و مردش عليا

حاجه تانيه هو ان مشكلتي ذاكرتي ضعيفه فبنسي بسرعه لو مفضلتش مكمل مع الحاجه الي بتعلمها فخايف اتعلم حاجه و انساها او اضطر افضل مديها كل وقتي و دا يأثر علي حاجه تانيه فكنت بحاول اشوف احسن اختيار يكون ال maintenance بتاعته قليله و اقدر احافظ عليه كمهاره و كدا

و مع الذكر ان لو عليا انا عايز اعمل كل دول بس للاسف يعني قوايا العقليه علي قدي ، رامات مخي مش هتستحمل كل ده

في اختيار كمان مش حابه هو اني اريح مخي و اسيب نفسي للتعفن الدماغي لحد ما ادخل جامعه و خلاص بس المشكله ابويا برضو مش سايبني في حالي من ساعه ما خلصت و محسسني اني كأني مخلف عيلين و هوا بيصرف عليهم

ليه حاسس ان كلو عايز يتأسس بس مشفتش حد وصل لانه تمكن من البدايات ، فعندي سؤال الاساسيات الي هي precalc algebra geometry الحاجات دي تاخد كام وقت بشكل تقريبي

يعني لو شخص بيذاكر 4 ساعات يوميا ، الاساسيات تاخد منه قد ايه تقريبيا؟

يومي عباره عن انه زي ما تيجي تيجي ، مفيش روتين لاي حاجه بصحي في اوقات مختلفه كل يوم و باكل في اوقات مختلفه و بعمل الي يجي في سكتي ممكن يكون حاجه قرائتها علي النت بالصدقه ، بس مفيش نظام و حاسس بالاكتئاب من الحوار ده عايز انظم يومي شويه ، اعمل ايه

فيه ناس بتقابلها بتقول تعبيرات او تشبيهات غريبه يعني كنت اعرف حد بعد ما راح الملاهي رجع يقولي حاسس اني جسمي متفكك زي المكعبات الليجو ومكسر و هوا تشبيه غريب بس جامد و شوفت بوست واحد بيحاول يقنع واحد يشتغل بمرتب ضعيف و بيقوله خليك بس و هتاكل بدل العيش كرواسون ده عجبني برضه

شاركوني الحاجات الي زي كده

ابويا هوا دايما شخصية تحكميه و كمان امي و من زمان بيقولولي انت بس تسمع الكلام انا المسؤول هنا و مفيش حاحه اسمها حرية شخصيه و مطلعين عليا لقب اني عنيد و عاصي لأهلي و مش كويس و من الاخر ابويا جاي يقولي فضيلي نفسك عشان هقعد اخططلك حياتك خخخ انا عندي 19 سنه هوا مش عايز يساعد هوا لا بالنسباله انت تعمل كذا و كذا و مش بياخد رأي و لما جربت قبل كدا اقعد اتكلم معاه حسسني اني اهبل و بقول اي كلام و رايي ملوش لازمه و هوا بصراحه يفقع المراره انتقاد علي كل حاجه ، انت سايب الشاحن في الحيطه ليه انت قاعد كدا ليه انت مبتعملش ليه انت انت انت ، انا اتبضنت بجد و هوا مش بيرحم

و يقعد يقولي انت عندك تخلف عقلي و نظام حياتك فاشله و لازم تسمع كلامي و مش هتوصل لحاجه و معندهمش طموح و دايما عايزني ارضي بالقليل و دايما خوف من الناس و هوا شخصيه فظه جدا ممكن يعمل دوشه في البيت كله و صريخ و زعيق و يكسر و يشتمنا

و في يوم كنت عايز اقفل باب لوضتي من كتر الدوشه وعايز اكلم صاحبي حرفيا مفيش خصوصيه راح داخل مكسر الباب و فاتحه علي اخره وانا بكلم صاحبي و كل صوت البيت و فضايح طالعه في المكالمه و يقولي مفيش بيبان تتقفل هنا و زعيق

انا تعبت

يعني حتي صحاب الدروس و المدرسه و حتي الناس الي هنا علي صب، كلنا كنا بنصيح علي قلب رجل واحد، كلو هيتفرق و يشوف طريقه

هوا الحياه ليه ضيقه كده ، انا زهقت حاسس ان كل حاجه بقت بتلف حوالين قصص علاقات فاشله و البكاء علي المحبوبه و بين اهل مرضي نفسين بيجلدو ولادهم

فين قصص خالي الي بيحاول يسافر ليبيا و يهرب عربيه بوجاتي مصر و قصص الي بيحاولو يحررو فلسطين او الي رايح جزيره ابستين او حد بيحاول يعمل مصنع سلاح او اي حاجه فيها ساسبنس

الحياه بقت ممله كده ليه طيب مش عايز احس اني عايش فار في دولاب دوار بيلف في نفس الملل ده يعني اخرتها شغل من ٩ ل٥ و جواز و عيال و بعدين اطلع علي المعاش و اموت طيب

عندي مشكله غريبه و هو اني فجأه بتجيني افكار مؤلمه زي تخيل اني شراين ايدي بتنفجر او ان جمجمتي بتتكسر و الاعصاب الي في رقبتي بتتقطع و طبعا بحس بقشعريره غريبه و الم نفسي جوايا و حاجات زي كدا افكار سوداويه و مش عارف اعمل ايه او ايه سببها

معيش فلوس اروح لدكتور نفسي فمش عارف اعمل ايه